今日係我最後一次的學校旅行，我早上一早番到去，點知見到ｄ都係低年級，果個都係著體育服，得我一個著便服，

ｄ低年級望實晒囉，我諗緊係我早左番定佢地諗緊俾著得便服咩？？我果時有ｄ淆淆地，之後我入左更衣室等人番，

八點等到八點幾，終於等到幾個同級又識既同學啦（鬼：thanks God ）到左九點幾上車，點知可兒飛的過緊黎，

唉........好彩係可兒要我地等，如果係其他人......哼（鬼：自行想像下埸會幾慘），搭車果陣又有人叫我一齊玩ＧＶＧ（謎：高達ＶＳ

高達ＰＳＰ）開左埸又叫吾玩，關機果陣又叫番我開埸玩，馬上火起，講左果粗口『吾Ｘ玩呀∼Ｘ頭』（謎：句子內容自行想像）

之後俾阿ＳＩＲ聽到超大鑊，好彩係中文阿ＳＩＲ吾同我計，話左我兩句就放左我去燒野食，燒野食同左果傻仔一齊，心情差到

爆，叫佢走又吾走，忍不住真係開拖『做』佢（謎：因某字太暴力，所以用左果『做』字代替），

不過基於本少爺係斯文人同阿ＳＩＲ睇實，所以冇咁做（鬼：本人..吾..吾係...冇膽膽！！謎：係就係啦，講野都疾下疾下∼）

好似扯開左果話題，跟住我地好正常燒野食，我一開頭燒左兩隻雞翼，兩個芝士腸同兩個吾知明既丸，不過都俾人分晒（鬼：兩隻

雞翼係某小姐叫我燒俾佢食既，不過吾知佢有冇食呀，隻雞翼燒得好靚），到左我好朋友加好機友『王子』燒帶子，我先食左野

可憐囉（謎：活該的∼∼鬼：好毒呀＼．／），食下野燒下野，見無聊同左果『好』同學夾錢買左幅啤牌，玩左三四埸，我就走黎

走去，四處搵野玩，走左女仔堆到借爐燒野食，又『偷拍』（鬼：大家不要想歪，偷拍係指偷偷地影人相）我影左熊仔，阿文，

ＪＯ兒，霍仔，雞蛋，羊小姐『阿咩』，呂寶同小燊（讀音：新）我都係人地叫我同佢影相，搞到我都想影人地，本少爺冇錯．．

講番今日燒左Ｄ咩，有魚蛋，腸仔（鬼：一條腸都冇食到呀，俾Ｄ所謂『好同學』既人食晒＼．／），芝士腸，龍蝦丸，雞翼，牛

排，帶子（王子私家野）同一Ｄ睇吾出係咩既肉類，燒左幾果鐘野食，我又無所事事去左睇人打桌球，好熱鬧啦∼∼∼∼∼

同埋好熱呀－３－。有好多人搵我影相同我搵左多人影相，平時我吾會同人影，不過呢次係我地班最後一次旅行，所以我同佢地影

左相，可能大過左之後，我可以睇番Ｄ相做一個回憶。

燒下玩下影下，好快就兩點幾，我地班有幾個吾諗住留低燒野食，所以走左，包括本人，我地全班人走左ＯＫ遠，終於走到巴士站

，我係走既途中，條褲係咁甩，我原本想著『瀨屎褲』，點知我冇帶皮帶就搞到變左嚴重『瀨屎褲』（行幾步要拉一拉），

超煩！！（鬼：嚴重警告睇緊既人吾好笑．．．．如果吾係我就∼∼∼謎：你就咩呀　鬼：我就．．．．．．．．．冇野）跟住

同左ＪＯ兒，呂寶，盧盧，芒果，霍仔，雞蛋，火雞搭車去眾安街，落左車冇幾耐，ＪＯ兒，呂寶同芒果要去荃灣，我同霍仔雞蛋

係商埸入面行左一果鐘街，之後去左搭４１Ｍ番屋企，咁岩又撞到阿咩，同左佢地一齊搭番屋企，忙忙碌碌的一日又過啦∼∼∼∼

（我係寫日誌時，係到諗我地成班人畢業之後會點，會考吾夠分原校升又會點，我地會吾會以後冇機會再見，我出黎做野果時會吾

會識Ｄ新朋友而忘記以前既好朋友同好同學，唉．．．．．『人被時間一直推進，我們不能往後走，因為過去的，已成回憶了』）

（注意注意：第十一行夾錢買既啤牌的行蹤，已經下落不明，好似見過其他班既人玩過下，之後就吾知啦！！！主動同我影相既係

可兒小姐，ＪＯ兒小姐，同一隻類似羊既動物『阿咩』，吾知Ｄ相影得我靚吾靚仔呢，快Ｄ ＯＮ ＭＳＮ俾我睇下！！！）