今日諗住去見四份工,不過有一份太早啦,9點半要出到葵涌,而且都未必會請添,機會好細,之後有份倉務,不過有另一份係暑假工,所以決定左去見份暑期,另外有兩份都係倉務文員,睇黎文員請我既機會都唔大,so費事晒車錢去見~

去左銀座既珊瑚堡見侍應,等消息,之後出發見份暑期工,估唔到份工就係荃灣西西鐵站隔離,如果佢請我,我就可以日日都亞琴返工放工了~份工請既機會都幾大,in我個人都話佢地好需要人手!!$250日,都ok既~in我個人問我將來做d咩喎~希望我考唔到u佢可以請我做文員啦~

in完都3點,之後搭小巴去荃灣新之城打頭D!打多成個鐘,之後返去坐西鐵轉巴士出旺角,行左一陣買左杯芒果豆腐花西米露同勁多麵粉既魷魚鬚,好好味!差不多就出去荃灣西搵琴lu~之後又去返新之城打機,唔知點解我地打既機都有人入左一蚊落去,奇怪~

打完之後都7點半了~即趕回朗屏,不過西鐵係勁快,3個字就到,係天橋撞到何軒同張洪源,因為一早約左佢地打波,亞到突然行得好快,話自己返去先...

then同佢地去鐘聲打,同班飛仔打波,勁唔緊,又要玩and1,唔夠打又出埋d cheap招,最討厭同呢d人打,成場都係出左1成力打,當然係lost啦~11點返屋企了~

今日聽亞媽講,話有一個女仔升到u,佢男朋友升唔到,之後個男仔自卑同個女仔提出分手,個女仔唔肯,最後自殺了,之後又講老姑個仔又係咁,不過又結左婚生埋仔,九龍妗個女又係咁喎,個男仔無咩本事,拍左2十幾年拖,由小學開始拍=.=呆左,依家咪又係好好~其實真心鍾意一個人,都唔應該去計d咩野,固然男仔一定唔可以唔長進,但係女仔叻過佢唔通就要分手咩,所以作為一個男仔,就係要不斷奮鬥!打出自己既大路!