| «‹ October 2027 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2009 年 5 月 13 日 星期三  |
二十三,不再是少年  |
分類: 未分類 |
好耐都無打日記,今日睇套<<巾幗梟雄>>裏面講個老爺有寫手札既習慣,俾人睇返佢以前d野,不過都唔知係好定係壞啦~
講起今日,同大c兄下晝去左ok買汽水,$10.9四罐,抵呀,見出面咁熱,咪係ok吹水涼冷氣,講起二十三歲仔,已經唔再係小朋友,中學生,受保護既動物,所以有時老積d講句,二十五歲仔仲成日以為自己好細個,又話想要一個好女仔,其實好多野係咪應該要求自己做左好先呢,我一直以黎都係本著呢個心態去做人,以前俾人話我成日淨係識怨天怨地,依家我明白到每樣野由自己由基本行出黎既路,先係有前路!
臨收工,收到西門一個電話,中招,收少左成六百幾蚊星紙既吊櫃費,終於都爆左一單勁野,無得怨話人地唔建檔,亦都無得怪邊個check唔到,怪就怪自己做既時候無睇清楚啦~所以我成日都要求自己提升能力,唔止工作,係成個人既知識同文化~
可能人地見我對d女仔有時呼呼喝喝,其實我都係保護自己,可能受傷一次,傷口太深,自己對女性有所戒備,人地話,越自俾,越表現出自己唔係自俾,怕俾人發現自己既真面目,所以,我都係咁既人,或者有一日我對一個女仔好既時候,就係我既真目,不過暫時黎講,我都搞唔清幾時係真面目,我其實依家對公司既一個女同事叫做好啦,不過都係同以前我對女仔既態度差好遠,可能我都係受到傷害~
夜晚努力咁send cv搵工,唔想再係nevergreen做一個無腦既計價白痴仔,公司成日用萬幾請d人廢人黎打單,我得8000仲要做埋人地嗰份,最討厭一個人講野:做好自己本份,咪理人地,我最想知乜叫本份,做好自己本份,點解要做埋人地嗰份,人地能力低,唔代表要幫人,一次ok,兩次都仲可以,俾夠三次,莫非,要一個人工低既幫人工高既做埋佢d野,講極都唔通啦,記住,你唔係高級過我,所以,我只會知道自己一定走,今日師奶同事問我點解係咁笑,其實,係掩飾內心嗰種不滿~
依家,不斷反覆自己既路,呢個月勁辛苦,三個project,功課,test,6月頭就考試,坦白講,日抖返工,夜晚返學,功課又多,仲要搞埋自己既網上生意,真係好辛苦,其實,有邊個會知,其實,俾人知黎做乜,辛苦,無人想知,只係想知道你既成功...
|
| 2008 年 12 月 11 日 星期四 |
平靜日  |
分類: 未分類 |
今天工作十分沈悶,上司們(垃圾)去左開會,成朝係咁上網,股票呀,forum呀,msn呀,無野做真係悶死.....做到唔想再做,d上司(垃圾)開左成四個鐘會,莫非討論緊炒人事宜!
下晝極速做單!三點夠收,坐到5半收工!
今日似乎諗通左d野,同個女仔,好似無左feel,所以尋晚諗一連串追佢既q,都唔想用,可能仲放唔低以前嗰個,shit,我個人有無咁好記性呀!!
錢....唉...好煩,無錢,乜都做唔到! |
| 2008 年 12 月 10 日 星期三 |
日日如是  |
分類: 未分類 |
耐唔耐打下日記啦~唔好浪費左個blog!
公司係經濟環境差之下做埋d無聊低能野,check舊單...就=做past paper,家下又唔係讀書---無聊一,上堂,測驗,之後俾personnel做record,返學咩大佬,我黎做野架,講既係工作能力,你估你係一間大學咩----無聊二,請左個廢人返黎掌權,乜都唔識,好心你得罪左個老細就自己走啦,仲係度獻世,咪以為有大後台先得架,一言既之曰:垃圾公司!
最近個市係咁升,有無可能呀,經濟都未好返,而且仲未到最衰,擺明玩野啦,搞到我入都無得入呀!依家學識冷靜,要有耐性!
坦白講,唔係我做搞屎棍,係兩個人經唔起考驗,加上大家都係講笑,一開始係講我先,咁我咪講返你,你咁介意既,我唯有講句sorry!
有乜理由舊生交8000,新生交14000!話,點講我地讀書比佢地叻,好明顯係咎由自取,中五,中六,中七,我地都有付出架喎!shit=.=凸
追女很煩,一個會同net fd出去食飯,啱啱同男友散既人,鍾意飲酒,會唔會係我個思緒有d問題feel錯,要盡快整熄團火! |
再來  |
分類: 未分類 |
尋日打完八號波,仲諗住今日可以頂到下晝,最後都係改返三號....
無再搭西鐵,以前為左想撞到佢,先至咁辛苦都搭西鐵,但睇黎都唔會再咁做,巴士一程過真係舒服~
垃圾印度佬!無腦...就好似d同事咁,無腦人工都高過我,真係要檢討!講緊我自己!
放工又閃返學,依家係金鐘搭返去中環,再由中環坐返轉頭,全程瞓!(以前點解諗唔到呢招,超低能!呀我!)
一個人搵野食,家下差唔多日日都要返學,為左廢事咁夜先食,晚晚食埋飯先返學,條數都幾溶下....
今日上車見到蛇仔明,多口問句,先至佢散左.....
黎緊唔頹得!頂住上! |
| 2008 年 7 月 5 日 星期六 |
| 面試講座日 |
分類: 未分類 |
今日,要返工...
前日約左志豪今日去聽一個關於有意從事金融既talk show!
全程d專業人仕都講得好悶...有個環節係一個做左3年金融既人分享,講野既快又無窒,真係從心打出來,勁服!不愧係kong u既學生!
到左李燦榮講,睇佢以前係無線講新聞同依家個樣真係差好遠!全程最有吸引力,都係佢個環節啦!佢教路面試有三大技巧,加減乘除,i am,i can,i will,仲有就係儀表!
哈,睇黎我都需要! |
| 2008 年 7 月 1 日 星期二 |
九龍城  |
分類: 未分類 |
7月1號唔洗返工,點解咁講,因為做緊公司,假期都要輪住返,好鬼無癮,唔講呢d住!
今日瞓到成12點先起身,精神唔錯,之後好有衝勁咁想出街行(最近迷上左鹿鼎記既雙兒---何琢言,見佢個blog post左好多好有活力既相,我都唔想再頹落去!佢細我兩年!估唔到我年紀已經有返咁上下啦!)
首選左尖沙咀,去左uniqe睇左先,我依家鍾意著返d T-shirt,可能平時成日著suit返工,想著得輕微d(以前成日想著得隆重d出街,因為想吸引異性!),之但係可惜未出糧,唯有忍住先,下次有機會或者手頭鬆動先買(呢個月要儲錢交學費!!)
行行下突然想到九龍城,都有成7~8年無去過,決定打電話俾甲加問路!1A搖呀搖,都用左成半個鐘先到....一落車,差D行錯路,好在部手機有地圖(平時都無乜點理部手機,估唔到佢咁有用!)
踏入九龍城領域,有一種舒服輕鬆既感覺,回想起以前小學既時候,亞爸差唔多個個星期六或者日都會載一家人黎,話貪方便有車位泊MA!
先搵一間食豆花!正,又平又好食又多!每人食廿蚊豆製食品已經飽!
之後行九龍城寨,嗰度真係好有古代FEEL,可能係啱啱睇完鹿鼎記啦!見到D草花園,成個人舒服晒!
九龍城廣場竟然無人行,好似閒日咁....有無搞錯,我真係'鄧'D鋪主慘....以前都無咁少人架!
以前成個區都係潮州人,依家俾泰國菜館進駐左....由於間間都人多勢眾,原本諗住係九龍城食野既念頭都打消左,最後係一日餐廳搞掂就算!
無車直接返屋企,揀左搭車去屯門西鐵站再轉車....
明天上班去.... |
| 2008 年 4 月 14 日 星期一 |
| 2008-04-14 |
分類: 未分類 |
星期六同星期日,真係係屋企hea....有兩日無出街...只係星期六晚同細佬去街市買餸,原本係去餐廳食,不過亞媽話煮喎,咁就唯有煮囉~
星期日,真係無出過街,打機....
星期一....2500字既project功課...未做過...最後,係公司摶命,可惜,d單同我摶命,無時間...返到學校,係咁做,突然聽到:下星期交\"/凸可怒耶!!
都好,慢慢返屋企再做,話晒佔整體20%!好重要!
同學們,每個人都有自己輝煌成績,而我,只是原地踏步,究竟,一個人,獨立的力量是那麼強嗎? |
| 2008 年 4 月 11 日 星期五 |
| 2008-04-11 |
分類: 未分類 |
又成個星期無打日記了~最近一個星期十分疲累,天天晚上回來也不想打字(忙著玩psp),總括一個星期的事吧~
星期六----
早上要上班,經過清明節的操勞,早上簡直就是沒靈魂般工作,好不容易到了放工時候!卻要等一位舊同事一同食午膳(中四的時做暑期工認識的,計上來也認識了快6年了~時間過得真快,想當年大家只是學生,玩著玩著的,今天大家也是穿起西裝在灣仔的上班一族!)他介紹我同舊墟那邊的一間出名牛肉餅面店,叫了一位坑腩河,其實不知是什麼來的,原本是牛腩,但不知是那一個部份,但確實很好吃,又便宜,可惜離公司太遠,若果不是,真是'抵食夾大件'!失去雙親的他,只是大我數年,他,有一種令人很想和他做朋友的吸引力!
下午,約了傑看'三國之見龍御甲',雖然所說的和正史及三國演義大有出入,但所說的令人感動,淚水在眼邊滾來滾去流不出來,強忍著,大家在一起時,年輕有力的時候,確實最開心不過,想做什麼也能,老的時候,只能看到以前的自己,現在只能站在一旁,成為主角永遠都是最讓人興奮不已,'寧下下人負我,莫我負天下人',成為勝利者,仁德,也許會成為障礙,但想名留青史,抑或把勝利實現,也只有自己去選擇~
晚上,很想到gary的生日派對,原因很簡單,認識辣妹,而且人一生參加這些派對,也可以說是經驗~可惜,真是累得很...也不想通宵作樂,現在感覺很討厭!到早上,時間顛倒了,不想和從前上班一樣,真是很辛苦!加上消費很貴.....
星期日----
原本打算溫書,星期一要management project test,可惜,又做一些無聊事情,晚上約了何軒打籃球,整天也沒吃飯,根本無力....看到亞肥,其實到現在還很怕見到他車上會有他的'兒子'及前妻,畢竟,以前的他,常常被我撞破,只是我不說出來,免兩老又嘈吵...因此我對他的態度是十分不屑,即使媽如何說他辛勞,我也只說是他自找的!
星期一----
整天都無精打彩地做單,掂掛著test...最後都是考天才了....
星期二----
媽不在家,和弟弟晚上到日本餐廳....很貴....
星期三----
魚生出事,拉肚子....病假.....下午五時才看醫生,整天也沒怎吃飯,手腳無力,震著看醫生...之後,不斷吃,體力補充!先到味太郎吃餃子雞扒飯,再到小食店光顧炸薯寶雞軟骨!
星期四----
和小五原本到ubique買衣服,可惜....款式不行....
今天----
整天也玩travian,開戰了,俾人攻打得很慘...回氣中,整天看著防止俾人攻打,很花時間,沒心情工作....一個人看四個a/c,很吃力...突然收到kipp電話,cherry生日,晚上吃飯~很有學生時候的感覺~和他們,覺得很舒服,他們現在是我ive的同學~
最近新聞報導副學士問題,其實,突然想到她,其實,是不是逃避社會,坦白說,家庭環境不好,為了自己而作出自私的行為,要父母承擔龐大的費用,很慘嗎?那麼現在自己掙錢自己交學費,早上上班,晚上上學,難道所承受的是會比人少嗎?不要只指罵政府欺騙你們,是你們沒志氣而已,只是怨政府不給予資助,制度歧視...自力更生吧 |
2008 年 4 月 4 日 星期五  |
| 2008-04-04 |
分類: 未分類 |
清明時節要返工,拍住廢柴氣要谷!
ototot....成8點放...無非拍住d廢柴返工,呢下梗要submit ot啦!今晚姑媽黎左我地屋企作客!夜晚嗰餐食得好少...因為係公司食左m記...
今日有個印尼人打電話黎,講普通話!哈,幾正音!不過講講下唔係公司,講左佢個背景:家鄉係新加坡附近,所有收到普通話電影台~清明節只會拜朝早,下晝就無人會再拜~依家出左黎住,無乜機會再睇電視~其實我一直都想做呢d職位,同個客講電話!
下晝成班人去左飲茶,金灣間野真係好平,食到有8成飽都係每人$28咋!
今晚個gathering又取消左....呢班人真係,成日突然話取消,完全無plan過,'下次唔出現罰一百',去左真係唔見百幾啦(唱k貴呀),唔去lu~
公司準備大地震,無所謂啦,我又唔係未試過,加上我既目標又唔係呢間公司,調我去一個清閒既部門仲好,可以做多d自己野!
日日都咁眼瞓,聽晚仲話去人地個party,到時去到瞓左都唔知....又要破費呢!!! |
2008 年 4 月 1 日 星期二  |
| 2008-04-01 |
分類: 未分類 |
今晚聽到亞媽話鄉下個表妹已經結左婚準備生仔!!呢個表妹我暗戀左好耐架啦,真係出得廳堂入得廚房嗰隻,咪以為佢係乜野大小姐,佢屋企真係窮到餐餐食粥水,仲要養兩隻豬係屋企,出去耕田!不過佢個樣真係靚,又溫柔,咁就無左.....哈,如果我真係同佢一齊,我諗公公第一個激死啦!
今晚原本唔洗返學,不過補返尋晚無堂,返到學校,不斷講笑玩黎玩去,就好似返到以前中學咁,當個亞SIR係死,快樂不知時日過,平時好痛苦咁捱一個鐘,但今次快到已經落左堂,真係快到呢!
今日第一日縛返個鉛包係對腳度,練一練返舊腳瓜出黎,係趕時間既時候我諗係最可以練到,不過有一樣野不得不提,唔知係咪用力行路既關係,令到全身都覺得好似跑步咁,去廁所嗰下特別暢順喎!
係公司我已經唔想再多講野,原本覺得好天真好善良既人,竟然係滿心詐騙既人!唔聲唔聲嗰D,先至係善良!哈,咁講法,我咪係詐騙個人!!對!!
|
1 | 2 | 3 | 4 | 5 | 6 | 7 | 8 | 9 | 10 | ... | 16 | »
|
|
