| «‹ October 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2007 年 4 月 11 日 星期三  |
元朗  |
分類: 未分類 |
十點起身就打部NDS,又應援團又POKEMON,打左成朝都無話肚餓,最後俾亞媽係咁鬧話'淨係打機就飽既,你地可以同我講,我就唔理你地'....
之後唯有收機,成家人落左去元朗喜上嘉飲茶,我有全月通自己搭車落去先,佢地就坐亞爸車,不過亞爸架車爆軚,所以整完之後我已經係酒樓等左成半個鐘了!
間野都無咩話好食,黎黎去去都係嗰D野,我都無咩心機食,拎起部機又打囉!
食完同細佬返屋企,佢成個假期都無做功課同溫書,唔俾佢走圍去!我自己呢~就約左傑落元朗行~
4點幾係朗屏西鐵站搵佢,之後行去元朗廣場,去左天橋底間駿皇食,今次我又叫D沙律餐,不過好似又係打電話叫隔離間鋪整....
同傑去左元朗廣場,再過千色,最後行左成個幾鐘就送佢去搭小巴走人~
係去大埔小巴既附近有幾間賣串燒既鋪頭,我又忍唔住買左串雞黎食,諗返起以前係中三大埔讀書既時候日日為左慳兩個幾錢坐無冷氣既64K,之後係恒香個站落車轉巴士入天水圍,每次都會買返串司華力腸或者串燒黎食(個成本仲貴過搭火車轉巴士=.=)...
又再次搭761P回家了~
夜晚,我好努力咁玩POKEMON!
同肥婆又吹水吹到成點先瞓=.=...
|
| 2007 年 4 月 10 日 星期二 |
| 東門烤羊天~ |
分類: 未分類 |
一早就起左身,之後發呆,11點幾同亞媽一齊返大陸寄野,好耐都未試過係羅湖過關了~
好快咁搞掂晒D野就去左僑社飲茶,不過無咩啱食,D價錢又同香港差不多,但食得好飽~
過左去搵契爺一家人,不過好鬼悶,ONLY睇住契哥打機玩POKEMON,係電腦玩,睇到我瞓著左...
過左去東門行街,不斷搵野食!又串燒又粉,不過碗酸辣粉我只係食左十分之一,本身好飽,加上我個鼻敏感未好返,邊食邊流..丌好刺脷,因為好辣!頂唔順野飲!去左間叫黃振龍既野買椰子汁!
之後再係太陽廣場逛逛,內地D Levi's同香港差唔多價,太貴了!(不過我自己係香港都買左三條成$2000=.=")
邊行邊左好多野,講左好多心裡話,個人好舒服!
6點幾返歸,同契爺一家去左間新疆人開既餐館,d野食都ok既,不過唔啱我口味...仲有新疆舞睇,但坐得太前d音響太勁震到隻耳就裂咁...
食到8點幾就走人返羅湖lu~
契爺車我地係的士站門口(佢行錯左路=.=)停,塞住晒個門口,d的士係咁響鞍...不過契爺當佢地無道,我地當然唔好意思咁極快落車閃人啦,大陸前輩講面子唔話得ma=.=我諗係香港咁既情況應該俾人打死了....
十點幾返左屋企~繼續我既NDS! |
| 2007 年 4 月 9 日 星期一 |
| 買NDSL! |
分類: 未分類 |
今日十點先起身,基於尋日買衫褲俾細佬既價錢OK多,俾亞媽係咁'鵝',估唔到又出錢又出力仲要受埋氣!
睇埋叮噹(我比較喜歡呢一個名)就出街去了~
約左傑點半到左深水埗飛鷹餐廳鋸扒,點知病未好返,失去味覺...浪費...
係鴨療街買鐘電蕊,不過搵唔到,過左黃金買NDS!行左好多間,話無晒行貨,不過最後搵到間又有粉藍又係行貨既鋪,隻粉藍賣到斷市...想買水貨都話無,竟然俾我搵到!最近D價升左....唔緊要啦,千金難買心頭好!
之後買左盞USB燈同USB風扇,OKOK!
過旺角陪傑買鞋,話咁快佢就睇中左,好!夠爽快!無錯,我又去多次....
見咁早,就去左百老匯買MR.BEAN HOLIDAY睇,不過未夠鐘,決定去朗豪坊行陣,諗住係STARBUCK坐,點知無位,最後買左杯MARCA拎走,但D味道唔夠係THAILAND飲咁正,好失望,仲要飲到我個肚好唔舒服!
套MR.BEAN由頭笑到尾,好好睇!不過CUT左D,電視廣告有一段講佢拎住杯COFFEE倒左落人地部NOTEBOOK仲整壞埋,但成套片都無呢一段,總括黎講真係好睇!但時間過得好快呀!
之後過左PEOPLE換張電話咭,張野壞鬼左,有D號碼打黎會HAND機=.=我試過張SIM卡D電話COPY落電話又無事,但COPY返落SIM又黎....證明左係SIM卡壞左,仲要大有一次打打下斷左線話SIM卡註冊失敗=.=
食埋野坐701轉鐵歸家了~ |
| 2007 年 4 月 8 日 星期日 |
下半場很忙  |
分類: 未分類 |
朝早係屋企發呆,七點幾就起左身,皆因尋日瞓左成日,個人瞓到痛,估唔到唔洗返工就病左...無得出去玩....
成朝玩電腦,不過無咩精神,都無咩心機玩,之後就睇片,'心想事成',套野幾好笑,真愛,確實係要信任,以前自己都係做唔到呢一樣野...'雙子神偷',睇左一半亞媽買左飯盒返黎食,食完就出街了~套野,覺得很爛耶~
同細佬出左去旺角買鞋,行左好多間,最後扑磓買左隻tnt俾佢,隻款都幾靚,八折都要成四百七十幾蚊!'look' eps啦!再同佢去買條褲,$160=.=再'look'...最後幫姨媽買埋LCD,$1480,再'look'....就咁'look'左二千幾都無野係我買....
由旺角中心行去火車站,條路好遠,因為拎住d野行....係大圍站轉馬鐵,得四卡的火車=.=係沙田圍落車,去左姨媽屋企,亞媽到先一步!安埋個mon食飯!不過d餸就唔太啱我....
食完9點幾,亞媽仲有事要做,我同細佬先返屋企,去到巴士站,架47x走左....諗住係十字路口見到269D無死啦,啱啱好可以係隧道門口轉車,點知係火車站勁多人上車,睇住架269D走左.....最後成11點幾先返到屋企...
|
| 2007 年 4 月 7 日 星期六 |
病得很.....  |
分類: 未分類 |
昨日,是我的最後一天....午夜十二時上班,到翌日下午二時收工,對我來說,這麼長久的工作時間,已習以為常....
這裡,給我一個很大的轉變,剛踏入社會,一時很難接受,當時的我,正是溫室小花,在那一刻,我最需要支持的時候,卻離開我,令我更加難過,每天都在悲傷中渡過,完全迷失自我,無法接受失去的日子,朋友,去了讀書,忙自己的生活,那時,我正上夜班,日夜和人顛倒,工作時間長,休息時間短,工作環境及文化的不同,想找人訴說,根本無人傾訴,令我更加胡思亂想,這樣地過了數月,在黑暗中過了數月,慢慢以前的我,漸漸淡忘....
很辛苦,全身因感冒而腰酸背痛,手腳無力...感覺上,我的雙蹆快要斷成兩截.... |
| 2007 年 3 月 21 日 星期三 |
回來了!  |
分類: 未分類 |
泰國之旅完結,行程日後交代~ |
| 2007 年 3 月 16 日 星期五 |
| 睡眠不足... |
分類: 未分類 |
尋日成十二點幾先瞓,5點又起身返學=.=
返到公司係咁瞓....
諗住今日早收工去拎本護照,點知唔記得帶本舊護照...要亞媽拎俾我....咁又過左一個鐘,之後唯有係m記打住nds等亞媽,拎左本野,幅相....無言以對,勁seven!唔想提....
去左Levi's買左件恤衫,$429,用左個$200現金卷...
諗住去兌換泰銖,點知元朗搵唔到兌換店,最後去返天水圍西鐵站,1:4.xx,我諗會好好用!
聽日飛了~今晚又要返學...依家1點啦...5點起身... |
| 2007 年 3 月 13 日 星期二 |
| 迷.... |
分類: 未分類 |
日抖瞓幾耐,都係唔夠夜晚瞓得咁好....
凌晨4點同一班同事出左荃灣食飯,佢地psp,我就nds!
5點半先返公司=.=點知d野已經做晒,我就執埋手尾~
收工,同喜去左何間記食早餐,不過都唔係太好食,出黎社會,見到唔同既人,諗到唔到既野,啓發唔同既事!
發夢又見到她...忘不了... |
| 2007 年 3 月 9 日 星期五 |
我生日呀!  |
分類: 未分類 |
哈哈,估唔到一班同事會幫我慶祝生日呀~全男班黎嫁~我都係第一個係公司搞生日既人~真係好感動!
不過,我已經俾左信了...一個月後,我就要走....成班同事都好唔捨得,個個都叫我留低,因為,大家真係曾經一齊努力過,由搬入新倉十分之混亂既日子,大家一齊不斷改善,最後變成依家好有系統,真係十分難忘,我永遠都唔會唔記得,我係呢一度成長既日子!呢一度,令我失去左,亦都學識左,甚麼?長大的啟程!
係公司影左幾張相,左下角有一條link可以去到~
|
| 2007 年 3 月 8 日 星期四 |
| resign |
分類: 未分類 |
早收工,d同事賭波賭到....萬幾萬幾咁上落=.=最後有人win左請搭的士同食早餐....
因為想玩機戰既關係,叫左表哥幫我入game,俾左張micro sd佢,全程無得玩....
俾左信,d同事係咁問我點解要走,其實有好多理由.....
耳筒壞左....無得聽歌....諗住今晚出旺角買同買埋張sd card入部新camera~不過今晚要返學,睇黎d時間會係好趕=.=
d同事話今晚買birthdaycake同我慶生日!
每天也不敢看她的日記,因為怕看到她有另一個,因為自己一直放不下.... |
« | 1 | 2 | 3 | 4 | 5 | 6 | 7 | 8 | 9 | 10 | ... | 16 | »
|
|
