尋日唔知點解瞓得好差,一起身個人勁辛苦,好想又請sick leave!不過今日要sub人,費時令人麻煩(雖然d人好差勁......)

一早係lift口就撞到隔離屋既靚姐姐!!佢真係好多,有樣有身材!個樣好甜!

不過睇時睇,追輕鐵緊要!又過左班吉車!不過好彩都唔係遲左好多轉西鐵,地鐵,終於返到公司,日日都係咁,真係好攰,想搭車返工呀!有得係車上面瞓!不過又怕塞車又貴d喎....

今日星期比平時忙,做埋星期五,六,日,一,二既單,五日積積埋多到呀....都唔知點解有d人廢得咁緊要,用錢買個學位返黎,但真係買,個腦真係廢.....日日坐係度比人做得慢成幾倍,但人工高我成二千蚊!真係打風流工,越做我越無心機,最後係度hea,一分錢一分貨係咁架啦~最緊要d亞頭廢到無輪,個腦都唔知係咪生係個屎忽到,搞到個屎忽咁大,亞頭個亞頭一模一樣,基本上話成班大屎忽師奶亞頭都唔知係咪坐住個腦!呻完!

放工聲一響,我第一個走!聽到個廢柴話星期六出左糧,我真係信去左睇....得個吉,晒左我時間排隊,點解我會信佢.....之後過左體育館,諗住睇下有無d做gym既course,點知樓下間野無...要過天慈同朗屏咁遠先有....我決定孤注一擲聽簡介會拎張金咭!

諗諗諗諗點搵搵搵搵錢錢錢錢!

有好多功課,test係四月,勁忙,此時此刻,淨係想瞓覺!!!!

 尋晚睇套gundam00,成2點先瞓,套cartoon講既野,越來越大人化,哈,唔啱小朋友睇!內容講到犧牲小你(天人組織),完成大我(國際),其實有無可能,我既夢想係,幾時我都可以駕駛部gundam!不過到時一定唔會係好野!

12點俾亞媽叫醒食飯,早午一齊開動!之後睇左套舞出我天地2

由第一次睇翩翩喜歡你,到同佢睇舞出色,就已愛上睇跳舞既戲,自己真係希望都可以有能力做到呢d野!(其實唔知係因為佢既關係我先至咁想睇呢一類既戲,因為嗰次係我地第一次入戲院睇戲,以前無能力入戲院睇,依家有時卻無動力入場睇....)

之後自己約左傑入屯門,自己早左到,咪周圍逛,發覺自己著左套hip hop衫,好似有d誇張....搵野食...去左椰林閣!都ok!貴呀!!

6點半返歸~係雨中淋住返屋企(無帶遮!)仲諗住今晚我黎煮飯(亞媽出左去觀塘),最後佢都趕得切返黎~~~

如何令自己渡假時,d錢都好似水喉水咁自己流入自己個銀包呢?

喜歡上了　ｂｅｙｏｎｄ！

發覺越來越不了解自己，有時發覺控制不了自己，做出了一些令人感到意外既事，發覺自己自從被拋棄之後，成個人都變左，唔知係變得孤僻左，定係獨立左，我真係好唔想佢咁變左獨家村既村民．．．．已經同好多人夾唔黎．．．

另一方面覺得自己有ｄ精神分裂，就好似叫希多ｄ返去搵志豪佢地，將來大家出左黎做事，真係無乜機會成日見面，但我自己又唔係想返去，覺得人地有ｄ幼稚，加上我太耐無返去，有好多事都已經脫節咁，佢地所講既，我都唔明白，可能這就是現在的我！

越來越唔想同人有聯絡，覺得好晒時間咁，到不如留返ｄ時間黎搵錢＜－－－依家既想法

尋日亞媽突然問我點解唔拍拖，其實係因為個心仲係放唔低ｄ野，怕受傷，平時扮晒花花口咁，其實係唔想俾人有再傷到自己既機會，嗰個令人覺得玩世不恭既我根本唔係我，我內心其實好想搵另一半，但可惜，我怕又會重蹈覆徹，一ｄ同我講’我唔想再捱窮’既女仔，所以我依家先變得咁勢利．．．．我唔明點解發夢既時候都仲會想同佢一齊，平時又想見到佢，每當見到一個似佢既人既時候又覺得好驚真係佢，嗰下成個人都打晒冷震．．．．我睇黎仲未夠勇氣

係街上面見ｄ美女與野獸，莫非呢個世界就係咁，我鍾意既人往往無結果，我．．．不會那麼差勁吧．．．

今日又係瞓到好晏先起身，諗住跟亞爸學下揸車，點知又聽講埋ｄ廢話．．．最後當然無啦，之後搵佢同埋細佬去食飯，又中招．．黑椒又有曱甴．．．我本人已經中過好多次．．．．女朋友又唔見我搵到個好．．．．食完亞爸都未想走住，我一拎錢賣單佢就即起身話走人．．

今日全日都係屋企晒時間，全日都無黎精神，坐咁耐都係等睇夜晚套十萬火急，勁正

整左部新電腦係個廳度俾亞爸亞媽用，用左成二千蚊，自己真係無得剩．．．捱到一號先出糧！佢地講左咁耐，我唯有慳ｄ洗都要完成佢地既心願，係依家既我，我心目中，屋企係第一位，諗返起以前，將女朋友放係第一位，同屋企人成日嘈，最後換黎既結果係心痕纍纍，值得嗎？

現在既目標就係點樣可以搵到多既錢！我ｄ基金跌到重創，個本都蝕埋，近日有少少回升既蹟像，但都係蝕，美國佬，你個次按問題先搞得掂呀！＝．＝凸

好耐都無打日記了,我相信好多人都唔會記得有呢一個日誌吧!

今日十點已經左起左身,費時瞓得晏亞媽又話....

12點幾出去落大埔,由荃灣西站坐73x落大埔,係荃灣西站既長長電梯諗起以前經常和她一起站在上面,經常一個人很早便待在碼頭接她放工,心裡只是想著:她快點出來就好了~不是因為時間問題,而是很希望盡快見到她,分開也快一年,但不知為何總不能忘記,很多事也令我不禁地想起她,'愛的故事'突然重現,還記得這首歌是她說給我聽,往後我也常常唱給她聽,她說喜歡,也許我唱得不好聽吧...每天msn也留意她打了甚麼的字,想知道她的近況,常常留意她有沒有在線,不見的時候,會想:究竟發生了甚麼事,或許還未起床,抑或是約了新的男朋友逛街,抑或是新的男朋友上了她的家在玩,腦海不斷作出這些猜想,有時候很想主動找她,但說甚麼好,而且在想:她不會見我了,她說過對我從不有感覺....有時候看到她像生活得落魄,便想起她曾說嫌我沒錢,沒出息,做甚麼也失敗,心裡便暗暗自喜:你說我的,你自己也是,但再想,我現在很像為了她而活,她說我話不時在腦海出現,不斷鞭策我不要再讓她看不起,必定要做出些甚麼來讓她看看,現在又在假設,她是不是要激勵我才說那番話....我想她不知她以前被入password的日記我已看了,她從不告訴我那些日記的pw,是我自己撞出來的,但這個pw畢竟是她其中一個論壇的pw,也許她那時已暗示了這個pw吧,從這些日記得知她給了我很多暗示,暗示她的不滿,她的想法,可是我從不會意到,也許這便是以前的我,由此看來,我又認為她真的討厭我....

和你說,我對她已經沒怎麼了,我可以說,這是假的,只是欺騙你和我自己的!

The smile on your face let's me know that you need me
There's a truth in your eyes saying you'll never leave me
A touch of your hand says you'll catch me whenever I fall

尋日出左旺角,好夜先返屋企,搞到成12點半先瞓...

朝早六點起身,gel頭,打呔,食早餐,7點三即出門口,輕鐵-->西鐵-->地鐵-->行路,最後都係遲左五分鐘先返到公司...第一日返工遲左,少不免俾人話一兩句...

Rebecca帶我行公司一次,行左23樓,22樓同4樓,每一層都係分左唔同既DEP,最高係會計FIN,二十二係C.S.同SALES,四樓係打單同RATING,即係計運費,我就係做呢一個DEP!

正常黎講應該係幾個人一齊TRAINING,但我唔知點解比較特別,我得一個人....所以無咩人理我,成個朝早我都坐左係我自己個位度發呆...

呢一度就係我個新位,有雙MON!依家好空,遲下我會開始經營佢!

下晝同D同事出去食飯,好多野睇!

下晝再學D新野,之後準時5點半收工!

一放工過旺角,又要買西褲買呔...未出糧先斷糧...呢幾日花係呢D野都用左成$8XX...

十點先返到屋企呀....

今朝瞓到十一點,之後起身,亞媽唔係度,又拎NDS出黎玩啦,應援團,POKEMON唔少得,十二點幾邊咬飽邊睇電視,肥婆打黎話4點出去葵涌~

成點鐘,開始睇套'THE GIRL NEXT DOOR',睇左成兩個鐘,套野唔錯呀,睇完好有衝動想去外國讀中學,依家更想讀FULL-TIME大學,不過時間已經過左去...

三點煮公仔面食,同尋晚食剩D餸煮埋一鍋,就咁OK,食完見仲有D時間,打陣應援團,點知忍者嗰關都係過唔到...四點出門口~

係朗屏西鐵站JOIN肥婆,之後係荃灣西站落,呢一個站帶俾我有好多回憶,以前因為某D原因經常都會係呢一個站停留....過左去運輸大樓搭架免費接駁小巴87K落葵涌IVE,係IVE附近落車,我認得嗰一道係我考車牌既地方,我仲記得嗰一日發生既事...

讀FASHION既人真係唔同D呀~間學校好似中學咁....

陪肥婆交完功課後去左豆漿大王食野,不過D野食一般啦,原來IVE係葵涌廣場後面...我一直都唔知...

係新都會行左一陣後過左旺角~

先去荷李活商場買條西褲,但要一個鐘之後等佢紮好褲腳先拎得,再過G2000買恤衫,買完先發覺我D恤衫大部份都係以淺色為主...之後同肥婆去左瓊華睇野,不過我都無咁多錢去買...差不多一個鐘,返去荷李活商場買多條呔拎埋褲閃人返屋企~

同肥婆去左花園街掃平貨,我無份...同肥婆孖賽對戰!係咁撞黎撞去!

今日有大陸黃夏惠黎左香港,所以成家出左去食飯~係餐館睇埋亂世佳人先返~

今日細佬返學,無人一早嘈,所以瞓到十一點幾先起身,諗住今日同亞媽落屯門吉之島買西褲,但亞媽一早又出左去了~(雙親尋晚無啦啦又嘈起上黎...我都無晒精神去理佢地...)

成個朝早(基本上已經係中午十二點....)同下晝都不斷應援團同pokemon(我終於上到華麗版!!不過勁快,d波波又勁細,根本睇唔切....)

自己煮野食...

三點半,亞媽返左黎...我突然醒起我要打薄同換薄呀!即go去銀座匯豐銀行!不出我所料,本野打爆左....由我升中四開戶口用到依家(2001年6月),最近我d出入次數都多左好很多,爆左....排隊換薄,半個鐘過去左....

上左去圖書館借書,好多d人都換左,正莊仲係度,一借借左五本書,好很重....

返到屋企五點半!極速食飯,6點2出門口!又再一次遲到....今日唔知點解有精神聽亞sir講野,明左好多野,發覺我唔係上account,而係計數....今日第六堂要做問卷調查,okok咁啦~亞sir話好多園校都可以屈蛇,等我有機會試下先!亞sir加插左佢係瑞士旅行既事,d物價貴到飛起呀....仲有就係08奧運,可能會令航空公司股價上升呀!

放左學返到樓下M記買左個至尊巨無霸餐,送無糖可樂一罐(張紙寫住由22:00至2:00買至尊巨無霸餐送無糖可樂一罐),邊應援邊食呀!點知...亞媽係隔離個玻璃窗出現左...原本唔想俾亞媽知我食M記...之後佢D FD都出現埋,我都盡快返歸了~

十一點先至起身,之後即NDS,我既應援團!仲有POKEMON呀!玩到下晝3點半,先至停下...

亞媽落街買左米返黎之後整壽司食喎,不過所謂整壽司,只不過係加D醋係D飯度,再搵D工具將D腸仔呀,蟹蚧咁壓埋一堆咁咋....搞左成個幾鐘,成隻手都係飯粒...

星期一返工了!

食完又再NDS!玩到6點就出門返學!今日MID-TERM TEST,我下晝都拎過D NOTES睇既,不過睇左十五分鐘,我估都有15%既....

次次都遲到=.=一路聽亞sir講書,但我搵極都唔知佢講緊邊一課,最後,我發現佢講既notes我係無既...我懷疑放左係屋企,無問亞sir拎返!

TEST!用左九個字(我本身可以三個字就做完,因為唔識=.=)亞SIR俾左兩條M.C.既TIPS,果兩題應該啱啦!坐底有兩分!但成份卷三十分.....M.C.佔十分,兩條SHORT Q各五分,一條LONG Q十分,我答到九唔搭八,都唔知有無十分=.=

9點閃人(因為TEST完可以早走,平時九點半先放),打俾肥婆睇下佢係邊啦,原來係啤梨宿舍度,我都唔理佢住,去左PAGE ONE搵D SUPPLY CHAIN既書,點知一半成>$4XX....打消買既念頭...過左心理部睇書,有本好似叫'十八歲以後做什麼'既書幾好睇,講D野都幾合依家既人~

不知不覺十點,肥婆打黎話佢係宿舍黎緊,我就等埋佢,玩住POKEMON係火車站等佢,係西鐵上面開WIFI玩孖寶賽車!

成十一點幾先返到屋企...