成朝都係係屋企玩下電腦,到左下晝都叫做有d作為啦,用wb camera向人請教彈結他~我諗only練指法都要用一個月呀~

4點幾出去打波,去到自己一個人,勁熱,係咁射波,射到手都軟,成個人散咁濟,可能太都無做運動lu~

5點鐘karlon終於黎左,不過依然無咩人鬥波,兩條友仔自己係咁射波...最後gap峰都黎埋,三打三,今日自己既身手都好左好多,不過今日成個人都好似雲遊四海咁,完全唔知自己係度打緊波,勁攰,又發冷,又暈,我懷疑係咪下晝時中暑....

8點幾返屋企沖埋涼,今日個肚成日都痛....唔知咩事...

今日成日都無出過街,係屋企渡過....

下晝悶到瞓左覺...

今天很無聊...

成10點半先起身,食完早餐就玩左一陣電腦,大約11點9就出去接小琴放工了~

先同佢去深水埗食壽司,食到勁飽,之後過西九龍中心行,我地仲整左印仔~再上去睇下有無籃球機械手係度,石惜見唔到,最後我都試下,仲搞到成身汗...

再同小琴去尖沙咀行海港城,only行左玩具反斗城,到海旁行,一邊吹風,一邊聽人地唱歌,我成都好想搵日同小琴去尖咀海旁,坐係欄杆上面望住個海,聽人唱歌,真係退休生活咁,好舒服,不過見小琴唔想坐,又見佢腳痛,我都唔想佢企咁耐...之後搭車去左奧海城,勁大,第日要同小琴再黎多次,因為太夜了~係咁搵機鋪,不過行行下行到美食廣場,成9點幾,食埋飯先~我叫碟車仔飯勁多飯同餸,食到我飽到郁唔到....最後去詢問處問,原來間機鋪係對面馬路既奧海城第一期度><有無咁大呀....

打到成12點幾走人,諗住行去佐敦,點知自己係個路痴,再後兜返轉頭....還原基本步...好彩都行到去朗豪坊附近搭通宵小巴返元朗~送埋琴返屋企後,我都搭小巴返歸了~

成朝都係度玩電腦...

下晝打俾朱允堅同佢講我有dreamwave同flash,之後約左佢去圖書館睇書,不過佢話出屯門睇睇,之後過左屯門,行左一陣屯門市中心,就去左圖書館睇書,無耐又返黎天水圍圖書館...很無聊耶...佢又話要去借書,點知又唔借...我6點想走人,點知佢係咁跟住我,話去我屋企研究整網頁...我都唔想佢上黎,記得有一次佢上左黎打機,打到10點都唔肯走人,我地食埋飯佢都唔肯走,同佢講話夜佢都唔理,自此以後我都唔想佢上黎...

佢係咁講三國志d野,我已經唔想聽...我特登帶佢去輕鐵站,佢又兜路行....好無奈...

7點先返到屋企...

今朝一早返元朗圖書館,今日都無咩野好做,好快就咁過左個朝早,1點收工...

之後去拎眼鏡,再行去元朗站買全日通出九龍,約左2點半係葵芳見工~

坐西鐵勁快,轉埋地鐵都係用左半個鐘...2點出到去,我見咁早咪食晏晝先囉,諗住搵間平平地既食,點知一個人都食左成$30..勁貴,間野又簡陋,都唔知點解咁多人食,又唔好食...呢個商場勁多賣鞋既店舖,我諗小琴有排睇呀~

2點半準時上去見工今次見工既地方係我之前in玩具公司既大廈,不過唔同樓,見到另一個應徵者,不過in我既人仲未返,我就坐左係一邊等左一字~in我既人話佢係first in,請人係另一個同事決定,佢話今次係幫個同事抽人俾佢in,佢個同事去左會展做野咁...今次個印象都唔錯^^

in完等佢通知second in~我搭返地鐵過西鐵,再落屯門ive拎表格,點知坐輕鐵時早左成幾個站落..再搭另一部,又過左一個站,之後再搭返倒頭車...拎完表格就出返去荃灣接小琴放工~係碼頭邊等邊打機,不過太熱,返入去西鐵站涼冷氣~

同小琴入天水圍食味太郎~行左陣就陪埋佢搭車返元朗了~仲途佢雙親打俾佢出街食,係康樂路落車,佢去左搵雙親,我都返屋企了~

今日早起左,雙親都仲係度瞓緊,我又係度玩電腦,之後亞媽煮埋早餐俾我同亞爸,食完我又補打返前幾日既日記~

細佬返埋黎,食晏,食完亞媽話叫我陪佢返大陸探親...我仲諗住今日落元朗拎眼鏡添...

點幾就出左去~點知上到小巴先知自己未帶回鄉證,之後跑返屋企拎啦,當時正係溫度最高既時候,搞到我成身汗...上到小巴,個司機駛到勁慢,由天水圍到朗屏都要成4個字,可想而知啦...係水邊圍度仲要超載,因為我太高遮住左後座有個女仔,個司機以為無人,之後個女人唯有企係最後,估唔到小巴都有企位...好彩轉左彎係元朗廣場有人落,如果唔係我諗個小巴司機有排煩呀,皆因附近有好多警察巡邏...

最後成9個字先去到落馬洲...亞媽個樣黑晒...我都唔夠膽多出聲了...

過到皇崗,係咁搵巴士,d巴士費勁平,$1.5一個,不過無冷氣,成程都出晒汗...坐左成個幾鐘車程,最後都唔知係邊度落左,亞媽話過左..之後坐返倒頭車,再行左成3字路先到!

亞媽話今次去探個朋友,因為呢個朋友d仔女都係香港住,所以依家自己一個人住,因此要去探佢...點知上到去,先知佢個朋友係鄉下特登叫人黎深圳,早d出聲我地咪唔洗黎囉~我見無聊咁,落左街去行,搵下d巴士站咁,原來附近有巴士站係我地頭先經過....我地唔知仲用左好多時間添...最後去左吉之島行,買d燒墨魚丸食~上返去坐多一陣就走人了~

之後過東門,亞媽買唔到要買既野,最後坐地鐵返羅湖,亞媽先走,佢叫我搵巴士去皇崗,平d ma,佢話要趕時間返屋企煮飯,如果唔係都由皇崗返,最後俾我誤打誤撞搵到巴士返入皇崗,8點幾返到香港了~

今日要返元朗9至1,一早就起左身返工,亞爸都好似唔想理我,諗住可以慳返程車程叫佢車我落元朗,最後都係自己搭輕鐵落去....

太耐無返圖書館既關係,做起野上黎慢左好多,不過做做下又開始熟練返,開始又快手,今日又要同個外籍人士講英文,如果成日講都唔錯呀,可以練習下d英文~

1點就收工!之後再係圖書館印埋份報紙就走人,過左去奧視諗住拎眼鏡,點知又無得拎,上次個人話7月2號晚有得拎,我已經係7月4號先去拎都無....我仲要俾亞媽懷疑我呃佢話買眼鏡,佢話無可能咁耐都無得拎,佢話係樓下好快有得拎,我夠知囉,不過d款都唔啱我,呢d有得講咩....

跟住行返朗屏將份影印左既報紙放左係小琴既信箱就走人,跟住自己一個過左去水邊食腸粉,食得好飽!食完諗住行一陣元朗,不過太熱lu~到左實惠門口就搭巴士返屋企~

返到屋企睇下書,點知亞媽突然衝左入黎係咁鬧我...佢都話屋企無能力供我讀任何書lu~佢咁講我都無法,唯有出黎做野,如果有時間既就半工讀啦~讀返張沙紙始終好過咩都無...我第時一定唔要學佢地咁!!!!

今早俾亞媽鬧醒...可以話係自作自受...

十點幾打俾朱允堅叫佢一齊去剪髮,佢成年都未剪過頭髮....係屋企玩電腦玩到1點就出去join佢,先到樓下d髮廊睇下,都平d,於是入左去,我住左係度咁多年都係第一次入去剪...幫我洗頭個人係度咁講自己細個有幾好打...我咪和應下佢啦~之後佢係咁揪起我個頭,搞到我個頭粒骨係咁撞落個盆,勁痛呀><!跟住個肥縢騰既人走埋黎,估唔到佢係髮型師...師父不愧為師父,d手勢都勁過人,不過佢掛住同人傾計,把剪刀突然唔夠利,變左係咁炆我d頭髮,又係痛死...咁大個仔,都有成8年無入髮型店了,最後一次係六年級,係富亨邨,之後亞媽就成日帶我去人地屋企剪lu~佢都算勁,周圍都可以俾佢搵到,先係富亨,再係朗屏(一早同朗屏有緣了~)再係天水圍~

之後去食m記,傾左好多野既,其實朱允堅個人本身好有內涵深度,但唔知點解同人相處就好唔掂...過新江睇下有無gel頭野買,但都係無...去圖書館借報紙,幫小琴搵,但係眼大睇過龍....睇黎睇去都搵唔到探射燈一欄.....最後去天頌搵gel頭既野,之後朱允堅係萬寧買完野就返歸了,佢住係俊宏軒,但竟然係天頌坐的士返去....話d塵多怕整污糟d頭髮....

返到屋企上東方日報個網,我起初以為個探射燈改左第二個名,點知原來無改,之後我又返去圖書館搵,終於俾我搵到!copy埋走人,之後問返小琴原來佢要既唔係叫探射燈...我本黎都諗住個虐殺三胞胎亞大係,因為有佢畫左部相機係旁邊,但又個真係叫探射燈無理由會係呢個呀~

夜晚返到屋企又俾亞媽鬧....

成日都無出過門口...

亞媽一早返左大陸,整定d排骨飯俾我同細佬食,我成個下晝都係度搞d電腦野~見屋企咁多塵,好耐都無係屋企掃地同抹了~洗埋碗,成個~咁上下頂唔順去左瞓一陣,同小琴玩捉象棋,點知有個膠人入左黎俾我地串...夜晚由老豆下廚,咁年黎真係第一次,都幾好食~

夜晚同亞媽無野講,同佢講野,佢都費時理我,我都知自己講錯野啦,唉,佢咁我都無計...

又係瞓都好晏,玩電腦....十分頹廢呀....

下晝2點幾去左搵小琴,佢入左黎天水圍搵我,先行新北江,勁多人...再過天頌,小琴一見d精品店就衝左入去睇,哈哈~最後過銀座,當然又係去飲小琴最愛既薄荷綠茶啦~都已經7點幾lu~小琴都要返屋企了~

屋企又係俾人轟炸,仲同亞媽理論....唉,始終都係自己衰,與人無尤...