今日成9點半先起身,十點幾先出門口,點知勁大雨,以為自己早左,點知都係遲左先到上水...

遲左仲要俾個主任見到...不過扮傻啦~今日大雨既關係,少左好多人黎圖書館,咁就無咩做lu~

上書上到勁hea,好快5點收工!

落元朗,早得濟,去左郵局間機鋪,x,games睇人打機,之後再行一陣千色~

7點就去左稻香食飯了~

今日成12點先起身,之後又食糭同水餃,食完又玩左一陣電腦,竟然有人叫小琴大王喎.....

下晝收到圖書館既timetable,唉...睇完成個人勁down...成個六月都係做得50個鐘,勁多日唔洗返,原來我當初填左part-time...點解我份人咁死蠢,真係好憎自己,明明寫左full time,點解自己要改,成日兩頭蛇,無d主見!!!又要返5點2,真係好討厭呢個時間,不如唔好做俾我,得3個鐘...呢一刻真係好想喊,d時間已經好唔得,食飯既時間都無,唔定時,唉...點解到依家我依然咁多挫折,我想搵多d$姐,個天係都要俾d野我去受下,我真係好辛苦...睇黎我都要搵第二份工....

十點幾起身,食左兩個糉,之後玩電腦,大約12點9就出左去木咀輝屋企,去到佢仲瞓緊...搞大學jupas d野...4點返屋企,買左罐五香肉丁返屋企整杯面食,4點半出去返工了~

office d人勁串,都唔知係我好恰定太善良,佢叫我收工先填time sheet,點知收工唔見左人...唯有聽日先填返..今日有個人返錯工,佢今日唔洗返,不過....走時唔記得拎遮,又關左門,唯有淋住返去...

圖書館呢份工真係無咩用,係人都做到...我真係天真,仲諗住當係拎經驗...我好想用多d時間陪琴,不過依家返工既時間十分唔定,到佢時間越來越少,我成日都為左呢件事成日唔開心,佢放假時我又要返工,夜晚相處既時間又少...返工既時間又無得食晏,呢份工真係...我都知自己嘮叨既,嫌三嫌四...我係琴身上都學左好多野,好似堅定去做一件事,例如打日記啦,以前我好鬼懶成日唔想打,不過受佢影響依家日日都打,有時睇返以前既野都幾好呀~我平時唔打日記,寫日記,好多都唔記得晒...學倉頡,我本黎見到好多人都係用速成,我根本無諗住打倉頡,即使亞爸亞媽一開始叫我學我都無理佢地,係琴叫我學我先至肯去學,有好多野都係佢叫我先肯聽!以前我成日都覺得我既表達能力唔錯,不過同琴一齊得多,先發覺原來自己係井底之蛙,原本以為自己比其他人識多d野就以為自己好勁,不過原來我所識既都係冰山一角,琴識既野真係好多,最起碼比我多好多,我每一日都係度諗我地第時既野,我成日想做好d,不過次次都係失敗...可能你覺得呢d野都係d小事啦,不過我都係講真,係你令我改變左好多野!

今日9點三起身,不過搞搞下成十點幾先出門口...去到上水已經11點2...遲晒到...不過我都係扮傻....

一黎做counter,頂到2點9,之後去上書~今日d人同上次d人又唔同晒...重新認識...

5點放,傑入左黎上水搵我,之後去食野,去到彩園一間餐廳,佢擺左d假日無既特價牌出黎,我地咪俾佢昆左入去...去打頭D..唔識玩了...返屋企了....

今次我又激嬲小琴了...我真係錯了,我份人真係太過...我保證以後我都唔會再係咁,我真係知錯!

9點半亞媽叫我起身...原本自己想十點起身...一早食稯,不過太滯...食左一個...

十點三就出左門口行去西鐵,今日返保安道,即係train既地方~心情都幾開心~去到之後同想像中唔同,今日淨係上書...勁悶,無左之前既熱鬧,可能做慣左啦,之前新野好玩ma~而且我無係counter做,少左同人吹水...果度d職員講做圖書館無咩用,有個做左一年去搵其他工,點知個老闆話做圖書館唔當係有經驗...聽左之後無晒心機,我原本都係想咁,點知....人工同時間已經夠唔得,依家仲要咁,總之搵份文職做啦,三個月之後我都會唔做啦~

可以見到小琴啦!真係勁開心!!!放左工過青衣搵小琴,點知突然佢個電話打唔通,果一刹那我個心跳左出黎,係咁走圍行係d廁所門口搵佢,勁驚佢出左咩事,好彩係收唔到姐,個心定晒!我淨係feel到佢會係地下果個廁所,係門口等左一陣,點知真係係果度!!心有靈犀呀!

去左kfc填飽個肚,我成日都未食過野~點知有d人勁惡,問都無問就搭檯,香港人呀...小琴係咁玩我部新機,佢玩得仲熟過我...之後去trendyland同書局行,仲有玩具反斗城!跟住過左佐敦打機,d$1機勁抵,photohunt已經太易玩了...料理大師都係!(只限學廚,大師仲未玩得掂...)再打鼓,小琴勁到上左榜有得影相!!我打到雙手唔協調...之後同小琴對打,當然lost啦!

去左蕉葉咖哩屋食個濕炒雞河,幾好食!唔錯!食完坐68x返元朗了~有兩個女人企左係68x條線,不過又扶住69x個欄,小琴話佢地搭68.5x!!小琴又變返睡兔lu~

送左小琴之後去乜記食糖水,點知一坐低發現隔離檯係表哥同佢女友,之後咪一齊坐~碗西瓜西米露勁大碗!同佢地講左好多野,佢地都係過來人,係呢個時候我真係要讀多d書,學多d野,遲d就無咩時間了~唉,大學我真係好想入,奈何機會好渺茫,睇黎都要搵其他d野讀,不過又好貴...太多野要諗啦...

今日十點先起身,食埋飯,諗住11點出去銀行入埋jupas轉科既$,不過係度玩電腦玩到過左時,唯有叫亞媽搞啦....

行去西鐵站~係西鐵中不斷玩部電話...新屎坑....去到南昌manpower打黎叫我早d返去,12點4時,我返ma,本黎想問點解,不過出黎做野就費事問長問短啦...

12點9到左,先知原來係圖書館12點要放人lunch,唔夠人手,so係咁call manpower話點解人未到,圖書館以為我係12點返,不過manpower又編錯左我1點喎,唔關我事啦~做counter,得兩部腦...一出一入邊夠呀...忙到你呀...後面d書又無位擺...間野又細...窄到你...又上書又counter,不停係咁轉,人手十分之不足!

7點放工了,趕住返屋企煮飯...見到我老豆同細佬真係把幾火,淨係識食唔識幫手,我都係啱啱放工咋,就要服侍佢地...仲要嫌三嫌四!!小琴今日見家長,同我亞媽一齊去學化妝,不過小琴話都學唔到d咩,我亞媽又係咁講,不過佢話要學多幾堂先可以開始知做咩喎,佢又話起碼要學返一年半載...不過免費,無所謂啦~

好耐無同小琴出街啦><一個星期啦!聽日又可以同佢出去啦!

今日一早起左身諗住去木咀輝屋企研究jupas,不過細佬無返學,發燒,但係飲左d蘆薈之後就退左燒!真係勁!亞媽見佢無咩事,佢自己又咁鬼精神,所以一早落元朗買手機,因為成日要等埋佢先買,今日我又放假喎~有無咁啱呀....

去左衛訊買,一真都想買nokia6270同6280,最後買左6270,因為有大喇叭,而且6280個3g都無咩用,有邊個用3g呀,6270仲要平d添!我細佬又學人買電話,真係有d火,中一就學人買,晒氣,$都未識搵就係咁洗$!佢買左se既w500i,同小琴一樣!之後又送叉電同叉電機呀咁啦,同埋仲無咩用既野...

買完去滿記食河粉,食完亞媽同細佬返屋企先,我就去韓舍搵何軒同李健輝(騎呢組合...)佢地啱啱游完水,同埋佢地話韓舍下晝任食$20!我咪去左食~因為下晝無食咩,朝早又未食喎~聽佢地講d野,真係幾好,李健輝講得好啱,大學呢樣野係西方傳入,所以有好多理科都比文科易入,eg同bba都係要d計數同理性既人,文人邊有呀~所以讀理科一定好過文科,而且理科既人讀文孚類,可能比文科仲好,佢地連複雜既野都理解到,更何況一d靠背既野,寫文都有結構性d,好過d文人憑即興寫到亂晒....之後又討論ufo既野@@

佢地要返學校同人補習要返屋企休息一陣,我就搵左小伍兜左元朗一周...勁無聊,去機鋪(我打高達累到人地輸左...),千色呀,眼鏡店呀,自修室呀....

出去荃灣西搵小琴,點知電話無電...用兩個$1打俾小琴,點知分鐘就掛線....

本黎諗住同小琴去天水圍飲薄荷綠茶,點知伯母約左佢食m記,我唯有送到佢去朗屏站...之後返屋企了...

係屋係度不斷研究個電話,亞媽講:知唔知點解窮人咁開心呀,因為擁有一d比較名貴既野就好開心嫁啦~你又係唔係呢~?

尋晚約左木咀輝9點去佢屋企搞jupas,不過我攰到11點先起身...開電腦玩左一陣,之後睇騙中傳奇,大結局了,有d唔捨得~

食埋飯又hea...玩電腦同煲粥...無聊呀...

大約到4點半就出門口,去左食m記,無得我要既麥香雞飽,變左板燒雞肉飽...ok咋...

行去圖書館返工,5點二啱啱好,間間館都唔同制度...麻煩到死..邊記得同知咁多喎,我成日走圍走,都係九龍d館d人nice多d,天水圍d人勁惡...今日又係執兒童閣...踎係度,雙腳勁酸軟!8點2準時走人!

小琴去左打機,打到成8點幾,你真係呀!打上腦了!我自己都去左機鋪,諗住彈結他,不過有人玩,咪睇人打機囉...之後歸家!

究竟係咪我諗得太多呢...最近我真係諗得太多野啦,越諗越煩,不過有d野係咪我所想咁呢,有好多野都好似同我既想法一樣...我唔想要呀!

今日十點幾就起身,勁想再訓落下!不過想睇電視~麻婆島,勁好笑,唔係套戲好笑,係成套戲係咁爆粗...朱咪咪同元秋d粗口超勁!d陳川粉勁好食!睇完碟睇埋騙中傳奇~唔知點解睇返以前d戲特別好睇喎~個個都係咁講!

係度玩左一陣電腦打埋尋日既日記已經2點半了,準備去木咀輝屋企轉大學d choice~點知鎖好閘著好鞋但係唔記得帶$,之後開鎖除鞋入屋拎返,鎖返好門口又唔記得帶jupas login name同pw張紙,又重複做多次,好啦,鎖好啦,搭埋lift落樓,點知落雨!我又無帶遮!屋企又無閂窗,又要開鎖除鞋,咁就無左3個字,勁火,差d整爆d窗...

去到天恆買左碗車仔麵同野飲去左本咀輝屋食,一入到佢間房開左冷氣...豪爽!佢睇緊'林一峰亂講'show...都唔係太好笑,之後研究jupas,不過都係無咩機會入u...

4點9趕去圖書館返工!今日負責執兒童圖書館,踎係度執,d人成日亂擺,搞到我要由頭執過晒,腳都軟埋...8點我已經去左執野收工,點知俾個office女士話我做咩咁早收工,同我講應該5點2先可以收工,我見其他人係咁走佢又無鬧喎,我咪出去打個白鴒轉囉,一個字之後返左黎,早左一個字收工!哈,無我辦法,因為其他人都係咁早走~

大表姐男友部notebook唔要我就拎左黎用,不過入唔到要pw..佢男友又forgot...format左佢...不過係pent2 3xxmz...好慢....

都唔知係咪自己黑仔定點,自問出黎做野既經驗俾人多,打字用電腦都比人好,但係佢地又可以咁順利搵到份文職做,點解個天要咁樣對我,莫非我日後有大成就,定係一世都係咁不幸,註定係條虫...

今日成12點先起身,點知fiona打黎話叫我去石塘咀替佢...我即時換衫上埋中原地圖搵地址,點知要去到西環咁遠...不過見佢咁急都搵到人咪頂住上啦~雖然係無咩$嫁啦~計計埋埋,扣埋車$,都有$80既,亞媽成日講自己搵到$1,好過問人拎$1!坐輕鐵蝕左$3.8坐三個站,如果唔係趕時間我都會行去...要點半到喎...我出門口時已經1點了....買全日通,去南昌轉地鐵到上環,本黎想買特惠車票,不過個入閘口咁近個counter...算了,俾$10過海,去到上環係咁搵10號巴.點知行行下行到中環置地廣場....終於有車了,不過已經2點3了...好彩我問過唔係扣我d bonus,如果唔係就真係死得冤枉了~上到去間館勁大,但都係被列作中館,上水俾佢細已經係大館,香港同新界真係無得比...

首先做counter...搞錯左好多野...有好多都係幫人還.不過過晒期,但係分唔同acc,要逐個acc清,但係我以為係同一個人...有個菲傭幫佢僱主還書,但我以為係同一個人,只係清左一個,點知係借書處佢拎左第二張證出黎,我之前仲未同佢清..咁就俾人鬧了...我係還書被調到去借書...易d嘛,佢地以為我係熟手,我都係返左幾日咋~d人一黎就拎4,5張圖書證出黎...香港果邊d人咁熱衷借書...自從我做錯野之後,就一直被人監視...香港果邊d人真係神神怪怪...有個得10歲既細路黎借報紙....

7點放工~搭叮叮到上環轉地鐵,今次我買特惠票了!8點幾就返到屋企了~成日未食過野,係優之買左兩包栗子食...

做圖書館真係學到好多野,不過係因為我未出黎見過世面姐~