今日9點幾就起左身,之後過左琴家,睇返舊版叮噹,d公仔係就差d,不過好有親切感~可能用人手畫有感情d掛~諗起配大雄把聲個人已經不在人世,真係覺得好可惜,聽多佢把聲十幾年,連小志把聲都係佢,真係好令人懷念...

唔知點解每次睇返以前既劇集都係好正,可能人本身比較喜歡懷舊啦~

拎左d game去琴家玩,隻模擬樂園3始終裝唔到,激死我了...隻高智能一級賽車令到琴玩上癮了....

4點幾出左去嘩鬼拉面食~久違了既咖哩湯拉面!

行左陣元朗廣場就歸家了~早d返呀~七月十四啦~

今日掛3號風球呀~仲以為朝早會黑雨唔洗返工添...整左個杯面食就即趕出去啦~

返到去好彩啱啱好~因為出面大風大雨既關係,又掛3號,所以今日圖書館都無咩人黎,成朝無咩野做都hea到好眼瞓....

最後都收工啦~去廁所換左套西裝,之後食埋飯就出去金鐘見工...

買張全日通,再係南昌轉地鐵,成$10呀...貴得很....去到搵左一段時間,因為都未去過,最衰佢間野係海旁邊,d風大到佢,我都費事拎遮直接淋住行算啦...

上到去紅十字會in,佢話呢份工要接觸好多人,其實都幾難做下,不過係世界上,邊有人可以一出黎做野唔係有壓力,難做呀~人工都唔錯,仲有bonus,不過一個搵夠25個市民先有,我都好擔心10個都未必搵到呀...個in我既人話我係無可能一個月之內搵唔夠25個人既!都幾大挑戰同壓力呀!佢叫我聽日再覆佢做唔做...

in完之後,諗搭地鐵咁很貴,決定行過佢灣仔碼頭搭船過海,平好多,好彩無停止服務咋...去到尖咀再坐k16去南昌,之後返屋企啦~

今日係亞爸生日,先食蛋糕,原本諗住出去食飯,不過亞爸突然有野做,最後都係自己屋企食埋,夜晚亞爸做完野就落左街食宵夜啦~

今日搭車既時候係度諗,雖則錢唔係萬能,但無錢就萬萬不能,有人話有情飲水飽,其實諗真d,呢一個只係美麗的謊言,你要飲水都要俾錢,除非你去深山居住啦!錢對於一個人,係一種必須品,有時係街到見到人地好開心,再望真d,其實因為佢地有一份職業,有收入,有錢,係我心目中,有好多野都係以金錢為基地,唔好話太過財利,其實都係講事實,有財,真係可以有情飲水飽,因為你都有錢囉,即係有情啦~有時d人話用錢買情返黎,其實,好多人都係,一個男人,若果係無財,根本無女人會想同佢生活,有人話,男人既魅力在於佢既事業同埋上進心,歸根究底都係財既問題,依家既我已經唔再迷惘,怨天尤人,機會始終都係自己去爭取,你說得一點也沒錯,依家既我只會想搵多d錢...

同亞媽既辯論,我都已經講到唔想再講,因為我都明白,日後點做,日後先再算,目前我都仲有好多野要處理,太多啦~

人始終係會長大,其實所謂既挫折,小時候都有,但相對於長大了既自己,確實多了一份苦惱,或許多了一份責任感,覺得係時候自己解決,其他人都覺得呢d事都應該放手由你去處理,有時得自己一個人可能會鑽牛角尖,不過我自己覺得,如果自己未失敗過,就唔知失敗既滋味,就唔知原本係唔可以失敗,令自己唔會再犯錯,一味聽人既意見,有時只會失去自我,因為事都係自己既,每個人都係唔同既,有時候參考得太多,只會令自己更加苦惱,最後弄巧成拙,有時自己一個人,真係可以難得清晰添~

尋日同前日都好攰,瞓到成11點半先起身....

係屋企睇加勒比海第一集,都ok既~不過無想像中咁激囉~

之後琴黎左,係度玩電腦,最後仲到攰瞓左係床度~

夜晚同琴過新北江影埋d野就走了~

尋日去完漫畫節,成個人攰到呀,今朝又要一早起床返工,真係唔得你死...咬左三個瑪仔就出去了~

8點半返到去,成朝個肚個咕咕聲...今日係星期日,多人到你呀....成朝都未停過手,d隊都未斷過..

下晝趁lunch time去買條皮帶,都ok既~條舊既都爛晒...買埋個飯盒就返圖書館食啦~係間room慢慢食,邊聽歌,真係舒服到差d瞓到唔知醒呀~

下晝又忙啦...不停咁借書還書~

今日一早起左身,因為你既事我瞓唔著呀~

我真係好開心你睬返我呀~我真係好唔捨得你呀!我既生活真係唔可以無左你!

今日又俾亞媽xyz,我真係火都黎埋,十分之無奈...

之後點幾出街啦~約左聞傑係尖咀碼頭等,不過k16時竟然塞車,搞到我遲到....

買完票入場,原本以為好快就入到去,最後都要排左成15分鐘先入到去~

今年好似無咩野想買,可能心情唔係咁好啦,行左好耐都唔太啱睇...

成日都係等睇d dance比賽,今晚係jazz,勁正呀,d人真係跳到係咁氣喘,個埃及妖后簡直令到全場大叫,男扮女既都有幾個-.-

睇完之後都腳軟lu~同聞傑係灣仔食車仔面...間店跳左大制,又開又熄燈,仲問我地識唔識整-.-

食完就歸家了~

今日十點半起身,係度睇返d日記,諗返好多野...

食埋d小籠包,再襯下套西裝,亞媽整埋d菜飯俾我食,食完即飛出去荃灣見工!去到等in等左成個鐘...諗住3點走得,最後成4點先走得,,,

一邊行去如心廣場,見到西鐵站,一邊回想起以往我都會在碼頭等你放工,雖然有時係等左好耐,不過一見到你我就覺得係值得,真係好開心,經過荃灣廣場,又諗返起同你係吉之島行日子,睇kuromi公仔,最記得你當時係荃灣補習時,你係間7-eleven買左盒薄荷喉糖,去中華書局買書,同你行遍整個荃灣既日子,仲有果晚同你食完飯,兩個人舒服咁行去如心廣場搭53返元朗,你話坐耐d可以瞓耐d添...係呢一刻雖然話係男仔,但係我都認唔住喊左出黎...坐係巴士上,經過新之城,又諗起一齊去打機既日子..係呢度實在有太多回憶,我唔希望呢d回憶就咁完左...

坐車落左大埔搵傑傾偈,大家去左海濱公園,果度環境真係好舒服~更令我有更多既思考

你經常話我唔了解你,但你有無諗過你都係咪了解我..我唔係想講悔氣既說話,我只係想講,我地兩個係嚴重缺乏溝通,我並唔係話你d咩,我只係想講我地可唔可以加強溝通,確實,你說得對,其他人比我更了解你,只因為你願意去和他們說出表面,可是你很少和我說出表面,你有暗示過,但我已經很努力去做,但每次只做了第一步你已經說不對,作為一個男友,我真希望可以去了解你,但你始終覺得我沒用,做錯事就是沒機會給我解釋...

我知你對我講既都係悔氣說話,你講得絶對正確,那一刻我聽到之後個心真係好痛,特別係果一句....不過諗返自己確實係咁...我真係唔想放棄你,你係我心目中佔一席重要既位置,我唔想失去你,忘記你,我想我地之間既回憶可以繼續寫下去,我只想我們的小說永遠寫不完...

我衝上你屋企,係因為我擔心你,你唔聽我電話,我真係好怕你會發生有咩事,我關心你都唔可以?你發個短訊俾我可以令我安心,難道我唔應該去關心你?

我咁耐以來都受到父母既壓力,工作問題,我真係好辛苦,我係好想同你講,我知我講左都無用,但我只想向你說出來令自己不用屈在心裡,可是你每次都太理性去回應我,就如圖書館一事,我只想說給你聽,但你回應我'做就做,唔做就唔好做',你知道嗎,這樣令我更加難受..

一直以來,我都珍惜和你一起的每一分每一秒,從來都唔會忽略你,我十分重視你

今日原本約左傑11點係尖沙咀既,不過起唔到身,最後12點先出到門口....

出到尖咀已經點幾...先去香港商業專科學校睇睇,不過d課程好似唔係太啱自己,又無咩學費津貼,都幾貴下...

再同傑由佐敦行去油麻地,去間香港持續高等教育學會,佢d course真係好啱我,學費又負擔到,不過間野係新開,都唔知信唔信得過,但係佢有得申請持續進修基金,呢個基金都要政府批先得,我諗唔會呃人掛....

之後去左旺角食車仔面,再行左陣街,去朗豪坊睇下咁,原本plan左去接琴放工,但有d野好似要發生咁...

最近等701等左成9個字...人多到...

一早起身返工,都無咩野,好快準時咁放工...見到安兒=.=好耐都無見過佢,咁就同佢去食lunch啦,吹下水,無耐伍衍出現左,三人吹水,最後何軒到埋!好多人呀,係度十分之無聊吹水...之後同何軒去左新元朗中心睇鞋,都ok既,不過佢好搞笑,一隻甲鞋$29,乙鞋$100,但佢係出面個sales牌寫購買任何產品加$69就可以換購乙鞋,咁講法,我買一隻甲鞋再加$69換購埋乙鞋,咪$100都唔洗有兩對鞋@@!

行多一陣百佳就返屋企了~

我可以發誓我100%絕對唔會鍾意佢,因為我個心裡面只有你一個!

尋日返左大埔,成個人都攰到想死...成日都係屋企,完全無精神做任何野,係度係咁瞓....

今日8點就起左身,食埋d小籠包就出去啦~好耐都無搭276a啦,返大埔既路線~上水火車站都裝修變左啦~

成8個月無返沐恩了~一早返去崇拜,不過因為要整名牌既關係,搞到我遲左入去,當左遲到=.=被罰企...

完左之後同豪,權吹水,之後等埋其他人就一齊去食lunch=.=恐怖既事發生啦...我叫左個黑椒雞扒餐肉飯,點知入面送多左隻有觸鬚同好多住腳既野=.=|||大家都明係咩啦....即嘔呀....

以後都唔好去呢間野啦....

同豪,斌,篷仲有敬峰去i-game打機,之後返學校,點知今日個個都去左踢波,因為有賽事,所以無咩人係學校打波呀...唯有同斌講下d野,9唔搭8咁啦^^成個下晝都好悶....

夜晚同豪,斌,蓬去搵地方食晚餐,最後權都黎埋,成9點半先去左珊瑚堡食,有特價野食~成晚我都俾人圍攻呀...哈,蓬笑到胃痛=.=

成11點幾9先係大埔返屋企~

今日琴去左海洋公園,話時話,我都有成差不多成8年無去lu~我諗海洋公園入面都變左好多啦~