今日9點就起左身,因為準備同梁太個女補習,不過佢尋日話今朝要去接佢個姪女,原因係特登要佢姪女由大陸落睇看住佢個女讀書,佢自己要返通宵七仔,估唔到依家仲有d咁既亞媽...係屋企邊玩電腦邊等啦,點知10點半先打黎話11點上去補,我當然推左佢啦~因為我約左我最愛既小琴!邊個約我都要推晒佢!!!我要d時間俾晒小琴!!!係屋企hea左一陣十一點4度出門口lu~

行去西鐵站,係七仔買左包又酸又甜既可樂軟糖,諗住一陣俾小琴提提神!12點3到左荃灣碼頭,不過小琴未放,我就坐係度玩下電腦d game,又自拍下...不過太唔得,del左....等到1點10小琴終於黎左啦!睇佢個樣真係好攰呀~為左星期一既典禮真係辛苦呀~

先去深水土步,因為想去食壽司,個肚勁肚餓,先去西九龍間睇,點知勁多人,我諗起對面街都一間,so同小琴過去,雖然都係要等,不過都係等左3字,好過係西九間等成個鐘都有之~呢間同西九一樣都係明將,不過好多野都唔洗叫,有三文魚,墨魚,鰻魚啦,係咁出,仲有小琴最愛既蟹籽!不過就無櫻花魷魚....食左一個鐘,成個人飽晒!去行西九龍,每層都行晒,最後上去頂層兒童樂園,見人射籃球係好勁,好似機械式咁....過去影貼紙部同小琴影左d咭既相!!好靚!當然係話小琴啦~

之後去黃金入貨,亞媽係咁燒碟...太多人啦,唔想小琴俾人係咁撞到,好快咁買完野就走左,之後搭返車返南昌,因為我地要過荃彎~去到荃灣西,睇下53既巴士路線係咪要坐好耐先,要個半鐘先返到元朗,可以遊車河了~之後搭小巴過地鐵站果邊,點知我地行去時小巴就立刻開走左...唯有再等多一班啦~諗住小琴條鏈唔見左想買返條純銀俾佢,不過都未睇啱..小琴一打機就成個人精神晒!hehe再去擰野,一個米妮既盒仔,史迪仔,兩隻中國娃娃,同小琴一人一隻~

過去荃灣中食埋晚飯, 一邊睇電視一邊食,小琴飽到上心口啦~俾左d飯我之後又同我調換左碗飯食...食完飯行路去如心廣場坐53,等巴士既時候小琴幫我清左咭片套同銀包既垃圾,你話啦,如果你死左我點算好呢,無人黎管我一定勁多垃圾...一上車小琴就瞓左lu~我最鍾意就係攬住小琴!

成晚橫風橫雨,一早起身就黑晒...老豆打黎話掛黑雨!我即刻send message俾小琴睇佢有無提早放工,不過佢無應睇黎要忙個典禮無得早放...打去問仲洗唔洗見工,因為已經黑雨!佢話可以去or不去,我就話去啦,快d搞掂好ma~

係屋企玩左一陣電腦,之後食飯,食完已經12點半了,hea左一陣,幫亞媽燒碟,玩多陣電腦1點3就出去了~約左傑係上水火車站等,其實佢可以係粉嶺站等我既.....之後我地係上水火車站行路去粉嶺聯和墟,行左半個鐘啦,不過落緊雨,如果唔係會快好多~d路都幾迂迴曲折,左轉右彎....去到聯和墟,諗返起以前有一日同志豪鼎爺係度食野食好夜,成12點先走,仲記得係志豪係大埔同我一齊過黎話去天水圍佢亞姨度!同傑去左間餐廳食tea~食完去左間我都唔記得係咩商場搵左間相鋪影印,之後就行去見工了~我地經過一棟野本身就係我地要搵既,不過我唔知,兜左個圈睇返地圖先知...兩個傻仔...上去,3點9,佢真係好準時,按鐘無人應...因為棟大廈條走廊好焗,我地出左去後樓梯抖氣...4點返入去~真係咁準時喎...

呢份工勁free,鍾意返就返,依家做兩份part-time,加埋幫人補習,應該唔錯掛,,,不過呢份工要6月尾7月頭先開始有工開...呢份工又係同圖書館一樣咁計法...$20個鐘,不過如果無遲到早退每日都有$50 bonus!變相有$26一個鐘啦~

見完工諗住同傑去打機,不過佢要早d返屋企幫手,我就送佢到粉嶺火車站,我自己行路返上水火車站了~之後都返左屋企~

成十點先起身,早餐都懶得自己煮黎食,亞媽一早返左大陸,成朝就對住部腦,亂咁click,成朝打電話去另一份工,不過一直都無人聽,成1點都係咇咇聲...hea到12點半自己整d麥樂雞同大腸加埋魚肉面煲成一鍋,好食!!之後又係咁hea同何軒電話吹水玩電腦,3點幾就約左義工雄去打波,順便去銀行打簿,因為今日出糧!不過好似計少左十幾蚊...得兩個人係中央射波,好悶...見到d人爭生意...

4點8打去見工,佢話聽日四點去in!5點幾走了,要去買野返屋企煮,今晚老豆同老媽都唔洗返黎食,去左百佳,諗住買牛肉返黎整碟頭飯,屋企又有菜心,可以整沙爹牛肉飯!不過打完波個人好攰唔想整...小琴話黎天水圍,我立即返屋企沖涼,成身汗ma!返到屋企細佬話:聽媽咪講今日好似有人出左糧喎,你要識做呢~見佢咁講話今晚落去食囉~

之後出左去接小琴,飲薄荷綠茶~之後去左百佳買薯片,買左幾包咋~再過返間買日本糖買糖食~好想永遠攬住佢呀><不過已經好夜了...送埋琴搭輕鐵我就返去lu~約左細佬係我的自助餐廳食野,佢話食粥喎~平而且可以揀三樣餸,之後再叫左一碟叉燒同牛肉腸粉~

返到屋企亞媽買左d炸野返黎食,類似d春卷咁,亞媽話有綠豆,不過唔知點解食到奶皇同蛋黃....

今晚見到小琴真開心!!

今朝八點起身lu~因為今日返9點2,9點1已經返到去~又見到個px小姐...搵唔到本簽到簿,要佢搵俾我,真係...佢聽到我今日返成十一個鐘,佢問我linch想放一個鐘定9個字,之後三個字break,我當然話係一個鐘啦,做圖書館都唔太辛苦,成日都hea啦,我諗住上時係咁hea ma!一黎佢就叫我去做counter,今日無咩人,一開始係咁吸下借光碟d日期紙,費事一陣忙時無時間...無人同我吹水,自己無無聊聊咁坐下企下咁,d女職員勁串,以為自己做得耐就大晒咁...d人真係自大...係圖書館做根本唔洗叻,叻都無得發揮出黎,做圖書館無前途,當然儲蓄錢先有用,人工高福利好,不過越做會令個人越懶,無晒上進心....

一點放lunch,返屋企食,返到黎都1點三,亞媽又出左去,自己去電飯煲睇下有咩食,有排骨飯食勁正,食完已經點八啦,又急急腳咁行返去,費事一陣又俾個px小姐話,返到去仲冇分鐘,哈哈!

佢叫我去上成人書,入到去亂到七彩,先上190,因為無咩人借,上架時會易上無咁亂,易跟no.,我見d 427食譜咁多咪係咁上,因為唔洗索書,跟書既大細上就得,勁快係一個鐘之內搞掂晒,做到成身汗,啱啱拍好整齊d書,又俾d人整亂晒,都唔知點解d人無修養仲要學人黎圖書館睇既!以為同個同事好傾啦,點知都係講得一陣佢已經唔想講野了,成個館d人都係咁...不過我同義工雄有勁多野講喎...可能大家乽係新人易相處啦~4點去counter,大約5點另一個主任話點解多人係counter,問我點解係度,我咪話px小姐叫我係度,之後呢個主任叫我去上書,我求之不得啦!係上書房同義工雄係咁吹水,吹左半個鐘,之後上479手工DIY既書,同427一樣,好快又一車,我地兩個係上書房扮晒野上書,一見有人入黎就扮勤力,咁就到7點去拍架,一邊同佢吹水一拍,其實得我一個拍,因為佢都唔做野...點知俾個主任話我地顧住傾唔做野....當然啦,得我一個拍邊有咁快呀,你估兩個人一齊拍咩,勁快咁拍,出晒大汗,7點4度另一份工打黎,不過我做緊野唔得閒聽,打返去又唔通,咪唔理住做左手頭上既野先~拍到8點就收工啦!打返去份工個人話負責既人已經放左工,聽日先再打俾佢!

之後去買雪糕食!正呀><同義工雄過新北江睇下有無hp既代墨,點知係無既...正價當然好很貴啦!買左包冷面食,返屋企了~

尋晚成點幾先訓,今朝8點就起身,咬左兩個糭,亞媽又俾d說話我聽,話我成日諗住暑假搵到$買咩買乜,但係依家連$2000都無,聽到我起晒火,你估我想嫁...講到好似係我錯!8點9就出門,快快腳行返去圖書館,費事一陣又俾個px小姐話,點知行行下突然落大雨,果一刻已經俾亞媽話到好灰,我係度諗,我咁努力搵工都無用,依家又落雨黎淋我,係咪個天想玩我,果一刹那我有得俾雨淋,可惜個天仲未玩夠我..返到去個px小姐唔係度,搞到我唔知搵邊個拎time sheet,諗住一陣先再填,去左兒童度執書,見到主任係兒童圖書閣度,我咪係門口睇佢同人傾完野未,之後見佢仲忙緊,都係遲d先問佢拎time sheet..點知佢入左黎話我今朝唔洗返,我立即打電話去公司confirm,點知公司話聽日先係...都唔知係咪我搞錯....9點3即走啦~去左打檵,玩結他,唔知係咪個人唔開心集中唔到,第二鋪就gameover....返屋企啦~

check返kit send俾我既e-mail,係寫今日6/6!唉....點解會咁,灰得很,莫非我就係咁當黑?屋企勁hea,hea到4點9出去返圖書館...入到去問個主下晝係咪我返,好聲好氣咁問佢,佢d態度好差咁唔理我,叫左第二個人跟進!成個天水圍圖書館d人都好似好木,悶到死,同佢地完全溝通唔到,究竟係我問題定係佢地問題,可能我係新仔,見佢地自己都有講有笑,我自成一角...今日做counter,無得蛇王,d女職員好串,問佢地d借書問題,好唔咁答我,你估我想問咩,間間館都唔同做法,你估你地長守一間咩...唉..我都唔想怨嫁....自己一個人做野,感覺俾人孤立咁....今日同個外國人講英文,起初我以為佢想要放大鏡,因為佢話好似睇唔到d書,好似之後同佢駁到線,原來佢係要搵書,我就叫左佢去搜尋機搵啦,佢係咁讚我,佢借完又係咁讚我^^

放工去買芒果同呍呢嗱雪球食,勁好味!返到屋,老豆要開的士唔返黎,亞媽又出左去尖少咀聽講座,夜晚食亞媽買定既焗飯!

我成日都唔想怨d咩,不過都唔知點解成日自己控制唔到,我真係好支力,好唔開心,依家淨係想見到你,攬住你....

今日6點10起身,快手快腳咁先換左衫,再食野,即係出去了~臨走前又係俾亞媽鬧...唉...諗住去ok買糖食,一陣小琴有得食ma!不過勁多人掛隊買野,我又唔想遲左搵小琴,決定唔買,好快咁行去西鐵站!老媽叫我搭巴士,本黎今日有買十送一,唔洗$,不過費聽亞媽多野講,自己俾$20去買,搭巴士容乜易遲到嫁!加上我又想見小琴喎(呢個係大前提)!不過小琴今日遲左出門口,但d西鐵都好密,兩個字就出左去荃灣lu~去到隻船啱啱走左,係碼頭一齊等左2字~仲見到小琴既學生!

我轉地鐵去黃大仙,原本想買特惠車票,不過費事俾人捉到罰得仲甘!坐小巴勁快到新蒲崗,間館勁大!同天水圍一樣都係商場入面,不過有獨立廁所...呢間館d兒童勁整齊,上得勁快同舒服呀!天水圍上得勁痛苦...聽講將軍澳仲恐怖,亂到所有書都唔跟no.,見位就上...有時唔係歧視問題,根本係d文化水準低既人又學人去睇書,但係又要搞破壞,特別係d新區既同胞.....間room既書上無得再上..d架空晒!

lunch同個同事去食~d香茅雞扒飯幾好食!下次要同小琴去食!之後去左打機,玩photo hunt,點知個mon變左色,睇唔到邊度有錯處...玩射擊,玩到隻手勁酸,又唔識玩...玩結他,failed....

兩點返去上書,同個人吹左成粒鐘,hea左勁耐,不過另一個女仔係咁上書...我見到自己都唔好意思...個同事走左之後我就係咁上書,不過上上下個人好熱,仲見有d暈...4點3有tea break!本來4點開始,不過我遲左入去...咁啱呢個時候梁太打黎,真係勁啱,星期六同日朝早都要同佢個女補習,又可以賺多筆了~5點度啦,俾人叫左去cloakroom坐一個鐘...勁無聊,係度cut紙..有個小朋友自己就黎填參加聽故事,填完之後我話ok啦,不過佢同我講有張票拎...佢得5歲度啦,不過仲清楚過我...好得意呀佢!!!聽講今日有人偷書,不過個人好蠢,以為撕晒d條碼就唔會響...之後佢見事敗好快咁就左,不過佢留低左兩本借左既書係度...最後佢返黎自首,知道自己有手抦...低能,擺低兩本借左既書係度...慢慢查返都會查到你係邊個啦,真係作賊心虛...6點拍架,之後分書分到7點放工!

買左包冷面,勁難食,我係第一次食咁難食既冷面,個人仲要問我係咪學生,我咪答佢你覺得我係咪呀?佢之後叫我拎,張學生證俾佢睇,話平一蚊,仲送多包火腿,不過d火腿絲得5條,我數過....係咁搵20m搭返黃大仙,好彩俾我搵到!!勁快返左屋企!不過屋企氣氛唔係咁好...

其實我已經好支力,成日要諗不同既野,顧得呢樣又要顧果樣,邊個可以聽我講呢....兩日加埋先訓得6個鐘,個人勁燥,聽日又要返11個鐘呀><依家搵緊另一份工,希望佢請我啦,兩份一齊做就好lu~當見識多樣野...怨都係無用,怨完又要做,世界就係唔公平!不過講左出黎心都舒服d,俾我發下牢騷啦~

今日點9mapower打黎話有個女仔因為肚痛返唔到早班,要我早d返去圖書館替佢,我6點先訓,訓左3個鐘,成個人都未醒...咁就嗚返工,要9點2之前返到圖書館...之後我9點1去到銀座間七仔,入去買左魚蛋食,太熱,一路行一路食,點知入到office個鐘遲左3分鐘....我諗住照寫返9:10,仲以為offive個人唔理我,隻眼開隻眼閉,點知召左我過去話我遲左,我咪同佢講我話我臨時接到order要替人所以遲左,佢完全無面俾,以為自己咩人呀,主任仔咋,我既學歷都可以做你個位啦,以為自己真係高人好多咩!我咪打返俾manpower果邊講返我遲左既事,好彩佢話唔會扣bonus...office個px小姐話我遲左要到25分先開工喎,ok囉~我咪慢慢等到25分先開工!係兒童部執書,無耐個px小姐又入黎唔知做咩野,可能以為我會蛇王啦,當時我已經提早開始做野啦~今日黎左個我唔識既sb,佢原來係荃灣做開,亞kit又話無擺人係度喎,呃我啦!尋日d書多到6架車都裝唔晒,一早就係咁上,次序都唔跟了~個px小姐係咁入黎check我地有無做野,office咁得閒就去counter幫幫啦,高職大晒咩!上兒童上到手軟,呢頭執好,轉頭又亂到死...無可能做得掂,最死係有個時段得我一個...根本做唔切!無耐個義亞雄黎左幫下手咁,好好多,唔洗我一個做晒!之後個px小姐又出黎check人,仲要著住大褸,人地就做到出汗,你就凍到咁,個個見到真係想打佢!hea下hea下咁上書...

到2點2,成朝係咁做野個肚係咁打鼓,諗住去食車仔面,點知人多到死,想去七仔叮飯食,點知唔啱食,返去綠茵有平野食喎,點知今日假期人多又跑馬,又係無位,已經用左兩個字了...最後去左阿一食面,佢個餐勁搵人笨,佢個餐下面寫凍飲加$2,原來係要先加$8送一碟油菜同熱飲可以再轉,即係要飲凍野要加$10....

淨返一個字,係咁跑返去,費事一陣又俾佢話我遲....下晝上成人,勁hea,最後拍架時無啦啦叫左我去counter...5點收工了~有個讀者預約左書俾左費用,但我唔記得同佢solve返,好彩佢用信借,我打返信上既no.同佢solve返!

放左之後同亞雄去新北江食野,吹水吹左成粒鐘,7點幾返到屋企lu~

同亞媽既距離越來越遠,佢根本唔明我諗法,又要我行佢果套...夜晚佢一個自己落左去唔知去邊,今日佢同亞爸無講過野...睇黎有d野,最近亞媽成日都鬧情緒,今日我又唔夠訓,個人比較燥,頂唔順佢係度嘮叨,打爛左個mon保護幅射塊野.....

謝師宴係酒樓搞....真係勁是但,我決定唔去啦,完成無咩意思,搞謝師宴都係一次姐,貴少少都唔打緊啦,不過今次真係好求其!

今日十點起身,食左早餐,之後就出去返工了~原本今日係返保安道9點半放5點,不過亞kit改左我返天水圍11:10.放7:10...

早左出門口,我咪去左打機,玩結他,不過都係唔掂...

返到去,先上成人書,2點放lunch,3點返去之後上兒童~下晝有d唔開心..

夜晚同小琴去唱k!唱4點先走人,抵呀><!

今日成日係屋企,大約5點半出去搵小琴,點知佢遲左放工,我就係荃灣西等左一個鐘....

到元朗姑媽度fax,我唔識用...之後行左陣千色就走lu~

有好多野我想安排最好,不過永遠都帶來反效果....

今日11點先起身,一開travian,係咁俾人攻...小琴仲俾人佔左一條村添...真係火都黎,傑個acc d村又係俾人係咁佔左...我火起上黎一個人玩3個acc,係咁起野,整野!我要起armys!

大約一點打俾大佬睇下佢有咩做,佢話去睇戲喎,我見咁貴話去篤波啦~之後一點幾去左新北江個會所玩,打既係英式!d波細好多,張檯d反彈力又強,同元朗果度完全唔同呀><好難先入到一球...2點玩完過銀座食野,去左間日本野食,下午茶好抵,都係15至16蚊,又大碗,食到好飽,雖然d壽司$5一碟,不過都唔夠明皇好食同大舊,都係多一蚊啫!下次要同小琴黎食先得!食完去左機鋪玩左一陣,玩彈結他!不過都係唔勁,大佬學人玩standard,點知係咁miss,30秒都無就gameover...人地果d玩到...快到你呀....我幾時先可以好似佢地咁呢~打完大約3點9啦,見無野做就同大佬去睇戲,變種特工3!狼人超強,有不死身...屈晒機,d變種人個個都有超能力,如果我都有一種都唔錯喎~最好就識過目不忘同一目十行既本領啦!睇完都成5點10,大佬話返屋企,我咪陪埋佢走~

送完佢返屋企之後我返去銀座,約左琴琴!同小琴去飲薄荷綠茶!!哈哈,琴琴最愛!食完野之後去打機!玩街頭賽車,差一點就到終點><玩埋孖寶賽車...唔夠小琴玩...玩parapara,小琴話我似打交多過係度跳....o....玩完都大約7點8lu~同小琴去買疇食,諗住盒野係牛奶朱古力,點知係牛奶糖..之後送埋佢搭輕鐵就返屋企了~