今日9點半起左身啦~因為諗住一早過琴屋企~點知老豆約左亞女麻飲茶,亞媽同細佬又要一早出書展,老豆又唔想得佢同亞女麻,而且亞媽又無整早餐,最後我快快咁換衫出左去飲茶啦~

接埋女麻女麻去左富軒飲茶,不過間酒樓都無咩好食,叫左幾樣野食,之後係飲茶(真係名副其實飲茶呀~),個肚已經脹啦~諗住盡快過琴屋企啦,不過佢亞媽仲係係度,最後我去左機鋪打機,玩射籃球機,點知佢換晒d勁膠既波-.-係咁彈返出黎....見仲未夠鐘係西鐵歎下冷氣...

上左琴家,即刻開始整薄荷綠茶,雪左成幾個鐘,最後都係失敗左=.=

好開心同你一齊既時間~

今日11點半先起身,呢幾日真係一個大懶鬼,成個人好似迷失左目標,十分之頹廢...

除左我之外,成家人都出左去,12點幾時亞媽買左飯盒之後叫細佬拎左返黎俾我食,我連早餐都未食呀...

食完成個下晝都係度問人結他d野,then整個guitar pro呢個software,不過部腦唔知咩事成日用唔到...搞左我成個下晝...

最後頂唔順都係要瞓一陣,夜晚同琴玩msn,我真係好享受同你既每一分每一秒,見到你開心時我比你更開心,你唔開心時我比你更唔開心...我想話你知,我係十分之在乎你既一切!

夜晚雙親都唔係屋企,晚餐自然由我拍板~沙爹牛肉飯,第一次整,過得去啦....不過唔知係咪自己整既野特別好食呢~

夜晚同亞媽傾偈,講出我好多問題,其中一點係你所講既自以為是,係我既腦內,成日覺得自己細個時好獨立,識好多野,因為自己接觸d人多,亞媽都話細個好放心我去做每一件事,不過人漸大,做野成日無頭無尾,正因為覺得自己細個好叻,自以為是,所以大個左成日都覺得自己細個做到,無理由大左做唔到,呢種諗法真係好唔要得,不過好彩有你同亞媽一正咁話我,自己成日諗返以前既野,不思進取,真係令到自己好辛苦,成個人發左呆咁,目標又唔定,可以話無左咁,以前細個既理想始終不切實際,細個時有太多人讚我,令到我自己太過自負,依家要向前看,唔可以淨係搵返細個時既自己~今晚覺得自己好似有d開竅,不過來日方長,仲有好多難關要去衝破,最重要係自己要學多d野,唔可以再怨天怨地~

今晚亞媽講左個故俾我聽,話有甲狗問點樣可以搵到幸福,之後乙狗答佢係條尾到,隻甲狗聽完之後係咁追住自己條尾巴係咁自轉,而乙狗就豎起條尾一直向前衝,甲狗問乙狗唔係應該追住條尾咩?點解你一直係咁向前衝既?睇完之後明唔明個道理呢~(我既表逹能力較差,請勿見怪^^)

今朝一早就返工,都無咩特別,機械式咁做野...做到已經無咩特別野好講...

一點放工,去左千色搵細佬食晏,去左海皇食,原本係亞媽叫我地去海皇等佢,點知佢遲遲都未到,最後我同細佬食完就返屋企~

係屋企都係開住電腦,搵下工,睇下有咩新野,又再彈下結他,不過個個都唔得閒,想問下都無...

係屋企悶到無晒心機,最後係沙發瞓左....

夜晚起身同細佬去游水,勁多人去游...太多人了,根本無可能游到水...自己都無心情去游,自己坐埋一邊睇人玩...

有時係度諗自己係咪成日做錯d咩,我真係好想同你四圍去,出去香港d舊地區,太古,北角,山頂地方,雖然呢d地方可能係太高級,不過我都係想同你一齊去見識一下,去下多d地方咁,不過你永遠都係話'下世啦','去黎做咩',可能你係覺得浪費時間啦,浪費車費,無精神去啦,但我只係想同鍾意既人周圍去啫....你話未去過澳門,我都好想同你去玩下見識下,眼下無咩錢,但都希望一齊儲錢一齊去玩...

我自以為是既性格一向都俾亞媽亞爸鬧,我確實係咁既性格,但都係以前既事,有時你覺得我講得好自滿咁,其實我唔係話想講自己可以一步登天,咩都識,我只不過想做一件我未必有能力完成既事,希望你係身邊不斷提點我,支持我,鬧下我,可惜你認為我係做唔到就係做唔到,一開始就打沈左我,令到我依家每做一件事都無咩信心,屋企亞媽係咁,我真係好想你支持我,我都唔想俾人睇死,俾人話得多,信心都無...可惜得我一個我真係無能力去支持自己.....我自以為是,係因為以前有亞媽支持我讀好d書,我既成績先可以有進步,無俾人睇死,但係依家亞媽淨係識不斷話我呢樣唔得,果樣又唔得,我真係唔知自己可以點,我確實係一個需要人地支持既人...我都明你話如果唔講個真相出黎只會令我自己更加自以為是,不過我已經唔係以前咁,你可能仲未見到我依家不斷向人學習既一面,因為我自己都知自己既智慧永遠不及別人....

我只係想講,即使有問題,我地都要兩個人一齊解決,世界上無一個人同另一個可以配合得天衣無縫,即使兩個十分唔同既人,只要大家一齊解決問題,溝通,都可以變得合拍

12點起身,當然俾亞媽鬧...

下晝無野做,成日都係屋企彈下結他,不過都唔太有大進展...

夜晚去左打波,個人集中唔到精神...

一早起左身,食埋d水餃就返工,又係返元朗圖書館呀~今日都ok既,唔知係咪尋日圖書館無開既關係,今朝勁多人黎還書同借書呀,做極都唔停...忙到死,想睇下本書都無時間,一打開又有人...

1點鐘準時收工!之後打俾亞媽,今日係中一生考編班試,細佬係鄉中考完試出lunch,同佢地去左上海間野食,食到勁飽,之後亞媽話佢係元朗廣場行陣,我咪送細佬去鄉中~送完佢之後就去左書局幫琴影埋d成績表,買埋個公文袋,再過恆生入埋數,最後去埋郵局寄埋就搞掂晒~打佢琴電話無人聽,我諗佢應該做緊野啦~send埋個message俾琴~

之後出旺角join傑,同佢去左睇超人,無想像中咁好睇,不過都過得去~再食埋野就返歸了~搭701時遇到翁祐既同學,佢地話唔認得我喎,話我瘦左好多,仲成熟左,哈哈,估唔到有人咁話我~

返到屋企都已經好夜,俾亞媽又話...

其實我唔係想講d唔啱聽既說話,我都係聽人地講啫,你又唔肯講你既諗法,問多句你又話唔想講....唔係話係你錯,只不過係點解你唔肯同我講呀,你唔同我講我又點會明呀....我真係唔想咁呀,我好想解決問題呀...

今日11點半起身,諗住今日去見工,不過我越諗越覺得唔妥,個fd唔係肯講間公司d野俾我聽...我懷疑係層壓式推銷公司,最後我決定唔去...

下晝約左何軒,小伍同mabel,賴少峰去swim~成年無swim了...再游多幾次我諗我會識掛...

之後同琴去左食壽司,食完之後佢又同老爸去食晚飯了...

回家了~

今日返8點8,不過我都唔知點解要咁早返,因為返到去同返9點無咩分別,但係佢俾多我半個鐘,咁就由得佢lu~

成日都無咩精神,不過今日真係勁多人,做黎做去都未停過....

下晝買左飯盒返圖書館自己食,一邊睇本家燕媽媽....

食完又開工lu~

下晝仲更加多人!忙到死~

臨收工先至黎左個麻煩友,好彩d公務員幫我清埋佢,我先有得早走~

放左工諗住搵琴,不過又搵唔到佢...最後買埋餸去左新北江搵亞媽同細佬,佢地去左買書~食埋野就返屋企了~

今日11點先起身,一早(都唔可以叫一早啦),亞媽整左d餸再用d包北京烤鴨既皮包黎食,食到我有d滯...

食完大約12點3,我即刻換衫出去lu~

坐輕鐵再轉西鐵,好快就出左去荃灣西,不過琴今日遲放...我見仲有咁多時間咪走去新之城睇人打機~睇左一陣就走lu~

返去琴到左,係西鐵站俾人當動物園咁睇....都習慣lu~返鄉下都成日係咁...鬼叫我咁高大xx咩^^

過左奧海城,去左波仔叮飯食,好似日本咁,食快餐!再到冒險樂園玩,中左個史廸仔,不過中唔到hello kitty....再行好多間精品店,真係好大,最後過左機鋪,不過太多人既關係玩左一陣就走左~

行左去旺角,不斷行成條彌敦道,去左佐敦打機!再過九龍公園,d支裝汽水機真係平過便利店...

過左去海旁,不過唔知係咪今日可能落兩,無左d街表演唱歌...個音樂噴泉都幾得~

最後返左去奧海城食kfc,真係飽到我....d風真係好勁呀!

十點半起身,玩下結他,彈返熟d手指既靈活性,食早餐~又聽亞媽既訓話=.=亞媽叫我聽日去尖沙咀間公司佈置,我話約左琴,之後佢話一齊上去,我咪話佢咪同我安排時間,之後佢就扯火x我....

之後又彈下結他,玩下電腦~

2點鐘同亞媽細佬去左天恩多福居飲茶,好耐都無去飲茶了...不過呢間野無咩好食...叫左個套餐,有兩個點心,一碟油菜同一個豉椒肉片炒河,最後叫左兩籠雞扎,因為真係無咩野好食,大中小都可以,咁梗係拎大點啦~其他大點又唔好食....要菜心又無菜心...最後食通菜~

之後亞媽去左買東方黎睇,施丹單野俾人係網上面整左好多個唔通版本,笑死我!今日同亞媽講左好多野,講到我好激動,我將要講既野都一次過講晒俾佢聽!不過佢之後會唔會又插返我又係一件事...

過左天頌行,無耐亞媽話要去買餸,我同細佬咪周圍行下咁囉~佢係咁入d書局,但我個肚就痛到....最後都係趕左返屋企解決左...可惜依然仲有d滯留左未解決晒....

無耐琴入左黎天水圍,真係勁開心,你話呢~飲薄荷綠茶,食腸粉,個亞姐睇黎係新黎,叫薄荷綠茶,叫就整左個薄荷綠茶特飲,加左塊檸檬only...原來佢唔知有薄荷綠茶呢樣野....之後買d環保袋.琴買左一個維尼,我又買左個叮噹(我鍾意呢個叫法多d,因為我係香港人!)俾細佬第時返中學裝pe衫!

行多陣就送琴上輕鐵了~

真係唔明雙親點諗野,細佬都叫做入左名校,成績好多人都羨慕,仲拎埋東華傑出學生獎有$1000,不過亞爸話點解唔係第一名拎$5000,之後就鬧亞媽點解買咁多野俾細佬玩,玩到佢無心機讀書...亞媽又唔服佢講,兩老咁就嘈起上黎,今日問過細佬入到呢間中學開唔開心,佢話原本開心既,不過因為兩老係度諸口多多,搞到佢都話唔太開心...回想我當時升到中六,佢地又係咁....唉....好難做你地個仔呀!

尋晚打機打到兩點先瞓..今朝7點半醒左,不過有人用廁所,,,最後8點先落床...今日細佬要到元朗鄉中註冊,我老豆車埋佢同亞媽落元朗,今日我又要去元朗返,諗住一齊去食早餐,不過我見咁晏,怕一陣遲到,老豆又成日唔想郁淨係坐係沙發度....最後決定自己煲公仔面食,落魚片,仲有麥樂雞,我覺得用水煲麥樂雞比炸好食得多~最後飲埋包雪梨水,8點半即飛去輕鐵站!

差三分鐘就遲到!!好彩,今日都係無咩野特別,好快咁就過左4個鐘,不過今日好似好多人咁,做極都唔完~

一放左就搭968出去搵劉良,出到去銅鑼灣都唔洗一個鐘,真係勁快...全程攰到瞓左,到中環先至醒~

約左佢兩點,我兩點到左,不過佢兩點半先到....之後佢話佢帶我去佢公司見工,不過我怕係層壓式既公司,so拒絕左佢,之後同佢去左m記吹水,講返佢既野咁啦~大家都叫做志同道合既,之後再講返見工d野,我諗住去見下都無坊,不過佢著晒西裝咁,我就好隨便,so決定下星期一先至去睇睇~

3點半走人,去左city,拎asso form同問埋野~之後傑黎左又一城,同佢先去食野,當時已經4點幾個肚仲未有野落肚,勁肚餓...食完行左陣就走了~個商場大到係咁迷路...

6點就去接琴放工,不過佢今日加班,我見仲有咁多時間就沿住條海旁路行到去海濱花園,住睇下有無d小食買黎食,點知個地方太高級...最後係七仔買左杯可樂思樂冰黎飲~部思樂冰機唔夠思樂冰,我斟滿杯細杯都用左成個字,可想而知...

又行返去碼頭,坐左係碼頭旁大石上,吹風聽歌,真係好舒服~

8點半琴到左,本黎諗住咁夜出去食,不過我知琴一定好攰啦~佢屋又煮左飯,送埋佢返屋企我都走了~

今日成日都肚痛=.=