8點幾上到小琴家,成晚無瞓過,沖一沖涼,成個人醒晒~

小琴仲係度瞓覺,我咪坐埋一邊睇住佢瞓覺個樣^^

10點幾返到學校,派cert了~唉,雖然話係知道自己死硬,不過都唔會死得咁慘呀...哭不出,笑又笑唔出,估唔到呀...

拎完cert返去小琴家,個心未能平服...

返到屋企當然俾雙親轟炸啦~同當年中三一樣.....

太多野lu~

成日都玩電腦....

下晝收到小伍既sms話今晚去唱k~

大約7點出門口,之後join埋大佬,小琴打黎,我即刻叫大佬自己去先~返去元朗廣場接埋小琴~

今日好多人,包括我同小琴啦~仲有nola,菲,kaman,waci,小伍,大佬同steven(劉新發><)同steven合唱左餓狼傳說,o~

newway d野食真係好好食~有steven既津貼,今次勁平!最cheap既係newway一收左$就cut左我地....

12點幾,同小琴去打機,打到成點幾就走了~之後周圍蕩,小琴唔舒服,我地就係足球場坐下,小琴攰都瞓著左lu~我望住個天,係度諗過左聽日仲有無咁悠閒既心情同時間望夜晚既天空呢~夜晚個天真係好靚~

見個天不斷有閃光,無耐就落起雨黎~同小琴係咁跑,不過跌左副眼鏡,我返轉頭係咁搵,行到勁遠,點知返黎時發現副眼鏡就係避雨處無幾遠既地方,o.....

3點幾送小琴返左屋企~自己去左康哥屋企通頂,仲有何軒,小麥,李志,仲有廖鷹揚...特別組合...

今日十一點幾就出左門,臨出門前又同亞媽嘈左一陣,大家思想真係越來越不同了,佢根本唔明我既意思,未聽我想點已經一輪咀係咁話我...

一出門時勁大雨,唯有搭輕鐵去西鐵站啦~12點幾出到旺角,同已經久違了差不多9個月既大埔fd見面~哈,佢地話我瘦左又高左,唔係掛,第三度發育@@??蓬睇落高左好多...豪睇落多年不變~權同斌依舊啦~我帶左佢地去聚腳點鋸扒~大家都講得好開心,睇黎我講野既技巧勁左,hehe^^跟住成班人去左機鋪玩頭D~以前都好少同佢地落機鋪~再行多一陣旺角我就走了~

5點幾搵埋小琴諗住一齊返黎屋企,點知亞爸一早返左黎,仲同亞媽去左新北江行街,小琴話唔黎lu~我以為小琴間正校係九龍塘,去左九龍塘,點知係深水埗...我即刻過太子搵佢啦!之後去左食m記,再過新世紀廣場行左陣啦~都已經好夜lu~

聽日放榜了....

今日十點半起身,即刻埋早餐叫亞爸車我落元朗,先去元朗廣場幫小琴買睇波既票,之後諗去左圖書館還書,出黎之後先記起要去郵局磅下本書磅下幾重,咁就返左去元朗廣場間郵局,點知上到空空如也??之後去詢問處問,佢話要去元朗戲劇間野先有得寄郵包...我又要行返果去了~一邊行一邊話自己成個傻仔咁....搞掂之後就去peter pan屋企打機!

其間返去學校搵office蓋返小琴成績表校長個印,學校真係失敗...歐小強突然出現,講左幾句我都走了~

搵埋大佬黎打機,係度打nba2006,peter pan買左部ps2,不過買左無耐就已經壞壞地...都唔知佢點打機既...

5點幾就走人了~出左去荃灣西接小琴,再落天水圍,飲薄荷綠茶,再去打機!

夜晚又同小琴傾電話^^

今日9點就起左身,因為去搵小琴~屋企一早就無晒人,我都懶得自己煮野食呀....

9點半出左去~去到朗屏西鐵站既美心買左個包食,飲埋水已經飽左...

去到小琴家,小琴每次見到我都會好好瞓,哈哈,莫非我就係佢既安眠藥~我都唔想佢成日唔夠瞓,難得有一日放假,當然要俾佢瞓個夠啦~我好鍾意小琴躺在我的懷裡睡覺,因為我好鍾意攬住小琴!

小琴今日仲教左我acc,開始接觸acc了,佢講d野我都明,不過係我既反應遲鈍左...佢用幾個字講到我明,我好努力咁睇左成個鐘書都唔明佢講d乜....

先返學校拎成績表...今次考尾三...之後去左龍島食日本野,幾好食呀~諗住去買思樂冰,點知唯一既思樂冰供應地點都無埋....同小琴返去交返上網既form,早d安裝好ma,又上返去小琴屋企拎書去賣啦~

再一次出去元朗行,今次去左買眼鏡~同上次無咩大分別,只係左眼近視同散光各多左25度...

再去打機,7點半度,小琴去接蓮媽放工,我都返歸了~

成11點先起身,好耐都未試過一家人一齊食早餐同午餐,雙親既大戰暫時叫做停左火,不過唔知幾時又爆,多年黎佢地開火我都唔理,不過唔知點解今次亞媽想叫我做中間人幫佢地傳話,搞搞下我變左社工....都好既,有時我真係唔想理,成日諗如果有個家姐or大哥就好啦,呢d野等佢地去搞啦,可惜我係最大,唯有硬著頭皮去做和事佬啦,出奇地今次老豆又好平心靜氣肯同我傾喎,可能我講既野佢覺得有同感呢....

成日都係係度搵人下晝去打波,不過無人打,個個都朝早出左去打...最後係屋企玩電腦玩到3點9 先出去中央打波,得我同何軒,之後再拉多個唔識既人3打3,勁攰,太耐無做咁大量同劇烈既運動了,成身都好痛,特別係隻右腳,之前咬柴到依家仲有後遺症...雙腳又瘀左...搞到夜晚成日都瞓得唔係咁好...

7點就返屋企了~夜晚都係睇電視~

十點半起身,食腸粉,老媽又出左去,好耐都無係星期六睇卡通片啦~睇到12點幾,食埋排骨飯,亞媽係電飯煲整定,食完就出去lu~

點幾到左荃灣西,不過小琴仲未放工,我係月台坐係度等佢,期間見到有兩個女人企左係最幾個趟門前,不過係開唔到門,因為無車卡會停係果幾度門前,可想而知係咩事啦...

大約2點小琴到左,去左屯門行,好耐都無同小琴行屯門lu,上一次都成兩個月啦~

先去左味太朗食野,間野無總店,個網頁仲要係用拼音....

食完之後行左陣就落天水圍新北江,諗住睇下有無得意既環保袋買,點知一間都無,最後仲買左對鞋俾小琴,最緊要係小琴著得舒服就得啦~

6點3小琴要返去開會,我送埋佢上輕鐵就返屋企lu~

夜晚想去陪小琴,不過屋企又發生左野,唉...唔想去諗,唔想去提了...

夜晚同小琴傾完電話之後個人都開心返~

都唔知點解個人會咁攰,成11點先至起身,起完又想再瞓,個人無工作懶左啦....

亞媽成十二點幾先返,我早餐都未食,係度玩電腦,早午一餐搞掂~

食完都點幾鐘,之後約何軒出去打波,2點半落到元朗廣場,去左鐘聲打波,不過勁晒,無咩人,又唔想鬥波,齋身波而已~

3點半就走人,4點鐘係朗屏體育館約左人打波,不過係出面已經打到十分之攰.....隻小腿突然勁痛,我都慢慢行...

6點散水lu~自己一個去左車仔面食野,再買左杯西瓜沙冰,之後行去圖書館睇書,其間木咀輝打黎話會展打黎叫佢返工,我咪打去公司問下,點知佢同我講過幾日先通知個員工編號俾我知....

上左圖書館借書,想趁呢時候睇多d書,增值自己~

見7點幾就打俾亞爸睇佢係邊,最後係水邊圍等佢車我返屋企~

成日待家,無咩做,下晝睇nba,夜晚跑步..

不只灰,而是黑?

9點幾醒左,10點幾返到元朗,之後仲同何軒去打頭D,玩到11點就返屋企了~

返到屋企,沖涼~亞媽煮左飯,食完玩一陣電腦就瞓覺lu~瞓到5點半先起身~再sms小琴,6點幾就出左去搵小琴~

去到新北江小琴話睇鞋,仲買左好大個雪球食~再買埋冷烏冬食~仲去左玩d攤位遊戲添~

小琴返元朗我都返屋企了~

夜晚雙親又爆,我都唔知點幫佢地好,做中間人喎,無人聽我講,無計,我最大,我好唔想咁...唉,一時間諗到好多野,我都唔想自閉...