尋晚兩點先訓,今朝九點起身了~今日11點上水~又係好趕咁去~下次都係要再早d啦~1個字,係咁跑去~好彩又俾我搵到~

上水個館好大,比元洲街好好多~一去到就做counter~上左手lu~頂到2點半,其中有個人黎還書但係過左期,佢問我可唔可以平d喎...你估係街市買野咩,咁都有得講價...又另一個師奶遲還,見到個過期罰款板話罰$3,不過部電腦顯示$4.5,之後就係度理論話個價錢唔啱,係度插我地...好無奈,只不過差$1.5.雖然係我地遲左整理唔啱,不過都唔洗咁惡呀,平心靜氣同我地講我地會認錯既~(其實唔關我事,因為唔係我負責...不過我都要俾人鬧...)去上書~我最怕係上兒童,因為d細路係咁搶...不過避唔過...有個專人教我上書,語氣有d囂張,話手板眼見功夫...當然啦~你日日都係咁上...最好笑係佢話自己有六呎三吋高,高我一呎喎,不過我行埋去我高佢5分之一頭...佢仲要對鞋個鞋底高過我,不過呢d野就費事話人啦~

放左工人猿黎上水~之後去食tea~行多陣就各自歸家了~276A條人龍勁長...

圖書館雖然人工低,不過學到好多野,第日搵份文職都易好多~目標係做一個會計師,or商業工作,做一個文員最多得一萬多d人工,不過我唔想咁,但係琴講得啱,我成日得個講字鬼用咩~唉...唔知幾時我講既野先至可以做到呢,莫非永遠都係一個失敗者....我實在太多缺點啦~以前成日諗點解人地可以過得咁順風順水,不斷埋怨,不過既然呢個係事實,就要面對,可能我又係得個講字...成日俾好多如果自己,最後都係得個講字,我唔想再係得個講字啦~

我次次都拿不定主意,作為一個男人,唔可以再係咁,琴話得我啱,亞媽成日講,除多你身邊既親人之外,係無人會話你既錯處,

今日係元洲街返圖書館,原來諗住十點半出門口,因為十二點要去到,否則遲左扣bonus,$3一個鐘,一扣就成幾個都無晒,成$500...不過老媽學人玩股票,去左銀行搞野,我要等佢買野返黎俾我食,搞到成十點8先返到黎,以8極速既速度係咁食,之後趕巴士,諗過坐西鐵,不過怕太慢,因為我要行去西鐵站...而且今晚可能落大埔~搵nicole食飯,同琴補生日~

去到深水土步,差一個字!係咁跑去搵間圖書館,好彩都唔係好遠,上到去氣都未抖順,點知d人叫我等,一等就成兩個字,呆等....之後分我做counter,頂住d人去食飯~間野超細,得兩部電腦,借還各一部,邊度夠...做到停唔到手..後面d書多到跌晒係地下...亂七八糟...人手完全唔夠!d人返黎之後,要去上書了~係間得60呎既房中排書,勁辛苦,呢間館d索書號亂黎,我都唔知點擺好,唯有跟住一樣亂黎....

終於收工了~第一時間搵睡兔,佢出左黎搵我!去到西九溜冰場搵佢,如果我識溜冰幾好呢,不過我依然係一個廢柴...算吧啦~成日想變好d,不過唔知點解我成日集中唔到精神學野,每一刻我都係勁有睡意,真係成日暈暈地,都唔知咩事,好辛苦,完全係模模糊糊咁過生活...

睡兔又唔開心,我大概都知咩事既~當佢唔開心時,唔想同我講點解都唔緊要,我只係想係佢身邊陪伴佢

過左油麻地打機,$1蚊勁抵打!之後去意粉屋食野~個芝士海鮮闊條麵正!不過個螺絲粉就唔得啦~我一定要搵到$!

我發覺自己真係成個女人咁煩,成日怨天怨地,以後都唔可以咁!

之後又去打機,點知有人挑機...打鼓!個人惡形惡相,以為好勁,點知以我亂左既打法都win左佢,不過第二鋪lost...最後一鋪睡兔上!win左,個男人最後發脾氣走左....我地又再次佔據部$1蚊機,同兩蚊機既game一模一樣~

去食糖水,個老闆娘叫老細做麻甩佬...哈哈,睡兔,第時你又係咁叫我啦~

一上車睡兔就訓著左啦....

一早同琴返工~好正~好想日日都係咁!

今日好早到左長沙灣,見咁早咪去機鋪打頭D....

今日係第二日trainning~今日要做還書,起初有d驚應付不來,不過熟能生巧,都ok~上晝上書,速度快左好多,下晝counter~

好快放工了,不過仲要去中環簽約...搞到無得搵琴....唉...

之後見到個時間表,仲灰,都唔係天水圍做....周圍去做替工...聽日要出深水土步...後日去上水....仲要得5至6個鐘,無咩錢...仲諗住泥份工都幾ok,點知亂到七彩,無晒時間觀念...星期六日都要做野...天水圍得3個鐘,咁我做黎做咩!!!以後少左好多時間陪琴琴...好唔開心,又搵唔到咩錢,唉...心情真係好差,點解每次都係咁,我真係好唔想成日得個吉,成功既真係好少好少!!

今晚諗左好多野,人地無經驗都搵到份文職,唔代表我都可以,我一向都俾個天玩死,永遠好既都唔會輪到我,又話十年轉一個運,點解我仍然一樣...講句真,如果唔係琴,我都無咩話努力向上,個天不斷俾考驗,我放棄咁濟,不過為左將來可以同琴去玩,我要不斷鞭策自己做個有用既人,依家不斷迫自己去增值,目的都係希望三餐唔洗憂!

睇黎呢個暑假我會過d無時間既日子....

心情真係好差!!!

返工個時間表,睇左真係越來越down....有時候真係未必如你所想,或者係我自己啫.....

生日快樂!!!!!!下年要轉章了~

一早起身,今日要出長沙灣train,遲左出門口,要琴係元朗站等我添....一去到就有船搭了~太快了....

then去南昌坐702,原來佢係兜長沙灣!正,係東京街落!行左一陣就到了~唔該晒琴幫我問路~去到先9點,打俾我個人叫我9點半先去~之後有個圖書館職員見我係門口好似有野~so開門問我咩事~之後我咪同佢講囉~不過我自己唔太肯定係咪係呢間train..因為我聽到尋日係長沙灣圖書館...估唔到原來有咁多間.....之後要打俾亞媽搵返個負責人電話問清楚d!自己又唔記得左帶d notes...最後confirm左係保安道!係度呆等到9點半....

一開波教counter借書,好易,不過d special message同預約既手續就唔掂啦,仲要阻到d人....還書好難,聽日做....上晝做counter,下晝上書!不停出出入入,腳都斷...

終於6點收工,不過唔夠琴快,又要佢等....佢趕住返屋企開生日會....

自己一個無無聊聊去左新北江買野食,今晚d餸唔啱胃口....

回想起今年生日無蛋糕食><亞媽連我既生日都唔記得左,莫講有生日會,有野食,仲要俾佢係當日鬧,平平靜靜咁過算啦~對生日都無咩想要了~唉....原來有好多野都係自己出錢買既(自己好辛苦儲錢買)亞媽都好少額外出錢買俾我,都係靠自己d零用錢~都係靠自己最好,最討厭裙腳仔!

聽日又要出去train了....星期一至日都無假放了~就快要過只有工作的日子...

今日掛左3號風球,不過一年比一年d風球好似越來越弱...

9點起身自己煮左個公仔面就出去搵琴了~

去到琴仲未訓醒,哈哈,懶訓兔!

訓到成點半佢個'細佬'上黎送禮物,之後先起身,搞左一陣電腦,大約3點幾就出去了~

去左新明皇食~好食過任食啦~一分錢一分貨~

4點半趕去元朗站搭西鐵!之後轉輕鐵!用左4個字就去到釋慧文!因為今日琴考中化口試呀!

我之後去左市中心買錶俾琴~買完即走返去~唔知琴係咪第一批,我六點就係門口等了~坐左係輕鐵站,6點9啦~琴出來了~

坐610慢慢搖返元朗~去左元朗廣場行左陣,之後去零食物語買左ok多野~之後送琴返屋企了~

份禮物似乎太普通,有多d$我會另外買多份!聽日要出去train了~

尋晚成1點先訓,今朝6點就起左身...仲早過返學!7點出門口行去西鐵站!個人就黎訓低咁濟....用左十張全日通換左一張全日通,正!去到南昌轉k16出尖咀!之後係中港城落行去天星碼頭坐船去灣仔,係7仔買枝葡萄適,俾錢時個外國人俾左一百蚊,但係個店員找左好多十蚊紙...我拎一百增值50蚊,佢都無得找...7仔咁都有...

去到9點2,點知未開門...我正想走時,有個又係黎briefing既問我係咪做圖書館,我同佢之後係4樓等開門,成十點先開始....睇黎有second in大部份都請左...好無聊聽佢講廢話,佢講野又細聲,我要坐得後,又眼訓...好難頂..佢又係跟d notes講喎,諗起peter pan話妙玲照notes讀好悶....

lunch同d唔識既人食lunch,原本想自己一個食,不過d人主動話一齊食=.=...個個都係書虫樣...呆左...下晝又黎兩個鐘...想訓了...

終於完啦!第一時間坐船走人,係南昌已經勁眼訓,一上車就訓左,去左屯門....醒左之後都唔知咩事,既然去左屯門就行左一陣,睇下有咩買俾琴,我諗緊買邊份好呢~

5點半去搵琴了~係碼頭吹左半個鐘颱風!之後送琴返屋企了~

圖書館個負責人成9點都未打黎,最後我打俾佢,佢話聽日要trad既quato full左,要下星期一先~好野,聽日可以陪琴琴!

圖書館份人工真係好少..唉...依家係希望讀張證書搵份人工高既,唔係點養琴琴...呢個社會真係...自己諗得太多野了,唔夠專注一樣上,以致一事無成....為琴努力!

8點一早就起身,尋晚成1點先訓...好唔慣個時差,因為日日都夜訓晏起....

原本唔想出去in既~不過諗自己身為一個男人,無理由怕事嫁,而且做耐左,仲可以帶埋琴入去做!另一方面係倉務人工高d~不過最後都決定左去in!因為琴俾左力量我!

諗住慳$搭西鐵轉巴士去尖咀,再坐船轉電車去中央圖書館,不過時間緊迫,最後都係搭巴士...快同方便..出到銅鑼灣,又諗住唔去in,不過亞媽俾左成百蚊我,無理由咁浪費,最後都係去左in,in左又唔會死喎!上到十一樓,登記左無耐就in,原本係10點9in,不過早左in~入到去,用英文答佢我份sales做d咩工作,之後用普通話答sales有可以用係圖書館工作上,呢兩個都答得一般...第三題問有咩方法可以續借,我即係講左5個,一,上網,二,自己去圖書館續借,三,打電話,四,用圖書館既借書機,五,用搜尋器!勁!自己都覺得自己好掂....in完見咁早咪去圖書館睇下籃球雜誌,一個鐘之後就走人了~

坐電車轉船到尖咀,搭地鐵去青衣,諗住睇下有咩可以買俾琴點知無野啱,行左一個圈就去美孚,買全日通!去深水土步西九龍睇野,睇中左送俾琴既禮物!之後去食住食壽司,食死我...得15碟....失敗,原來自己一個食係無咩癮,下次都係同琴去食!之後見無聊,琴又未放工,咪坐車出尖咀,再坐返入南昌....唔洗$既k16!

入荃灣!諗住機,點知無位,睇人打,人地好勁!頭D好正!個小巴司機好惡...又係唔洗$既95k,搭西鐵可以慳返好多!接琴放工!入天水圍打機!之後琴話食薯條,so去食m記!之後送佢入元朗打邊爐了~

今日電話舊後備d唔見左...電話又無電...好彩圖書館打黎時仲有電,佢請左我了~聽日要聽6個鐘briefing.....

今日係母親節,尋晚買左枝香水花俾亞媽,今日成十二點先起床,真係懶到死....

之後無奈就午餐了,食完又係電腦前坐下,上qqkk forum,見到琴post左小說上去,一睇就成個下晝,都幾好睇,不過太長啦~睇左成幾個鐘先得兩頁....套情家愛琴海幾好睇,有時候有錢既人成日話無自由,俾父母定好左條路,成日喊晒咁話要自己,亞媽講得啱,如果一個無錢,你都無心情講咩自由,而且又一樣無自由,每日都要為三餐煩,更加失去自由,俾生活捆綁....總之有錢既有有錢既快樂,無錢既就有無錢既快樂,成日都諗起呢句野,人睇你好,你都睇人地好~

成個下晝無無聊聊咁過左,夜晚返黎既時候亞媽又係度不斷開槍,全家都中彈,我老豆成個女人咁,煩到死,仲乞人憎到死,講埋d完全令人反感既說話,有時候我真係好累,我唔知自己仲可以支持到幾時.....

成日都係度不斷諗緊聽日去in圖書館既事,如果唔去in,可以慳返d車錢,不過如果倉務唔請我,咁就雙失,若果去in,又怕係in既時候倉務打黎,唔聽又中招,假設倉務唔請,圖書館都有機會,假設倉請我,我都唔會去做圖書館,因為我希望可以多d機會見到琴,而且我更加希望有機會係呢間公司轉做文職,唔知點解我覺得自己做到咁上下個譚小姐會問我做唔做文職~

今日亞媽同我講如果兩份都唔請,叫我去泰國搵細舅學下做生意,睇下有咩可以做,不過我唔太想,始終未去過,而且我更加唔想同琴無得見面...

聽日去睇下買咩禮物先~

一早起身就打電話去倉務份工請假,因為星期一要去in圖書館,第一日返工就請假,我自己都唔好意思...負責人譚小姐話星期一先再call我幾返工,睇黎都係無左啦....都係怪自己貪心想兩份都做....如果圖書館in得唔好,到時真係雙失....琴講得啱,就算俾你做到圖書館,第日你都唔會有時間返啦,真係無u讀時,你都會搵份長工啦,無理由係圖書館做落去....星期六日同假期,你都想休息啦,邊有力去做圖書館份兼職呀~唉,好生後悔....都係自己攞黎衰....真係太貪心啦!!!我真係希望份倉務請返我呀.....

亞媽一早出左去~之後佢返黎我就同佢講我一陣要出去,咁佢就整左d水餃同粥俾我食,點知自己又係衰多口話唔要食粥,咁就俾人鬧...好辛苦咁挨到12點幾就出去搵琴了~為了節省輕鐵一程,我由屋企行去西鐵站,都係用左3個字!買左張全日通~

係海邊等琴,吹住海風同聽歌,真係好舒服,出去成個人都精神d!係屋企只會迷失自己....

同琴先出左去旺角行左陣,之後入觀唐apm同d開倉地方,好多野都想買,不過未有收入住,遲d要去買返><!行到咁上下,就過左舊區搵野食,食野去搵d花準備聽日既母親節!兜左個大圈,終於搵到d香水花,咁就搞掂左一樣野!之後去太興食野,d野都ok貴,不過都好食~

又係自己認叻衰左....次次都係自己攞黎衰.....

送左琴返屋企自己都返lu~

生活十分之頹廢,成十一點幾先起身,無耐就食飯...老媽又再次鬧我,又話我點解唔搵份電腦or其他做,淨係唔想我做倉務,我本身都唔想做,不過搵唔到工,文員果d又唔請我,我已經見工見到十分失望,原本有憧憬,不過已經厭倦左,生存已經不知為了甚麼,我真係好想喊,失去目標...原來現實真係好殘酷,我以前既快樂開朗已經唔見晒,留下不快樂的我,現在我唯有一個方法,拎證書,搵一份工作,其實我想搵一份好工都係為左琴,我想佢生活快樂,唔需要憂咩,不過我最怕係無時間陪佢,依家既生活真係完全令我失去目標....