唉..........好掛住你呀....琴.....今晚8點先放工,都唔知屋企會變成點....

朝早食埋飯就出去元朗返工,12點半先出,差d遲到...好彩都比原先早左一個字,係元朗全日counter,有個summer竟然做counter,真係有d奇怪,因為好多館都怕d summer搞錯野,年年都有好多書唔見左,都係因為佢地唔太識scan barcode...以為有一個鐘食lunch,點知又係manpower亞黃小姐搞錯,條友真好唔得,成日計錯鐘,都唔知點解佢可以上到呢個位....元朗d人真係好好,可能佢地係97前既公務員啦~唔同天水圍果dxx,學到好多新既圖書野,天水圍果d px成日都唔會教你野...足足做左7個鐘counter,呢間d counter又要幫人借書又要還書,係一部腦做晒,真係好忙,係咁轉個programme...其他館兩個各自分開的,方便好多,不過元朗既人流都唔算太多~

放左工去千色搵人,不過我8點3到左,之後落左base打頭Ｄ,打打下壽星仔何軒黎左...同大家集合之後去聚龍閣打邊爐,同行既人仲有小伍,nola(騎呢,平時無一齊玩開...),李志,小麥,puzzle,大頭文同小麥女友(都唔記得左佢叫咩名),不斷食糖水,食左三碗豆腐花,又食公仔面,最後仲有一粒勁細既雪糕....

食完都已經11點幾lu~大家話去nola屋企睇波,之行去元朗廣場,佢地話等mabel,都唔知等佢黎做乜...女仔既就返晒屋企,男既就去nola屋企~去到之後大家係度玩扑克,又睇明日之後,捱到3點終於有得睇英格蘭對瑞典,不過勁悶...睇完都成5點幾,上閣樓我已經攰到瞓左....隱約聽到佢地度玩斷背....

唔知做咩野,今日成個人都十分有睡意,7點半已經醒左,不過出左聽瞓,9,10,11都醒下醒下咁,最後12點半迫自己起身,食左幾粒燒賣,之後姨媽打黎叫我去佢屋企整電腦喎...點半就出去lu~

坐269D,今日巴士慢駛,怕會慢,不過都好快到左...買左碗魚肉翅,叫個伙計落多少少醋啫,都唔知係咪發脾氣,係咁落,成碗紅晒....

去到姨丈同表妹係度,一開機聽聲就知係ram問題,突然覺得自己好勁...掃埋d塵,插返好條ram就搞掂左~

5點半走人,去接小琴,過黃金搞掂個harddisk,再去西九睇鞋,返屋企了~

俾亞媽話夜返無得食飯,不過返左黎之後唔見左佢,自己咪拎返d餸同煮d瓜食囉~

我今朝成11點先起身,亞老一早煮左d蘿蔔糕同炒飯俾我,11點半度就出鬥口返工去了~

先到櫃員機幫姨媽張儲值電話咭增值延長日期,$1就可以多半年,只限sunday~

今日一早返到去,早左三個字,先上成人書,不過我勁hea,唔知點解上上下書勁出汗,個頭仲好暈,好似中暑,又好似發燒,總之就係勁唔舒服,so我入左room坐係度休息,兩個鐘上得兩車書,其餘時間都係坐係度同人吹水同唔做野...有個sb直頭乜都唔做,自己睇書,一聽個門有聲就扮勤力...hea到2點2出去counter,今日都唔算太多人,不過個人就十分之唔舒服,到臨收館既時候先黎勁多人,d腦又short左,d人又鍾意過期還書喎,幫佢地消record都消到hand機....終於捱到5點了~寫返time sheet就走人了~

去左銀座等小琴~再去7仔買魚蛋同雞串食,仲要買多份俾細佬食,亞媽話佢下晝食左面包only...去到我屋企,即係插個external harddisk諗住將d加旋過左佢,點知部腦勁conflict,用唔到....小琴就御用左我部腦黎打佢既report,我咪攬住佢睇佢打~hehe^^打完之後小琴攰到瞓著左,我都唔想叫醒佢,等佢瞓下啦~醒左之後佢就御用左我個msn acc,小琴,你做過d咩黎呢^^哈哈~

成十點半,同小琴去新北江食野,之後送佢返屋企lu~

搵亞爸食宵夜,不過佢個樣好唔開心,因為今日父親節,佢諗住架的士可以坐多d人,想出去食飯,點知亞媽話唔出...食完當然係我請佢啦~

今朝8點就起左身,因為要去同人補習,諗住9點到10點半搞掂ma,點知遲左出門口,9點半先到,我唔想見到呢家人,係我唔太清醒既狀態下好快咁補完...我諗住今日叫佢出糧啦,點知佢話最尾一堂先一次過俾,到星期四先要再補,o..收入又再少了,睇黎佢都係補埋下星期四就唔補了,不過我收佢d補習費真係好平,其他同學都話我收得太少了...不過當初係個師奶壓我價,我見無咩做,一陣連$50都無埋就大吉了....依家總算執到幾百蚊~

直出去荃灣,由天逸行去西鐵站,勁熱呀....我見去到仲早咪去左打機,點知遲左去接小琴...先去西九間米線食野,d服務態度勁差...出去黃金買external harddisk,個sales態度又係勁差,如果唔係我對電腦d野一枝半解,就唔會買野都受人氣,覺得自己十分之無用,最後小琴買左個harddisk,完全係我無知識既錯!

買完之後去左許留山食撈野,我見小琴咁熱,就帶左佢去降火啦~都幾好食~

出旺角,係女人街買左件恤衫,買左杯西瓜沙降下溫,到chic之堡同瓊華行,點知我又講錯野,激嬲左小琴...

小琴一直都唔理我,仲早左返屋企...

睇黎我真係一個大笨蛋,成日都激嬲小琴,我已經不斷改左自己既缺點,不過我知道仍然仲有好多存在,我唔想再咁無用...無能力買野俾小琴,知識又狹窄,點解我個腦唔可以轉快d,我d精神點解會咁差,個頭真係日日都缺氧咁,好心就早d死左去啦,我都唔想係度浪費米飯..小琴係我既推動力,我生命不可缺一既人,我眼前所做既都係因為佢,否則,我都不會有意志去做呢d事,也不過有毅力同耐力去承受壓力....

今日11點半先起身,老媽煮左飯食,之後又玩電腦...

下晝收到manpower既電話,話因為summer helper到左,要cut晒我d鐘至8月尾,勁無奈....

係屋企hea到3點半,就出去同人補習,今次要做d去,因為個亞媽係度我就唔洗做埋睇仔既工作...

補完之後返屋企了,今日無咩特別野發生...

10點起左身,無咩野做,食左少少野,之後12點半就出去屯門,咁啱傑今日又係嶺南,so搵左佢一齊去屯門,我今日黎屯門既目的就係幫琴琴拎勞工法例既小冊子!我地先去吉之島食野先,我係隔離間超市買左個迷你白汁海鮮焗飯同一枝檸檬茶,食完之後好飽,坐係隔離個亞嬸話我一個男仔食咁少...我今日消化不良啫...個亞嬸係咁問其他人拎骨頭話去餵狗喎...

食完之後過左勞工處,問人拎d小冊子睇,之後個人叫我去勞資關係科拎,不過未開門....我地仲有半個鐘就係度搵下工咁,不過無個啱,兩點就過去,黎得呢度都係要進討薪金,所以d火藥味都幾重,我係咁拎晒d小冊子,乜都拎一餐,仲去counter幫小琴問埋添~

之後去左打機,都無咩好打...都係睇傑打高達,最後去左in-base(都唔知係咪出名...)買左一年背心,都幾抵,又幾靚,$40only,差不多4點了,我地搭西鐵返天水圍,係天水圍站送傑搭276A,我自己就趕時間去同人補習,4點7到左...呢家人精神有問題,個亞媽,個女,個仔都係度叫囂...我耳膜都差d穿...佢申請個姪女黎都唔知做咩,原來係黎睇住一對仔女,點知佢自己係room睇電視,我就要睇埋個死靚仔,補習變左睇仔....

好開心約左小琴,當然又係去食烏冬同飲薄荷綠茶啦~小琴去書局買左本簿仔,之後8點就送佢返屋企了,佢今日又要等個寬頻上黎...我都返屋企了~

今日十點半起左身,諗住老出去操熟手車,點知佢一早就出左去...我一起身就左亞媽同我去新北江買衫褲啦~

過左去見到d衫都幾好,不過我自己想轉下個look,但係我果刻個肚好餓,之後去左間粥面既餐廳食,叫左飯同粥加炸兩食,我叫沙爹金錢肚飯時個侍應問我係飯定面...我無理由發音咁錯嫁...諗起上次同小琴去食,我地叫左辣魚蛋同螺肉,個侍應係咁問我地係咁要魚肉,我係咁答話無叫魚肉,前前後後都講左4次...d人撞聾呀定係我講錯呀....出左糧咁耐都未請亞媽食過野,今餐當然係我俾啦,雖然唔係豐富...

食完之後去買左件背心同沙灘褲,都幾ok,但買唔到我想買既恤衫同四角褲...亞媽好急咁返屋企做家務,因為佢今日要落元朗聽講座,不過佢返左黎之後話唔去了,因為已經1點2了...個講座1點半開始...之後亞媽都係要出去,約左朋友...我繼續係屋企玩電腦...去到4點半啦,我就出去返圖書館啦~

今日都無咩特別野做, 一去到就去左成人上書,先上d427,我原本以為跟大細就得,知話要跟系列,唔怪得無人上咁多係度啦,個館長都唔知係咪有病,明知咁亂仲要d人跟出版社放,次次排好又俾人整亂,亂左又鬧我地,痴痴地既佢...之後點知個話人主任帶d summer helper逐個試開書房個鎖....我呆左,因為成間room得我一個係度索書中,我仲要好串咁將架車打橫放係條路度,諗住都唔會有人入黎啦,坐得舒服d ma,點知就咁俾個主任見到...佢之後出counter,我好誨氣咁同佢講'哦'左一聲,我一向都唔係咁妥佢,出到counter都無咩野做,佢又走黎同我講7點去拍架喎....7點我又去拍架,今次有兩個人去拍,ok快就拍完~

係參考部見到義工雄,不過費事俾主任話既關係,佢又明白,so我地無講野,放工係門口見到義工,同佢講主任既壞話,有個full time sb俾manpower fired,因為summer helper黎左so無野俾佢做...咁都得,真係呀....一見個主任出黎我地就散水lu~我都返屋企啦~

尋晚成晚都訓唔著,因為怕小琴朝早call我時我會唔知醒,7點佢send message黎,我好開心即刻打俾佢,不過我朝早仲未開到聲,加上我自己講野唔清楚,小琴聽得好辛苦,我諗住佢聽得咁辛苦,所以想用sms同佢講,同佢講byebye時語氣重左d...打左好多個電話同send左好多個message都無應我,我唯有留言啦,小琴,我以後都唔會再講野咁唔正,你要多d提點我,如果我無左你都唔知會點呀><我都知你最近做野做到個人好攰,又唔開心,我可以俾你打嫁><(被虐狂咩...唔係喎,我淨係俾小琴一個打咋喎)...

瞓到10點幾起,其實我根本瞓唔著,因為激嬲左小琴,自己係咁鬧自己點解要激親佢喎...老媽話我成日都無咩野做,叫我依家跟老豆操返熟手車,我自己諗都好喎,趁依家比較得閒做呢樣野~

下晝約左傑,12點9去左天水圍西鐵接佢,成日都唔係咁開心,真係唔好意思...同佢先去左打機,頭d有佢教我玩,覺得自己好多d~玩高達,累到佢成日輸...真係失敗....等到兩點3去間日本野食下午茶,勁抵,仲叫多4碟壽司食,不過都無小琴上次帶我去明皇咁好食~一定要同小琴黎食先得!!

食完之後去左新北江行,買左杯雙球雪糕食,勁大,小琴見到一定好開心,因為有排你食呀小琴~兜左個圈又返去銀座打多陣機就送傑去搭車啦~都差不多5點lu~我就返去圖書館啦~

今日一入到去見到成班女既係度食tea...呢間館d階級觀念勁重,我果日做十個鐘都無得tea,佢地成班人連埋主任可以食蛋撻...真係好討厭呢間圖書館,同d人根本無偈傾...去左成人果邊上書,上得勁hea...係入面一邊上書,一邊同小琴玩sms,咁就過左兩個鐘啦~七點我自己出左去拍架,今日得我一個去拍,拍到我出晒汗...都唔知點安排人手既,咁大間館得一個人去拍喎...之後執埋雜誌報紙就收工lu~

今日小琴真係好攰,返左屋企就瞓左lu~無得同佢sms,真係好掛住佢呀><

原來每一個人都有問題既,圖書館裡面其實個個都有自己既問題,表面上好似好好傾,原來一轉頭就數人志d衰野,估唔到連圖書館都係咁...仲以為做圖書館既人唔會咁多辦公室政治添....

今日好晏先起身,成12點先起身,亞媽又一早出左去,我係電飯煲食左d水餃就坐係電腦面前,打返幾日前d日記,原來打一篇都要用左成個字,可能因為要諗返果日發生左事啦,我依家打字都叫做快左lu~打完之後睇多一陣電視就食埋d飯同尋晚淨落d飯,再玩多陣電腦都已經3點半lu,之後快快腳出門口去同補習!

去到4點2,佢個女仲係度做功課....等埋佢佢地先計,咁就晒左我半個鐘...又係數學時間,做埋一樣既野,個亞媽叫我同佢補埋英文,又話之前個女仔點樣同佢個女點補法..各有教法啦,同我講都無用架...下晝send左個message俾小琴問佢黎唔黎天水圍,我補完已經6點lu,第一時間衝去銀座接小琴~

當然係去小琴最愛既薄荷綠茶啦~個典禮真係辛苦晒小琴呀><佢真係做到好攰又肚餓~食完之後同佢去買扎頭髮既橡筋,揀左隻米奇俾佢,另外仲買左一條早紅色奶咀型同普通七彩既橡筋~再去睇d figure~之後去埋書局就走lu~小琴真係好攰啦~攬住佢真係唔想放手呀><!夜晚睇埋火舞黃沙大結局,最後亞婆果度睇到我幾感動~夜晚仲同小琴傾電話><!今晚真係好開心呀!因為有小琴你囉~

9點就起身了,今朝要去幫人補習,十點就去到天逸,呢個靚妹d數真係好唔掂,我係咁教佢畫圖睇立方體,佢完全無d想像力去睇,真係激死我啦,不過好彩咁先易過~小琴聽講座聽到勁悶,最衰我陪唔到佢,不過我好快咁補完,同小琴sms~11點7度走人,又要返圖書館,12點到左...

今日全日做counter...聽講我上次同義工雄一邊拍架一邊傾偈俾人投訴...今日勁多人,counter做死我,每分每秒都有人掛隊...飲水同去廁所既時間都無....四點去左拍架,今日有4個人拍架,快好多,一陣就做完,之後俾人叫過去兒童幫手,勁亂呀.....執執下又俾人叫去執報紙同雜誌,準時收工!

行去新北江買野食,同員工藍哥邊行邊吹水,原來佢以前都係sb,同我一樣,返開花園街,佢話天水圍對sb特別差,其實都已經出名了,九龍上水d人都知道...去左新北江買左d炸薯寶石q餅,點知等個q餅勁耐,成3個字,總之買包冷面就算啦~

夜晚小琴上唔到網,最衰我唔通電腦既問題,幫唔到佢,真係好無用...