成2點先起身....搵琴琴吃t...落屯門~諗住買present俾nicole,同買返條褲...可惜咩都無做就返左元朗了~

打機!yeah!開始識打機啦!

一早就起身去搵琴琴了...不過原來佢係度摺緊隻兔送俾我,佢以為我會起碼12點先搵佢,搞到佢十分忙碌...之後佢送左個銀包俾我,我真係好開心!我一定會好好用佢既~個銀包真係合晒我!

之後諗住同佢去睇早場,點知百老匯無晒早場,搵地方抖抖啦,無耐琴琴就訓左啦~哈哈,懶訓豬醒左既時間已經係lunch啦~搭西鐵出西九龍中心任食壽司啦!真係食到好飽!!

去深水土步既玩具街睇野,好多野都好得意!做大生意!再搭mtr去旺角買野飲!西瓜冰正!芒果豆花西米露相比之下就有d遜色啦~

過廟街,有好多野睇!再去沙田,琴琴要補習!點知手提無電=.=要用$1打俾琴留言...好耐都未試過用公用電話!

之後又出旺角,為左買蠔餅而失預算......蝕水!

返左元朗打機,成2點去唱k,搞到成6點幾先返屋企!琴琴唱歌真係好好聽!我呢......

一早就被亞媽叫左起身,去左天恩既銀龍食野,之後就學校練oral了...

得羅+雯同我咋,paul lok應該唔記得左....係ms so手上勁低分,不過係人地miss手上又ok高分...

下晝係自修室過,好耐都未試過咁認真溫書啦~lunch未食,就同安兒去左商中既車仔面食,已經有好多年無去啦,佢d咖哩真係好正!

11點半先起身,又係睇亞媽面色做人....

之後就睇下中史,不過太多唔知點溫,之後就打俾安兒問下佢啦~

開電腦,同琴玩yahoo,係咁輸俾佢=.=我一定要操下先得!!

之後就同佢出左去x打機,不過又係輸左...唔通我係打機天生蠢材?無理由掛....

5點半琴去左接亞媽放工,我就去豬平騷擾人,無耐就返屋企食飯~

7點半約左肥雞去補習,last一堂啦,好唔捨得d同學!!最衰就係要拎a先可以同驚驚影相=.=

補完約左何軒去打機,打上癮了><不過限今日!!

第一次打頭d出咭就hand機,機鋪都會hand機!!!仲要蝕左6蚊,出左張乜都無既頭d3咭=.=呆晒....

睇黎我又係唔岩打頭d了...

打鼓game真好好玩!!第一次打'撐撐'隻鼓game就上左第二名!!!勁呀,都係歸功於琴琴!!

聽朝10:10要返學校練oral-.-

又係好晏先起身,之後溫左一陣中史,無耐就食埋飯,碟頭飯,好食又簡單啦~

then開電腦見到琴online,之後就約左佢出屯門,落雨踩單車真係好舒服,特別係載住琴,真係好開心~

琴,有我係你身邊~

之後就落左天水圍打機啦~發覺自己真係好廢,要練多d先得~7點3陪琴等車出佐敦補習啦~

俾琴一個出去始終唔係太安心,所以佢放左補習之後一直同佢講電話直至佢返到屋企,成粒鐘=.=今次講爆啦~

又係好晏成11點半先起身,無耐就食飯啦~係屋企hea....

下晝約左何軒同gap峰打波,唔打真係唔知自己廢左咁多....

係屋企經常聽亞媽既理論,有排記啦......

尋晚成4點幾先返到屋企,之後搞到5點幾先至訓~

12點半先起身,因為要睇蒙面超人555,如果唔係我會再遲d先起~你一定會話我好低能啦~

下晝食粥當午餐~整個下午都無野做,想溫書嫁,不過唔知係咪唔夠訓,好暈,之後想訓,點知亞媽唔俾我訓,真係估佢唔到,連訓覺既自由都要被佢管住晒~無耐佢就同細佬出左去剪髮啦~我就梗係開下電腦玩啦~係度聽下d歌,我實在太out啦,好多新歌都未聽過....

夜晚都係諗住睇下英文咁囉,要惡補一下先得,到時4個a英文肥咪好唔得掂!!卡卡!!

時間過得真係快,已經中七畢業了,以前成日都諗幾時唔駛再著校服,依家就真係'夢想成真'了....

一早返去,就不斷搵人一齊影相,之後校長上黎廢up=.=同佢影張大合照咁囉~

中史堂係度睇片,天安門事件,好危險呀,睇呢d一陣俾人拉,睇返當年54d人真係好愛國,依家呢.....

小息諗住搵人影相,點知d人失晒蹤,唯有等放學先影啦~

文學堂,無晒mood影,好認真咁上埋最後一堂,原本以為佢講唔切會叫我地返去補課,點知佢選擇飛書,真係估你唔到....原本想搵妙玲合照,可惜佢急急腳咁閃左人了....

英文堂,已經無晒心機啦,平時都唔聽佢講野嫁啦,更何況今日!!我自己坐埋一邊係咁jar頭.....

空堂係圖書館極少人,s班都唔知去左邊,無得影,之後咪去左洗手間繼續jar頭,返黎d人話成個撒亞人咁,爽!同黑魔女係圖書館自拍,我覺得影得幾靚!當然係因為相中人啦~無耐都發生斷背山事件,受害者係大佬,兇手係我同肥雞....

一放lunch就去拎pizza,3個人去,點知...一個人都拎得晒有餘....返到去,等埋到會就開始開party了~上到去見到幾個老師,唯獨唔見妙玲...真係有d歉疚....happy張恐怖相俾我擺左上檯...

中代堂又係度燎人喊....次次都玩埋d咁感性既野,mr.歐,希望你改善下你既教學方法啦~

放左學安兒返左黎,點知唔俾上樓-.-我又周圍走搵人合照,遺忘左佢....

晚上活動就係唱k,當中發生左d唔開心既野,唉,算啦,都無咩機會再見嫁啦~

死肥雞又話打機,點知又走先啵,總之就唱k唱耐d啦,最後我同琴琴落機鋪玩,我發覺自己d精神唔太得,隻眼同隻手唔太協調,搞到成日輸=.=我一定要操一操先,下次要勁過琴琴!!琴,孖寶賽車我唔會你老貓燒鬚既!!

夜闌人靜,我真係好鍾意攬住琴琴!!