今日無咩野做,7點3就收左工,之後同子健落葵芳大家樂食早餐,諗返起我都成4至5年都未去過大家樂食早餐啦~

食完就散水返屋企,以前成日係葵芳附近見工,諗住日日都係樓下搭車返工放工都唔錯呀,依家都有機會啦,不過感覺唔係咁,有一種厭惡既感覺?我都唔知.....

快一個月了,時間過得特別快,不知不覺,真係不知不覺,感覺就好似發生左幾日咁,依家日日都返通宵更,已經將d時間混淆晒...以為係星期四,原來已經星期五,可能因為返工時間係星期四,所以感覺仍同在一日.....

一齊做事既同事,大家簡直係兩個世界既人,完全無咩可能match到,我諗都唔會話一齊出去玩呀咁啦,另一方面都無時間...兩個星期放一次假,每日返13個鐘頭工,不斷做,簡直係累死人,日日都瞓得4至5個鐘,開始變超人啦!新黎既clerk,完全係....幫唔到我..佢連最basic既開機同打login pw都唔識,最慘係連excel都唔識開呀!不斷問埋d重覆野,反過來增添我既工作量,有好多簡單既英文字,好似edit,佢都唔知點解-.-講英文更加唔洗講....都唔知點請人,做開倉務突然做clerk...莫非請我時都係以呢個標準黎請我,係都唔出奇既....

隻左腳唔知咩事突然腫左,勁痛,睇黎係舊患,尋日瞓前都無事嫁,但之後突然發脹,痛足我成晚,郁少少都好很痛,發生咩事,自己又無話整親過,是一個謎...

這麼久以來一直都鬱鬱不歡,脾氣都越來越臭,小小野就講d難聽既說話,可能係唔夠瞓,但都有可能係因為......

很想找朋友,但時間十分唔match,唉,自己一個活下去?

一直以來我都好羨慕人地,有既時候我都係咁諗,因為有既只係形式,做了很多傷透心的事,一直以來都左思右想,為左呢d野哭過,一直都唔想失去,現在,仍有這一種感覺,忘不了...

上天給我的考驗?還是惡運纒身?

你愛我像誰

講返尋日,一早就停電,亞媽一早打黎話佢返大陸,全座樓都無電供應,我就9點幾放左工之後去左荃灣食早餐同打機,好耐都無玩頭D了~仲有結他同拍拍機

諗起好多係荃灣既事...

返到樓下,shit,仲未有lift,我勁想返屋企沖涼,最後行左三十四層,成身濕晒....無電既時代,真係有點難過~最後搞到成點半先瞓....夜晚又要返工了~

每一個人都有唔開心,現在有工作不愉快,還有生活不愉快,但不知是不是麻木了,還是已經失去一些虛感...

好耐都無整個日記版了~

難得今日星期日有假放呀,成兩個星期都無放過啦,做空運呢行真係好辛苦,不過搵錢又好快呢,現在的我,深感明白到錢可以解決一些問題,人長大了,說句難聽的說話,是為錢和物質而活,沒有這些東西,又何來甚麼情呢,即使出街都要苦惱一番如何去慳錢,如果無錢的話,我想我最想去的地方,就是和自己想既人買飲品食物到海濱公園最深處把水談心,說到這裡,原來這是我所嚮往的生活,如果有得選擇,我會做後者~不過都係講者,呢d咁既悠閒生活,睇黎都好難係我身上發生,都係奢望而已~

返到家,父親說下午出外食飯,因為實在太久沒有齊齊整整地一家食飯,連家中都沒有,錢與家人,有時不能兩者共存...等到我睡著了,不久又要出去,我本來不想起床,但眼見母親很想我一同出外,便撐起眼簾,父親駕著的士,到韓舍旁的餐廳食下午茶,食完父親便要開工,我們也回家,我真的累得很,身心都是十分疲乏.....

現在的我,可能說是過著一些行屍走肉既生活,意識很迷糊,睡覺,上班,連發夢都是在入data....每天有24小時,但在家的時間只有8個小時,在公司的時間有14小時,餘下的兩小時是用來搭巴士,返到家處理一些雜務(便立即睡覺了,還未清醒又要上班了~

現在不斷告訴自己這只是一個過渡,因此我正為自己的將來而默默耕耘,無論有多苦亦要撐下去,縱然現在只剩下我一個....

大家也各只忙,想見的人全都無時間去約會,確實連send短訊的時間也沒有....

看到自己的痕跡全俾人擦去,從此在另一個世界中消失了,確實十分心痛,也許,另一人並沒感覺,只會說我是一個多餘....

今日又好晏先收工,成11點先至走,成晚都未停過,係好辛苦,d車放極都有,d貨物堆到成個倉都係,成個人真係漰潰,夜晚時候完全無人幫到我,一個人根本做唔掂4個人做既野,仲要俾人鬧,個口d牙苞真係勁痛,但又無時間俾我休息落黎,我想講,真係好辛苦!!

尋晚d大老闆落左黎倉視察,睇見佢地,個心就唔太舒服啦~如果當年無讀中六,讀完ive既我,會唔會工作得舒服d呢?依家過著d非人生活,每日就好似發夢咁,已經感覺唔到自己存在,連想休息既時間都已經無左....

想找你見面肯定自己仍然存在的時候,你卻避開我,我那時確實十分悲痛,現場更看到我的存在被隱藏,這一刻我才知道原本我之前存在是一個夢,現在的我已經身心疲累,已沒有能力可以再說甚麼,原本你是我的支柱但看來只是我自己在撐

現在時間六點五十一分

今日又10點收工,個女同事都唔知係咪返工,成日玩失蹤,唔返又唔通知公司,搞到我無得交更,好心佢就早d辭職啦,成個亞姐款咁,淨係做tucking,其他野又唔做,你估你真係得一個job做咩,次次交更都交到亂七八彩,搞到我要執佢手尾,又要搞到我遲收工...

朝早收工又好鬼精神,起初係車度又瞓唔著,不過差不多到天水圍時又瞓到成隻豬咁....下畫1點先瞓,真係勁攰,瞓瞓下5點9就醒左,好無似瞓過咁.....

成日人都好燥熱,虛火上升!

上班去~

現在是晚上六時三十分

每天繁多的工作真係令我十分疲倦,由8點半開工到十點收工,仲未計搭車既時間,真係唔夠瞓呀!

依家公司三個倉合併埋一個倉,工作量多左三倍,但人手只係多左一至兩個...間公司係外判工作俾人,一cut,咁就炒左人地....唔夠人手仲要炒人....間公司係咪想攞人命,尋晚個個都做到出晒火,我都同人地嘈左幾句,我唔明個亞頭諗咩,早更一定要四個clerk,夜更就得兩個,死都唔肯放多一個落夜更,佢係咪痴線嫁,家下一個人做三個人既野,d倉務員以為係office好得閒,淨係佢地先忙,佢都唔知係office要處理既單幾多,仲要做埋其他工作,又tucking,print label,跟單,入機,消數,呢d日抖4個人做既工作一下子得我一個做,另一個clerk又要忙入nike,跟d單,d櫃夜晚先到,日抖又唔到,即係玩死我地班夜更啫,無啦啦咁就俾人拎黎發脾氣....

家下喉嚨痛,個口又爆飛滋,勁熱氣,再吸多d塵,遲早肺朥...又感冒,成個人手軟腳軟....

做到傻下傻下,估唔到依家係星期三.仲以為係星期二,可能以為返工同放工都係同一日啦....

要返工了

是否值得呢?

瞓極都唔夠....

現在是早上11點45分,剛放工回來了~

這些麻木的生活,根本是獨自在活,差不多和世界斷絕了...人們活動時,我在睡,人們睡時,我在工作,現在想來,我還是一個人?看來是不似人型的人.....每天只是睡覺,返工便沒有其他了...模糊地生活著...

一同新來的同事,做埋今晚便不做,到別的公司去~始終一張沙紙是很重要,ive出身,比a-level失敗的中七有用得很多,難道我便要這樣活下去?雖說人工確實很高,但大吉利是說一句,有錢沒命享....

心情一直不好....又要睡覺去了....

日日開通頂,日日都開ot,日日都返成13個鐘工...真係無咩時間做自己野,搭車又用左三個鐘,淨返8個鐘用黎瞓同做自己野,依家生活得好麻木,朝早一返黎開電腦睇少少野,食埋野就瞓....日日都好似發夢咁....

今日遲左收工,因為唔記得print返d文件...勁多...最後太多俾左早更搞埋佢,9點7先走~

等巴士又耐,返到屋企都11點2,圖書館打黎叫我返,但我俾左resign letter,係呢一個月之內唔可以請假...最後勁賤既winnie wong(做sbla都知佢係勁賤既人)叫我賠返上個月既人工....又打電話問人又問labour department,最後都係得個吉,成點半先去瞓覺,5點就起左身...食埋野一陣就出去了~

依家d時間感覺好差,尋日發生既野,因為係同一個地方,感覺就好似連接性咁,啱啱發生咁...唉...無日無夜,仲要解決圖書館既事...d時間真係唔夠用....

好鬼耐都無打日記了~

最近返工,尋晚開始返通宵一更,20:30~09:00...12個半鐘...ot左5個鐘....不過有ot錢都無所謂啦~

一返去就學print label,之後再做其他data input,都唔係好識應該點做....

夜晚一班都幾好返,無咩人管,可能因為公司搬左倉,d工作安排都有新既編排,有好多野都幾亂下,夜班個亞生乜都負責...我覺得佢好強...咩都係佢管,import,export,甚至連倉都管到....

成晚就坐係電腦面前...諗住玩msn,點知公司個system block左...send唔到d message出去....最勁係公司control晒d system,你做過咩黎佢都知=.=汗...d文具又係清清楚楚...連一張a4紙都mark得清楚=.=耐不耐仲會check影印機用左幾多張...用得多仲會插人...即係乜都無得拎....hehe

一陣又返工了~食飯先

兩個星期的通宵更~