星期六,感覺很舒服,因為過左閒日唔洗咁緊張做野,但唔知點解下晝特別多野做....由四點做到8點先至叫停....

8點3閃人出油麻地搵權同斌,百老匯電影中心,之前真係唔知有呢間咁既野...有好多文藝既cd,vcd,不過我唔識得欣賞,因為我無條件去欣賞....

三人過左廟街,搵左間野坐低,點知等人執臺都等左3個字...之後叫煲仔飯食,要炒蜆無蜆,要炒螺無炒螺....最終叫虫毫食并食,令我諗起同你因為買虫毫食并食而miss左最後一班西鐵....

食完行去佐敦,又令我諗起以前你返補習,我係對面食住野等你放學,仲買左頂帽俾你,接你放學,仲記得第一次返佐敦時,我特意返屋企換衫同你出去,但行錯路擺烏龍既日子....還記得嗎,糖水鋪中一對老夫妻,女的叫男麻甩佬,我還問你會這樣叫我嗎.....

一時感慨....放不下只有這樣吧....

星期五特別多野做....

6點10即閃人,即刻飛去地鐵站,之後打俾權問佢思齊樓點去,行到我成身汗,終於係7點55分趕到去報名,之後話等6個星期之後先至至收唔收,以我a-level咁high high既成績,有點兒那個....

行去搵權食飯,住hall真係正,我個人覺得啦,係cantee食,一樣既餐,但碼頭同hall既價錢可以相差一個double!其間碰見小麥同佢女友歐恩杰,真係有d羨慕佢地啦~

同權講左好多以前既野,包括開心同唔開心啦,係hall既環境真係好舒服,個人既心情都平靜d,可能人地話唔好,但自己仍然放唔低,可能第一次付出得多啦,話就話自己自願付出啦,不過都希望有收穫既....

差唔多10點就走人啦,沿著學校外圍行,好靜,落住雨,無帶遮,淋著雨,人都有d悲傷,獨自一個人淋著雨往地鐵站,心情確實十分沈鬱,那種不愉快無法排解....

對於自己所做,下一步是如何,仍未知....看來有好多希望,但怕一觸及便是幻滅的惡耗....我不敢有所行動...

又遲左返工=.=仲要落雨,天氣凍左,但我都依舊著短袖加件風褸,懶ma....

宗先生已經俾我吃住上,我無以前咁笨俾佢吃了~

1點即同alive落cantee食,點知買左飯後,祥落左黎話請食飯,最後柴又黎埋,四人就叫餸食飯,至於嗰個飯,已經有人認頭了~

工作量都好少,好悠,好快就收工...

諗住同柴去搵姨同琪琪去食飯,不過睇黎琪琪怕左我同亞柴,hehe^^最後同亞柴食四川面,當然由我請啦,係我叫柴陪我食~食完行左陣葵芳就走人了~

估唔到鄭中基係黑拳中係高手...

最後勝了還是兩敗俱傷?

又是這個時間上班,每天同人迫車....

今日遲左返公司!

工作量唔算多,宗先生既行為終於引起公憤,搶住聽電話,連平日唔應該我地做既佢都做埋,完全越晒職,十分之離譜!下晝pinky媽,姨同alive加埋我出晒去食飯,剩返宗先生一個,最近佢仲催我地快d返去,平日佢唔諗下佢平時自己食個半鐘,我地食半個鐘就打黎催,十分之死要面子,搞到俾我地杯葛,自己攞黎衰,今次仲要俾我地捉到痛腳,星期日返2點放4點,佢夠膽死寫返朝九晚九,勁呃ot,呢鋪佢死梗了....

我見佢咁'努力'工作,我準時5點半收工啦,之後諗住搭shuttle bus,點知放係咭套既19張車飛俾人偷晒,無左$57=.=以後都唔借咭俾人入黎,事關我地公司入門口要用員工咭打閘口個門先可以開到,好多人都唔係我地公司,好多外判公司既人都要入黎,唯有借俾佢地....

自己再拎$20買飛啦....

去左葵芳行,又係自己一個人啦,食車仔面,買野飲下,見到對鞋都唔錯,不過又唔想咁快買住,$900都唔算太貴,睇下遲d再有無其他款,下次去買嗰對$1000鞋,用黎襯衫都唔錯,星期日睇下izzue有無平先,準備去掃貨!

7點半到坐巴士歸家,好耐都無坐巴士,一上車就瞓死左了.....

夜晚再上網睇下d course!

今天逃學了...$3000當係無左了...

今日遲左出門口,因為過左試用期,唔洗咁依規矩,hehe,講下姐~

出label,登記,日日如是....終於到1點幾,同alive食飯,睇佢係公司都有勢力,同埋佢個人既經歷都好豐富!宗先生既行為已經令人無法再忍受,經常冒用我個名同人講電話,搞到上面d人問我'你係流定姓劉呀?'...做野又不守自己崗位,成個掃把咁,唔諗下自己只係一個出label既低等人士,做到自己好似大佬咁,最勁係叫掃把幫佢做野,你估你真係大佬咩,遲早一定整你一穫!

2點開始不斷好多貨入黎,做極都做唔切,又要跟單,又要聽客既電話,又要應付運輸,出label,真係千手觀音....

winson同劉濃生一早返黎,諗住可以早收工同pinky媽去銅鑼灣行街啦,點知宗先生早走,今日又勁多大log野,唯有留低幫手啦....最後9點幾坐運輸車返屯門轉西鐵返屋企了~

今日趣事:夜晚買串燒食.我揀左豬肉,女仔揀雞串,另一個男仔揀牛串同兩條腸,之後個小販問我係咪兩條腸,點知個女仔搶住答:我係雞!我好想笑...個女仔都知自己講錯野了...邊有人咁心急去認自己係雞喎....

收到炸彈(請帖),要做人情,點算呀...又要破財了...

人工高,福利好,但時間長,不過為左搵錢都無辦法拉,努力努力!諗住轉科讀呀~

最後有野諗:溫室小花....

尋晚成兩點先瞓.....一早七點起身,成兩個星期都係咁過....就死了...

冬天既天氣真係好舒服,真係好鍾意~

返到公司,又係不停地工作,今日自己好唔舒服,不過都係要頂住上!

lunch自己一個去左ok買叮叮飯食,自返工以來,都已經習慣一個人,雖然係好唔鍾意,但係都沒法子...無人得閒食野....

今日過試用期!正!不過無人加,亞頭話唯有係4月大幅加我人工=.=

又9點先放工,everyday都係朝九晚九,ot o到想死...成一百個鐘一個月-,- 好彩係有錢收,不過無晒自己私人時間...晚晚都要成11點先返到屋企...

其實,我唔係太想一個人生活....

今朝6點3醒左,之後再瞓,但成7點10先起身,原本想返9點,最後改左返10點....

食埋早餐,裝扮一番後就飛出門口了~

成10點3先返到公司,個個見到我個look都以為我去飲....亞姨今日都裝得好睇,人地以為我同佢夾埋一齊著得咁靚,惹人妒忌....

全日都無咩野好做,係度係咁cut紙...本黎亞文叫我消架生d野,不過姨怕俾人做晒d野,搶住黎做,最後我都係咩都無做...食埋個kfc就閃人了~

約左肥婆4點半係美孚等,之後搭地鐵落旺角,平時返學都成日行旺角,不過係果條街,今日行左好多店舖,入左好多間比賽high class既店舖睇衫,好多款都合心意想買,不過都係等佢減價先至買了~相返肥婆就買左成$600野啦~

係朗豪坊food court叫左泰國既炒烏冬同印度薄餅,兩樣都好正!再行多陣朗豪坊就過左波鞋街啦,不過都睇唔啱,又係行一陣就走人了~

哈,肥婆做左我既形象顧問了~下次畫個圖俾佢幫我車衫先~

昨晚發晚攬住琴一齊好開心,之後又發夢同琪琪,姨同媽出街,不過肥婆話夢係同現實相反,莫非係指我既希望係無可能實現到.....

為何要說你很忙,但轉頭又約左其他人出左去,既然唔想見到我,便出聲吧....

想了很久,每天看到別的情侶,都十分羨慕,我不知是我錯,還是對方的問題,自問已做到比其他男仔好,為了她而學織頸巾,也為她親自下廚,但在她心目中,只是理所當然,其他女仔聽到都很羨慕,但是在我來看你,你少許讚賞鼓勵都沒有....我真是十分之傷痛,我真的希望你可以做我的小女人,我也想找個人來倚靠,你的任何說話都比其他人更銘記在心,你的行動,也為我帶來喜悅,可以說你是我的一切,但你一次次又一次地令我傷心,我從來都不敢跟你說,因為怕你會離開我.....由開始,我都已經十分害怕你會有一天離開我,你每次的打擊,也令我更堅強,最悲痛的是你很絕,xanga delete了我...以前的留言也;隱藏了....一切關於我也沒有了,,,,約你出來食飯,你說功課忙,但你又和別的男仔去街,我一早都說你有節目,但你堅持做功課沒有空,這個更令我心碎.....有緣無份,為何上天要給我撞到你的密碼,是說我要和你一起,還是要我知道死得明白....很睏,還未寫完....

轉了返早更~早上上班既感覺真係唔同,同人迫車迫路,精神都好d~返夜時四周無人,很冷靜....

最近公司勁多貨,14個鐘未停過手....

晚晚成11點9先返到屋企...都係與世隔絕....

開始返學了,不過成日太累瞓著左....堂堂都係錢呀....

黎緊既星期日有假放!終於有完整一日既假期啦!