今朝一早返元朗圖書館,今日都無咩野好做,好快就咁過左個朝早,1點收工...

之後去拎眼鏡,再行去元朗站買全日通出九龍,約左2點半係葵芳見工~

坐西鐵勁快,轉埋地鐵都係用左半個鐘...2點出到去,我見咁早咪食晏晝先囉,諗住搵間平平地既食,點知一個人都食左成$30..勁貴,間野又簡陋,都唔知點解咁多人食,又唔好食...呢個商場勁多賣鞋既店舖,我諗小琴有排睇呀~

2點半準時上去見工今次見工既地方係我之前in玩具公司既大廈,不過唔同樓,見到另一個應徵者,不過in我既人仲未返,我就坐左係一邊等左一字~in我既人話佢係first in,請人係另一個同事決定,佢話今次係幫個同事抽人俾佢in,佢個同事去左會展做野咁...今次個印象都唔錯^^

in完等佢通知second in~我搭返地鐵過西鐵,再落屯門ive拎表格,點知坐輕鐵時早左成幾個站落..再搭另一部,又過左一個站,之後再搭返倒頭車...拎完表格就出返去荃灣接小琴放工~係碼頭邊等邊打機,不過太熱,返入去西鐵站涼冷氣~

同小琴入天水圍食味太郎~行左陣就陪埋佢搭車返元朗了~仲途佢雙親打俾佢出街食,係康樂路落車,佢去左搵雙親,我都返屋企了~