哈，我系HK消失左3日2夜，終於番黎啦！哩3日2夜我系去左中山玩。

民安隊同中山合辦左一個"中港友情迎奧運，携手創作建未來"，甘丞丞就叫我去，仲要系唔使出$$，真系好好！

22/3：

今日一早起身就搭MTR去紅館，因為系那麼上車。一去到就見到家俊(佢唔系姓趙，而系姓陳)同埋阿鎮(領隊)。

陸陸續續見到Fish,阿峰(一對拖友)，Cherry,Katy,阿靜同埋鼎洪(領隊)。佢地就我哩程trip既同伴啦，

其實我之前正系同佢有一面之緣，所以我唔系好識佢地，不過冇所謂，佢地系我新識既朋友。等左一陣我地就出發去中山啦。

去到虎門附近又落雨又塞車，搞到2點半先去到那裡食lunch。我到天天漁村食，去到d人都食得7788，佢地既時候我地先自食，

好慘啊，而且仲要好接近high tea既時候。不過仲有人遲過我地，我有d可憐佢地。

跟住我地去左孫中山既故居參觀，不過落雨真系好唔方便。我地參觀左一個鐘之後，又返番去天天漁村食dinner。

大家唔好覺得奇怪，系lunch同dinner之間隔左3個幾hr。雖然都系好夸張，不過行程定左，冇辦法啦！

食dinner既時候發生d小插曲。甘我地住間酒店叫"天虹"，甘天天漁村個口號系"天天彩虹"，唔知點解有人以為系住系哩到，

甘鼎洪又話系，佢地真系以為系到住，系到擔心哩到衛唔衛生，甘我望過去鼎洪到，見到佢個眼神都知唔系。不過我冇出聲。

佢地一路食一路諗呢間酒店既衛生，直到食完之後先知自己比人玩左，哈哈！好彩自己心水清姐。

食完之後，我地就出發去"一中"(中山市第一中學)。我地team人系十八區既代表，所以同我地同車既都系要去表演，

我地表演既項目就系唱歌，唱咩歌呢？就系"始終有你"，我地仲要系搭車既時候先練。上到台見到勁多人，不過所有都系HK人，

我地一路唱，佢地一路拍手，都幾感動架！除左呢個之外，我地仲help大埔區跳舞，跳舞緊系d bb舞黎啦，

d動作簡單都冇得再簡單。不過都玩得好開心。之後我地就坐系到睇表演，睇完表演之後，就搭車返酒店。

一見到間酒店，啊，唔系，呢間叫"天虹賓館"。一見到間賓館，就覺系佢唔系好衛生甘，

不過見到間房之後，覺得佢都ok，冇咩問題。甘沖完涼之後，我地就去左男仔間房玩，連Cherry都黎左tim。

我地一黎就玩show hand，雖然系個新手，不過都win左唔少架，不過唔系玩$$$。之後我地就玩心臟病，

首先系name，adj.+fruit+MTR station name，school name，玩得勁開心囉，Fish一玩哩個game就唔同晒，

完全系2個人黎既。玩到4點幾先訓，訓左個幾鐘就起身啦，出奇地唔系好眼訓，可能系搭車既時候不停甘訓，訓飽左啦！

23/3：

一起身就遲左少少，因為7點系酒店大堂等，跟住去左食早餐。不過我地就搭3先落到去，阿鎮就系到等我地，

我覺得佢好慘，因為為左我地，佢要系酒店同餐廳兩邊走。

甘我地早餐有咩食呢？緊系唔少得清清淡淡既粥啦，仲有炒河粉，炒菜同包。哩餐都算系甘啦。我地求其食一食就搭車囉。

我地去到中山我體育館集合，一去到就見好多"中山市技師學院"同"一中"既學生。佢地好多都系系到做運動，

(((((一見到佢地d運動服就令我諗起屋企那套，小學既運動服我正系著左2年左右就冇著過啦。

我突然好想著住套運動服返小學一次，上一日堂，因為我次次返東莞，我都好想返小學，但系都冇人陪我返。

我仲記得我2年級既班主任系我阿爸同學，而且我堂姐都有份教我。好想返去啊！)))))

系個廣場到企系到十幾分鐘，先自有人開始致詞，你又唔系唔知次次致親詞都勁奈，甘就白白企系到半個鐘to四十幾分鐘。

開始跑步啦，好似系由一個奧運選手令住支火炬帶頭跑，跟住到民安隊，我地十八區，制服團體，最後到"技師"同"一中"既同學。

二千幾人一齊跑都幾壯觀架！同埋唔似得小學甘跑那一百米甘hei，哩次系跑2.3公里，好似好長甘，但系跑跑下就唔覺架啦！

我未跑之前都以為好辛苦，但我地一路跑一路傾唔經唔覺就跑到終點。不過有件好lor既事，就系中山的同學們系早過我地到終點，

但系唔好忘記我地系早過佢地跑，突然之間覺得好冇面。不過對於成日做運動既佢地，我地就一定系差人地一大截架啦！

跑完之後就一定唔少得影大合照架啦，但對於我地哩團甘like影相既團友們一定會企系最前。哈哈.....

跑完步，我地就出左中山市既步行街啦！我地一去到那裡唔系行街喎，唔知你地知唔知我地做咩先呢？就系...就系食糖水啦！

那裡有一間鋪頭d糖水好好食架，最出名既就系雙皮奶。而我就叫左一碗"紅豆雙皮奶"，甘好味啊！真系好好食，而且又平，

好似系$5 or $6，系HK就一定食唔到架啦。跟住我地行左一陣就去食lunch啦。而且又去"天天漁村"。

食完之後，我地就去左"孫文紀念公園"同埋"文化藝術中心。系"孫文紀念公園"那裡睇風系好好架，睇到中山市。

而且隔離個公園又有勁多人系到放風爭，d view真系好正。參觀完之後，我地去"一中"食盤菜。

等緊既同時，我地見到遠處有人系到影相，甘我地甘like影相，我地決定左攝鏡，不停系到擺poes，搞到周圍d人都望住我地。

我諗poes王一定非我地莫屬啦！哈哈..........

系食之前呢，就有3個"一中"既同學同我地一齊食，佢地系：安琪，A Ling同阿寶la！佢地依家讀緊高一，姐系我地講既F.4 la。

佢地都系好玩得之人，好快就同我地玩熟啦！仲同我地一齊瘋同攝鏡 tim。慶幸佢地玩得，如果唔系就會好悶啦！

甘食完之後，我地諗住走啦，點知安琪佢見到佢d同學(男的)，甘就同佢打招呼啦，點知我地無la la起哄，叫佢唱歌，

連隔離都同我地一齊起哄，甘佢就唔好意思走啦，甘我地就叫佢唱"始終有你"，點知佢真系識唱，自己一個獨唱，

去到副歌我地緊系一齊唱啦。不過佢由頭到尾都唔驚甘，我地一叫佢唱，佢就話好啦！好擔識。

唱完之後，我地就去左隔離既hall啦，佢地既hall值情有兩，三個協和既hall甘大，甘又系，因為佢地有好多學生。

我地黎hall系因為有一個晚會，系我地行去我地坐低既地方既同時，我已被Fish同Cherry扮幼稚笑死啦，

但系佢地已經系大專既學生，不過甘証明佢地好玩得，唔系多得佢地，哩個trip就冇甘好玩架啦！

哩個晚會就有好多表演啦，好似：舞龍舞獅、跳舞、中樂等等啦。令我最深刻既就系有一中年既男女出黎唱歌，

甘佢地唱"明天會更好"啦，出奇佢地唱得好好聽，而且好高音，好勁，甘系佢地唱完之後全場喊"安Call"，勁ｈｉｇｈ喎。

甘佢地最後唱多一段仔，因為冇排到哩段。甘另外一個高潮位就系系中山的同學們身上啦。點解？

因為大一ｄ中山既同學冇ｌａ　ｌａ整人人浪，甘我地冇理由唔整架，甘我地不停系甘整人浪，真系好High囉！

甘成個晚會既重點就系杏仁餅身上啦！創建力士世界紀錄最大既杏仁餅，不過我地就冇得整，正系有份見証佢既誕生，好過冇啊！

個杏仁餅好似重１５５公斤，足足有３個我甘重．．．．．

甘個晚會完左之後，我地就返酒店，系搭車既時候，我地聽到個唔系幾好既消息，就系我地聽日要去"天天漁村"食早餐。

因為今日跑完步之後有十幾個人唔舒服，可能ｄ早餐有問題，所以就去"天天漁村"食。甘我地一聽到就反對，就話不如去Ｍ記食。

最後都唔使去"天天漁村"啦。勁開心唔使去，因為唔想再去。甘照舊就系沖完涼之後我地去左男仔間房玩。連阿鎮都黎ｔｉｍ。

我地又玩show hand，出奇地又比新手阿鎮ｗｉｎ左啦。唔知點解次次都系新手就win，等我下次又扮下新手先，睇下會唔會win。

不過哩次我地玩到２點幾就訓，因為真系好累啊！

24/2：

今日我地都系照舊遲到，系因為男仔唔知幾時集合去Ｍ記食野，甘好彩系集搭車之前既中幾分鐘就晒左啦！

我地冇去Ｍ記食野，所以我地去左麵包店買早餐食。甘我地就一路搭車去去旗既廣場一路食。甘去到升旗既廣場，我地採排左幾次，

去到９：００就正式升旗啦。甘升完旗之後，我地系到等影合照啦，甘哩個時候緊系唔少得我地既小組遊戲啦，

就系玩十五二十輸左既就要去認識新朋友啦！我慶幸自己正系輸一次，而有ｄ人就連輸幾次，就識左好多新朋友啦！

甘我地玩玩下就到我地影相，我相信大家都知我地好like影相，甘系每張相到我地都系用唔同既poes影架。

影完相，我地就去左一間好似系消防局既博物館。入到去系好好玩架。入面有一條模擬系火警現場，你入到去佢釋放一ｄ煙出黎，

勁難閒，好似真系火警甘。甘我地睇完搭車去食lunch既時候，系架車開之前，突然之間有班小朋友扯住前面件杉行既時候，

佢地系到同我地講８８，甘得意啊，可惜架車好快就開左啦。講返食lunch，我地系又返返去"天天漁村"到食架，真系好慘。

慶幸食完之後我地唔使再食啦。甘食完之後，我地又玩返我地既遊戲：識朋友仔。甘玩玩下，鼎洪冇la la講佢信Ａ男仔做到５０下撐上壓，

又話如果佢做到就Kiss佢一啖，甘跟住我地就玩野，明明個男仔做左十幾下就話佢做左５０下，甘鼎洪就被迫左kiss佢一啖，

不過唔系嘴對嘴。甘我地系等車既時候又玩我地既遊戲，冇la laＡ男仔kiss左鼎洪，原來頭先影唔到相，所以哩次補影返。

甘佢左鼎洪之後以為冇野la，點知鼎洪唔知咩事，佢又kiss左個男仔，不過哩次系嘴對嘴，真系笑死我地。

哈哈．．．．．我哩３日２夜就由鼎洪哩件事告一段落啦！系哩次中真系發生左好多好好笑，好難忘既事啦，

最重要系識左班新朋友，同佢地一齊系唔會有唔開心既時候，會成日都好開心，所以真系好like同佢地一齊玩，一齊去中山，

如果第時再有時會參加交流團，我一定會去，最好系同佢地一齊去啦！！