今日麗麗個新look引來好多話題.嘻嘻.我一早就見左啦~哈哈.自豪自豪~

傻豬愈來愈靚,^^我都要打扮下先得勒.

今日佢冇得落場.不過就收11點,我今日冇打機等佢,我睇漫畫等佢.因為我唔想成日都係機鋪打到唔知時間,機鋪入面又成陣煙味,^^我都想戒煙,因為麗麗唔鐘意.佢口話唔介意姐,但我都唔想^^就好似如果我唔食煙,我都唔想自己女朋友食.

聽日終於出糧啦.好多野想買.同有好多野要做^^

後日我都染返個頭先,唔知咩色好呢.

今日我冇遲到啦~哈哈哈~因為麗麗放假佢都早起身打比我叫醒我^^對我真好^^

今日星期一,都係逃不掉要洗雪櫃既命運.麗麗佢放假,真係有d不安^^唔自在.但係好在有sms,打上耐唔耐既電話,令我感到比佢係公司更加親近既感覺.

收工之後,麗麗佢等我收工呀^^超超超開心.佢染左頭,電左髮,又釘多左個耳,索左好多呀,睇落大個左,成熟左.重有少少壞壞地既感覺^^

今日超開心^^我重記得埋拎個本書^^拿拿林背熟佢先.^^

ps:多謝你丫^^傻豬~

呢幾日慣左有麗麗叫醒我,今朝冇麗麗既morning call,我就遲到勒 .好在都唔遲好多,幾分鐘姐=.=

今日一早11點就有好多客=.=搞到一早就忙爆,加上又唔夠訓喎=.=幾難頂呀~

今日落場都係同麗麗一齊走,之後一齊返工.阿邦同阿斌兩條友仔唔知係唔係有心架,係上面伏我地.

之後晚上都唔係好忙,都好順利^^

收工之後等埋麗麗,阿邦佢勁搞野呀,一野撞落碌柱到,一定好鬼痛呀.見到我都覺得痛.麗麗佢好衰架,重要係咁笑人喎,搞到我都笑埋一份勒.哈哈

唉,麗麗佢拎唔到假呀>_<冇得一齊放,唉,旺角之旅要廷期啦.你唔好靜雞雞出去呀,要等埋我呀>_<

搞到食日本野,買波衫,行街,睇戲,影相,唔知要等到幾時>_<嗚嗚嗚.由今日開始要咀咒玲姐先得\_/嘿嘿

過左成日..我都係唔記得左拎個本書=.=

ps:重要跟住成個星期都冇落場..連去置樂都要廷期=.=~

聽日放假去搞頭,唔好搞到阿玲咁呀^^唔係一定笑死我架.^^

今日麗麗佢返12點,冇得一齊返工,不過佢都8點幾起身打比我叫醒我.^^sweet morning call.

今日星期六,入面夠人,所以我就出出面陪儀姐.^^好耐冇同儀姐一齊包卷啦,又可能太耐冇包,有好多條都包到爆左o太>_<

之後落場,我等埋麗麗,之後一齊走...同佢玩左個魔術.佢識穿唔到呀,呵呵

之後同佢玩兩個game,佢中哂招,kaka,話我有6隻手指呀>_<我重整左個萬試萬靈既魔術,嘿嘿.ye@h.

之後一齊返公司..一齊遲左到呀>_<

收工個時,麗麗同我講佢頭痛..(佢平時公司好少同我講野..終於變左啦^^好既開始^^)我叫佢食必利痛..但佢又話唔食..搞到我好擔心.可能比我傳染左d咳咳.哈哈.不過我都好返架啦=.=冇奶油=.=

唉.食日打機比人查牌..人地贏緊架麻....又要息人地機..而家d龜好鬼小氣架,唔抵得人地贏.

之後到左差不多12點.我見到麗麗佢勒.可能佢以為我走左=.=但我點會丫=.=佢一路行又唔打比我....(我今日成日下午都諗..佢係唔係嬲左我呢=.=佢好似好嬲咁=.=唔通個魔術真係太勁=.=)

咁我唯有打比佢啦..之後都係一齊返去.^^開開心心歸家去^^

希望係因為唔舒服而咁既樣啦>_<訓個教教第日冇事架啦^^放心啦.應該係返左幾日夜,又唔夠訓.所以會咁姐.

ps:

>_<sorry丫>_<唔巧嬲嬲啦.唔再對你玩魔術啦我.^^

今日同麗麗一齊返工^^我重拖住佢隻手手.^^拖住佢隻手既感覺好舒服呀^^

大傑買左條黑鋼頸鍊,好靚呀.我都想買條,不過唔知我帶好唔好睇>_<

落場我地就一齊返屋企.之後又一齊返工,我重整左麗麗打黎既鈴聲係許紹洋既幸福的瞬間.只有你係用呢首鈴聲^^放工佢陪左我去食麵麵,同佢兩個人飲一支可樂,佢飲過我口水尾,要聽哂我話lu.呵呵~之後佢就買豆腐花食.買豆腐花個間野勁搞笑.牌上面寫既所有野都係冇的,而問佢有咩食,佢講個d,就牌上面冇寫既=.=真係唔夠佢玩勒.

之後上左駒駒屋企,搶佢d漫畫~哈哈.

麗麗食完豆腐花之後,同駒駒吹左陣水.就走勒.

我地今次搭輕鐵返屋企,等輕鐵個時...^^開心開心~^^

之後係輕鐵睇佢本教織手繩既書,但都就黎到站勒.冇時間睇.>_<

總之今日都係好開心.同麗麗一齊,日日都開心^^只會愈黎愈開心^^愈黎愈親密,愈黎愈甜蜜~^^

今日係我day off既日子.由麗麗既morning call叫醒我開始我今日既一天.^^

今日大半日都冇出街,都係係屋企聽歌仔.同搵下有咩好歌~麗麗落場就send sms比我,佢買左新衫衫,唔知係點架呢.^^好奇中~!

到左6點幾.訓左2個鐘,之後同左個fd去打機,佢同阿媽嘈交,令到平時唔鐘意打機既佢主動叫我陪佢去打拳皇.(橫掂麗麗收12點,有幾個鐘都唔知做乜好,所以陪佢去,順便拎定d比麗麗得閒睇既小說11點令去接佢放工).打左一陣,10點幾,上左佢屋企睇漫畫同睇日劇.佢個死仔冇做船個到,好似得閒左,搵左個睇漫畫好正既網.正~!

今次我醒勒,11點15就出發,11點半就到左.以免又要佢等返我,加上又落雨,佢冇遮係公司.好在我有,我話比佢聽我把遮係點,麗麗好叻咁知道邊把係我,果然冇拎錯^^

雖然我唔鐘意落雨,但同麗麗一齊係同一把遮之下,感覺好正呀^^好開心.開心死喇~!

今日好開心好開心好開心呀呀呀.

今日麗麗放假.冇得係公司望佢.不過我耐唔耐都打下比佢.感覺上比較親近左.太好勒^^

今日我有locker啦.同邦邦一齊用一個^^不過我都冇咩野放既...以後放d菊花茶盒落去先得.

我今日約佢我收工一齊去食野.去左我好鐘意食既一間麵檔食.今日好多人.平時都唔係咁多.唔知做乜鬼=.=

食完野之後同佢一齊行返屋企,一齊飲菊花茶.送到佢返屋企樓下,正當我話送到呢到,我走勒既時候,佢叫住我,重拎左包曲奇比我^^上面有朱古力架^^好正呀,我都唔捨得食哂佢住呀.我食左2塊.我感覺到入面落左d同平時係街買個d曲奇冇既成份.麗麗送比我個d,我感到有好重既愛既成份^^好味.好甜.

同佢行緊返屋企個時,好想拖住佢>_<唔知如果我真係咁做,佢會唔會甩開我呢~>_<~我好想知佢到底肯唔肯同我係埋一齊>_<神呀~~救救我吧~

今日心情大好~雖然今朝我冇得出司吧嘆冷氣同 目及 下野,之後夜晚靜到爆,個肉鳳重要係我出司吧個時搶我頂帽.但我心情都一樣咁好~kaak因為總算叫做同到麗麗一齊返屋企.^^話說今日收工,我就去威龍打機,打到11:30,有條友仔係咁挑我機=.=我又唔忿氣打左幾鋪=.=搞到11:50先走,好在今次有電話呢樣野,即克拿拿林打比麗麗,原來佢真係走左勒>_<今日佢地又收早左勒.之後問佢係邊樹,佢已經行到去公園..我以極速追上去.好在麗麗佢等埋我^^(我唔可以再要佢等返我轉頭,下次一定要佢睇住我係我等佢.唔可以再咁失威^^ps:唔止下次,係次次~!)

今朝見到麗麗返工,嘿嘿,我同佢講麗麗午安,之後佢好似好驚奇咁,哈,不過佢既笑容又真係好鬼好睇,為賻紅顏一笑,比儀姐話都係抵既~嘿嘿

今日明將有件極為恐怖既事發生,我雖然冇親眼見到,但聽到都覺得心寒.就係肉鳳佢搖搖下咁係樹唱歌呀~真係救命.唔怪得今日咁少客,我諗同佢多少有關係.嘿嘿.

玲姐話聽日比locker我呀.太好啦~雖然冇乜野放=.=唔理咁多.有個locker,係唔係都放d野落去.嘿嘿

麗麗聽日放假,聽聞佢會整野食呀.如果我有機會食到就好啦(妄想中)>_<就算佢整既係廿四味,我諗都唔會苦.一定好甜.哈哈

今日一起身,個人就頭痛...好在朝早都唔係好多野整,到左12點半,輝輝,大傑佢地返黎,我就要出去洗雪櫃,到洗格油池個時...比佢d沙林毒氣搞到我係咁咳=.=之後成日就係咁咳..=.=儀姐重要係呢個時候請我飲汽水.(多謝儀姐)令我而家證實左我真係病左勒.

今日黎左個新樓面.大傑佢又好多評審了,佢同阿森又係咁話佢望住我,又話呢個望住我果個又望住我=.=係啦喎,有咁多人望啦喎,明星咩=.=痴根架=.=(如果麗麗佢都會耐唔耐望下我就好啦>_<)

麗麗佢今日落完場返黎整左條邊呀.更加可愛左~^^搞到我又一次神魂癲倒~靈魂唔知飄左去邊了.真係好卡哇兒呢~

今日麗麗佢收12點.我諗住打機打到12點比個驚喜佢..誰不知今日機鋪d人唔知做乜,個個都鬼咁勁=.=打左成40蚊先可以挨到12點...誰不知佢地今日11:50就放左勒>_<等左半個鐘.

不過返到黎見到麗麗佢開左icq.知佢返左屋企.個人都安心哂^^(明天繼續努力^^)

今日返工都好開心呀.今日成日都係係司吧企.下晏就同大傑一齊企飯機,又係係咁同佢吹水傾計,好鬼搞笑.係度講下呢個講下果個.望下呢個望下果個.後尾9點幾個時,大傑要去片魚..叫我同個新人part,唉..佢...我都唔知點講好...我都夠蠢架啦..>_<有人可以係我之上.哈哈.我睇住佢既動作..好似睇緊slow motion 咁...我開頭以為係幻覺...唉.算啦,我諗佢有日都會改善既.佢好慘呀,跌左部電話.大傑重要係咁笑人喎.

到左10點,麗麗佢都重未入黎廚房洗手..我幾驚以為佢走左呀..搞到我係咁望實個細佬近視(閉路電視)

好在黃天不負有心人.原來佢都未走.之後一齊行返屋企.我重一路食雪糕,不過佢又唔食.睇住我食咁.有d唔好意思.哈.但同佢一齊真係好開心呀.好快返到屋企,都唔覺得累.(平時我行到一半就想死勒)^^不過佢之後呢個星期都收12點.夜麻麻好危險.我要暗中保護佢得~嘻嘻

聽日又到星期一...又到左洗雪櫃既日子.>_<不過洗雪櫃好快過時間.好快可以到12點~^^又係開心的時光.ye@h