今日星期日~

好搞笑丫今朝起身~.約左傻豬8點半去食早餐,我一起身~見到個鐘9點18分...心諗..仆街勒...約左傻豬8:30..

咁就拿拿林換衫洗面落去啦..重諗住打的返去添.

點知我著物個時...我老母問...咁早既...咁樣..我重話~9點幾啦~早~!早條鐵咩

跟住佢話...下~8點幾ja wor...=.=睇真...原來係8點幾=.=Shit.咁都好..起碼冇放到傻豬飛機.

我就吹吹頭.打返比傻豬仔^^之後8點9左右,我地係樓下等.之後去左食早餐^^兩個撐台腳

今朝傻豬就望住我.哈~我諗佢都有d唔捨得啦~我又何嘗唔係丫.

之後食完,坐左陣,我就要返工lu>_<

今日都好開心丫返工^^哈哈~

傻豬成日電話都冇電..>_<好掛住好掛住>_<佢重要11點先放工..好擔心呀~!!!!!!!!

又令我想唱呢首歌~~~:....(成日都哼著...)

共妳初初相識　那日暖洋洋
同去看斑馬與大笨象
大樹下又抱白綿羊　聽鸚鵡的歌唱

共妳彼此欣賞　快樂我倆共常
求再與妳相見　已變做願望
漫步驟雨下淡然盡忘　聽鸚鵡的歌唱

難再與妳相見　妳他鄉奔往
盼會有書信　我日望夜望
身邊的知己都咁樣講　只會心淒愴
我的心　真的充滿淒愴

自妳遷居他鄉　已經過了半載
如妳有興趣　我對妳講一下近況
對妳最愛那斑馬　天天都去探訪
離別妳　哪隻畜生不悲傷
我每次都會抱抱那白綿羊
籠中的小鸚鵡　不肯再歌唱
傷心的小鸚鵡　想起妳不歌唱

Ps.:諗起前晚...丫..真係巧激耶>_<

今日傻豬去左哂相相^^重買左本monchichi相簿^^D相好令令呀,影到傻豬好索索,.我又好型型呢^^kakak

我收工傻豬黎左等我,之後去食M記^^見完今次,又要等5日了>_<好唔捨得傻豬.

好想佢係我身邊永遠永遠..........

P.S:今期激愛大塚愛~!

今日放假呀^^好多野做~

一早起身~去左同steven食飯.之後打左陣機~

就出左荃灣金旦等阿熙~因為佢9月10日生日,但我又拎唔到假呀.所以提早同佢食餐飯

我地係金星打左2個幾鐘機^^之後去左食飯.今次個間野個晚餐超正,有尤魚鬚前菜^^

甜品係4色雪糕.食完之後10點幾,我地又去左打機.個到打kof 1蚊鋪ja~

打到11點半,我搭地鐵去接傻豬仔收工,搭搭下個電話冇電=.=幾驚傻豬走左呀=.=我用電話亭打比佢囉要=.=(呢個時代重要用電話亭=.=)

最後都見到傻豬.一齊去搭車返去^^

佢重買左乎力比我^^好鬼令令.我唔捨得開黎食呢~

好耐冇見傻豬.好開心~見到傻豬返左我身邊,成個人好安心^^

今日~落場去左染頭~染左紅色ar.都幾好睇架我覺得都幾滿意.

我係落場個時去整既.都整左2個鐘呀=.=搞到冇得訓

之後收工去左家駒到,睇日劇^^

傻豬聽日返黎啦^^好野呀

今日終於可以同傻豬去海洋公園玩返日啦^^

我地好早出門口.首先去左M記買早餐上車食^^我地10點正就到左海洋公園,一開始本來諗住玩個飛車...

但係今日維修=.=Shit.等我地重行左好耐.

我地去左玩海盜船..好鬼驚呀真係=.=我覺得係海洋公園入面最恐怖既game

跟住又玩左跳樓機啦,過山車啦~成條過山車得我同傻豬坐.哈哈~我地坐頭頭.^^不過都唔夠海盜船勁=.=

我地又去左睇安安,佳佳,佢地一味訓覺=.=好鬼懶,好似傻豬咁^^

我地成日行左好多路^^都有影到相相^^

玩到5點幾.我地走左lu.落左旺角行街買野.買左AC主場^^同買左衫衫咁^^重有就係~Monchichi^^超卡哇兒呢^^

但最可惜就冇得買game=.=

之後我地返屯門食野.重買左條褲褲^^

P.s:今日同傻豬玩足成日.好開心^^就算係海洋公園行到好累都好.我覺得同傻豬一齊.就幾累都冇所謂^^好幸運呢^^玩海盜船.傻豬捉得我隻手好實呢^^佢成日話我今日變到好小朋友耶>_<咁人家都唔係好老之麻>_<哈哈~

新chichi~

挨左2日幾3日見唔到傻豬既日子...好野.傻豬返黎啦^^

今日出左糧~真係估都估唔到.竟然加左人工~哈哈~我重成日諗.唉~唔知幾時先有得加~

落場就去左trendyLand睇下Monchichi,我好奇咁問下個女sales,比個電話張Bebichichi相佢睇,問佢有冇呢隻,點知佢話有呀~~哈哈~正呀,重要平過上次係百利士睇.好鬼死Cuit呀~我而家決定左儲MCC^^

今日落完場,同阿敏兩個睇哂司吧~都唔係好多人.都好開心呀,同阿敏part.佢又唔會好似阿斌咁唔出聲,又冇steven咁多野講.真係好好feel^^

收工傻豬黎接我呀^^佢個樣好累累~又冇乜心機咁..我都唔知以為佢識左D咩人令佢心神仿忽定係我做錯D咩添呀=.=

之後見TrendyLand未收,就入去買多隻BeBichichi女^^

最後行去搭車見到steven同apple.哈哈~見到佢地一路行一路笑到甩碌咁好搞野.

聽日同傻豬去海洋公園^^期待.我驚我同傻豬都起唔到身>_<希望唔會啦~

 <--第一隻Monchichi(匙扣)

 <--型仔呀呢~佢係我第2隻買既^^Bebichichi

<--第3隻^^(佢係仔黎架^^) <-第4隻(囡囡)

^^我地係咪好可愛呢^^kaka

今日係3個月紀念日~哈哈.又係傻豬親戚到既日子   

哈哈.聽日開始,係阿媽同細佬去海南島,有4日係都唔係屋企.

頭兩日傻豬就黎陪我^^之後佢要去細O lu.個兩日都唔知點算.>_<

我覺得好幸福丫...傻豬佢愈黎愈錫我咁^^哈哈~正正~

離芒痴痴~大B,小B,小B囡~重有4日~就可以帶佢地返屋企啦^^好期待~~

今日傻豬去camp既第2日.

一日入面,係一次佢打黎既電話都冇.算啦.佢玩丫麻..連每日抽DD咁多多既時間打比我都冇囉可以

唉.勁灰丫.返黎之後.一定識左好多同學仔~好多電話打比佢搵佢啦~到時同佢傾傾下,就:等陣先,有電話入,一係就行街個時又有電話~一路行一路傾.我就似沒存在.

唉.心情勁差呀呀呀~隻手又痛~又唔可以睇跌打~睇完一定又包到一舊野返唔到工啦.唉.

掛住我.又點有可能一日入面連抽少少時間打比我都唔得丫~就連send sms,傾傾下又冇哂聲氣.

好辛苦丫我.

遲下重有個大O添~Good呀~

我而家明白點解讀書不宜談戀愛勒.我覺得自己係傻豬心入面都唔太重要....

但係我就覺得你係最重要.個心好想打比你,又怕你煩,驚阻住你玩,之後諗下諗下,終於都係打啦,可惜冇人聽.

對唔住丫~傻豬,我真係好冇信心丫.我好冇用丫.

如果沒有你在身邊的時候 只有逛逛被遺忘了的街頭
數數口袋裡剩餘的溫柔 假裝你仍然躺在我的胸口
如果沒有你在身邊的時候 日子怎麼變得好難過
三百六十五天用不完的時間 都沒有能夠讓我快樂的發現
如果生命只是一種等待 為了證明愛的存在
如果失去你是暫時的悲哀 又為何多少年仍渴望你回來
如果相愛是一種無奈 就讓我倆能回到這無奈
我的感覺，想你能明白 無止境的等待
如果沒有你在身邊的時候 心裡總會覺得好後悔
沒有好好說句動聽的話 再一次把你破碎的心挽回
如果沒有你在身邊的時候 心裡難過得說不出口

今日返到屋企,老母又係度搵野嘈下你.唔理佢,又大聲D,仆佢個街,

唔係掉撚哂野,鬧撚柒佢,掉撚爛哂D野佢都唔收聲.

又掉撚爛左兩把風扇.又整撚親隻手~而家搓筷子都冇力.屌~好撚燥

今朝心情都好靚架.落場就返左屋企食玉鳳幫我買既老婆餅~正呀~好鬼好味,之後就訓左,可能午餐食太少既關係...夜晚就好鬼肚餓>_<

一返到去,儀姐個陷家鏟又咿咿哦哦~又唔知佢燥乜春,就係搵D野黎話下你咁.屌.已經燥燥地架啦.好勒~佢收工勒.諗住好D啦.跟住..又到D客勒

D客又麻柒煩.已經勁多單架啦.條line又爆左,D仆街又要order~仆佢個街,好勒,做完一張單勒,比左勒,佢又話邊樣邊樣拎撚左,又要拎返走落line,到左落左line,又返黎同你講原來未拎,又要比返佢.我直頭燥到一鳩掉柒哂佢.之後包過,就放下落地下先,加下地下D泥先做返比佢食得佢開心D囉~

唉.做左就黎5個月啦,都唔捨得加人工,一開始又話做滿3個月就加,屌佢.

之後收工,傻豬話請我食野^^好開心架~本來囉.本來我好開心.諗住.返工唔開心都好啦.有傻豬^^就好開心架啦.點都有佢哄返我,錫返我.

唉.一黎就見佢傾住電話行黎.原來係今次個greeting識既同學"仔"~

約話聽日一齊去camp喎.

想當初,我問傻豬拎電話,都要考慮考慮,等成個星期,要等佢收工等唔到,等2個幾鐘先可以有,而家人地一問就可以有.

之前又話唔會比唔會比人,而家一問就比,就好似第一日去城大,話唔去大O,剩係去細O.結果呢.咪個阿哥去,佢又跟人地一齊去囉~

唉.心情真是有夠差的~算啦,傻豬佢開心.我就開心啦.佢私人空間丫麻.我可以點丫.冇格.我只可以祈禱,希望唔會好似以前咁啦.信心~我有架,我有比你同我架.但係兩次都係咁.都唔聽我講,都唔守承諾既.我又點可以有信心丫叫我.

不過呢D野我真係唔能夠兜口兜面同你講,我講唔出囉.我唔想講講下喊左出黎丫.就連而家打打下,我都唔知做乜眼濕濕咁.我個心好痛咁.個感覺就好似以前個個女朋友,第一次呃我咁,個種難受....

我知你係唔會既,只係我亂諗姐.我信你既.3年後.我地一定會好幸福咁一齊^^

P.S:我係自私,係霸道,係任性的.你愛我,願意跟我一齊~就請包容我.