唉...最不幸既呢一日終於黎啦!之前大嫂介紹既活動我舉腳反對話唔去架嘛!但系又俾阿媽逼左去...

原來去到系去舉旗做旗海苦力仔..真系陰公!!!

今日九點幾就要起身...食左少少野...就搭車去寶琳...個道有一間叫呂潤財中學...要去個間學校既禮堂彩排

雖然我唔系好知我地去到要做d咩...但我都知不外乎...幾樣野...一系就跳舞...一系就做啦啦隊...一系就做歡迎隊

原來我地要做既野就系拎住支旗步操...今日都唔知行咩衰運...知道要做呢個活動已經夠慘...

我入左禮堂冇幾耐...有個女仔就入黎...睇睇下...e...點解咁似我既?再睇睇下....原來系件衫同我一樣...傻眼了...

但我死都唔除得...因為我裡面系著住冇袖衫...唔想露兩條粗壯既臂彎出黎...唉..算啦..反正都唔識佢..當睇佢唔到

一開始都仲未操...個導師就嗌我地跟住d音樂拍手...又嗌我地隨意咁跳舞...又行黎行去...擺黎擺去..當我地公仔咁舞

佢又話當我嗌"微立"青年!...我地就要話"系"!...一開始廳我都唔知佢講咩咩青年...我以為佢講未來青年...後來廳多幾次

愈廳愈怪...都唔知嗌我地咩青年...後來問下人...知道原來"微立"系一尊佛...佢地差唔多全部人都系信佛

-o-...o晒嘴...原來呢個系佛教教會既活動...佢地都系因為系佛教教友先成個組織咁黎...

我都唔系信佛既...就傻更更咁去左呢個活動...好似好熱愛呢個活動咁......

由1點操到4點...-.-軍訓仲好玩過佢...仲要去幾日操...連我生日個日...仲要去操...真系衰...我想唔去啦....唔知得唔得呢-.-?!!

今日番左學校拎成績表...考第二十...退步左d...不過都不過不失啦...今次同阿雷偉杰賭決賽...輸鬼左...我就真系買左朱古力俾佢呀!

佢...就話未買番禮物俾我...不過...放心!...我一定會記住既...haahaa~~

琴晚睇完世界盃...成晚訓唔著...覺得法國捧唔到盃...系一個遺憾...我都話左呢次世界盃...系惡夢架啦...我鐘意果d球隊...全部出晒

局...巴西...英格蘭...阿根廷...唉!...冇天理架...其實我始終覺得意大利同法國實力大家差唔多...但如果講射十二碼我就覺得法國勁d

但呢個可怕既世界盃...剋住晒d勁隊...享利...神射手呢架嘛!...但系踢踢下傷左...睇到都令人心痛...教練都調左佢出黎...唔想佢再傷

落去...呢個就情非得意啦...施丹就用頭去頂人...俾人趕左出場...睇落去就系施丹唔岩...但如果有仔細d睇...意大利d球員去攬住施丹

阻人前進先架...施丹唔系冇理由發脾氣...好似意大利個隊長整傷施丹隻手...施丹都冇發脾氣啦...擺明系意大利唔岩啦...如果唔系點

會冇lala用頭頂佢...當施丹系傻架咩...如果我唔系隔住部電視機...我打左意大利呢班奸仔好耐啦!!

我覺得意大利d人好奸...有個9號仔...喺禁區駁十二碼...明明自己扑低...又反咬人地一口...-v-...痴線架...

個球証都好有問題啦!...上一次英格蘭對葡萄牙個場波...又系佢做球証受c朗疏擺...俾左個紅牌朗尼...果時得番朗尼一個勁人...

葡萄牙就夾埋一齊有預謀地...令到朗尼唯一一個勁人出場...今次法國呢場波...享利受傷...佢地就夾計整嬲施丹...逼佢出場...

次次見親呢個球証都冇好野...都幫d奸仔既!...炒左佢啦好心...就系因為法國霎時之間冇左呢兩個勁人坐陣...射十二碼都輸蝕d...

法國就系因呢d甘不幸既因素屈居亞軍...令施丹唔可以畫上完美既句號同大家講byebye...

不過呢次世界盃...我心目中既冠軍系法國...施丹永遠系球王!!!

好緊張牙!...好緊張呀!...仲有兩粒鐘就到3點鐘啦...就可以睇法國對葡萄牙...

我今次極力支持法國...其一...就系佢地令到英格蘭冇得入四強...

雖然法國都踢走左巴西...但如果唔系葡萄牙咁好彩嬴左...碧咸就唔會自責...就唔會唔做隊長...

所以我對葡萄牙存有敵意...不過我仍愛費高...家下覺得雖然c朗系令仔...

但系喺對英格蘭o個場波...朗尼踢親葡萄牙球員既下面...已經俾左黃牌啦...佢仲要加多幾句...令到球証俾左紅牌

仲要用個頭頂朗尼...咁都得...-v-...佢地喺曼聯系隊友黎架嘛...竟然可以咁樣...可能對於葡萄牙人黎講

佢只系投入於自己既身份...認為家下系踢緊國家隊...唔系踢緊曼聯...但我覺得咁樣實在太不近人情啦...仲有d冇義氣

所以我今次大力支持法國...法國必勝^^v.....yeah!!

另一個原因就系同阿雷偉杰打賭...佢話葡萄牙會嬴喎...我就唔系咁話...我賭得好放心

因為我知道法國一定嬴!!...本來話如果佢輸左...就要同阿yee...唱情歌...

如果我輸左呢...我又要同丁講我好鐘意佢...可唔可以同佢一齊喎@@...呵呵...

但我諗過...如果我輸左...我就會講...阿丁我好鐘意你...你可唔可以同我一齊做朋友...咔咔咔...

佢都冇話唔俾加野落去...所以我就答應左佢囉...

但後來諗諗下...阿yee佢以為真既話...又或者知道我地玩佢...一定會攪大陣象啦...甘我地咪麻煩...?

都系唔好拎呢d咁既野黎攪...都系諗住搵番個玩得d架啦...佢咁唔玩得...

但阿雷偉杰又唔肯...一時心軟之下...就放過左佢一馬...不過9號再賭過...下次我唔會心軟架啦...

不過下次應該幾難簡啦...我都唔系好認識意大利...都系問下d朋友...穩陣d...

琴晚睇波睇到天光...未識過...哈哈...今晚又唔知駛唔駛打咁耐呢...?

希望唔好啦...法國一於痛痛快快咁踢走葡萄牙...好野...^^!!!!