extremely ugly?! ill?! they mean themselves?
what the sucks guys?
they eat jesse's photo!
abnormal...
why can they say these childish things?
although his new look is not good-looking
but i still think that jesse is awesome
his new songs in Departure are usually pleasant to hear
perhaps he changed his music style
but it isn't mean that jesse is bad
jesse can't keep his young look for eternity 
people will grow up and aging
how to change back? 

BECAUSE YOU LIVE

there are two version of because you live mv below
attractive music vedios...
i think people like the second one most
because jesse is extremely handsome in the mv
but i think the first one is better than the second one
because the song is completely and the feeling is wonderful
jesse is so cool!
although i think jesse in RWYWM mv is also very cool
but i can see an really awesome singer in because you live mv
he takes his job seriously
and he is earnest in every show
jesse mccartney is a brightly singer
every audience pay attention on the stage when he is singing

ENJOY IT

今日好眼訓丫,尋日去完旅行都好精神...
但2點先訓...其實如果要捱既我仲可以捱到好耐,
但要訓既都即刻可以訓到
但係唔知點解我今日訓到12:00幾1:00都仲眼訓
個樣勁殘..
之後1:00起身食飯...我覺得個肉醬意粉好鹹
唔知點解自從我病之後我食好多野都覺得鹹
但係d甜野就好似唔夠甜咁,好奇怪可能成日都口淡淡咁
之後開電腦睇報紙hea左陣,2:00洗頭
跟住等大家上黎我屋企 *v*有喇嘛周公子華
睇碟,,睇 [ 尋找仙境之橋 ] 同 [ 翻生侏羅館]

咁開隻碟黎睇啦,睇尋找仙境之橋先
都幾好睇既,,個男主角我認得係之前我買過隻碟叫大城小戀
入面果個男仔,,其實佢都幾靚仔..
不過我睇大城小戀果陣佢仲細個d
呢套尋找仙境之橋其實係冇乜內容
主要都係講呢段難得的友情
兩個怪人臭味相投...做左好朋友
佢地想尋找一個只有佢地兩個人既地方
之後搵到一個地方佢地稱做 [ 泰拉比泰亞 ]
佢地用幻想力創造出來的世界
佢地搵左間樹屋仔..一齊修葺..好開心
但係有日個女仔過河果陣條魔法繩斷左,個頭撞落石度死左
令到男主角好唔開心...
結果佢用木整左條橋,帶埋妹妹去果個神奇國度
男主角係泰拉比泰亞國王,佢妹妹係公主
其實講到最忍呢度,都只係講我地要擴闊自己想眼界思想
都ok既呢套野,不過冇我想像中咁好睇
反而翻生侏羅館我入戲院睇,比我想像中好睇好多
呢套尋找仙境之橋我都有睇到眼濕濕-v-
真係.....白痴,,
我其實都只係睇到男主角miss話佢老公死果陣個個印叫佢唔好喊
但係佢真係唔想忘記佢...
唔知點解聽到呢句我想喊-3-"

咁睇完呢套之後就諗住睇埋喇嘛帶黎既翻生侏羅館
但係隻碟睇唔到,要入電腦睇,跟住話唔睇啦...
唔知有咩好做..就打牌喇
打到7:00左右佢地就走lu
果張計分紙放返落個麻雀箱度..下次繼續..XD

然後夜晚就不停咁睇好多jesse既mv
好正丫because you live個mv真係
she's no you個mv佢好靚仔,個feel又正
beautiful soul雖然無論歌定mv我都麻麻地,不過都正
right where you want me既正唔使再多講啦-v-
just so you know個mv真係好正,個故事好好,仲影到jesse好靚仔
女主角又靚女,相比起leavin'個mv女主角,,真係....唉
好彩最後個故事大團圓結局~~~jesse萬歲~
仲有leavin'個mv,,睇到我想訓-.-個mv真係..."
相比起之前呢5個mv真係麻麻囉....嗯

*我想問soul同spirit有咩分別?
係近來突然諗起的-v-有人可以解答嗎?

{ 以下可省略 }

近來又很喜歡看jesse的mv
我又回復原狀喇-v-
由幾時開始呢?由leavin'個mv出現左之後?
可能係,,因為我懷念之既mv
之前所有mv都好正!!!
because you live , she's no you , just so you know
仲有我最鍾意的right where you want me
其實仲有beautiful soul..不過我對呢個mv麻麻地
但都好正架啵!某同學好鍾意呢個mv,話好型仔-v-
各有所好啦~我就覺得rwywm個mv先叫型,呵呵!
大家睇leavin'個mv都睇到眼突...好好笑
今日上forum睇埋相更加突囉對眼
個女人!!個個都話佢姣....XD
我麻麻地啦對佢,我又唔係話好憎佢
我淨係覺得佢皮膚好差唔配有咁多近鏡\口/
學上面段片果個女人話齋,我都ILL呀見到佢
最搞笑係上JESSE YOUYUBE個official A/C
果度放左leavin'個mv上去,未play之前個鏡頭超嚇人

我一入去睇果陣真係有嚇親.."

其實我對每一個mv都有好多野想發表..
不過時間關係唔o係度發表啦XD
我覺得會被扁

JUST SO YOU KNOW

in this music vedio
i can see jesse is really very handsome!hahah...
no matter that he is very handsome in every shot
after i watched this mv
i only have something wanna say: poor jesse  =V=
luckily , jesse and the leading lady have a happy ending
i think this is a good mv
because the story match up the lyrics...
so i enjoy this mv very much 

SHE'S NO YOU

also a excellent music vedio
because jesse is so cool in the mv....XD
when i watched this mv first time
i don't like jesse
because i think he is just a handsome guy
but i know that i was wrong!
jesse is not only a handsome guy
he's also a talented artist
he is a good actor,good singer and good idol
there is only one song not write by himself in cd
[ right where you want me ]
and there are 5 song write by himself in cd [ beautiful soul ]
wow~awesome!
and we can see jesse's ex-girl friend , katie in the mv
so sweet

近來大家都很支持JESSE MCCARTNEY
=] 喔呵呵
一起JESSE MCCARTNEY嚕!!

day5

今日要早會,因為聽日補返學校旅行-v-
首先既係兩堂英文...入左hall..今日係english week既活動
public speaking
尋晚我都準備左d野架-v-做埋其他野都成4:00幾先訓
我寫左一篇係film果條......我揀左serious果種電影啵
我話因為如果一套電腦睇完會令你諗野既就係好電影啦
雖然有時d搞笑電影係幾有娛樂性,但係有d都幾無聊
不過如果一套電影能令人印象深刻既,都係好電影

public speaking係抽一個學號,每班都要搵果個學號既人上台講野
今日講左5 round....我地班wish同學拎左佢果round最好果個=]
拎得最多獎係e班,最好既speaker都係e班拎
大粒有份喔~ =v=
都幾好玩丫呢個public speaking....不過抽中左果個就唔好玩咧XD

跟住兩堂中文...做聆聽.....計落校本評核-0-都幾難
跟住兩堂文學,,,繼續係講 [ 祝福 ] 呢課
我聽左少少但係都冇咩聽既其實
miss講講下書行左出去課室-口-嚇親我地,,

之後就lunch......
我尋晚同某人講過今日點都要食坤記,食唔到坤記反面架XD
我買左個炒麵,好乾-3-唔好食...下次都係叫返炒河
雖然係超油但係都好過乾..."
而且真係炒河好味d
哈..今日o係周公果盒度拎左d麵....夠晒飽

跟住lunch完左果兩堂係經濟地理,放學仲要補多個鐘地理課=口=
econ都冇咩聽書...-3-好嘈全班都
跟住地理,,又玩遊戲,,我其實由唔知幾時開始就已經唔玩
印花咪照加囉-3-
跟住今課第3課教d野又難啵-口-補課又悶喇啵
係聽到我地.....靜晒...又係呆晒o係度
3:30果陣miss俾左10分鐘我地去休息下...
跟住又開始上堂,,,地理室超熱,.好焗=_=廿幾度
4:30補完課喇終於....岩岩好4:30"

放左學之後都未返得屋企住
不過個個都想返屋企XD
但係我地要去買聽日旅行既野食
去左惠康,,勁多我地學校既人...好嘈好多人好煩=_=
D中一定唔知中二定係中三,,總係係D低form又係果個時間放
一齊逼o係果度......之後買野食啦...發生左少少野,不過都係小事
((唉,,買野食都買到咁....好討厭))
買完之後大家拎完野就走喇....

我同周公搭車....一齊去左頌富百佳買野食
因為我要買麵包......
另外我仲買左包平時賣18個幾但特價9個幾既朱古力撻
有6件o係入面,,,好好味架!!! *v*好正真係好好味
近排又鍾意食甜野,,唔知點解我硬係覺得要食好多朱古力
真係唔知做咩呢排好想食好多好多好多朱古力
但係我既金錢唔能夠滿足我既慾望
我冇足夠既購買力完成呢件事..xd
之後我仲買左兩個嘉頓迷你瑞士卷
當都係朱古力味,,哈~

之後買完我地就坐左o係商場d櫈度開餐...
好好味個朱古力撻真係........特價既話9個幾10蚊都幾抵食
但係有幾可會撞岩特價丫-v-呢d野都係間唔中買黎食下就好
搞搞下都6:00幾先返屋企..
返到屋企同kayi傾左陣電話...........哈

今天day 4

近來都比較早出門口,然而其實我起床起得比較遲
所以說,其實我的動作比以前快了咧-v-
我不要再遲到了

第一堂就地理,,,唉..好似係調左堂,第二堂英文都係地理
勁痛苦,止堂上到鯨左o係度
終於上完兩堂地理
跟住就兩堂econ=口=終於開始回返少少魂喇呢科
前面果兩個同學好曳架真係=v=!
之後兩堂art......用顏色素描蕃茄+西蘭花
好難畫個西蘭花,畫得超慢.......畫到一半咋個西蘭花
早知個蕃茄hea d都唔怕啦
miss今日俾左d剪報場我地,,,其實我有d.......咩囉
我唔覺得我有問題.....

跟住lunch我好灰...經過兩堂art我仲未復原,
每次上art都打沉我
我o係art搵唔到成功感,,每次上完都係灰
點搞??我覺得唔開心囉

今日lunch食飯盒,,,冇咩出過聲
哈,有人問我係咪病..其實我唔係..只係有d灰姐
多謝關心=v=
之後好灰咁食完個飯,,,
直到英文午間廣播播左trademark的only love
我先忍唔住講左句呢首歌好正
咁呢首歌真係正呀嘛.......我差唔多日日都有聽
仲係play list放第一的
但係之後心情都係麻麻地..唔係話太灰既不過一d都唔陽光
跟住兩堂maths...前面既同學真係好鬼曳-口-!!!
今日呢兩堂既maths我都認真聽書..識做架d數真係-v-
咁先係返以前架嘛....
話說我中三都係咁只係唔知點解d成績都係唔見得人
點算?

真係好灰呀../ - \
點解會咁...

阿媽之前話我近排瘦左好多,,,,,,
(我自己唔多覺,咪又係咁=3=好似仲重左)
之後問我係咪好大壓力,,讀書係咪有好大壓力
跟住我答唔出...我自己都唔知
壓力一定有架啦-口-但係係咩野令我有壓力?
係某一科?兩科?三科??定係其實係所有科目?功課?其他事務??
到底係咩野令我覺得有壓力??我自己都唔清楚係咩野
總之我近排都好灰...係....平時既活動係比以前開心
都係因為識左你地=v=*多謝
但係回到課業既煩惱..一樣係唔開心
每次art之前我都好驚,,,,有時望住個時間表見到果日有art堂我會驚
小息打鐘諗起係art堂我會好驚
我諗平時俾到我壓力既只有art
但係平時累積黎計我仲有好多野令我驚
我中文都好驚,我覺得自己中文愈黎愈屎,,
作文又作唔好,,做卷又做唔好...乜都做唔好
連我唯一比較搵到成功感既作文依家都變得廢晒
econ係一科新接觸而又係比較有少少信心既科目
但係我開始覺得其實唔係
英文既speaking我真係好差,
我自問其他reading呀,writing,listening都唔係話冇望
雖然係唔算好但係都唔算太差
但係一份speaking就夠打死我
....好似咩野科目都俾唔到成功感我,,但係挫敗感就一大堆
咩事?好灰...我以前唔會咁..
以前既我快d返返黎啦~

我記得遊遊上年問過我,有冇諗住第時讀唔到中六會點
我記得我當時係話,應該都讀唔成中六喇,都唔知做乜好
跟住佢又同我講,讀唔成中六都仲有好多其他出路既
-v-哈,我可以做到d乜?
就算讀多幾年書,,第時我依然係咩都唔識
我深信

甚麼是型仔??甚麼是靚仔??
Jesse McCartney!
XD!
甚麼是正歌??甚麼是正MV??
Right Where You Want Me!
XD!

(不要扁我...哈..啦啦啦啦啦啦啦~)

今天還是有點火大~

今天是星期一啦要上學=_=唉
昨晚結果就是甚麼功課都沒有做,,,呵呵呵...
白痴的,,明明說晚飯後做功課
結果都在打日記,
然後10時許去洗澡,結果12:00才開始做功課
但是我就在SMS了兩小時....多麼的不知所謂
然後2:00本來還是很精神的,但是我怕媽媽走進來發現我還沒睡
所以還是滾上床去了
總結就是浪費了一天,然而甚麼功課都沒有做

昨晚睡得不好,,一直在醒...
真的..有工作就要做好才能安心睡

今天早上醒來本來不想洗頭的,可是真的不能不洗
一晚之後頭油多得不行-口-可能昨晚太熱了吧
我高速的洗頭...本想早點回校去做功課的
可是就因為洗頭而始終要多花兩個字去梳洗
不過回到學校還是8點03分..可以上課室

今天超熱的說....走回學校熱到不行
一直直到早會,,汁也沒停止的流
簡直是NON-STOP =_=今天已經是著PE衫
本應沒那麼熱的了,,,怎麼辦呀......明天還要穿校服,超熱一定

今天早會很快....唯一值得記的是今天是ENGLISH WEEK開始
超有趣的MISS WONG宣佈完有關ENGLISH WEEK的事
竟請來楊副校敲銅鑼....ENGLISH WEEK正式開始-.-
好好笑

然後上PE堂...WOW,今天做體能=口=
3項...一項是柔軟度...我這次36丫好像是
然後做掌上壓...這次只有40....好像比上次差
然後SIT UP....唉,,,照舊可以收檔,23!!!!多麼的差

之後就小息了,,然後是兩堂英文
MISS本來是給我們做LISTENING的
不過很難我不太會做　/ - \
然後大家都呆了,,於是MISS說復活節假回來才做
之後我們就聽歌,,寫歌詞...是WESTLIFE的SEASONS IN THE SUN
這首歌我不太喜歡,,-3-不太好聽
下次聽JESSE MCCARTNEY嘛!XDD!
然後MISS帶了我們去HALL...書展...
在裡面hea了好一陣子-0-然後我買了一本書...呵..."
22塊錢...大陸書..(不過當然是英文書啦)

然後,是兩堂中史....
中史堂sms叫今天沒上學的周同學找位子一起吃lunch
XD整整兩堂中史都沒有聽書
因為我要做中文作文.....

lunch就立即出去北江,今天又吃腸粉
今天落葉很多-v-去北江的路上十分浪漫..."
我們去到北江就一起吃腸粉餐...(經常性的吧?)
然後吃完就閃了,,,,在課室繼續用功抄作文

*某同學穿得超hea -v-"

本來lunch之後的是中文堂,不過miss去了考oral
所以轉了econ堂-0-....今天madam勁要我們畫圖
講得超快...大家都好專注,,有點難得XD
當我好有心機的上econ時...竟然打鐘要上地理了-口-
去丁地理室又玩遊戲... ~_~!!!幸好今天不計印花
然後整堂地理都有點發夢的徵狀.......不過喇我還是有聽70%書的

放學之後本來打算去打羽毛球,,
可是我忘記了今天是day3,要去做art=口=
車!!!!!於是只好去art....
今天超沒心機做art........
好討厭呀.....那副塑膠彩好討厭呀
我好憎呀,,,好不高興呀.....好核突張畫......好想喊-口-
唉....hea左兩個鐘.....很不開心....5:40左右走了
回家與嘉恩坐輕鐵....整個路上都沒有說話...
我實在沒有心情說話
首先不能去打羽毛球,,
其次是常常要留下做art有點厭倦
第三就是畫很醜,很失敗,很不開心

唉,,回到家在樓下7-11買了撈麵...
這裡的撈麵弄得不好吃...銀座的那間7-11弄得很美味的說!

回到家裡就看今天終於借來的Jesse碟
[ Right Where You Want Me CD + AVCD Special Edition ]

是敖xx的..呵呵!我要把這avcd燒出來!
假如找到的話我一定會買回這隻碟
我真的愛不釋手丫對這隻碟
假如那是我的,就好了
JESSE 520出的那隻3rd album [ Departure ]我一定會買!吼!!!

*今天發現了一個驚天秘密!
話說,今天上pe堂前大家在更衣室

kayi說:喇嘛,你好似o係人間消失左好耐咁既,,你o係邊度黎架
喇嘛:實驗室.......
我:實驗室?你爆炸爆出黎架?
喇嘛:實驗室頭先爆炸...
我:你真係實驗室爆炸爆出黎架?XDDDDD
喇嘛:唔係...係更衣室入黎既...

原來喇嘛真的是在實驗室爆炸爆出來的!!

今日在家,,冇咩特別
朝早11點幾喇嘛打黎話出黎..
好堅決..唔出xd今日真係唔係出街既日子
跟住訓到12點幾就起身咧
本身想早d架但係又驚冇野食所以唔起住-v-
其實本身仲早d起身呀要,話去睇醫生,
好彩都生生性性冇之前咳得咁嚴重同埋咁多痰
可以唔去睇lu~

起左身都係玩電腦,玩左成日電腦,,其實都係打xanga同聽歌
夜晚食完飯睇電視,本身話做功課但係都係上左黎打xanga
XD打上面15號既日記都用左好多時間,,
有成個半鐘呀好似......功課又未做=_=
我仲要作1000字作文同埋做英文呀,,
唉...努力啦....打到依度啦....做功課喇

今日9:00起身出去補習...
又遲到囉 =.= 本身今日應該好快既可以
但係發生左d小插曲搞到又遲左,
之後10:00先可以行.....對不起咧

上到去miss度....我都唔多知自己做緊乜,,
我唔係未訓醒,我係好肚餓又冇心機計數
未食野-3-個心係咁諗住食野
miss俾左份野我做,,,我做到呀都,不過有幾條未教所以唔識
教左果d我都大部份識-v-係有一條唔識
另外仲有一條係偷睇子華做跟住識左XD
我做完對埋答案仲有好多時間淨,,
之後就係咁坐左o係度,,,咩都唔做.....數又唔計咁-v-
因為真係冇咩心機,,我肯做果份野已經好叻
跟住坐到11:00幾差唔多12:00開始sms
但係電話冇電=..=!!!我今日出門口果陣冇電喇已經,
想打個電話都唔得....跟住send send下冇電自動關左機
無奈的....於是又坐左o係度冇野做
跟住12點幾終於走喇,
補習果陣坐對面果兩個女仔係咁傾偈=_=好嘈

之後就去左一粥麵買野食,,,哇...等左咁耐終於有野食
然後我想講一粥麵d服務態度真係唔太掂
我拎住張飛冇人理我....俾到埋去望一望我之後又唔理我
sh*t!
跟住後尾等左好耐終於有個好人黎理我
拎左野食之後就走喇,,,我又再次橫越輕鐵站走=v=
感覺十分良好

返到屋企食野....正正正!買左皮蛋瘦肉粥+炒麵...
wonderful 早餐 + 午餐
中國人始終係食中式野XD真係好正丫!!
之後玩電腦......1點幾周公又話要出去買埋褲
我今日又出街OK既......跟住傾下傾下話睇戲
我其實都有諗過,因為心繫大象阿鈍救世界
可惜英語版係得數碼港同PALACE IFC先有
冇得聽JESSE配音喇又
之後話出左黎先算XD因為都已經2:00
(結果都係冇去睇戲的)

出到去o係北江等,,,喇嘛遲少少到...
我就同周公行左去食野先@@我都未去過果度食野
又好似真係幾好味咁啵
等左陣喇嘛就黎喇,,等周公食埋野又出元朗

今日超熱..好曬=3=
出到元朗好漫無目的咁行=v=首先入左元朗廣場
兜左個圈無無聊聊咁又走返出去
跟住又係行返過G2000買西褲XD

不過途中最值得一提既就係!!
我終於買到瘋女社*V*!!!!!
噢噢噢噢!!!!!!!!!!!!!係瘋女社丫!!!
84蚊...正!!!!俾我買到!!正!!!唔該喇嘛

愛不釋手....OMG!!!!

買完之後真係笑出黎囉=v=!
就好似買到葉宇澄第一隻EP果陣既感覺
感覺十分良好的

安放好隻碟就行喇,,行過去G2000
又見到尋日個售貨員姐姐....不過肥果個唔o係度
反而今日好好笑一入去就見到兩個男的
其中一個企左o係我地附近執野
個哥哥瞄左我地幾眼之後偷笑
呵呵呵!之後又冇理我地,因為我地企左o係度
之後都係問左個姐姐...拎左條褲試...
一試就ok啦...買完又走lu~

勁漫無目的又o係度行.....好累喇
又去左山崎麵包店,,,真係多人呀...
好曳丫我地咳都亂咁買野食
之後仲走左去許留山隔離間m記....坐左o係度..因為太累唔想郁
跟住就係咁坐左o係m記hea左好耐,我諗有半個鐘喇掛
我買左細奶昔.......但係飲完都係好口渴-v-
喇嘛周公買左可樂.....大家hea左o係度....又冇野講..
哈哈....5:00果陣都係走喇

跟住行返去元朗廣場...冇咩特別野就走lu
又唔知有咩做,元朗又唔知有咩做...
返天水圍又係唔知有咩做...結果都係返屋企
去西鐵站搭車,,跟住去到西鐵站我又買野飲=v=
13蚊兩支百果園藍莓檸檬@@好似ok好飲
之後上到去等車...搵櫈坐,,完全唔想郁..
我地3個又係咁hea左o係度..坐左半個鐘=口=
5:45坐到6:15........好好坐...好舒服....坐左半個鐘energy返返黎
跟住上車走人

返到天水圍又去拎更新個人學生八達通張表
之前我都話要架啦,,又冇人理我=3=

跟住呢..返到屋企拆左瘋女社...好開心*v*!
食完飯即刻開黎睇..真係好正.....有d應該係9月23號果d黎既
我都o係現場丫....好正!
eugene同grace合唱果度超正-v-
eunix唱撇低你同埋eugene唱佳佳或小菲都超正!
不過睇到差唔多尾果度好累...飛左黎睇,遲d再睇返先
睇埋最尾唱問候你的天使果度..好睇
仲有謝幕果度,,,,cut左好多既....
9月23果日我o係現場睇,好感人噢!

*文麗同rosemary都好正XDDDDD
baby~~~~~~XDD超正囉真係

LOST AND FOUND
呢段片講既野我去睇果陣唔明架
但係今次睇返碟有多d時間俾我諗,我終於明喇-v-"
get得太慢喇我....
就係西方講既係LOST and FOUND,,,
唔見左之後搵到,但係搵到之後都係會唔見
而中國調返轉就係FOUND and LOST
咁就唔會再唔見,,因為已經唔見左啦嘛
咪唔使搵返之後又唔見過囉

另外我仲係好鍾意月野兔搵人生果度
{因為你已經活著你的人生,所以你找不到你的人生}

仲有,,睇碟先睇到eugene接受eunix訪問果度,,
eugene個樣係幾咁有趣XD
佢微笑果一下我要重播多一次添囉
好得意個樣...大家留意下XD係幾好笑架個樣真係

睇完之後訓覺,,
今日雖然hea但係都因為瘋女社而令我覺得精彩*v*
但係咧,,今日...其實真係,,,hea得有d過份.."
不過算啦....哈

*我突然發現大家很溫柔體貼細心XDDD
(( 呢d形容詞夠未...哈 ))

今日英文作文..作作下文miss叫左我出去-v-咿~嚇死人
跟住miss同我講:
你reading ok...listening都ok
writing就未知住啦..但係speaking真係要改善一下
唔好驚..唔夠膽講...要改下喇...

gosh!點解我咁差勁..真係唔識discuss..
individual presentation都還好少少...因為唔使爭野講
但係discuss =口=

我發現我由細到大爭野都好大機會輸

爭野講....八成爭輸
爭位坐....九成爭輸
爭位企....八成五爭輸
爭野用....七成爭輸
爭野睇....多數會放棄

但係爭野做....可能會放棄,唔放棄既我諗我唔一定爭輸
因為我爭得既都應該係好想做 xD係人都會出盡力啦

(其實係咪爭野叻就代表成功?最憎..)

咁樣唔得,爭野講爭輸係唔掂...不過我覺得改善唔到
所以discuss我可以宣佈我死左7成

*今日篇作文好差我作到..唔知寫緊乜
仲作到lunch先作完

今日4,5堂去左hall聽講座
題目係自我形象

大家既自我形象建立於咩野?
天生我才必有用?
我既自我形象建立於咩野上呢?
呢條問題好難答...對於我黎講真係難答
以前我可能可以好快答到...但係依家又唔會

自我形象低落既特徵..點解我好似全部中晒.."

*我覺得個講者好有細so feel

講座播左我們這一家段片,我睇過..好白痴真係XD
我覺得每個人都總會試過一兩次既...
誠實既孩子唔易做 =]

文學堂又要做果d咩麻煩野,,去mmlc睇片做視聽評核
城市論壇-口-?聽唔切....講d野太複雜,又冇興趣..唔想聽
環保果段片都好d...我有興趣d,,簡單d

lunch又冇野食-3- 1:50pm先有飯盒食呢
食完就上堂....econ堂兩堂..
madam好堅!!!推行新教學方法:協作xxx
分晒組佢同我地....=0=4個人一組..
我地猜輸左做組長,我輸左..."
之後又要改組名,我地用大家生日用份做組名
46910
=] ....madam發現左我地都發現唔到既野
4+6 = 10 , 9+1 = 10

之後要每個組員都做d野...-3-好難做份野...
筆記抄都唔知抄邊度
之後又話計分...有拍手鼓勵組員既有分加..XD
madam好似加分加得好興奮..."

跟住放學補地理...今日感覺良好...冇咩特別感覺

放學同suki去左陪周公同學等補習
去左食腸粉..跟住o係輕鐵站等左勁多架輕鐵先走...
我地實在係幾好人

返到屋企唔知點解今日唔想訓
近呢幾日唔知做乜精神好,胃口好,好有mood做功課
我係好似食極都唔夠飽咁..點解會咁

wow!跟住返到屋企見到good news!
HMV有得訂Departure喇!

JESSE MCCARTNEY - DEPARTURE (ENHANCED) (IMPORT)
http://www.hmv.com.hk/ch/product/rockpop.asp?sku=113120

JESSE MCCARTNEY - DEPARTURE (+BONUS TRK)
http://www.hmv.com.hk/ch/product/rockpop.asp?sku=59962

係咪正先..唔係好貴
但係資料好少-3-應該冇野送?!
同埋大家都有點迷茫唔知會唔會出cd+dvd
定係enhanced果隻就已經係?但佢又冇講
所以我諗我會睇定d先..或者出果左先買..又可能去第二度
我都唔知....

除此之外..
大招5月號PLAY
因為今期有JESSE!!
誠邀大家買跟住俾果頁我xd
我淨係要JESSE就得XD台灣就好啦有JESSE既報導-3-

DEPARTURE 台灣預購宣傳片 (正!)
http://mv.baidu.com/export/flashplayer.swf?vid=5c94623bda8e1d184cf6aadb

歡迎乘搭傑西航空520班機 @@"

 { =] 跩妙大軍就快復活 }

今日星期五喇終於都
感覺上呢個星期過得唔係咁好,,好忙好煩好躁

今日day2....經過尋日瘋狂既一日
今日似乎比較平凡

第一堂又係地理,,玩遊戲-_-唔想答問題,唔答喇
之後今日果d堂係咁調,,調左好多堂去
本身第二堂係英文speaking
依家轉左做econ..@-@!好悶..唔想聽書

跟住第3.4堂本身係文學,但係miss唔得閒所以我地轉堂
轉左做一堂英文,一堂中史....
英文果堂唔係做speaking,,miss同我地做19號去hall上台講果個
唔知成堂做左d乜-v-miss叫左兩個人出去講下...
幾好丫.......我就好努力咁寫,,不過都係麻麻地..我真係no idea
點算??discuss果陣又係咁..
中史果堂..都係咁..冇咩特別........不過我都聽左ddddd書咁既
安史之亂?@@

之後小息返黎又係中史,跟住econ...
econ又係講彈性..今日俾madam叫我答問題
車.....
可能我拎銀包之後俾佢見到=v=
咁食飯啦嘛咪拎定錢囉....
跟住出去食lunch,,係pizza hut
我都唔想食=_=
去到..屎狒丫仲要落錯單搞到好遲先黎
sh*t!
唔要囉咪同佢講........想點姐落錯單又遲黎,,,,食鬼到?
點知佢地照包左俾我拎走但係唔收錢@0@
幾好喎...不過我好唔開心=_=冇野食!
但係都好果杯朱古力唔計我錢*v*

另外要提既係...今日見到外藉阿sir自己一個食lunch
之後就叫左佢過黎我地檯一齊食-v-
但係佢唔識我地..哈哈.....跟住佢同我地講野囉
問我地叫咩名咁.....跟住佢食完就走喇趕住返去開會
哇,,阿sir果然係阿sir...=0=
人地話48蚊一個lunch係cheap cheap呀!
對於我地黎講??tooooooooooooo expensive啦
最重要既係佢係講cheap cheap..XD不是cheap
俾錢俾500蚊紙!wow......
其實香港食野都真係幾平喎好似,外國食野好似好貴

食完之後就去買膠紙-v-貼返我art張通告,,
我唔知唔使撕開,,早知唔撕啦,,本身都冇撕
返到學校...上maths

今日maths有校長同楊副校睇堂
尋日我地廣奇sir已經整好個靚頭-v-(呵呵呵呵呵)
今日仲著到超靚仔,,一早就入左黎上堂
上堂開始冇耐佢地就黎咧
坐左去課室後面,,今日大家都好專心-v-
做數,,我都有聽書丫,,識做d數
睇左一堂之後佢地就走喇,走之前校長仲要講計數機o係度-0-
哈哈佢地走左之後我地又回復原狀...廣奇sir又鬆左XD
阿sir今日幾落力呀真係....
我地都好乖架XD

之後望出窗外...個天好黑..幾好丫,,陰陰天咁
(蘊釀緊XD落雨....超正呢個形容詞)
跟住阿sir講書都好似冇咩人聽咁,,呵呵呵

***我教大家計數
計數既第一步就係吐左口入面既野先
XD 阿sir話既

之後放學,,同kayi周公子華出元朗
同suki,helen一齊行....
去到輕鐵站見到鄺同學@@
跟住大家一齊搭車,,suki返屋企
我地6條人o係輕鐵係咁睇佢地d證件既相
八達通啦....身份證啦..學生證啦....XD全家福!!
好得意大家個樣
之後行左過greenbox果頭,,kayi拎身份證=V=18歲咧

之後我話好肚餓,kayi話食野...
我仲拎住我盒lunch =3=
跟住去左許留山食野......我淨係食左個煎餃子
3件..10蚊.....ok啦.....因為唔想食甜野,,超多痰
食完之後去左7-11我食左個杯麵..終於有野落肚
helen就走先.....

跟住就係同周公去報遵理
23號上堂,,,,填表..好多野填........填完之後一望
突然間果度多左好多人-_-"
我地上果個係Richard.....360蚊

報完之後就走咧,去左開心廣場
陪周公去G2000買恤衫去飲,好好笑XD.....
嗯,,我眼光都唔係好差丫...我真係覺得粉色d既衫岩周公d
之後佢試衫........
試size果陣人地拎左件好老成既款俾佢試
哈哈哈哈...XDDDD
我地o係出面等,,,對住塊全身鏡企...=3=!好矮呀我
之後終於買完就走喇,,,返屋企lu~

返到屋企都好晏...7點幾
阿媽叫我唔好食喇果盒lunch....擺左咁耐.....2:00到7:00@@

夜晚又係傾電話,不過今日狀態唔係咁好
好眼訓好累...
拎住電話訓著左............後來喇嘛頂我地唔順話收線XD
呵......安心訓咧

今日SBA...........痴左

尋晚超勁囉,大家因為SBA而瘋狂XD
MSN個個都係講緊SBA
我都有諗架.......做到12點幾1點
寫左一張野出黎,,其他果D諗住今日返學諗多D
真係考試都未見咁齊心呀..(汗")

返到學校今日要早會
第一堂ART.......好快完左,,今日講補課既事
第二堂中史個個都勁做SBA
之後兩堂MATHS...OK啦我依家跟得到既都..都明
跟住兩堂中文MISS要我地作文,今日作抒情文
不過個個都想做SBA......
今次有兩個題見揀
1.學校生活苦與樂
2.重遇一個舊朋友的經過果D
我作第一個題目.....不過超爛囉作得
依家連文都唔識作喇點算....
妖!好蠢呀我
我作左一半之後覺得實在係唔得,,作過一篇
寫左500幾字但係真係好差.....我想再做過呀又
本身諗住今日交既,,,交600字....但係真係唔得閒,要做SBA
所以都係諗住第二日先交....交800字囉

跟住LUNCH食唯一家呀好似-V-大家都係咁做SBA
好齊人丫今日LUNCH.......
之後2:00 MISS黎左,,,,,,好緊張個個都-0-
但係本身話想早D開始,但結果差唔多3:00先開始得
因為器材問題嘛,,,,收唔到音
本身好似係我地班唔得既,之後變左隔離班
頂丫我第一組出去喎=0=不過都好既,,唔使煩...
但係第二組會比較好
一早就叫左我地過A班班房等開始,,但係都未開始得
等等下個個走晒去HEA
之後終於得喇,,就係唔等喇我地開始先
我同皓琳,屏,珠姐一組
我地4個都係Romeo & Juliet

- 過程我決定SKIP -

我只想講:不知所謂...........
係指咩野我唔提啦
考完返返課室,,超灰...
真係好灰好灰..好唔開心囉.........
坐左o係個位度半個鐘左右都唔想講野
(我好似對一個人好差咁xd對唔住)
真係好灰呀.....好唔開心,做得好差真係
由於遲開始,所以好遲先做完晒
miss話要做晒先可以走...不過有d人都走左
我冇走住既因為要等埋其他人....而且我都唔想走住,唔想郁
等左好耐終於考晒走得...果陣應該4:30左右啦
之後佢地話去北江食野
食野會開心d???

跟住去北江....去既途中有兩條應該係女既人兇
白痴

果陣既情況係我同喇嘛行後面,,其他4個人行前面
之後果兩個應該係女既鬧佢地.....望咩呀?!果d
跟住我同喇嘛之後都俾人指囉,,屌...關我地咩事?!
心情勁差,本身已經勁灰啦
我有鬼望佢?!大明星呀?!

妖!

之後去食腸粉,,佢地個個食糖水
我咳唔食得,食腸粉...都冇開心到既
跟住走啦....行返屋企....

((我想問..甚麼料子呀你?

嗯,,係...我近來好似好燥
((對唔住對唔住...))
我都唔知做乜...總之我覺得好煩呀
art又做唔好,,文又作唔好....sba又做得差.....

返到屋企夜晚傾電話,,,講下今日sba...唔開心,仲係好灰-v-
12點幾我都訓喇,,,好眼訓

今日冇事咧-v-返學~

今朝早諗住一早返學校早d去守時感覺有誠意d嘛-v-
加上我要早d返去做地理
但係點知我都係比較遲出門口..但都算早架喇-口-
唔得喇我依家要早d出門口先得
返到去好彩今日唔係馬sir =_=
俾左醫生紙之後就上返課室
咁即係仲使唔使俾陳sir睇?

返到上課室好快咁做地理....食住三文治做
之後見到英文miss入左黎要我地填sba張野
跟住打鐘就坐返埋位

今日day6,第一堂就地理...
同miss講尋日冇去有機農莊=v=做唔到第6條
之後佢地o係度講有機農莊d野..我都唔知咩黎-3-
第二堂係文學.....好悶丫o係度講新課文呀..祝福..
之後兩堂中文...
跟住兩堂econ.....都唔明佢講咩既..唔想讀喇~~~~~~
彈性,低彈性,單一彈性...彈彈彈..彈彈波??!
今日出動彈彈波-v-超勁囉.....彈左唔知去邊,笑死
個波一彈,二彈..彈左去yu果度,三彈...彈左落地下,四彈唔知去左邊
madam話:冇人執返既..
XD..笑死....仲要踢遠d....
跟住執返個波又彈過...超勁

笑完之後就研究下咩因素會令個波彈D
力度啦,..個波既重量啦...地既表面啦(平滑與否)
聽到呢度...我就冇聽喇-v-

之後lunch叫外賣,本身諗住食完落去搵陳sir俾醫生紙
不過落去既時候,唔知點解要去左地理室搵人=_=
今日話去地理室睇鐵窗邊緣可以扣印花
但我地本身都唔係話去睇既...
佢地入去搵人,點知一入到去miss都坐左o係度
咁唯有坐定定睇埋先
之後就咁一坐就坐到睇晒...都ok啦..都係講改邪歸正姐
跟住睇完寫埋名-v-走得
冇落去搵陳sir,都搵唔切...唔理啦..........出通告俾我先算

最後兩堂art....今日都係畫塑膠彩...好悶呀...又唔識畫
好核突呀張畫...真係唔係一般既核突....構圖又唔得,又唔識油
今日補時間可以補到5:30...唉..唔識呀唔識呀咩都唔識
唔想做喇 =..= !!!
5:00幾果陣就執野走咧.....走左之後同嘉恩lum去左北江夾糖
=3=病左唔食得....不過偷偷地食左粒牛奶樽
之後就返屋企喇

今日唔記得食藥
返學時段計淨係食左朝早果一次藥
^口^白痴
lunch唔記得食,放學art冇食...
返到屋企仲要hea下食埋野先食藥..唉...

SICK

今天..唉

自中學以來第一次早退
這幾天都身體不適,星期天開始發燒
然後星期一死撐說要上學,幸好沒問題
到了今天...本來昨晚又發燒,幸好半夜吃了一次藥之後退了燒
(還出了一身汗.....呼)今天早上可以上學了
可是討厭的是我頭暈到不得了
一直hea...hea...hea....又全身乏力,梳頭的時候還是忍不住坐下了
坐了一會兒之後我已經高速衝出門口,
藥也沒時間吃,把早餐和藥全都掃進袋
之後就出門了,,,,好可惜,,他媽的...我還是遲了半分鐘!
我想說我已經是跋足狂奔.....一出輕鐵就飛奔去
可是我真的是沒氣力丫...
不過!!如果不是校門外有工程要兜路走,
我可能會快一點,,不會遲到

回到學校很不高興,,,遲到了遲到了遲到了!!
可是我絕不會讓這次遲到白白的算上去

今天我回校只是因為英文堂試做sba,,
可是當我等候到我組的時候,我開始發現今天回校是
完全錯了!
我根本回來也沒有用的,首先昨晚吃了藥很早睡了
然後我很努力的想好好準備sba的事可是都沒能做到
因為實在太累,而且我可能感覺到自己在發燒,
窩在被子也很冷...可怕
結果喇就是甚麼也沒有準備到
然後今天回到學校,真的太暈了
想好好用最後的時候來想一想..可是都不能
終於到我去了,我用了數分鐘時候死命的想,,,
結果只能想到1和3的內容,2的想不到
可是偏偏就是要說2的!!!於是我真的沒氣力再做其他事了
我由開始到結尾都沒有出過一句聲,
梁同學和鄺同學問我兩條yes no問題我都沒有回答
回答了之後我不是還要說自己的意見嗎?我不知道
可是我就是不想回答

說我沒有盡力做好這件事嗎?
可以這樣說吧,可是我真的不知道可以做些甚麼
第一,我的聲音爛到不得了,各同學可以做證
我連去看醫生都幾乎說不出東西來
要說話很辛苦吧

其次,我甚麼都沒有準備,我可以說些甚麼?
如果說這是藉口,同學問我的yes no問題是在救我,
我放棄回答是一件錯事,我應該要回黎的話
對不起我真的答不出來,我沒有心思想甚麼東西
很煩....今天出門上學之前我為這次的病流了數滴眼淚
呵~我從來沒有試過因為病而哭,怎會這樣的?
我發現自己好像愈來愈容易哭了
不過今早哭的原因,不是因為病太辛苦
而是因為這幾天來都強迫自己吃東西,,,然後吃藥
白粥?死命的吞進一碗,然後還要喝一大杯水吃藥
4小時之後再吞一碗白粥,白粥不好吃...藥不好吃
每次吃完藥整肚都是水,,,幾次都想嘔吐了
但還是要忍下去
想準備功課可是卻做不到,,甚麼都做不到,
功課準備不好...好討厭!好討厭!然後回到學校甚麼都做不了
不知道有沒有讓miss失望,可是我真的不想說話
我承諾真的那次sba我會盡力...

好吧,上完這堂之後就去地下找爸爸早退
不過我首先做的不是找爸爸,而且是文sir
說說今天遲到的事,,我打死不要這次算作遲到啦!!!!
可是文sir找不到,碰巧見到陳sir @v@救星!!!!
跟陳sir說了之後他叫我明天拿證明給他看..呼,,安心了
於是找爸爸,等了一會....說找不到班主任,副班主任也找不到
不過還是讓我先走..good!
但我走的時候小息已經完結,3,4堂上的不就是班主任的課嗎?
然後,我走了

走了之後去頌富看醫生,等40多個人....兩小時@-@
之後去了一粥麵吃粥,之後還是回家去..那時11:30左右吧
在家等了一小時,玩電腦,之後12:30又落樓去..
再等了一會就到我見醫生了,不過也差不多1時了吧
醫生說我喉嚨發炎比較嚴重,感冒的情況沒那麼叫人擔憂
之後拿了七種藥回家-0-可惡的
還打了一支針,已經是第二次因為感冒而打針了,
也是在同一診所咧,,是不是同一個醫生呢?

回到家裡睡了一會,,,起來吃米線,之後吃藥
我差點就忘記了吃藥這回事
幾乎想吃了米線就滾上床倒頭大睡
不過還是爬起來吃藥,之後就好好睡了

今天本來地理在12:45是要出去河貝水塘那頭的有機農場
可是我根本都不能去啦~
在家中等待著各位回來匯報情況給我知
我看完醫生時同學已經去到了
我吃完午餐就一直的睡,,直到5時許kayi sms來說回來了
於是我就起來開電腦玩啦.....然後在msn跟大家chat了一會
然後都沒甚麼特別事了吧...晚上一直在玩電腦
呵,付了10元車費卻沒有去到...我也想去去甚麼有機農莊呢
不過大家都說很累呢@@就知道我現在這種情況不適合我去
早退沒錯,反正這樣頭暈

*Evanescence - Hello  這首歌愈聽愈正呢!

另外我還是想不起來..
到底我何時聽過Call Me When You're Sober
(這首歌mv的男主角頗型仔的 =v=)
我肯定是聽過的,不是在rage...是在電台?這機會很大

近這兩天又發現一件事 =]

喜歡一些東西/人物
除了害怕他們會出問題/受傷害之外
還會討厭別人拿別的跟他們比較
也不喜歡別人說別的跟他們相似

這件事上我雖然沒有太大感覺
但我也曾經經歷過類似的事

這次沒有太大感覺是因為無論怎樣說,
在我眼中最好的還是最好的
我本是就不太喜歡某個人,
但即使拿他跟自己喜歡的作比較我也沒太大反感
我反感只是因為我討厭比較
老實說我並不認為拿他們作比較的人是惡意的
這是我不太反感的最大原因
然並不代表我對「比較」這回事沒有感覺

但想清楚一點,那些人好像不算是拿他們作「比較」
只是說他們相像......沒有說誰比較好
所以我們需要說到某些人跟自己喜歡的「冇得比」嗎?

因此,我一直都沒有說過甚麼,
大家會這樣激動
大概是因為要保護自己喜歡的
這是正常的表現
但我不會因為自己也喜歡而跟隨其他人作出「應有」的反應
我最多也只是支持一下大家,
堅持自己所想的,好好保護自己喜歡的事物,
為那些事物出一分力

*我唔係樣樣野都唔上心的
我好似對某d野唔上心但係唔代表我係冇所謂

100問之超級無敵大點名:::::

1) 是但

被點中名者不答呢100問

就會一世單身*

1,你叫咩名牙..→ 李詠君
2,仲意人地點叫你..→ 阿LEE,全名絕對係可以的...有一定既人數會叫我君君@@
3,幾年幾月幾日出生呀...同你知唔知道邊個個生日日期同你一樣...→ 4月5日 ..知但唔記得
4,你係大喊包嗎....→ NO
5,係咪多數都係自己一個人...→ 一時時啦,自己一個既時間估少數
6,想唔想死.....→ 唔想死住
7,你係一個樂觀GE人嗎....→ 可以咁講
8,你做過最衰GE野係咩.....→ 你估下
9,你做過最好GE野係咩.....→ 你估下
10,你係咪一個好心軟GE人..→ OK的

【關於朋友】

11,你心目中第一名GE朋友係邊個..→ 朋友沒有分名次的,在考試嗎?
12,最關心你GE朋友係邊個...→ 唔知的
13,最搞笑GE朋友係邊個...→全部都根好笑xd所有人都瘋狂的
14,最恐怖GE朋友係邊個...→ 你估下XD一定估得中
15,你最憎GE朋友係邊個....→ 仲易估-v-
16,最靚GE朋友係邊個....→ 你估下=v=
17,最樣衰GE朋友係邊個...→ 不能算作朋友的monster...XD
18,你同邊個朋友最開心...→ 同唔同既朋友一齊有唔同既歡樂同樂趣*V*
19,你同邊個朋友最悶...→ 咁樣好難做到好朋友 =] 最多都係同學
20,邊個朋友笑得最奸...→ =..= 不能算作朋友的monster!

【關於愛情】**

21,你最仲意係邊個...→ 唔俾你估
22,拍過GE多次拖....→ /
23,邊個追緊你...→ /
24,你E加GE情人係邊個...→ /
25,你第一個情人係邊個...→ /
26,你失戀個時會做乜...→ /
27, 朋友定係愛人重要...→ 難以作答
28, 對你GE情人有咩要求呢...→ /
29, 你E加想同你個情人講D咩...→ /
30, 你仲意你GE情人幾多個%...→ /

【關於個人喜好or惡好】**

31, 你最仲意食D咩...→ 罐頭菠蘿...
32, 你最唔仲意食咩...→ 不知道
33, 你最仲意去邊...→ 有我識既人既地方
34, 仲意睇咩書...→ 翻譯小說
35, 仲意做D咩...→ 聽歌,上網..hea~
36, 你最中意GE明星係邊個...→ Jesse McCartney , Eugene Yip
37, 你最仲意咩季節...→冬季
38, 你最中意GE異性朋友係...→ @@個個都各有各好...好難揀
39, 你仲意做D咩...→呢條問題同35題的鈕別大概是在問題中有"你"字同埋冇"你"字
40, 你最討厭做D咩....→ 厭惡性工作,面對某D屎狒鬼

【關於學校】**

41, 你仲意上學嗎.....→  大概是鍾意
42, 學校同你最FD係邊個..→ 俱樂部各員-v-"
43, 係咪日日都係學校到發呆...→ yup!
44, 係學校你仲意諗D咩...→ 發呆的
45, 係學校你仲意搞D咩...→ 上a科堂做b科既野
46, 最仲意GE老師係...→ 冇,所有野都過去.
47, 最唔仲意GE老師係...→ sh*t
48, D同學對你好唔好...→ 好的
49, 你間學校BAND幾同叫咩名...→ 所謂的band1尾,應該係尾到2...TSWGSS
50, 你係學校最於GE事係咩...→ /-\
51, 係學校最開心GE事係咩....→ 同好可愛既同學一齊吹水XD,要註明係可愛的
52, 你咩科最叻....→ UNKNOWN
53, 係學校邊個對你最好...→ =v= 天知道

【關於選擇】

54, 情人重要定朋友重要...→ 呢條問題同之前愛情果條差唔多
55, 仲意人地定仲意自己多D....→ 唔識答
56, MSN多D定ICQ多D...→ 我之前不嬲都支持icq架,但依家玩開msn已經忘記左玩icq係咩feel
57, 仲意黑定仲意光...→ 光
58, 仲意男定仲意女....→ 100%男
59, 對男好d定對女好d...→ 呵呵,要睇下咩人
60, 仲意有d沈默ge人定仲意open ge人...→  沉默是無敵。
61, 日頭好定下午好定夜晚好...→ 日頭同下午有咩分別....各有各好
62, 仲意笑定仲意哭...→ 笑,但喊果陣好爽
63, 仲意去百佳定惠康...→ 惠康
64, 仲意上網定打機...→ 上網

【關於心裡的事】**

65, 你e加林緊d咩...→ 食飯
66, 有咩心事..不防依家講下..→ 難以言喻
67, 邊一句最傷你心...→  你好煩/你好蠢
68, 有冇心臟病....→ 冇
69, 多時心痛?....→ ?
70,咩事最心痛呀...→  =] 早幾日遇到 : 鍾意既野出問題/被傷害
71,你e加心跳有冇唔正常...→ 冇
72,生命重唔重要...→ of course
73,你最仲意諗d咩....→ 甚麼也喜歡
74,最唔想林d咩....→  唔想諗既野

【關於現在】**

75, 食緊d咩....→ no
76, 聽緊咩歌...→ told you so
77, 對上同邊個sms...→ @@
78, 同緊邊個msn....→ no
79, 邊個係你旁邊...→ no
80, e加你係邊到....→ 電腦前
81, E加幾點...→ 23:35
82, 你e加個個地方有邊個係到...→ 廳冇人
83, 睇緊咩電視...→ no
84, e加做緊咩...→ 100問
85, e加個心情好嗎....→ 一般
86,你e加肚唔肚餓....→ no
87,想飲d咩野...→ no
88,e加想唔想出街...→no
89,e加想邊個人係你身邊...→ no
90,e加有冇流鼻血...→ no

【關於呢個100問】

91,感覺如何..... → 唔知,問題用好多同音字...唔掂
92,仲唔仲意呢個100問....→ 一般
93,呢個100問邊個比你....→ 嘉=v=
94,覺呢個100問低唔低b...→ ok啦,,愈問愈唔知點
95,做呢個100問做左幾耐...→ 分上下半場做,唔左做左幾耐
96,覺得作呢個100問係咪好無聊ge人...→ 幾
97,估下原創者係中幾...睇下估得岩唔岩→ .......
98,想唔想要原創者ge msn...→ 下?!
99,呢個100問做個時去左wc幾多次....→ 冇囉
100,弓喜你做完...開心ma..想邊個黎睇你個100問呀....→ ...................

本身諗住打XANGA架今日,不過搞搞下都10點幾PM

咁夜又唔多想打-V-用住點列式先

．今日DAY 2 本身都已經好正,但係今日特別正

-第一堂地理調位,終於坐返最後面果行 /v\
之前調位3次都係第一行,,痴線

-第二堂英文今日oral,,上miss lam呢邊-v-
終於唔係discussion,係individual presentation
我其實有少少想佢抽我出去講-3-
因為我自問寫得唔太差
我想試下嘛.....乜講1分鐘架咋咩?@@
1分鐘,冇難度-v-但係唔保證多d時間我係咩景況

-第3堂文學,本來第4堂都係,不過調左堂做中文
文學都係hea之嘛-v-繼續係講墨瑞與米奇的課xd
我o係度畫art草圖...好快一堂
第4堂做聆聽,,中文聆聽同英文listening真係好大分別
中文係勁悶的,英文係一頭霧水,不停要寫野的
換句話說: 中文好hea就可以過到關,英文要不停用腦做 =v=
咁就一堂喇,,我地果度3個都係岩20題...XD夾定的

-上完中文堂全部人都留左課室度等上生活教育
點知miss曾11:00走黎問:坐晒o係度做咩呀?依家小息呀
得返1個字!無奈囉 -_-

-第5,6堂本身中史堂,,係最美好既中史堂-v-
但係竟然要入hall聽講座..生活教育
不過幾好個講座,,可惜我地坐到好後..咩都睇唔到,,車

-最尾兩堂都係聽講座的。

(hold住先啦呢度,唔得閒打埋佢依家...-口-呢度完先)

調位

GOOD!

今日,又一次心情唔好,我真係扮唔到冇野囉,
學某同學話齋:
你一睇就知唔開心喇,你開心果陣唔係咁架

係啦,我係心情唔好

*其實我開心係點?唔開心又係點?我想知

我話過我唔要做返以前既我,
我唔要再經歷多次以前既事,
我不屑以往

今日扒低果陣我發生咩都我諗都冇人知

點解唔得?!

其實呢排係好多好多事值得記,
但係我真係冇心機打XANGA-V-好懶丫!
但係真係,打XANGA...寫日記呢D需要恆心既事..
有D難度