今日勁背歌詞中......

葉宇澄的國語碟歌詞....10首喎,,

有9首係要背的,,(潘朵拉的盒子唔使背)

哇...我好用心咁將d歌詞用手抄出黎..

然後貼去床邊...

好用心的呢!我一日唱幾次....

應該好快背得晒全隻碟d歌....

努力了!

不如完啦好冇..

(日記照舊後補吧...)

1. 一生人以來第一個偶像： 黎小明
2. 希望住怎樣的房子： 木地板,周圍都係木既,,簡簡單單的...最緊要就係間屋夠大
3. 天生是腸胃好的人嘛：算係啦,,至少唔會因為食左某d野而唔舒服..(老幾年後好難講)
4. 覺得自己自私嘛： 睇情況啦..
5. 有邊個人曾經令你希望自己成為佢： um,,諗下先..好似有架..但係唔記得左,記得先講
6. 對香港的感覺： 福地!我好鍾意..冇地震,,冇大天災,治安尚算良好,好自由..算係好繁華既好地方,
最重要既就係..地方細,,空氣污染嚴重,故得依樣故唔到果樣..每日都好繁忙,,仲有,,咩都講錢...
7. 覺得自己會點死： 唔知,,但我想安樂屎
8. 有冇乜野事你好後悔當時做左呢個決定：喔呵呵,唔講得...有陰影的一件事
9. 有冇睇過邊套戲令你久久不能平伏： 有呀!我睇金枝玉"葉",,最尾呀,,邊個...呂可頤做果個死左,好慘呀=﹏=
10. 你覺得你自己係一個偏向思想正面定負面既人：正面

11. 現存最「古老」的記憶： 小時發左幾年的果幾個惡夢
12. 曾經自己一個人做過些甚麼事： 好多喎,,去廁所...我好認真架...
13. 有邊個明星你欣賞佢但係佢稱唔上係你「偶像」： 張韶涵,,吳浩康
14. 有邊個明星稱得上係你偶像但其實你都唔係覺得佢咩太多野值得你欣賞：Endy
15. 討厭自己邊D性格： 冇自信,,冇表情XD
16. 試過睇咩戲//電視劇睇到喊： 勁多啦....小時既都唔計喇,最近睇到喊既係..忘記了,,
17. 喜歡結識新朋友嘛： 很喜
18. 一件最近想擁有的奢侈品： 袋!!!!!
19. 希望退休後有甚麼生活： 有好多人陪的,,我唔介意住老人院呀,,最緊要有人陪之嘛...O係屋企冇人理咪仲慘..=V=*
20. 對上一樣令你忍唔住講出一聲「好好味」的食物： 忘記了,,我記得我果陣係推介俾張家食的,,到底係咩呢?

21. 小時候對世界有過些甚麼誤會： [外國]是一個國家
22. 首個令你有性幻想既明星： ..沒
23. 對隆胸有咩感想： 沒感想,,最緊要隆了出來不要怪樣
24. 好多人都話你唔應該咁做, 但你冇後悔既事： 下?冇啵....叫我唔做既事就冇,不過唔想我做就有,跟葉宇澄XD
25. 數得出一堆你願意更加珍惜佢地既朋友嗎： ALL MY FRIENDS,,
26. 多唔多人你對佢有過好感但後來感到有D後悔： ..唔係多唔多,,係冇
27. 遺傳了家人的甚麼特質： 唔知喎,,我今晚研究一下先
28. 喜歡的遊戲： 麻雀砌屋企,放D公仔落去玩,,喔呵呵,算是叫遊戲嗎?
29. 有冇作過一D令你自豪同回味既決定： 有........不過我數唔出,,哈哈...其實,,有一個奇怪的,,就係跟葉宇澄,,我係咪唔應該將仍1視為令人自豪既事?,不過逅星都唔算係唔見得光也,,其實仲有好多的,,依個只係其中一個微不足道同勉強諗到的吧
30. 幾時開始清楚自己鍾意男仔定女仔： 好細個,,幼稚園*V*強吧!

31. 信唔信輪迴轉世： 信信地,,就算信唔信都要屎吧,屎了就知道了
32. 愛情, 友情, 親情, 請排序： ............
33. 甚麼讓你最恐懼： 冇朋友
34. 有冇堅持使用邊d牌子既產品： 冇
35. 有冇邊D朋友你覺得//希望可以同佢熟D, 但實際上又未熟得晒//唔熟： 好多呀,,真係好多,,因為我識親一個人,就會想同佢地都好熟,,不過實際上唔會如願的,,而最想熟既都在FANS GROUP中,,是哪幾個不說了
36. 幾歲時第一次鍾意異性 (或同性)： 哈哈....(想笑兩聲混過去)
37. 對怎麼的生活有過憧憬： 外國小鎮的生活,,
38. 較喜歡媽媽還是爸爸： 差不多吧,,沒有什麼喜不喜愛
39. 甚麼讓你感到尷尬： 好多,,um,,舉幾個吧,,當眾俾人瘀
40. 用十個字眼來描述的近來既生活： 什麼叫字眼,即係十個字詞定係十個字?十個字吧..散漫無聊冇目標懶出汁

41. 而家諗返轉頭唔明自己點解當事要咁做既事： 其實冇可能會唔知自己點解咁做,,當時想做就做啦,依個已經係一個理由
42. 曾經最深愛//敬愛過的三個對象： ?敬愛或深愛嘛..?這兩個也好像沒有....老師可算在內嗎?那麼蔡老師吧,,黃sir吧..還有什麼呢?敬愛差不多了,深愛沒一個稱得上...不如就這樣吧..-v-
43. 在網絡上有甚麼財產(eg. 日記, 網頁…)： 這個qooza日誌,,荒廢多時的xanga,,e-mail,相簿,,聯盟,mero,很多地方也登記了會員身份..可能還有,數不出
44. 你有冇一D「特異功能」： 唔知呀,,有都唔知
45. 有冇一個你以為實現到, 但其實唔可以既「夢想」：作出好文XD同埋努力讀書,,不過如果係"希望"實現的話,就是環遊世界,特別是歐洲
46. 喜歡的品牌： 沒,,PLAY BOY...這個算是比較喜的吧
47. 你願意花時間學習些甚麼東西：畫畫,樂器(任何一樣可以學到既都OK)我不介意辛苦的,因為決定了要學就要做到底!我也是一個肯堅持的人..對於我來說,即使我放棄了做某件事,我心也不會放棄的...更何況我很少中途放棄,要是真的放棄了就唔會理,,但係學野我真係可以堅持到最後的......好似合唱團咁,係人都知悶到發瘟,我都唔想練,但係想還想,我從來冇諗過退出,因為係自己選擇入的,點解要中途放棄呢?總會有D得著既,,(愈講愈離題..)
48. 最喜歡看異性的哪些部位： 冇呀...髮型吧..=V=..
49. 你會唔會選擇一腳踏兩船： 有得選擇的嗎?
50. 有冇懷疑過自己既性取向： 冇

51. 只可以用一個詞語黎形容你自己既性格, 你會用咩詞語： 懶
52. 對上一件由衷感到感動的事：不開心時大家的安慰..雖然只是幾句老土說話(有D仲9唔搭8),不過我卻真的由個心笑左出黎XDD
53. 曾經約會過不算熟絡的網友出來見面嘛： 咿?不熟絡的網友嘛....唔知可唔可以咁講,我信得過幾先會紉,算唔算熟絡就唔知啦,,咁穎穎果D算係不熟絡的網友嗎??
54. 希望死後火化還是怎樣： 是但,,總之不要把骨灰倒進海,感覺上自己在污染海洋,,UM,,不過想說的是,火葬會空氣污染的嗎?好像會的....總之燒野也會釋出對空氣有害的氣體,,那麼可以土葬嗎?好像比較安全,可是會有蟲的...我不要蟲!>"<
55. 最近最煩惱的事是： 功課,冇錢
56. 有冇一個moment如果你做左另一D決定, 就會大大影響左你既一生, 有的話是甚麼事： 冇
57. 承上題, 受到呢件事影響, 你估計你既人生有咩唔同： ..
58. 愛過的人中有些甚麼不堪的性格：沒愛人
59. 希望將來住o係邊： 一定不要半山,有怪昆蟲的,,是但一個交通方便,舒舒服服,正正常常的就OK了,,最好住在外國XD
60. 有咩事你一遇到就會覺得好噁心： 見到蟲

61. 從事過甚麼工作： 沒
62. 有咩人你好感激佢但唔好意思同佢講： 好多
63. 有冇曾經俾人偷過乜野： 唔知啵,偷左都唔知啦...我都唔知自己有D乜
64. 經常講大話嘛： 唔係經常,,
65. 覺得自己傾向是實際還是不設實際的人： 實隙,至少比識得的人實際少少,,當然有人仲實際過我,淨係計我追星就夠唔實際喇
66. 最希望睇到邊兩位藝人結成一對： 冇,,總之不要葉橙先生同TOBY,不過依個係完全冇可能發生的事來..
67. 親友怎樣形容小時候的你： 唔出聲掛,,唔知啵...如果係同學D亞媽(離題了吧..")會話我L哇,幾多歲幾多歲就咁高既?但事實上我唔高囉,,係唔知點解D人地亞媽會話我高.."
68. 算是怕悶的人嘛：OK啦...幾架,但其實自己係最悶個
69. 你算是一個吝惜給予別人讚美的人嘛： 有錯別字啵,不是[惜],係[嗇]吧..咁睇下係咩人啦...
70. 初次接觸電腦係幾時： 忘記了~好細個吧..

71. 由細到大曾經希望過從事咩職業： 心理醫生!到依家都係架,,不過冇可能做到之嘛...
72. 最有恆心做的一件事： 都有頗多,,唔數LU~做人可以算在內吧?*w*我認真的...有恆心地去走人生的路
73. 曾經想過加入誰的fans club： 冇...不過依家就係葉橙先生fans group的人,,唉,,他何時才可以成立到一
74. 曾經希望過自己出生於邊D國家： 冇,做中國人很好的,,即係o係中國出世我係驕傲的..(覺得自己這樣說有點扮野XD)
75. 依賴性強嗎： 不太
76. 數得出三個令人有厭惡感的人嘛： 有!泳兒,,某人同埋某人,,FIONA早前也是的,但近排沒了這種感覺,(不代表有好感)
77. 有冇同過邊D明星合照： 只有葉橙先生一個,,(他是[明星]嗎?)
78. 有幾多經常提及的香港地方你是從未去過的： 好多...講唔晒..嘿,,我仲有大把時間...
79. 有冇乜野「古怪」既習慣： um...我諗有,不過一時又唔知邊d係,,XD
80. 人生當中暫時有邊D稱得上係轉捩點： 從元朗東莞轉到天水圍李兆基

81. 父母曾經為你的甚麼而感到自豪：唔知,,可能冇添XD
82. 有冇乜野經歷到而家仲成日俾長輩提住： um...好少提以前d野..有都唔多,有點難答的問題..
83. 有沒有甚麼東西你的朋友都不喜歡, 只有你一個喜歡： 葉宇澄..我即刻諗到..XD
84. 有沒有甚麼東西你的朋友都喜歡, 只有你一個不喜歡： 咁範圍太大了吧...有好多唔同朋友的,好難答
85. 有冇邊個地方你去完聲稱以後都唔想再去： 我記得我講過架,我之前玩某份問卷都答過,依家唔記得左添>"<
86. 發生甚麼特別事第一個搵的朋友： 睇下咩事先啦,,
87. 有冇特別喜歡邊幾個中文字： 有,,我有一張LIST列晒我鍾意既字,其中包括「愛」,「希」,「藍」,「霜」等等
88. 慣於「明戀」定「暗戀」： *V*暗掛..
89. 印象較深的電影對白： 冇..唔記對白的..所以龍咁威中果D人地眼中既精句,我係一句都唔記得的..丫!!我諗到喇!「YOU JUMP I JUMP!」同埋「JACK!」<--這算是一句對白吧..=v="
90. 有冇嘗試過訓練自己的非慣用手： 冇,不過我勉強可以控制到,唔算好,不過未至於完全唔識用果隻手(即係左手啦)

91. 想變成另一個性別嘛： 有諗過但唔想
92. 印象最深的小學同學： 好多都好深印象的,淨計男同學都咁多啦(睇對幾篇的日記有提)更何況女仔??
93. o係icq多數用咩mode： ..依家少開了..
94. 邊D地方令你有愉快既回憶： 尖沙咀帝國中心
95. 邊D地方令你有不快既回憶： 學校=﹏=
96. 有咩事你一遇到就會有莫名的厭惡感： 在我耳邊高聲闊談,在我面前說廢話,做無意義的事,最厭惡的是:在非必要時騰雞,擔心埋D唔需要擔心既野,,可能因為我個人好少會俾野搞到不知所措,就算係都唔會咁明顯,所以對人地依D舉動有厭惡感囉..仲有..最最最最最憎的是,,在我面前...什麼什麼什麼什麼!!!!I HATE IT!果D人EAT SHIT啦!!<--好耐冇講過EAT SHIT了,不知從腦中什戍地方摷返出黎講,這個字係曾偉X同學教我的XD
97. 數出十樣最喜歡的東西： 葉宇澄,葉宇澄既碟,朋友子,電腦,收音機,書,電話,屋企,錢,聖誕節<-算是東西嗎XD
98. 第一張擁有的CD： TWINS的....我都唔記得名了,總之孖寶668果隻碟
99. 曾經迷戀過邊D明星： 黎明算是迷戀過嗎?那麼TWINS吧...
100. 最近有咩口頭禪：強!

AMAZING SUNDAY!!

為什麼這樣說呢?顧名思義就是因為今天發生了勁勁勁多AMAZING事了!
這天令我更加相信自己開始轉運了
記得蘇民峰好像曾經講過其實每年7月才是新一個運的開始,,
(大約係咁啦..我唔識依D..)嗯,,7月到了,是否代表著我的運就在轉呢?
我覺得自己的運可是轉得滿好的..=v=特別是人緣那方面吧!
在這個暑假內我竟然識了這麼多人...破了紀錄吧!而且今天發生過的事..
那麼我暑假後的form 3生活是否會很不錯的?*v*我猜應該會吧,,
form 3的班,,很多人都不同了..不過妍妍那班勁的!半班人走了....=0=強!
要保著精英班的位置,,真是要努力努力!!支持妍的!
我說過我form 3要追著妍妍走,,因為我曾經定下了一個目標,,
form 3這年我一定要打破全年測驗考試只合格一次既紀錄!
好像自小4開始,,我每次maths只會合格一次..好像小六那年有兩次的..
不過也是算吧,一次跟兩次差不多..我要次次都合格!!!
(說到這裡情緒比較高昂,於是在心裡忍不住爆了句粗口,,
因為回想起我form 2下學期的成績實在..)

好了,,說回今天的事,,總之很強啦!一個中文字:強!  英文字:amazing!

嗯,,今天....我給穎穎的一個電話嘈醒了,再次不用我的鬧鐘就醒了
原來她問我今天約了什麼時候..=0=
之後我就起床梳洗一番了,,這天我雖然早了起身,,
可是我卻算漏了一件事!就是我今天要吃了早餐才能出門!
吃早餐可是要時間的,今天亞媽煲了粥..很好味的,,
我以為11:30才去準備會趕得切,,可是我一錯再錯,,
又計錯了....="=於是遲了3個字出門口,,
唯刈打給穎穎跟她說,,可是打了n次電話也沒人聽..
之後我吹好頭再打,,打左幾次終於聽電話了,,,
嗯,,之後我就出門口....衝喲!他媽的,,等[車立]等了很久,
之後走到輕鐵站又是這樣,,等一個字才有車...
跟住搭西鐵時...當我一上車,天色突然轉暗,,
坐我旁邊的那位亞姐,,勁大聲的講電話
內容是:當我黎到天水圍站既時候..我見丁出面個天突然黑晒,,係好黑呀下,,
你幫我睇睇我間房,,如果落雨幫我閂窗,,廚房就我一早閂左喇
你只要幫我睇下房就ok喇,,出面係黑晒,拿,,係突然黑晒呀下..

佢老味,,講電話講咁大聲托咩....把聲又唔係好聽...
基本上我相信果卡車既人都會聽到佢講野,講d野又無聊
幾想叫佢收皮...衰就旅在佢坐我隔離嘛,,咁先衰...
講野大聲唔緊要,,但係我最怕人地o係我隔離講野大聲囉,,
我會覺得講咁大聲係廢架...我不是聾的,,同埋o係我耳邊講咁大聲
我會覺得好煩的....佢仲要不停將同一句野重覆...
不停話:黎到天水圍站果陣係突然轉黑..
我頂.....講咁多次托咩..又要講到好有力咁,,好似好勁咁講到...
你話出面個天黑晒...幫我入房睇下,如果落雨幫我閂窗
咁咪得囉,,講咁多次咩事呀佢...如果係識既話我一定發脾氣...

今次我坐西鐵見唔到美人了,但係有個型女成程車都望住我囉
應該話只係間唔中望下我姐,可能其實佢又諗點解我成日望佢
XDD其實,,佢唔靚,又唔吸引,,唔似果個見過兩次既美女咁吸引人
不過我覺得佢好型囉,,唔係衣著啵,,係個感覺啵,,feel到佢會係一個好硬淨既人
哈哈,,,講講下好想見多次之前個吸引人既女仔添..
佢真係好有魅力架....幾斯文的樣子..
我第一次出街望人的..仲要係大過我既美人...-3-
有點變態的覺感...我可不是變態的....只是那個人真是太正了>0<

好...跟住,,我想講今次我係遲左好多去到美孚囉,,
真對不起穎穎,,=﹏=之後上到地鐵,,
都是在講下網聚d野咁囉,,然後去到尖沙咀,,一出到去站就落雨喎,,
係咪咁岩呀真係...跟住行過見到有遮賣,咁穎穎就買左,,
黑色的,,幾靚既我都覺得,,好似廿幾蚊...

之後我地仲係慢慢咁行去新港..哈哈,,我完全唔擔心遲到俾人話,,
因為我都準時左咁多次啦..遲一次唔緊要啦,,同埋我feel到遲去佢都未開始
咁之後行到去新港中心,,就落去地庫了,,哇~超多人的說..

咁我走左埋去,咁就行左去亞包隔離,,
咁我就由於太緊張同開心既關係,同埋我前斫勁多人乜都睇唔到,,
所以傻笑左一陣,,哈哈哈哈,,咁我笑得可能太大聲..
亞包終於發現我o係度...而今日其中一個amazing事就發生左喇!!
登櫈~~就係....

佢:hi!好耐冇見喇,,
我:係呀,,真係好耐冇見
佢:你有冇牌呀,,
我:冇...
佢:我俾我果個人啦...
我:好呀..
佢:嗯...一陣嗌咇咇eugene
我:咩呀?聽唔到
佢:一陣嗌咇咇eugene....
我:啊...

幾秒鐘後__________

佢:嗯,真係好耐冇見喇我地...
我:嗯..

拿!表面上唔係一件amazing事,,但係發生o係我身上就絕對係一件amazing事!
因為...我不嬲同亞包唔熟,,這次..佢竟無啦啦同我講好耐冇見?
*w*而最重要既一點係...正常黎講我對於依d說話,,
我係唔識點答架..我通常只會嗯一聲,就算幾熟既人都好
(熟人都唔會講依d野掛?)我都係簡單地嗯一聲咁囉,,
但係唔知點解我今次竟然係可以答一句說話出黎,
係咪好叻呢?唔知係咪因為近排吹水吹得多...所以識答左,,
哈哈XD,其實包第二次問我既時候,,我想答多D野既,,
我係想講你個樣變左好多..不過最後我又變返答一個嗯字..."

這件事已經是amazing事了....um,,咁之後..
前面真係勁多soler fans囉,,同埋個場勁細,,完全唔知自己睇緊乜
有聲冇畫=0=

咁冇幾耐之後就開始喇,,聽到細so把聲,佢做mc,然後講左一大堆野,,
但係我都唔知佢講乜,冇咩留心聽到,因為我仲煩緊睇唔到野
之後就話嘉賓有葉宇澄同埋krusty~~咁啦...
我先知原來葉宇澄出左黎...>n<真係睇唔到野囉
之後同葉宇澄傾下咁啦,,大約好似係話...
細so:eugene呢,,好似今日先返返黎香港咋喎...
葉:係呀...早前去左內地做宣傳
跟住唔知細s同葉橙講左d咩....
總之又話咩....咩..咩...葉橙返返黎香港開始出左d問題
冷氣開到30幾度都話凍
哇~依句真係經典,有冇咁誇呀..=v=嘻*
跟住玩遊戲果d囉,,krusty畫野去葉宇澄著緊既白tee度
然後送俾現場既人,,好搞笑..
我睇唔到佢地做緊咩啦...總之聽到細so話,,
哇..你地做乜野呀,,畫乜野呀?o係d咁敏感既位置畫兩個圓圈?

XDD我都想睇下係咩圓圈咁可愛...之後話送果件TEE出黎呀嘛
問有冇人要...呵~係冇人話要的,結果KRUSTY就搵左個男既要左佢喇
哈哈哈哈..不過佢地畫既其間又發生左AMAZING事喇!!!!
就係.......播!播咩呢?就係葉字澄既歌,,咩歌呢?就係國語歌,,咩國語歌呢?
就係估都估唔到既勁歌!瑪麗蓮妒...唔係喎...係哈比族,,
我發現我真係成日將哈比族講左廣東歌個名,^口^
因為瑪麗蓮妒忌東方女生印象深刻D..哈哈哈哈...
就係咁喇...哇!全場fans o晒咀?咩事咩事咩事咩事...
咩野事呀有冇人話到俾我地知咩事呀?咩事喲..?
當大家都很迷網之際,,,我見到laibo,barbie佢地拎左隻國語碟出黎睇歌詞..
跟住,,之後...我諗下先..

係喇,,之後葉橙就真係唱哈比族囉....
跟住大家都唔知點嗌,然後我聽列包話不如嗌wow~果度囉
之後真係咁嗌,所以就嗌wow~~~~~咁,,真係o爆咀...
laibo落力地wow~~結果效果真係...幾強架係...
大家一齊wow~震撼吧!之後係咁樣就唱完喇..
哈哈...^口^咁之後..........葉橙先生要走返後後面啦,,
細so講左句:咁凍就,,去著返件衫先喇下~
=..=又一o咀事件..跟住到krusty出場,,又係玩...
之後唱戀物狂,之後krusty既fans就走了,,,跟住到soler,,
好強,,之後唱海嘯,,oh no~佢地d fans很齊心哇!!
但係呢..佢地d fans係勁遮住我囉,,特別係有個外藉女人,,,
我點解話佢地阻呢,,係因為soler都未黎就舉晒牌,,
佢地企前面就自然係遮住晒啦......
跟住之後....好慘喎細so,,soler走左之後,佢班fans都走
結果得返我地eugene fans o係度,,(我地係咪好乖呢..)
咁細so要講埋最後完場d野,,即係鳴謝果d啦,,
最後佢講完一堆野..我地都有fans很乖..(我何時都話我地好乖架啦)
同細so講bye bye囉,,細so都同我地講bye bye,,
其實佢講鳴謝邊d野既時候,我好想叫細so個名
XD哈哈...其實,,今日個function....我係乜野都睇唔到呀真係
我淨係睇到細so個個頭,,(好在佢生得高...=口=)
佢個頭今日靚過上次見到果個,可能佢今日戴左帽啦....
咁之後...完func我地就去拎碟啦...
oh..我終於拎到隻碟喇....good!!!>﹏<
本身我聽到barbie話今日eugene唔得閒,可能簽唔到名..
不過之後我地就去左一個空置的舖位,,咁o係果度簽名喇...

咁當我地行去轉角位拎碟既時候,
因為細so講過話會o係果度做一個音樂節目
咁所以我見到o係另一個空置舖位入面有d設備咁樣啦...
咁細so就行入去,,哇!依度要講一講,,
我離遠都唔覺得細so咁靚仔...當佢入去門口既時候,,
就o係正我隔離咋!強唔強先...咁佢行過,我望一望..
哇.........近睇同離遠睇真係兩回事,,係有種吸引力的..
可能係因為佢高啦...哈哈哈哈....不過我望左一眼之嘛..
那時心想著的是...要俾葉宇澄簽名..

咁跟住我地拎晒碟就去個舖位度喇啵,,
我地首先逼逼逼,,全部逼晒入間野度啦...
之後就排隊俾佢簽名..亞葉宇澄都唔知咩事,,
佢一面簽名,,一面o係度講gag!!!oh no~我唔係聽得好清楚,,
但係都聽到一dd,,但係我唔會話俾人知果d係爛gag來的..嗯..冇錯
之後仲有!佢簽名,,唔記得點寫果d字.oh no~my god...

之後終於就黎到我喇....依個時候,我聽到亞jean既一句好精警既說話:
唉,,是但啦...反正都唔聽架啦XDDDDD
咁事原係咁既:我地煩緊俾咩佢簽,,俾碟好丫...封面丫,,定個盒好呢?
之後亞JEAN就講左依句說話喇....哈哈XDDD超同意的說....

跟住到我喇,,你話葉宇澄咩事呢今日...佢真係....真係...
拿,咁未講佢扣事之前,又發生AMAZING事了...
咁我同佢講,,亞LEE丫..L-E-E咁..
之後葉宇澄出乎意料之外,佢講左一句:係喎...
*口*??????係喎??????什麼叫係喎?????
佢記得嗎?佢記得LEE這個名有什麼問題嗎??
定係..什麼事呢???我當時當然係很高興啦.....
佢話[係喎~]咁啵....!知唔知點解我咁開心,,
係因為,,EUGENE佢都唔算係好有記性既人,
但係佢竟然因為咁樣咁樣咁樣咁樣就記得我?
唔係呀化...=口=真係驚訝同高興的,,,講真的!

之後好搞笑....占依個時候問佢(其實問我)使唔使用我支筆簽,,
跟住葉橙好衰的語氣問我:使唔使用你支筆呀>>大家請幻想一下他的樣子,,
他當時的表情我沒有看到,可是聽到他的語氣,
令我想像到他的樣子是這樣的:*W*>>很衰的樣子..
之後我話唔使喇,,其實係因為...我廢事煩啦,,
另一個原因係...經過上次海港新碟發佈那次的DEAD AIR事件..
所以就話唔使用我支筆了,,跟住葉宇澄咪好得親戚的同占講:唔使呀...
真係丫...無奈....之後佢簽完碟..(我想講簽到我個名好衰呀XP)
之後佢諗係拎個封面出黎簽,,咁佢合埋個CD盒,,之後呆左兩秒,,
我就話,,唔係呀,,入面呀...(因為我將個封面反轉左等佢唔使拎出黎簽)
之後佢打開返個盒,,又呆左兩秒,,之後先話:啊...好有心思啵...

跟住我極級唔知點好,,因為依樣野係JEAN諗出來的,,
結果因為我排得前過JEAN,所以葉宇澄就同我講有心思???
跟住我心諗,,亞JEAN唔好怒啤我....希望佢聽唔到啦XDDDD
真係....今日唔知行咩運..哈哈,,都唔知係好運定衰運,,
咁當葉宇澄簽緊名時,,SUKI野黎,其實今日約左話拎野既,,
就係拎返我本書同埋葉橙封面的雜誌...
咁O係EUGENE簽緊名時,佢打俾我,我又唔可以唔聽
結果就O係業面前講電話...講電話我唔覺得係問題,,
但係..重點係,,我要話俾佢知點黎新港中心..
咁我又聽唔清楚佢講咩,同埋唔想O係EUGENE隔離講電話,
但又唔知點同SUKI講,跟住我咪話遲D野俾佢囉,,
但係佢又話唔得..要話俾佢知點黎,,
跟住之後EUEGNE簽完名我即閃..
/._______________.\
老實說,我當時係勁想CUT線囉..我想講果一刻係阻住我..

跟住就到影相時間喇,,咁我又攝返入去..我叫占叫左好耐都唔應我..
=.=前面果個又唔幫我,,真係..
之後我終於叫到佢幫我影...
然後我等左陣就到我,,跟住影完就閃了,,,
咁葉宇澄去搭車(都估到佢搭得士喇)
咁我嘍啦,,跟跟下都唔知去左邊...咁之後出到門口時,,
其實我想講,,我係要去送埋佢上的士先會走囉,,
咁不嬲都係咁啦..但係穎穎又叫住我話要去地鐵站搵SUKI
我其實唔係好gur囉,,我係好想去等埋先走囉,,
差果少少時間唔驚啦下嘛,,個個都去晒送佢上車...
就差果幾步路咋,,又唔可以唔理佢....
如果係第二個我一定唔聽佢講,一早走過去啦...
不過穎穎陪左我出func咪算囉,,但係正常黎講係等埋個星上車先走吧,,
又唔係趕時間...

之後行去地鐵站-..-等左勁耐先等到suki,,我話俾返廿蚊佢
(因為本雜誌廿蚊)佢話唔使啦...
下..成20蚊啵,,咁都係肯俾左本野我,,
多謝喎真係....

之後就去搵野食,,本身話去m記既,,但係m記又要上去,,
又細喎果度,之後冇上去,見到kfc就去左食喇,
咁穎穎買先嘛,但係等左勁耐佢都未返囉,
之後佢返到黎就到我去喇,,d人做野真係慢過乜咁,,
我頂佢地個肺,,,都唔知做乜既,聽野又聽唔清楚,做野又慢..
又9唔搭8,,之後我叫左同穎一樣既餐,,
d雞多油多到癲的,,所以唔鍾意食kfc
跟住食果陣隔離枱個女人已經勁望我地啦..
之後佢走左,就有個o靚仔坐左過黎,,
我頂..佢乜事呀,,癲的...都唔知佢屋企教咩架...
個細路我又唔識佢喎,,又走埋黎掉d垃圾(飲管)過黎
本身以為佢係玩下姐,點知條細路o係度阻住晒,,又冇禮貌...
穎穎話佢得意喎,,食囉,,依d叫得意...依d叫得意???
真係頂佢唔順囉,本身諗住坐多陣先走,點知果條友真係好乞我憎,,
跟住我叫住求命咁走..果個細路唔知咩事囉真係...
男仔來的,,穎問佢驚唔驚亞媽返黎(佢亞媽去左買野)
之後佢話唔驚,穎問驚唔驚佢打佢,,
個細路話我打佢就有份,,佢唔會打我,,,
就憑佢依句,,我覺得佢屋企係當佢寶果d,,
唔理佢果d...一係呢,佢就係扮野..
我真係好頂唔順佢依d囉,,之後我走呀,,
穎穎仲係咁話佢得意,,我真係想同佢講句stop囉!
停囉,唔好再話佢得意囉...

之後去到地鐵站我地就要分開了,,佢搭小巴,我去搭地鐵
個地鐵超美的說,,有很多hello kitty同埋世界景點
之後就返到屋企勁睇隻國語碟,,
勁唱d歌XDDD順手背歌詞,,我今日第一次望住葉橙D碟笑,,
真係癲左,,第一次拎到佢簽名都冇笑過,,
但係今次真係笑囉,因為有3個簽名,,=V=*
仲要加埋今日果D amazing片段,,加加埋埋就令我傻笑了,,
我係咁笑...很姣的感覺,但唔係因為葉宇澄而笑囉,,
我講真的,係望住果3個簽名,,諗起今日d勁野,,
好自然會好開心>﹏<不過我一路望住d碟,,
一路感嘆..........點解...點解佢簽到我個名咁核突...
佢將個封面同隻碟簽到個名好衰,,將我最尾個e字寫到一舊野咁,
其實佢簽果陣我已經想叫佢畫返個圈圈上去啦..
但係suki就野黎....所以我先想cut佢線,,
唔通o係葉宇澄面前話我依家唔得閒呀,,簽緊名呀咁咩....

之後我就係咁笑左成晚喇...

***

總結今日amazing事:

1.say hello事件
2.發現原來細so超靚仔的
3.葉宇澄唱哈比族-.-
4.L-E-E事件
5.慳了廿蚊事件
6.一出地鐵站即落雨
7.JEAN,占,LAIBO,穎穎分別於唔同時間都同我講同一句說話:
咁你慢慢黎啦

件事係咁既...首先穎穎同我講話慢慢黎唔使急,,佢等我
之後JEAN打黎問我去到邊,我話黎緊,佢話:咁係慢慢黎啦
跟住到占,,佢又問我O係邊,我話黎緊喇,,就到,佢話:啊,,咁你慢慢黎啦
最後到LAIBO,,佢又問我O係邊度呀,,我就話我黎緊就到喇啵,,佢就話:啊,,咁你慢慢喇,,

所以搞到我好驚,,佢地個個都問我O係邊,,,我仲驚佢地等唔到我就唔理我喇>/\<
好彩,,岩岩好開SHOW前去到..

今日既AMAZING事大約係咁上下喇,,

聽日可以拎到碟碟..同埋見到好多人

哈哈XD很興奮的說..不過幹嗎..總之是有種莫名奇妙的興奮感覺

可能太耐冇出FUNZ吧

可是我也曾經隔了很久不出funz,也沒這種感覺

(應該是因為那時不出funz是自己決定的,而現在沒funz不是由我話事)

嗯,,總之明天就是期待中啦..

明天又可以見到穎穎,,

今天他們5條友去了網聚,,很可愛=v=..

有yumi,,穎穎,志,達..仲有穎穎的fd子

晚上我打電話給穎穎說說明天的事

她說還未回家,還在唱k中

啊~原來他們就是在k房中hea了好幾個小時..

哈哈XD唔知佢地玩得開唔開心

明天要問問穎穎對他們的評價,,呵呵......

穎穎收到我那封可愛的信了..好..

今天就這樣了吧..還是做那些無聊的事,總之沒有做功課就是了

*晚上聽森美移動笑屎我

佢地最尾個幻想劇...XDDD,,JACK JHONSON...哈哈...

矮瓜XDD小儀XDD陳友XDD

其實唔好笑架啵,,可能因為我心情好所以覺得好好笑啦..

今天大約是這樣吧........真的想不起還有什麼勁事..

入唔到我隻國語碟就冇望喇>A<於是我食完野2:10就準備出門口喇

我第一次做完一樣野之後即刻做第二樣野,,特別係食完飯之後一定要hea下,

至少HEA幾個字,,半個鐘什至一個鐘先做第二樣野架嘛

何況出街?仲要唔係約左人啵,係自己要出街

因為我想快D入左錢同埋寄左俾穎穎果封信..>V<(封信寫左成個禮拜都未寄)

於是我搞掂就出門口喇,,先去頌富寄左信再行去銀座入錢同埋拎身份證,

然後再返頌富買洗衣粉..哇!出面熱Q到呢...癲的!!!

行左幾歲路已經濕晒,妖..最憎熱架喇.....之後好快速寄左信就去銀座,,

係咁行行行,然後我問自己點解唔搭車=..=算啦,,返正行幾步路姐..

不過係超熱囉真係,,之後入到去銀座,搵恆生,我搵唔到呀!!>口<

(其實我是佐行下咋,冇搵過XD)

咁我咪走左入草津田睇野順便打俾人求救囉,,我先打俾美婷渣渣,,

佢都唔知邊度有,打俾馬仔問左D野,,佢都唔清楚..之後係咁諗仲有邊個可以問,

咁我唔理喇,,走左出去先算,於是過左隔離果座行,去到M記出門就打俾亞YU

(好奇怪我會打俾佢求救..其實係因為我覺得佢實知既..)

咁打俾佢,,佢真係答到我喲>0<真高興..原來係優之良品果層,,

於是我又要行返過去,上到去一睇,,終於見到了=.=之後入到去,

O....係唔知排邊條隊的..咁排左第一條啦...之後個櫃枱果個話下次排隔離果條..

我心諗,,咪又係提存.....之後入左錢之後,,又唔肯定果個係咪文易代號啵

佢冇寫,,之後打俾laibo問...同埋問佢可唔可以幫我sd e-mail

但佢話佢果陣唔o係屋企..=v=跟住去左拎身份證,,OK啦...冇咩特別...

之後打俾馬仔,,問佢文易代號係邊個..佢都唔知..

之後我去左7-11買野飲,超口渴..好O咀,,

我入7-11果陣有個女仔問我可唔可以幫佢買支野飲喎

=..=我本身同馬仔傾緊電話,,好忙,,其實有D忟囉,,忟咩唔講啦..

總之就係問馬仔張單既野..咁我咪冇理到果個女仔囉,,老實說...

就算我唔係傾緊電話我都唔會理佢,,我做咩要無啦啦請佢飲野呀?識佢架?

我唔係話唔幫人囉,而係點解我要俾錢俾第二個我唔識既人呀

佢冇野飲係佢既事,我諗佢唔係十日冇飲過野呀化..

(聽聞3日唔飲水已經死得..所以我岩岩句野唔合邏輯..")

如果走入7-11問人可唔可以幫佢買支野飲就有野飲,

咁我都得啦..不如去M記問人可唔可以請佢食薯條...

係啵!佢做咩唔上去M記拎水呀?走黎7-11問人請野飲?

之後我同馬仔講左好耐電話啦,,同時間我係揀緊野飲,不過揀唔到而已...

之後個女仔走左第二度,,然後我收左線,就見到有兩個女仔,,,

同埋問我拎野飲果個女仔仲O係度,,我聽到其中一個女仔肯幫果個女仔買野飲囉,

哇.....太好人喇佢,,連佢個FD都話佢太好人..三唔識七都請佢飲野....

即係拎野飲果個女仔應該唔係想呃錢既,但係佢唔應該咁樣問人拎野飲呀係嘛?

雖然幾有禮貌,但係真係唔好呀嘛...之後我買左柑桔檸檬,,就即刻飲啦..

哇,,勁口渴丫...行左幾步已經飲左3份1,,跟住行返去頌富,仲係超熱...

就買洗衣粉啦,,好重呀D洗衣粉..又熱啵..="=好辛苦先拎到返屋企

我又要拎住支野飲啵........好艱難的..之後返屋企,,即刻洗面..

飲野同埋搵野食,,食左三文治,,好味=P之後飲埋支柑桔檸檬就聽收音機..

夜晚玩電腦時,,由於仲未肯定邊個係文易代號所以未send e-mail俾barbie

之後又問人..又係冇人答到我,問占,佢又唔係櫃位入數

問穎穎,,佢又未答到我...佢話要等媽媽返先知..

跟住等左好耐終於等到jean online..我知佢答到我,之後我先肯定果個係...

但係當我問jean既時候,,barbie又咁岩覆返我,

因為我本來係同barbie講唔知邊交易代號既,,咁佢叫我sd時間俾佢..

咁岩jean又同我講..所以最後我send到個代號喇=v=*好蠢添..

本身想在e-mail中講唔知有冇煩住佢,不過最後唔記得左

其實我遲send e-mail除左因為唔知代號,仲因為我唔知個標題寫咩好XD

於是問埋JEAN,,哈哈..真係煩鬼煩..樣樣都要諗過度過先肯做XD

從來未改變過依個習慣....我記得連小令D都話我煩

果次我O係度諗應該洗頭好定睇電視好,

都足足煩左一個鐘...結果我揀左快速洗頭,之後睇電視..

好了,今日就是這麼充實的一天了=v=

好野!20號出funz時可以拎到碟了>﹏<喔呵呵...

仲有,明天是EF的網聚,,祝穎穎他們玩得開心喇!*v*我都想出,,

不過好似都冇咩人去..所以我都覺得冇咩好遺憾同唔開心

返正去果d我都見過晒啦~哈哈哈哈XD聽日等穎穎返黎問佢有咩感覺..

*我問穎穎知唔知新港中心點去..我是一個去左幾次海港都唔記得路既人.."

我連海港都唔肯定條路係咪咁行,,更何況新港中心呢

睇亞NA既形容,,係好似幾易去..不過我都係冇信心驚行錯路

穎穎話可以陪我去喲>0<謝穎穎...love你,,好野!有人陪>﹏<

唔使自己出funz咁悶了...(最重要係唔洗自己搵路..)

今日一上FORUM就見到D野

就係訂國語碟的話要去入錢喇!

咿?第一次自己走去入錢...

算啦......總之..事發經過係咁既:

上FORUM見到BARBIE話訂國語碟就18號晚前入錢到佢戶口

好啦!我知道依件事既時候已是下午3:00幾..

所以冇昊1刻落街入,同埋都唔太想落街

反正聽日仲有時間

na俾左恆生個網我,,咁我上去睇啦

先知道不來銀座有恆生的=0=點解我唔多覺眼

之後就同na傾左一陣..

夜晚就冇咩野啦..(有都唔記得)

夜晚瞓覺時我又諗起鄧那魚個msg

我o係度計緊條數,,張亞聰拍果個廣告時幾多歲呀?

點解我好似唔係好耐之前睇過個廣告既?

(即係唔係話近依幾年,我係話我好似3-4歲都仲見到個廣告)

咁係個廣告做左好多年定係咩呀??

我印象中個細路唔係好大個架咋啵

咁但係張亞聽依家咁大個了

就算好似葉宇澄,,佢依家20歲...

咁佢拍果個廣告時都要有6歲啦...

但係張亞聰紀對係老過葉橙先生架啦

下?條數點計架...

返學時問返鄧那魚有冇聽到d咩先..

我逼極自己都瞓唔到

結果我係咁等等等,,

到4:00既時候先瞓著左

但係我係唔知自己瞓著左架,

感覺上我好似仲係醒架

所以到底我係咪真係瞓左我自己都唔知

就當我瞓著左啦,都唔係熟睡

因為我竟然勁到瞓著左都聽到我手提有msg.....

係咪好勁呢....

我部電話同我都有隔左一段距離,

同埋我較得好細聲既

都俾我瞓瞓下聽到有msg俾我..=0=

但我冇理啦,,因為我果陣以為係4:00幾5:00咋

咁夜媽媽費事起身睇啦...又唔知係咩msg..

點知我今朝起身果陣,,

好似11:00幾,唔記得lu...

我即刻睇返個電話...真係有msg喎

唔係發夢啵..證明我瞓得幾咁好呢..."

原來係鄧那魚send俾我既..

跟住我奇怪喇,,下?有咩同我講...

個內容係咁既:

張繼窿真係十五樓養大牛牛廣告入面個男仔呀!

=0=*即時O左咀..睇返時間,原來係6:29 send來的

我6:00幾仲以為係4:00幾..."

之後我冇理佢啦,,閂埋個電話就起左身

車~一早都話佢係果個廣告個男仔架啦..

係佢自己唔知之嘛,,同佢講又唔信XP

其實我覺得都幾奇怪,做咩無啦啦講起依樣野?

之後下午聽收音機先知咩事

就係有誰共鳴今日既嘉賓係張亞聰

哈哈XD咁鄧那魚一定係冇瞓啦尋晚..

如果唔係做咩無啦啦咁早起身聽收音機..

一係佢就瞓左幾粒鐘就醒左..

今日玩電腦時,聽晒國語碟D歌,,

芳芳真係好正哇!!!!!!!!!!!

>﹏<達芬奇密碼,,

我想講我係睇住歌詞讀左幾時都跟唔到葉宇澄唱囉..

很快呢!好!我一定要挑戰依首歌!

繼潘朵拉的盒子之後,,另一勁歌!達芬奇密碼!

我一定要練返長氣....太耐冇練了..

現在唱歌時常有點"差D唔夠氣"既感覺..

而哈比族聽出黎比我想像中SWEET..

其他果D都...係幾好既,,

不過EUGENE果D國語...唔係核突既..

不過係好香港音囉,,果D捲脷音冇捲到囉

即係[長]字、[世]字、[中]字等等..

[是]字都係少少捲咋,有D捲左有D冇綣

不過聽落唔明顯既,真係好似我咁逐個捉就一定捉到囉..=V=

(我諗係得我先咁得閒捉佢D捲脷音)

*芳芳的編曲很不錯+﹏+我頗喜歡這首由葉生作曲的歌..

打依篇日記時係22號了T口T

所以都唔知打咩,,

今日夜晚在MSN見到LAIBO聽緊張亞聰的慾望號街車

WOW!我搵左好耐都搵唔到呀!

於是我就梗係把握機會,問LAIBO拎啦..

於是佢send左俾我>v<

然後仲問埋佢send國語碟d歌俾我..

好耶!我終於都有得聽喇XD

謝謝laibo!

仲有,,我問佢係咪都係睇李牧童的

佢都係呀,,哈哈!真好......

大家一齊感受李牧童的書既好吧!

就我所知,都有唔少識既人睇李牧童

學校果d唔在講,另外仲有穎穎佢地既志哥

(好似只有我唔係佢亞妹喎.."咁平時咪會好怪?=v="||)

仲有laibo同埋仲有幾個的,我唔記得佢地名

喔呵呵^0^聽日努力聽晒國語碟d歌先!

近排夜晚都係成日發夢....係咁發夢,,

不過冇上個禮拜果d記得咁清楚喇...

記得既都係好零碎既片段

尋晚發果個夢有少少令人不安XD

不過冇恐怖核突野,只係鏡頭(鏡頭?)攝影技術(下?)

令到人睇落去有點不安...

(點解發夢都同攝影技術有關既*v*)

幾時先有funz出*

好啦..等我問人先,,一定有人肯俾我的...

嗯,,今日都冇咩勁既事,有既都唔記得啦....

總之依家勁期待緊隻國語碟..唔知幾時有得拎呢?

橫掂係咁,,今日淨講國語碟啦!好難想像拎到隻碟o係手既時候會有咩感覺,,

聽聞葉宇澄又要返上大陸了,,好的....返大陸開拓國內市場..

(但聽聞較早前人家在國內已經有不少fans了)

好啦.....其實我睇到國語碟d歌名已經覺得好勁,睇埋歌詞仲勁!

勁到我要講一個有年半冇用過既字黎形容:man爆!

首先講哈比族哇...都係講返廣東版的瑪麗蓮妒忌東方女生d野

都係話我可以俾到幸福你...唔使做明星都可以好開心果d野囉...

好正的...仲有聖士提反舊生會校園搖滾的國語版,,即係石頭祭,,歌詞好正的..

咩...把紅樓鎖清秋...又咩..嫦娥念首忘情咒轉身飛向了月球果d咁..

好似幾有詩意XD詩意啊!一個很好的詞語

仲有老夫子,,即係玩具兵TOY STORY MIX國語..好易記的歌詞..

真係好易記,我唱左幾次就記得一半了..

而達文西密碼果首達芬奇密碼

(真麻煩!為何國內跟香港不可以一起說達文西或達芬奇呢呢?

兩個地方的說法不同,,感覺上令我覺得達芬奇太大陸了,

可是明明人家的名字好像是比較像達芬奇

我到現在都不太明白為什麼達文西的名字可以譯出達文西這個名

會是跟法文的讀法嗎?可是據我所知法文的讀法是跟這不太有關係的...")

這首歌,,um...怎麼說呢...很繞口...廣東那隻是頗順口好易唱的

而且歌詞很有音樂感..(終於會活學活用了,從中文堂學回來的字詞啊..)

音樂感..因為就咁讀d歌詞既時候已經可以輕易哼出旋律來

所以是很易記的一首歌,,而且我不嬲都話依首歌正架啦

每次聽到都總會有總把你帶到另一個空間的感覺,,正到不能形容的....

不過國語版的歌詞,唔計佢係國語,就算係用廣東話讀返一次,

我都覺得係好難讀的...更何況要唱,仲要唱到咁快,最重要既係要用國語唱...

勁哇!!令我聯想到會比潘朵拉的盒子依首挑戰人體極限的歌更勁!

潘朵拉的盒子係唱句咁長既歌詞,仲要兩句都唔使吸氣..

唔係成日練都真係冇咩可能一唱就唱到=..=

跟住....潘朵拉的盒子...我唔知會唔會重錄喇,我好想,

因為果d國語真係唔係好得,不過重錄機會我覺得好微..邊有咁多時間再錄過呢...

況且錄過又可能冇左個feel,,唱唔返原本果個咁正..

um,,問使你的天使果首,,缺水的愛情..好多人睇到歌詞時已是O了咀...

因為首歌的歌詞真係...又一勁作..就是用女仔護膚來比喻愛情..

裡面講到個男的話個女仔得閒學護膚都唔得閒理下佢地既關係..

得閒搞其他野都唔肯聽佢講幾分鐘解釋,(咿?奇怪了..幹嗎我這樣記得內容?)

歌詞中第一句已經很吸引人聽下去了:

該怎麼  淡化肌膚的瑕疵  塗胭脂  抹唇彩  用粉底 wow 不會難倒你

哇!好難想像他會怎樣唱出:用粉底  這三個字..總會覺得很好笑的

另外,,好像是在大陸熱播的歌:佳佳或小菲..

不能小看這首歌啊!雖然我沒有特別喜這首歌,

可是這音樂是充滿了我的回憶啊,,或者說我的回憶都被這首歌包圍了

我2005年整個暑假都是活在這首歌之中..

而且這首歌也實是不錯的...只是我不最喜這類型音樂的..

達文西密碼才是我的至愛哇!YO! ( 愛這首歌愛到有點像癡了線 )

我沒有聽過完整的版本,因為聽的都是半首,有一首的我聽不了

>/\<弄到我常常只記得頭一節的歌詞...

這首歌我一直都不明白意思,,有誰能解釋給我聽呢?

到底是跟瑪莉與偉業一樣意思,還是另有意思呢?告訴我吧..

還有,,尤金的祈禱...這首歌先前見到歌名已經爆笑了好幾天

看看歌詞後才知道是為什麼改這個名的..

也滿配合的...只是比較奇怪的名字而已XD

為什麼是尤金的祈禱,不是我的祈禱?

..........總之...好了,總之歌是用生命歷奇的音樂

其中英文那幾句都是跟廣東一樣的,,這首歌跟廣東其實都是差不多的主旨

是說城市之中人與人之間太多隔膜,,應該好好溝通..

而這首歌就是像在說葉宇澄祈禱著這些隔膜消失,大家相扶持...

創造美好的明天~

(這句很老土耶.."但沒關係吧,,反正這首歌本身也老土的)

另外,,佩佩這首歌是改舒特拉的名單的...

WA HO!!!good!這首歌用國語唱應該很正的,,

因為我一直也覺得這首歌應該用國語會比較合,

不知道為何有這種感覺啊,,總之唱出來很有國語歌的feel,,

這首歌的歌詞是....之前有些碟評也說得對,,就是比廣東話更配合音樂,,

是吧!我的感覺沒錯啦!廣東的舒特拉的名單,,是說女朋友蠻不講理,,

但係最後個男的都是決定做好自己,,算了...咁囉..

而國語的佩佩,,好像是一樣的意思但又好像有少少不同,,

佩佩是說男朋友對女朋友不滿啊!這是不是已經同廣東不同了?

廣東比較像是女朋友對男朋友不滿多些..然後男朋友認錯,

佩佩是說不滿女朋友樣樣都唔滿意,所以令男朋友覺得很煩...

感覺上我覺得好像是想跟女朋友說分手...我覺得而已..

還有..最最最重點的一首歌!就是...傳說中那首葉宇澄作曲的..

芳芳~~

yoyoyoyoyoyoyoyoyoyoyoyoyoyoyo!!

(今天比較低b,說起這些就會低b的了..)

曲:葉橙先生 詞:許少榮 編:alex wai 監:都是方樹梁啦..

除了方樹梁都沒有第二個了...(廢話)這首歌聽聞超正的哇..

這首歌好像是說暗戀女仔的,,還要是怕醜那種..

(咿?突然覺得有點像祝我永遠失戀..)

>﹏<很想聽耶!!一定好好聽.....不過我以會至少有兩首他作的歌,,

原來只有一首..不過也ok的......因為也頗難想像他作的歌會是怎樣的,,

總覺得會是差不多感覺的...(=0=第一時間想起的就會是他那老婆鋼琴)

嗯,,全碟10首歌就是這樣了...我想快點把這可愛的碟拿到手>v<

今日晏晝就唔記得點啦,,夜晚果陣就睇美女廚房,,
好搞笑耶,,側田都唔知做乜,,真係慘..
XD,,KARY一定很無奈

其實美女廚房依D..玩得既先好上喎,,
如果唔係煮得好難食會瘀爆皮架啵...
我成日都驚D嘉賓如果整得D野唔好食,,
咁瘀會喊出黎,,XD哈哈(係我依D人先會喊架咋下化,,哈哈)

之後呢...睇女王的教室,,我都開始有D唔鍾意個女主角喇
果個女仔好麻煩,,最憎D人懶CUTIE咁..都未見過D六年班學生蠢到咁..
天唔天真D呀....低低BB咁..仲有喎...蠢到佢丫,,人地叫佢還銀包就還...

STUPID!

仲有,,係我既話首先唔會幫佢還啦,最多唔篤爆佢,,
扮睇唔到,咩都唔知,假如我真係鬼掩眼答應左幫佢,,
我就一定唔會放返入佢個袋度啦,真係......用下腦喇嘛,
放返入佢個袋度咪又係要俾人查返做咩無啦啦個銀包又走返出黎
梗係是但搵個位丟左佢就算啦...可能係攝落D窿窿度呀,
丟落垃圾桶呀咁..但佢選擇放返入佢個袋度..真係...
蠢啦總之..不過佢個FD又話得佢岩,,俾佢丟左佢咪算囉..
又要走去揭發人地,,又要幫人...真係邊有人蠢到咁..
太天真了...抵佢俾人出賣,,而最蠢既係,,MISS叫佢講個人出黎又唔講,,
擺到明條友係害佢咋嘛,又自以為人地當佢好FD,,
唔想出賣人...不過我諗就算佢講左人地個名出黎都冇人信
但係佢唔想出賣人就唔好話係有人叫佢咁做啦
佢唔係諗住咁會過到骨下化?
一係就作過D大話啦...一係就唔出聲住啦,
雖然會俾人話默認...但係俾自己少少時間諗下點講呀嘛
拖得幾耐得幾耐啦...仲有..做大事(大事?)之前唔係應該計劃下架咩
唔係應該諗定俾人發現左之後點做架咩...
唔係真係諗住放返入人地個袋就冇事呀化...
佢動作又慢..........唉....所以我覺得丟左佢係最好既做法!

UM,,另外,,當班學生打交嗌交時,MISS唔出聲係好好既做法
咪由得佢地分裂,內哄囉,,就算即時制止佢地都冇用架
轉個頭咪又係下唔到道火又嘈過..要打咪由佢地嘈囉.....
黎真既時候先分開佢地吧..
YO!我真係好鍾意睇女王的教室..

就這樣了...今日..都冇咩講,差唔啦,,

*其實鍾意睇女王的教室除左因為鍾意個MISS之外
係因為當睇到個男仔咁好人,,諗返起我曾幾何時..
都有過依D同學仔...哈哈,,我仲記得名的....
每年班上都總會有個特別好人既男仔架嘛
幼稚園...好多都好好人的XD我都有佢地D禮物,,
包括有印仔,,(仲印到架..HELLO KITTY的)
冇記錯的話叫葉志豪的...哈哈,仲有幼兒班時,
有個男仔由我第一日返學就似一個大哥哥咁,
日日返到學校都拉櫈仔俾我坐,
不過唔係亞媽之前講返我都唔係好記得依個人既存在=0=
仲有,到左低班同高班時,那個吳同學,,好得意架...
好醒目的...唔知點解兩年都係坐佢附近...
我成日俾佢串的..=V=不過佢都好好人既..
佢串我都係因為我乖之嘛,,XDDD會係唔抵得嗎?哈哈哈哈..
張老師都好錫佢的,因為佢都乖....我記得畢業禮果陣,
唔知咩事,,我唔記得啦,佢喊喎...
之後張老師話..唔好喊喇....再喊就"唔笑東"喇!
哈哈,果陣其實我見到佢喊,唔知點解有種莫名奇妙的興奮..
哈哈XDDD唔通其實我心裡面好憎佢既?
仲有,,有一個叫施錦峰的人,講起佢就O咀...
個鼻超靈敏,,佢又係好人一個,,也是幾大哥哥的

到左小一,冇咩邊個.........胡漢X掛..不過成日搞事引人注意,
有少少似女王的教室果個囉...不過我唔太鍾意佢,
反而我亞媽又話佢幾乖仔,,=V=如果亞媽坐O係課室一日就一定唔會咁講
咁佢自己亞媽O係度梗係乖啦..
我都乖啦....果個胡同學......不過又真係冇咩點對我衰既,,
(話晒佢亞媽同我亞媽都幾熟...呵*會是因為這個原因嗎?定係因為我乖)
細個果陣,乖既人先受歡迎,因此我細個不知人緣幾好,,哈哈..
仲有!當時小一,李姓既2位同學,包括我,李顯X同,李嘉欣..
(我發現原來勁多人叫李嘉欣,就我所知已經6個了)
講起李顯X,佢屈過我偷睇佢英艾默書,他媽的...
我咁叻使偷睇佢?老師信佢偷睇我都唔信我偷睇佢啦...
好在MISS張信我,如果唔係我唔會放過佢...
反而依家俾人屈我偷睇都冇咩所謂,有就有冇就冇啦
但係果陣我係一個咁叻,咁乖同埋一個老師咁鍾意既學生
佢竟然屈我做衰野?!我的面子何在..?!

之後小二,,哇~好多好既男同學架,,
拿,,首先有發姣X啦,,諗起佢就好笑..
講野唔正,,仲有..個樣好搞笑的,肥肥地,黑黑地
對眼望人好搞笑..聖誕節之前D人送聖誕卡,咁我坐佢隔離家嘛
有次班主任課,見佢偷偷摸摸咁寫卡,我問佢寫俾邊個
係咪寫俾我,,之後佢好大反應話,,梗係唔係啦,你就想呀..
(我其實唔信的,我知佢係寫俾我架..)
之後過左唔知幾耐,佢好快咁將張卡飛入我櫃筒,,,XDD哈哈
俾我見到先好笑..果刻好想笑佢...
我咪話,又話唔係俾我..張卡點黎架..咁囉
之後佢冇聲出,,哈..張卡依家仲O係度..
不過可惜佢學期尾既時候線我......搞到我瘀皮,,
頂佢丫,,從此我好嬲佢...我依家仲嬲緊佢..
如果依家出街見到佢,我理得佢識唔識我,我都照兜路走..
死肥仔XP線我丫拿,男班長又唔線走去線我,
唔公平囉,,男班長衰先走黎線我!??!!?!?!?!??!?!?!?!?!?
好在我形象一向唔差,,老師先唔信你咋XP
同果陣既我鬥?我係邊個呀?好學生呀...
同李XX一樣乞我憎...

(講起乞我憎既人,小二有個我一世都唔會忘記既男仔,,
佢囉!插班身下化,,插班生大Q晒呀?睇佢個樣幾好人,
點知咁乞人憎...最衰佢啦........上完PE堂排隊又阻住晒
明明我排先架嘛,,又擺個書包O係度,書包大晒呀,,
咁我咪嘈囉,之後果條仆街MISS又走埋黎蚊我耳仔,
的左我出去企,,我頂佢丫,,不嬲都唔鍾意佢啦,果陣之後我勁憎佢..
其實個個都好驚佢既,就係因為佢果D唔講理囉,,
諗起都嬲呀果次..問都唔問就捉人,佢老味丫,,
果陣係我由細到大最樣衰既一次...
最樣衰就係俾MISS TAM見到我呀嘛!又要人企講台前面,痴Q線,
又唔問下咩事...最唔gur係明明果條插班生做錯先又走黎捉我,
屎狒丫...都未試過憎一個亞嬸囉..我一定認得佢同埋個插班生呀...
所以果陣我上到天官見到亞邊個即刻好緊張
其實到依家都仲未知道到底亞邊個係咪就係果個插班生,
連小劉華都話佢似架..如果佢係的話,我會仇視佢的..
誰叫他令我有陰影呀...同埋o係我咁美好既回憶中加插依d咁核突既片段)

仲有一個湯同學,佢又係好人的,我記得佢就係傳說中既勇敢的人
因為有次數學堂,好記得係數學堂,因為最尾梁老師俾左個名佢
>V<係咁既..上上下堂班房面想砰埋,於是湯同學立即一個飛身撲埋去拉住道門
WOW,,漂亮的一刻..於是梁老師就叫佢做勇敢的人喇,,
話佢係我地班既英雄>﹏<跟住佢面紅囉,,很不好意思的樣子...
哈哈,,同埋佢會幫我收功課架....好孩子..

之後仲有一個不得不提的林男班長...我有佢電話架..呵呵,,
果陣成日同佢傾電話....細個有咩好傾丫,,都係吹下水咁囉,,
你又吹下我又吹下咁囉,,我記得細個成日O係度傾非洲D人,,
哈哈XD,,又傾下D落後地方D人點生活呀,,亂咁作大呀咁囉,,
有咁大作咁,,咁細個唔作大冇野講..愈識作大最多人鍾意同你玩,
因為人地會覺得你好勁..我相信好多人都總會作過大既..
但係有一次....=V=都係唔講了,,果陣我錯了....於是佢嬲左我,,
但之後咪又係冇事......男班長喎,,點會咁小器...我諗由細到,
佢係曾經同我最熟既男仔喇,因為同佢傾電話仲多過同其他傾..
我諗係得張家可以同佢有得比...我地日日傾...係又傾唔係又傾,
咁點解我地會開始傾電話呢,,就好似係因為張穎雯同學定唔記得係王佩盈,
是但啦..應該係王同學,總之係一個女同學打黎,博左3線,
跟住3個人O係度傾,,然後個女仔收線,於是我同男班長繼續傾,
跟住日日都傾喇..就係咁喇,,,好多野傾架..好搞笑的>V<
都係傾D白痴野...男班長其實好叻仔的,,話明男班長啵
老師又好信任佢既..又一個大哥哥喇,,

不過依D都只不過係記憶中既人,,我早排唔知係咪見到李顯X,
唔知係咪佢,,似囉,但係又冇咩可能係佢...XP
不過佢都係我另外一個見到都兜到走的人,,因為佢無啦啦屈我偷睇佢,,
頂佢丫...除左屈我偷睇佢之外,佢都成日串我架啦..
不過次次都係李嘉欣做和事佬之嘛..果陣我地3個成日一冇野做就吹水...
但係次次吹水都總要俾個李顯X串...依家諗返,,點解我果陣成日俾佢串..
我記得次次都係搵李嘉欣求救的..

我都未試過出街之前果晚會驚,,即使係第一次出FUNZ,,
第一次去做咩都好,都未試過..

今日,,跟穎穎出街去了!不過很衰的,,昨夜睡不好,,
4:00左右才睡得了...真慘,,本來較了11:00起床,最遴11:30也要了
因為12:15要出門口,,如果能夠12:00出到門口,
就順手去拿我的智能身份證..不過我的鬧鐘竟然同我禁低左
.\___________/.我他佢個媽的丫..<--什麼來的,
好在我11:30自己醒了,如果唔係就真係..食屎囉
這麼重要的,話明大日子了,,,,不能遲到的>0<
更何況我是何等的心急要見穎穎喲...
(不過其實我都估到自己整到個鬧鐘禁低了,
因為3:00幾果陣我見到個鐘瞓低左,之不過我懶得睇係咪啪低左之嘛..")

咁..今早11:30剛剛好起床了,謝天謝地...之後我立即梳洗...
然後就出門了...我一早就準備好要穿什麼衣服,,
當還未落實是否出街前已經準備好了,
這種未雨綢繆已經有3年從未發生過在我身上,,,這次真是勁呀!
(亦證明我有3年沒有遇上什麼大日子了,,也許是我不當那些是大日子吧)
 不過我還是遲了1個半字出門,,12:43左右才出門吧,,
可是我其實預鬆了10分鐘左右的時間,所以問題不大的
之後我出門...好緊張哇!不知道穎穎怎樣的呢..

然後我呆下呆下的去到美孚站,坐在我對面的有個靚女
應該不可以說是靚女吧,,不過很有氣質就是了,
即是靚仔不吸引的,型仔才是吸引..
情況一樣吧,,靚女不是最好,有氣質才是最好啦..XDD
都唔知自己講乜,,講完又講..

那個女仔,,廿多歲吧,,我好像之前出FUNZ也在西鐵見過她
又是坐在我對面,,我那時候望了她一程車,,
她其實真的不美,可是就能吸引我望她,,
由上車到落車,足足23分鐘...這天又給我遇上她..
不過我沒有留意到,到差不多落車時才看見她..
那次出FUNZ見到她,她應該都FEEL到我望她吧XD
我望得這樣明顯...不過沒所謂吧..我都沒有想過要偷望她,
偷望她才變態,,就當我坐在她對面,向前望就是她了,
這樣就合理吧...(不過假若對面那個是醜人...這解釋就不成立了)

去到美孚站,,穎穎也差不多了,,我們差不多時間到
哈哈,,,我們都準時...我去到荃灣西站時打給她,
她都說快到,我到了美孚打給她,她都說到了
剛剛好的...我入站後就乘電梯下去了,
然後跟穎穎說明位置,可是搞了一陣後,
竟然發現我們是一個在樓下一個在樓上=口=
然後穎穎下來找我,,剛好有車,我看著電梯都不發現她
而最神奇的是,,她在我前面拍我,可是我從電梯看不到她下來
我問她在哪,她就說在你前面,,喂!咁..
到現在我還是不明白她是從哪先閃出來的..."

之後上到地鐵,,我們都沒有太多話,只是說說午餐吃什麼
到了旺角之後,,我們就去到大家樂,,吃了個焗豬扒飯兩份,,
每人$12.5,,好搞笑的...穎穎去買飯,我坐著等她,
有一個類似伯伯,,阿叔,,或是介乎這兩者間的人物也是坐這張枱,
(我不知道該怎介定那個男人的稱呼..=V=)
即是這張枱有3個人了,,
之後有一個說廣東話的紅衫男人和另外一個說國語的紅衫男人(=0=)
他們同時走過來問..分別是問穎穎的位和我旁邊的位有沒有人坐
叔父反應極快的說有,(是我反應慢嗎?我自問已經很快)
之後兩個紅衫男人就走了...然後過了一會,,
國語紅衣男又跑是問我旁邊有人嗎,,(是向著阿伯問的)
之後阿伯指著穎貸的位說有,但個男人問:(國語)這裡沒人吧?
拍著我旁邊的位說,之後伯說沒,,然後那人就坐下來了

算了,果陣咁多人....我地都差D冇位...^口^
跟住穎穎回來了,就吃啦,,,嗯..美味的,兩份我覺得剛剛好
我一個人又吃不完的,之後就走了.....

走了到朗豪,,一直搭電梯上上上上上,,上到11樓呀好似
就慢慢行返落去..行到去賣公仔的店,,
WOW!有我近期才有點愛的熊仔,有很多=0=
而最正的是有我又是剛好近期才愛上的這種綠色
我們在店內打搞了一輪後,就再慢慢走,,
其實經過PRINCESS那店時,,穎穎看中了袋,,我支持買的
因為我自己都想要那個,,很美的..我是說假如我有錢的話
(我發現自從中二開始,有一句說話我常常說的,不是指口頭蟬也,
那句說是:如果我有好多錢就好喇...曾經有一次我跟馬仔行元朗,
去到三聯書店果陣我這樣說,結果她很型的:車..我有錢我買晒依間書局啦...)

跟住去了無印良品,由於我得70蚊的關係,
所以我只是買了用來做功課的那本A4薄,
穎穎幫她的姐姐和她自己都買了很多東西,,簿居多,,
又是那句:如果我有好多錢就好喇..
跟住我地係咁搞下依樣搞下果樣,,都有一陣了,
就俾錢走人...

嗯,,之後一路落,,行到咁上下,,幾層啦我估
我就說去扭蛋了,之後跑到去新之城,,好像是
找了找,,,找到扭蛋那兒了,之後用了廿蚊扭了4隻蛋
其實我純粹是看完某人的XANGA就發手痕好想扭點東西而已
我已經跟扭蛋機斷絕關係了很久,,還記得我小時的蛋都好像是在波士頓扭的
*V*例如現在還在我書桌的那個櫻木花道,,(不記得是不是這名字了)
還有在我床下底的兩個蠟筆小生,怪樣鹹蛋超人,,
等等啦,,還有一蚊粒的那些彈彈波,我以前都唔知有咩咁好玩,
依家又想拎黎玩下添,>V<其實我真係唔知有咩咁好玩,
不過有D彈彈波好靚架嘛,我細個好似有粒好大既彈彈波,
橙白色的,我覺得佢好似一個星球,,所以我好愛的,
只係我從是唔玩而已,依家都丟晒了..彈彈波難收藏同埋唔知有咩好玩
所以我還是要一件用來擺的東西或鎖匙扣就是了
>V<其實樓下頌富都有扭蛋店啦...只是沒理由自己一個走入去的吧..
所以就忍到今天才扭,,我扭了一粒豆腐,,
日本豆腐,(穎穎扭的那兩隻都很美,,有土多啤梨哇!!!我又要)
我還扭了兩舊..什麼的,,不知怎說,總之是用來擺的,
有豬仔和另外那隻黑色鼠鼠...還有..一舊迪士尼公主的..
我都不知是什麼,,總之是一舊野,裡面有香珠那些香的東西
還有一舊空心的野,一按就噴出香珠的味
我扭的不是貝兒/.________.\是茉莉,不過也好,
香珠就是茉莉花味了,(就即是在迪士尼樂園周圍都聞到那種..")
嗯,,我在想,其實有什麼用呢....?我猜是可以醒腦提神吧!
當溫書溫到呆了是,可能用來吸一下會好D..XDD是這樣的嗎?
是但了....反正味道不俗,,也很不錯的...
本來有兩張貼紙貼上那舊野的,不過我唔捨得,
把它留在蛋蛋中,,,當她是附送的貼紙吧..=V=

之後我們扭完就走到兆萬影貼紙相了
嗯,,就是這裡,我欠穎穎5蚊了...
哈哈....是但啦..開左學我的錢就回到我的懷抱中了...
到時候我就要還返本來爭張朋友但是後來變了爭張家的那10蚊
之後還埋5蚊俾穎穎,,15蚊,,仲有我真係爭張家果,,唔知幾多蚊,
我都唔記得幾錢了,總之都係7-15蚊左右啦,,
咁即係姓鄧那個還返錢俾我,我就可以還錢了..

咁我地影,,好似特別快咁=0=然後出去畫畫畫,,
我畫到好樣衰,,第一次畫到咁樣衰,,佢本身有野,,都唔知點加工
所以亂黎啦,,其中有一張趕時間,所以不小心畫到穎穎的眼了"||
算了吧,,那都不是重點,重點是我的眼袋太大了
誰叫我昨夜睡不好>m<!!!

嗯,,跟住就走了,,,那時5:00左右吧,,好似係...
總之返到屋企6點多d,,就開電腦了,,好!
在無印時我問穎穎寫唔寫信的,
佢隨即拎左封信出來XDD勁啊...
好野...那麼我們就通信吧,,別有一番詩意=﹏=
本來說今晚打給穎穎問地址,可是最後我沒打了..
遲點才打吧XD(其實我打過一次,只係冇人聽而已)

*我覺得今日講得好簡短了,,,其實可以講長D的...
不過我真係講長D喇....下面續,,

咁呢,,UM,,講下對穎穎的感想:

穎穎好得意....把聲同我想飲中相差無幾,真係有少少偏高
而且有時聽落幾似我另一個FD,仲有...好有理想的,,
>0<所以我不禁問自己-那麼我的理想是什麼?
我有的...不過不可能實現吧..
(雖說說..只要有夢想,,信夢想,就可以成功架喇)
穎穎真係好得人喜愛,,嘿!穎..你的白羊仔..XD白羊是好野來的...

晚上,,我睡覺時,才想起自己還未拿出貼紙相來欣賞欣賞...
算了,明天才看吧...
結果...證實了一句說話:不要帶著自己所想的入夢,
否則在夢中也會看見自己記掛的東西,,
我就係咁,連睡夢中都見到我D貼紙相,
係所有的貼紙相,,就係唯獨冇我同穎穎果D囉..
無錯!因為我未睇咪冇囉,,
所以喇...都話瞓就瞓,唔好諗咁多野...之前講過喇..

---＊穎=V=你相信能衝出亞洲就可以架喇!
勁過所有咩Bathing Ape果D...YO!
我都要信下自己有一日可以做到那個職業了....

尋晚玩電腦玩到好夜,,跟住MSN同曲,妍,志吹水

笑屎,,我地唔記得做咩無啦啦講起卡通片,好似係我問起既,,

之後大家都答啦..妍第一時間答左美少女戰士,YO!

我記得較早前已經同妍討論過..之後大家都傾啦咁,,

之後有一段時間志冇出聲,原來係COPY了佢一百問既答案

有好多卡通片名,,有D我都唔記得左既名都俾我見到

仲有好多意想不到的名字出現了,包括美少女戰士啦..>V<好正喲,,

仲有卡通片主題曲呀,皇家雙妹0麥主題曲我記得點唱喇!

哈哈,,少女漫畫,,有咩好介紹先..唉也,,早知尋晚問下佢啦...

嗯,,近排發手痕好想扭蛋..好似好好玩也..

不過又唔扭得10蚊果d,,5蚊就可能有錢扭既*v*

(難道我依個暑假真係咁窮?!好唔正常既一個暑假,亞邊個快d還錢)

12號果日,,同穎穎相約出來的日字..我一定要扭d蛋...

一隻都好啦....>0<!我其實忍左幾日架喇,,快到聽日啦!

穎穎*陪我扭蛋...

um,,就係咁喇...晚上打了給穎穎,,跟她傾明天出街的事

喲,,聽日得70蚊可以使..點出街呢?不過唔緊要...錢之嘛...

只要一開學,慢慢儲下儲下又回復正常水平架喇,同埋只要開學...d人呀..

下..果d囉,,就會..囉..係啵!條屎疿鬼姓鄧那個...廿蚊之嘛...

我救佢一命竟然忘恩負義,,我太心軟了..亦都太好人了,,=/\=

好在出年唔燧同佢同班..哇哈......咁我就玩晒喇...我feel到我既好運黎緊..

但係我仲同時feel到自己愈黎愈懶..因為我發現依家做咩都唔專心,

我連瞓覺都唔會專心咁瞓...尋晚就好瞓得好d啦...

嗯..="=咁點算,,硬係個心散晒...其實都唔係既,,

一開學情況就唔同架啦..會自然努力左,不過幾個月後又回復正常而已

是熊仔....其實我不太喜熊仔的

不過被穎穎影響到,令我又想再個熊仔

>V<今天我好快就搞掂了啦,,都說簡單的是最易整的

好了...不過我是有點點受不了粉紅色的

可是我發現自己覺得最耐看我竟然是粉紅,但我是不太喜粉紅的

唉,,嗯,,,今天還是這個樣子,,,

昨天瞓極都瞓唔著,,成4:00先瞓著

跟住今朝又8:00醒左一次,

再瞓,跟住再醒,又瞓,,

終於逼自己瞓到11:00

但係我依然係好似冇瞓過咁囉

我尋晚又發夢喇,,今日個夢又係好精彩既,不過都唔夠尋日果個夠

而且我都唔太記得發左咩夢LU~

嗯....今日心情明顯好左勁多,冇咩野..唔錯的..

唔開心真係會令自己瞓得唔好...

怪不得我近年好瞓左咁多啦^口^

個人鬆D就真係瞓得好的

那麼為何近年會這麼放鬆呢?

可以說我是因為懶了,,咩事都唔上心,,瞓覺就唔會記住D野

亦都可以話我係個好識放鬆既人啦,,

專家說:瞓覺就瞓覺,帶埋日頭D野瞓就即係冇瞓過

唔會瞓得好的,所以上床之前應該要掉晒D野出個腦先

令心情放鬆,,同埋就算係平時,,成日諗住D野都唔會開心的

而我不嬲都係咁,,唔會記住D野黎瞓,,好慘架嘛

瞓覺都記依樣記果樣,,一係就瞓之前搞掂晒先好瞓,

搞唔掂就計劃好聽日先諗,,嗯..

就好似我側如有D功課未做...(好少會咁,通常發生於小四時)

然後咪諗定聽日點椒以最高速做晒佢

就可以安心瞓喇,千奇唔好掛住我有野未做,我有野未做

咁就好煩架喇...

我發現左一樣野..
就係我原來除左睇戲睇書睇到喊,
俾人屈會喊,,暫時黎講我淨係發現自己一個情況會喊
就係瞓唔著=0=

我尋晚瞓得唔好,,勁發夢,睡眠質素很差..
而最勁既係,,我個夢係超MAN的
係咁既:

夢裡面好似拍緊戲咁,咩咩拯救任務呀,,類似果D
跟住唔知點解我好似要去救一個人定唔知要偷D野
之後幾經辛苦先去到最後階段,突然無啦啦有個小龍女不知從何出現了
佢要負責做最後既野,,(即係劉亦菲出現了=V=)
果度好似只有我同佢可以上去,,係D好勁既機關要上,,
但係我唔知點解我一去就上左去,我係O係上面睇返落去見到小龍女飄緊上黎
之後唔知點解明明係話要做野既係佢,但最後變左係我要做D指定動作
又要咩...總之做埋D奇怪野,,之後小龍女俾人趕返出去..
然後無啦啦入面有個亞伯既,,叫我捉飛行棋
佢話係咩軍事方式既飛行棋,,我心諗..我普通飛行棋都唔記得點玩啦
更何況係依D,,佢話要自己鑽研下點捉,,好簡單,,就咁捉
我問自己一個呀?佢話總之你捉啦,,你就會識..
跟住我好想去廁所,,問佢得唔得
之後佢話得,,不過只限我唔記得幾多時間
然後我衝出去,跟住去廁所,,然後我就醒左喇

拿..個場景係咁既,首先一開始個夢我O係唔知邊度既浴室裡面
跟住就變左O係高級酒店走廊,之後要追捕一個人
唔知咩人啦,,跟住要去上山救一個人,
然後去到山果陣無啦啦小龍女劉亦菲出現左,
我一上就上左去,見到佢O係下面好好武功咁跳緊梯級上黎,
仲要經過好多重重險阻既機關..
之後等佢上到黎之後係我間房,之後佢俾個亞伯趕左出去,
叫我留返O係度,我要做D野就可以完成任務,
不過我已經唔記得要救邊個
我好似一直都唔知係要救咩人,總之我知道我俾人叫左去救人,
之後我一轉身就變左係一間辦工室,但再轉返身又係我間房,
之後我話去廁所,一出房就係屋企個廳
個廳坐左好多我識既人,,屋企人又有,,同學又有,
連幼稚園同學都有,,係差D老師唔在場姐=V=
跟住我入左廁所,,我坐左O係度好耐都冇出去,
但係我記得個亞伯好似係限我唔知半分鐘定係幾多,,
但係我去廁所果陣我突然想食野,,我忘記左我上黎既目的
之後就醒左喇....

咁...依D咁精彩既夢,,我有幾多年冇發過呀??
咁精彩,,就知我瞓得幾唔好啦....
瞓完好似冇瞓過咁..特別係依D奇奇怪怪既夢我已經好耐冇發過
就算有我都唔會記得咁清楚,最多係記住發左夢不過唔會記得內容
不過今次真係......頂...會係同心情唔好有關嗎?

.>_______________<.