咁呢,,今日第一日正式的暑假呀,,都冇咩特別既,,
坐下食下瞓下玩下咁囉,,都係等緊依個親愛的星期六啦,,
哈哈!可能臨近7月30號(=v=*)
所以令我近來特別有heart出funz囉!
同埋出funz前果d興奮心情返返晒黎lu~
好啦!今日日記完喇,,

*超熱囉依家!咩事呀....

今日返去拎成績表,,哇頂!一陣先講D成績..
咁朝早又好早返左去唔知做乜,,
同隔離果個鍾同學吹左陣水啦..
之後落去排隊,,我頂!性鄧果條仆街好Q憎佢..
食屎大喎真係....佢老味,,講左佢成個學年都仲要鬧佢啦...
真係..總之好想鬧柒佢..麻撚煩喎條友...阻Q住晒....
妖..MISS左果D咁仆街既過程佢啦,,,唔想出現O係我日記上
總之早會完左之後又上禮堂,,我頂!好熱呀大佬...

之後上到去睇佢地頒獎,,同埋校長訓話,,
喂OK喎今年,,唔太悶呀今次,,係熱左D姐,,
除此之外都冇咩野可以嘈,,我仲好留心咁聽亞唐國強校長的訓話
APPLE呀!記住喇!但係我已經忘記左APPLE點解LU~
A,,係一個好難既英文,,P,,都唔記得左係咩,另一個P-係PLAY
L-係LEURNING,,E-係ENJOY,,,
今次真係有野就講唔浪費時間呀,,係識做喎..

咁之後小息喇,,然後就派野喇..
首先派左D通告呀..書單呀,,等等啦....
最後,,就派我等左好耐既成績表喇貝~

就係咁既,,LET ME 打晒D成績出來吧!(好勇添覺得自己)

科目              班名次
英文 　　　　  12/40
(1) 　　　　　  6/40
(2) 　　　　　18/40
(3) 　　　　　23/40
(4) 　　　　　17/40
中文 　　　  10/40
(1) 　　　　　30/40
(2) 　　　　　14/40
(3) 　　　　　  8/40
(4) 　　　　　  9/40
(5) 　　　　　  4/40
數學 　　　  35/40
中史 　　　　  30/40
世史 　　　　  12/40
科學 　　　　 1/40
地理 　　　　  21/40
公民教育 　　    4/40
電腦 　　　　 1/40
普通話 　　　    6/40
音樂 　　　　  30/40
體育 　　　　  19/40
美術 　　　　    2/40
D&T 　　　　 4/20

有沒有看見點什麼問題...讓我逐科講下,,

首先..科學第一,,係好開心的!哇!好耐冇試過果種拎第一既感覺.
超正,,感覺良好!不過咁又點丫....又唔係中文第一,,
車車=3=(係咪好寸咀XD)
之後仲有電腦啦,,O咀喎,,我咁多次功課冇交,,
而且冇交作業,,上堂D功課次次都做唔晒都不在話下啦
竟然第一?可能我默書岩晒啦...."所以應該好多個第一
我咁都拎第一的話..."

之後喇,,D&T,,我拎C的,,咁都有第4,,好搞笑=V=
所以一定又係好多人拎第4,,哈哈!!
之後有MATHS,,哇!!!!!!!!超興奮啵各位親愛的!
我竟然35名喎!!!係咪叻左先...=V=(臉皮突然厚左一吋)
而最最最神奇既係!!!我MATHS竟然合格喎!係咪最神奇係依樣先...
我仲要神奇到係200分滿分我拎100分岩岩合格,,
明顯地係甘SIR俾多2分我啦!哈哈,,咁就100分喇,,我合格喲BABE>3<

不過點都唔及中文咁神奇呀!我中文竟然拎第10?冇事呀嘛
我D中文今次差成咁..唔好咁搞笑啦..
我卷一,,睇下!拎30名呀!第一次中文可以拎到30名呀
真係叻到爆囉!而其他果D都唔係話好高名次丫,,
但係拉返總成績竟然係第10??呵!真係幾神奇的

嗯,,大約比較神奇的都講完喇..英文就..OK啦..
係比我想像中好好多,,竟然有12名...不過事實上我成績去到邊自己知
依我咁既成績,,係好運....或者係....大家..即係,,我..UM
即係我比較好DDDDDDD咁啦,,
仲有中史,,真係太厲害喇!30名呀!我有30名呀!
好高興有30名囉,,因為我估自己係30幾架嘛,,唔錯唔錯...
地理,,妖,,49分囉!俾多一分我張成績表咪少兩個括號囉!!
但係我49分都有21名,,好明顯地今次真係好多人唔合格
ART,,我又拎第2了,,唔知幾多分可以拎第一呢?
不過應該都好多人拎第1同第2喇,,
好啦,,仲有下學期考試排名:
總分:913/1500
平均分:61.05/100
班名次:14/40
級名次:123/201
全學年總成績:
總分:889.5/1500
平均分:59.30/100
班名次:17/40
級名次:129/201

大約係咁啦我諗...
咁之後就黎放學時,,mr.yuen就俾我地落去地下睇分班喇..
我升返上3d,,哈哈XD!同好多估唔到的人同班,,
例如鍾X尉啦,,朱美X啦,,仲有好多既...UM,,都唔係好明係點分班既其實
想不通,,想不通,,不過都好啦!放完個暑假又重新開始喇!

之後愈黎愈多人逼埋黎睇,,原來係放左學喇,,
咁我地就上返課室拎書包啦,,但係出面落好大雨囉,,
O係課室坐左陣,,依個時候我梗係唔會浪費我帶左葉宇澄隻碟返學校既機會啦!
我帶返學校既原因只有一個!就係在鄧雅瑜面前曬命!
哇哈哈哈!!!就係咁簡單姐,,唔係要曬俾其他人睇呀要註明,,
係鄧雅瑜一個,鬼叫佢唔信我有葉宇澄個簽名呀!．\ /．
不過結果係引來另一個意想不到的結果=V=
丫!好野!想不到鄧人會話葉宇澄D皮膚好,.,
哈哈!不嬲架啦!不過唔好睇佢依家咁白滑,,
其實睇佢以前在聖士提反的相,,佢真係有幾多的荳荳..=V=
同埋最重要係佢果陣係超瘦囉!我敢講比佢依家任何時候都瘦囉

哈哈!!真好,,感覺良好呀今日,,因為有太多意想不到的好事了
咁坐坐下唔記得點解同鄧人講講下葉宇澄,,變左做討論黃金少年囉
好搞笑,,,之後坐多陣張家話走LU~咁就走啦!
落到去...見到曾.....見到佢拎住個PC狗咕0臣
超得意喎!!好想過去攬下個咕0臣=V="
之後見到佢個細佬黎左諗住報天官,,*(今日佢地小六派位)
好搞笑,,XD總之成個情景好爆笑,,
而且果陣仲見到好多可銘人來到大官想入黎...

之後返屋企啦...其實走果陣仲落緊雨,,都OK大啦...
之後返到屋企就開電腦,,同埋同張家討論我地既成績
頂!好過分呀!>口<!我接受唔到依個事實,,有D科目個分同張家差唔多好多咋!
但係個排名後佢勁多囉!!!唯一得出既結論係 --
2D的同學成績平均,,導致差幾分但個排名都差好遠,,
繼而令我睇起上黎同張家差好遠囉D成績!即係MATHS當然除外啦..
咿~~~~~好多份卷都係咁囉,,>口<!!!!!

哈哈!真係好!今個星期六可以出FUNCTION了!
>3333<

*恭喜張家細佬順利升到第一志願學校,,
不過我始終覺得佢可以博間好DD的..
因為毅智實在...UM,,即係以LSK黎講囉,,毅智係俾人派去架囉
都唔係話好多人第一志願就寫毅智,,
(雖然好多LSK被派到毅智=﹏=)
不過我唔係好感受到佢既處景,,或者如果我係佢,,
我可能都會毅智係第一志願囉...
哈哈!好搞笑,,見你開心到好似自己派左去第一志願咁,,

嘿!總之!星期六,,荷廣!我一定黎喲!>3<

咁呢!今日唔使返學,,聽日派成績表呀,,,,好驚好驚添..
(其實我唔驚.."不過象徵式要講下好驚)
其實我係擔心成績差過上次好多...
咁就真係大家樂喇!

拿!中文係第一個BYE BYE既,,英文就勉強啦..
MATHS,,今次唔算太差但係我驚全部人都好過我囉,,
咁我就會拎到人生第一次最尾喇!
I.S不用怕,,超有信心!!其他D立雜野...唔使理佢,,
反正都係差...(又開始唔積極)

嗯!如果太差除了會給媽媽鬧..仲會好樣衰添~
大家知啦張家咁勁....同唔到佢比添...
而另一個頗重要既原因係..我的出FUNZ機會...=口="

好想快D知成積,,話晒捱左咁多日無聊既試後活動
但另一方面又擔心啵,,都唔知想唔想聽日快D到...
不過我始終都想快D知結果既,,
世事拖太慢我會想死的,,有咩就速戰速決啦...

咁今日都冇咩特別野啦,,同人傾下電話,,聽下收音機咁,,
大鐵人123好聽...呀!既然係咁,,我其實都唔太記得做過D咩,,
SO....今日日記就咁啦...

***昨天差少少野未講,,依家補返也...
- - - - - - - - - - - - - - - - - - - - - - - - - - - - - - - - +"

昨天的葉橙新碟發佈,,見到支樣樣衰衰既旗囉唔該,,,
咁咩就唔好拎黎做旗喇嘛,,又唔知樣衰喇啵..頂..
見到都唔開胃,,

仲有...尋日發現左一樣野,就係葉宇澄的衫是沒有燙的...
最衰冇相機,,如果有我一定會影低葉宇澄的背影出來..
就知道我點解咁講,,

其實我好想POST下張合照,,不過最後放棄左,,
費事啦....唔太想依樣野出現在我神聖的日記上...
(我講到張相好似好唔神聖咁=V="||)

大約係咁啦~完!

咁今日本身諗住10:00起身搞下既,,點知唔想起,,
於是瞓到11:00就彈起身啦,,咁就....搞搞搞,,
亞媽買左豬柳包我都唔想食,,冇咩胃口的早上,,
加上我係好趕時間囉,,我12:00要出門口
我梳洗完都11:20咁我食野又慢喇啵
我又想睇下報紙,,咁就搞到11:40....我仲要洗頭的!
所以我食左個包一半都冇食,,諗住出門口食,,(不過最尾都係冇胃口)

咁我好快咁搞掂啦,,,不過都遲左少少出門口,,但影響應該唔大
我預鬆左DD時間,,岩岩去到極限囉
幾勁呀!跟住我立即出門去呢,,咁今日好快就有輕鐵喇
正合我心意啦簡直,,,平時等勁耐都未有車家嘛,,
而且今日仲行得超快!好!好!咁就搭西鐵啦,,
嗯!感覺良好,,,冇咩唔正常既事發生,,不過我冇位坐囉
要企囉,,=V=企到美孚,,咁落到車又好快咁去左地鐵站啦,,
好!好!好快又有車喇,,都唔知係我心情好所以覺得時間過得快丫,,
定係今日真係好運喇...
咁落到車就去左A出口等LAIBO啦,,佢仲未到
反而今次我又好勁咁岩岩好1:15分搭正到左,,幾準時呀!
同上次荷廣一樣...係好準時的...
咁等左7分鐘,,終於見LAIBO黎喇=0=
咁行啦行行行,,,就問返佢尋日葉宇澄係咪唱錯讀音-V-
因為尋晚JEAN MSN告訴我葉宇澄唱童話,個[[結局]]唱得唔好啵!
哈哈!唉,,講起尋晚,,,JEAN告訴我,,
佢唱左KELLY CLARKSON的BECAUSE OF YOU呀!>0<!
我好想聽呀!!!KELLY CLARKSON呀!!!>0<!!!!!!!!!!!!!!
聽聞尋晚葉宇澄在朗豪坊搞左個音樂會咁既野喎
全晚佢唱晒囉,,唱左好多歌呀大佬......
唉,,如果我去到就好喇＊﹏＊!

咁去到海港啦...BARBIE已經在裡面...整緊個不倒翁呀我見到
咁等左陣,,看見CARINA喇,,跟住LAIBO走左過去
講左少少丁丁咁多野,,NA就勁話閂門啦,,好熱呀
咁囉,,因為後面對正道門,,出面D熱氣入晒黎喎,,企企下我都好熱...
然後有個好似叫BELLA既女仔,,就同LAIBO講野...
我就同NA企埋一齊啦,,,之後NJO又黎左...
佢地要打電話俾D FANS叫佢地黎啦,,,
好搞笑...LAIBO有電話唔打,走去大叫有冇人叫XX,,
然後俾亞NA一言驚醒夢中人,,好好笑=v="
然後唔知係laibo定邊個,應該係佢,,問入面d櫈俾邊個坐
我話用黎擺,,原來...
到左2:00,,我望一主周圍,,見到愈黎愈多人圍觀喇,
幾好唔錯..>V<

跟住barbie出左黎,,,就叫d人著返果件葉宇澄T-shirt,,
我話我冇啦,,點知...點知...=m=都係唔好提喇
總之我拎左啦,,,唉..跟住就黎開始果陣,,
barbie叫左d人入去坐果d櫈囉,,本身我諗冇得坐啦我
但係barbie問我係咪想入去,,可以坐喎,,咁我就竄左入去喇
跟住坐到咁上下,,都未開始既,,同我隔一個位個人問可唔可以同我調位..
我即刻答應左啦,,,因為可以同na,laibo坐..
咁調左位之後就等開始啦,,咁好快就開始喇,,
咁個mc就問葉宇澄d問題啦...都冇咩野,,,
佢講過咩都唔記得lu~然後開始唱歌...
唱左達文西,潘朵拉,瑪莉與偉業,問候你的天使,祝我永遠失戀,玩具兵
同kay唱左兄妹,同louis唱左one two,,好似係咁上下啦,,唔知仲有冇...
咁聽葉宇澄講緊野果陣,我見到barbie好似同我地講緊野
但係又唔知講咩(因為佢仲o係入面)又好似得我一個見到咁..
咁我又唔知咩事啵,,就冇理到啦,,之後過左一陣...
barbie打俾laibo叫佢坐後一行,,我就明喇..=v="
唉,,早知叫亞na睇下咩事啦..搞到我好似好衰唔理佢咁XD"||
然後..NJO果D入左黎坐啦...坐晒前面果行,,我地有5個人坐左後面果行
咁我地就有舉牌啦,,但係我想講,,亞NA果D都有同感..就係..
勁悶..我地一來係完全睇唔到葉宇澄做緊乜囉,因為佢彈琴,,
個琴完全係O係正我地面前,淨係睇到個琴....而且...
佢一路唱..一路唱....又睇唔到佢,,真係悶到爆囉...
唉,,咁又多鏡頭喇啵,又要避...=3=好在有牌可以遮住...
咁之後LOUIS同EUGENE唱ONE TWO,,好聽呀!
仲有KAY同EUGENE唱兄妹,,好好笑....亞KAY一出黎幫EUGENE抹汗啦
然後將張紙巾放左O係琴上面,,,KAY話一睇就知佢細過EUGENE啦XD
咁佢地唱兄妹,,哇~勁好聽呀,,聽到成個人醒晒!!!

有樣野好搞笑既係,,葉宇澄唱問候你的天使果陣,,
本來佢唱得好好的,,但當佢好high之際,,佢突然間..
wow!
XDDDDDDDD哇哈哈哈哈哈哈哈哈哈哈哈哈哈!笑死呀,,
我同亞NA果D都忍唔住偷笑左出黎..
果下真係嚇親我地...好無奈...真係好搞笑,,係忍唔住的..
哈哈哈哈XDDDDDDDD!!再一次證明葉宇澄就係咁離奇架喇..
其實我都唔想笑的,,但真係好搞笑呀嘛,,無啦啦O係度WOW!
而最最最重要既一點係,,佢WOW!果下爆咪囉唔該...
就係佢爆咪果下先忍唔住笑呀嘛...XDDDDDDDDDD!!!!!!!

然後個SHOW完左,,我再主一望周圍,,,係爆多人圍囉!!
後面有葉宇澄隻碟賣,,有海報送,,我想講呢,,超O咀囉
109蚊喎!!叫人幫我出去買80蚊有找啦!
我唔信佢計埋張海報有咁高價,,唔信張野咁值錢!
不過是但啦...買就買,,順手俾佢簽埋名呀今日
個SHOW完左我等左陣見冇野做..
就去左買碟,,咁BARBIE就出黎睇左一睇啦,,
佢同我講話簽名要排隊,,由果刻起...我..=V=都係唔好講喇
之後走返去FANS堆啦,,葉宇澄仲未出黎....我就俾左D野占睇
即係果D報紙雜誌啦,,今日我拎得幾辛苦,,咁重果兩個FILE
由天水圍拎出黎喎,,,差D膊頭都冇埋=..=
睇完之後葉宇澄出左黎...我本身都冇過去既(佢坐低左簽名)
之後占走左去我都冇留意啦..我同NA果D講緊野
之後我都去左排隊=..=超唔想...咁冇計啦..鬼叫得我一個未簽,,
我前面係占,,葉宇澄一見到佢就占哥...=0=
簽海報時仲寫DEAR 占大哥"||
咁排到我喇..我..依家俾大家睇下一段對話,,係好無奈既一後對話

(情景:我拎住支銀色筆俾葉宇澄簽野)

葉:咿?你都有依支筆呀?
(我望一望佢手邊,,有兩支筆,一支銀一支藍)
我: ....................
葉:用你果支?
我: ....................
葉: ....................
(接過我支筆,,開始簽,寫左DEAR)
葉:寫咩名
我:L - E - E
葉:E - L - E - E?
我:L - E - E
葉:E - L - E - E?
我:L - E - E
K:LEE呀係咪?
我:係
葉:啊~就咁LEE
(簽名..簽名..寫左ENJOY THE MUSIC)
我:仲有簽埋碟丫
葉:好呀...一樣?
我:嗯..
(葉宇澄簽簽簽...又係寫ENJOY THE....諗左諗,,都係寫MUSIC)
葉:好喇
我:嗯.....
葉: ...............
我: ...............
(跟住我就走左喇)

唉,,我今日就係同葉宇澄有一段咁無聊既對話,,其實..
葉宇澄問我係咪用我果支筆果陣,,我心諗...(同時亦好想講)
咁我都拎到埋黎囉,,你是但用邊支都得啦,,
咁你其實都可以唔用我果支既...仲有....
我覺得好似..即係..好似好想佢用我支筆咁,,事實唔係架下..
咁..我都拎到埋黎唔通我即刻縮咩,,咁冇意義家嘛,,
但係唔縮又好似好想佢用我支筆咁.."真係無奈.."||
真係最無聊...仲係咁DEAD AIR  ..XDD!因為我都聽唔到佢講咩
佢又唔知我講咩,,於是兩個都唔知大家講左咩,跟住就簽完名
簽完名又唔知講咩,,^口^"||睇黎我今個暑假又要出多D FUNZ喇
蝕左勁多野囉,因為我今日觀察到D野...

(***K是.......大家知啦...都唔會係邊個)

咁之後等到葉宇澄簽完,佢就走喇,,D人都未影相=V=
之後見到葉宇澄上左去做訪問囉好似係,,
聽佢地講好似上左GOLD LABEL,,
之後O係[車立]口等左勁耐...差唔多一個鐘,,
先見到葉宇澄落返黎.."我地等左好耐,,咁冇野做就同占吹水
LAIBO果D同BARBIE傾...咁我又冇野做啵=..=苦悶
到後尾我都走圭左一邊..等左好耐之後個保安又左過黎叫我地企埋一邊.."
之後我地走左去另一邊等,,等多陣,,葉宇澄落左黎
一出[[車立]]就話醒喎..咁之後過返去前面..影相,,
占幫我影左,,THZ啦...影完之後佢俾左張相我睇
我發現咁多張合照中依張最好...=V=GOOD!唔錯
尋晚咁夜瞓(3:00先瞓得著)今日竟然冇咩眼袋,好勁!
之後就送葉宇澄走LU,,佢上左車,,跟住揮手,,佢好似抹窗咁囉,,
O咀,,之後我都走lu~得返我同占兩條友行左去地鐵站
一出海港就行錯方向,,次次都唔認得邊面係海邊,,
邊面係地鐵站囉,,次次都唔記得喎係...哈哈^口^
行行行,,好臭呀D車!="=之後就各自各搭地鐵,,我快過佢既一定
因為佢買飛我唔使,我冇理佢勁快就閃走左喇XDD!
仲要有咁快走咁快...之後一落到去就有車上,,
然後返屋企咁,,坐得好舒服...

咁返到屋企諗住開電腦收返張相同埋D片家嘛
點知冇電腦用...要等聽日...
一返到屋企,,就拎晒D碟呀,,報紙雜誌呀,,海報呀,,
同埋果件T-SHIRT出黎
我一入房就即刻摺好件T-SHIRT,,然後極快咁放左入衣櫃XD!
唔可以洗呀件衫,真係慘,,所以有咩事都係就咁笠上身算
之後欣賞完張海報就睇碟,,哇~好正...
隻DVD得閒要快D睇喇!因為除左玩具兵,,都未睇過D MV
一定好搞笑啦!!哈哈哈哈XDD!

*聽日又唔使返學,,GOOD!!後日拎成績表囉!
好擔心成績會超差勁,,為既係咩呢?一來係真係驚成績唔好啦
二來,,係因為如果成績差,,星期六可能出唔到FUNZ>/\<
原來我要成績好係因為要出FUNZ,,啊!原來我係咁既..
不過有得解釋,,其實唔出FUNZ都唔係未試過啦!
上年10月咁得閒我都唔出,,係因為我懶姐..(所以就咪蝕晒囉!)
所以!今個暑假我咩都要出!出到就一定要出,,
反正張家要返大陸唔得閒理我啦,,所以我就冇藉口話唔出喇!
拿!睇左我日記既唔該做證,,我講過既...我唔可以再蝕
淨睇今日就知有咩原因令我需要出多D FUNZ啦!
真係估唔到囉,,我今日係好O咀囉.....都係唔好提喇= =
SO!今個星期六出唔出到FUNZ係好重要架!!!!>"<
所以講到尾係成績唔可以唔好,,唔可以改變我既:下學期一定升既定律呀!
我下學期由細到依家都會升架!從未試過跌架!!嗯!!努力呀!
出年FORM 3我要努力D,,!!!我講過伉個暑假除左要出FUNZ外
仲要睇下FORM 3既書,,做DD預習,,係我講既!!
哈!一定要做好依兩樣野...否則我出年就真係唔多掂,,,

今朝起身就11點啦好似,,咁就開收音機聽903數榜,,
跟住聽到第16位我就起身梳洗喇
咁之後就食早餐喇....食完即刻飛返入房聽收音機...
咁果陣12:00啦,,我一開,,哇!細SO把聲?!= ="
最尾10位佢數囉,,咁聽到最尾,,
真係好鍾意細SO最尾會講返成個榜20位係咩..
我本身都唔會諗到有咩高興野架喇,,
所以都冇咩點聽..O係度睇緊MONDAY,,
點知講到第11位:葉宇澄-祝我永遠失戀
我癲左囉唔該...佢首歌派左咁耐都上唔到榜,,點知一上榜就11位
真係好O咀囉!佢一出碟D DJ就播多左...
哈哈....好野!!下個禮拜要去更高位置呀!>﹏<!!

咁呢.....今日都係咁,,上去EUGENE FORUM呀,,果D啦..
都冇咩特別野呀好似...
等緊聽日黎臨囉!因為聽日葉橙新碟發佈會,,
在尖咀海港,,令我諗起上年吳彤個新碟發佈,,
真係笑死..果次係好好既回憶囉!哈哈XD!
約左LAIBO一齊去....聽日要識人先,,不過應該都唔會識到...
仲有,,聽日要買碟喇!唉...........
仲有仲有!明天一定一定一定要問...拎....野!!
我一定要一定要呀!!XP!

咁今日下個下午都係聽收音機啦..聽到5:00果陣,,
聽喱民精選啵,,我差D唔記得依個節目呀!
咁我聽啦,,一開始就播星期一既大佬冰室,,我先諗起會播大佬冰室啵!
於是諗返葉宇澄果集係星期幾啦,,星期二即係第二集啦!
咁我聽完第一集,,就等依個第二集啦,,點知佢播歌!!=..=
唔緊要,,咁終於做喇,,哇!真係好好笑囉唔該...XDDD!!

***尋晚門左俾SUKI,,問佢出唔出FUNZ啦聽日
佢話唔出LU~唯有遲D先啦咁....
跟住我地仲傾左陣電話,,傾左好似好耐但係都唔夠一個鐘...

O係今日日記之前,,要先講返一D之前既野...
- - - - - - - - - - - - - - - - - - - - - - - - - - - - - ＊”

4-7-2006  ( 星期二 )

早前忘了說,,4號依日我夜晚聽空中喱民,,勁正囉....
因為果日我岩岩瞓醒啦,,等食飯果陣開收音機聽聽空中喱民...
點知一開...頂~我又聽到果3個恐怖既字喇 -- 牛奶仔
真係咁邪..一開就係LEO講牛奶仔!
跟住我超興奮啦,,,一路聽,,佢地勁講葉宇澄囉,,
係勁講囉....唉....聽到佢地咁講葉宇澄..
有少少...唔知點...都唔知係好開心好同意丫..定係嬲呢?
聽到8:31左右啦...佢地報時果陣話:一間返黎再講..
(即係用左一個鐘黎講葉宇澄依個人??O口O)
我就食飯啦...我本身想以最高速度吃完我的飯..
但係睇電視搞到慢左動作,,到我食完果陣已經立即飛返入房聽喇!
岩岩好開始大佬冰室,,哇~個大佬冰室超勁!
喱民成日都逼葉宇澄扮惡囉大佬....上年903發開口夢又係咁..
果次真係笑死我...叫佢好兇咁講:你地兩個都死呀!
跟住冷場囉,,次次都係咁,,葉宇澄成日做完D野都會冷場喎唔知點解..."
咁今次大佬冰室依D[粗重]3野竟然無啦啦搵佢做,,
好明顯應該係果日葉宇澄上叱吒新碟發佈啦,,咁就順便叫佢錄大佬冰室喇
不過真係笑死人囉,,個劇完全好岩葉宇澄做喎我覺得
雖然佢會錄大佬冰室係件好型既事...但佢做既野實在係..
真係幾正喎,,幾葉宇澄丫XDDD有興趣的話搵黎聽下!
(不過有興趣既都已經聽晒喇我知道,,)
最搞笑係咩緊緊張張容錦昌原來係葉宇澄XDD
仲有咩手臂..係葉宇澄冇但容錦昌有既囉,,
真係唔好笑死人啦...葉宇澄啵,,=V=
仲有最驚係,,,葉宇澄話自己已經成日俾人叫葉宇橙啦~
我驚一驚,,我都有份咁叫啵,,哈哈^口^葉宇橙~葉宇橙~葉宇橙...
仲有!!最搞野係...最尾佢要大叫自己係葉繼光囉!
哇,,笑死我,,原來葉宇澄係香港賊王葉繼光,,好野!!
佢大叫完之後就講佢俾人拉左丫嘛,,佢最最最尾要講:
我唔係葉繼光呀!我係葉宇澄呀!呵呵...果度唔知點解覺得好抵死添..
成個劇就咁完喇,,而葉宇澄都係咁完喇,,之後播左祝我永遠失戀囉...
哇~咁大件事我竟然唔記得左講囉!總之聽完空中喱民的總結係:
都係唔好再叫葉宇澄扮惡喇,,會好好笑架因為=V=
唔知LEO定亞喱,,((好似係LEO))話有機會要再搵佢錄多次大佬冰室
跟住亞喱話:再錄多次?唔好喇掛...XDD使唔使咁呀
我都想聽葉宇澄錄大佬冰室呀,,因為真係好掂,,我支持!

- - - - - - - - - - - - - - - - - - - - - - - - - - - - - ＊”

好啦!講返今日日記,,(總之我今日一定要再聽多次果日空中喱民回味一下!)

咁今日其實都幾正呀,,張家雖然冇返,,
不過今日一返到去早會完,,就可以上音樂室睇梁祝下世傳奇
哇..超開心啵,,想睇好耐,,最衰張家唔返啦!一齊睇嘛可以
有個咁好既機會睇......唔使自己去租碟....
又有冷氣...又唔使報名,,係3日活動最正的一天囉,,
我記得上年係睇歌聲魅影既~我超想睇..不過最後好似見到冇位就冇得睇LU~

今日超正啦總之!下面D人班際籃球比賽....咁今日又唔使落去小息集隊
一直睇睇睇,,,睇到完晒呢,,就去左1A課室,,睇今朝買的MONDAY,,
超大個葉宇澄囉有!有4頁都有葉宇澄,,而其中有一頁係點紅點線紅人K友會廣告
係一大頁葉宇澄囉,,O咀...仲有後面碟評囉,,又寸佢國語唔好喇,,唉..
不過都好好既,,都係讚啦,,唔讚葉宇澄碟評有咩可以講呢?XDD
斷估都唔會有彈架啦XDDDD咁梗係有咁好寫咁好啦XD

咁呢,,之後放學啦...即刻飛返屋企,,一出校門就打俾張家,,
哈哈...然後返到屋企食飯,,之後就唔知做過D咩LU~
都係玩電腦架啦,,聽下收音機咁啦...

咁大約係咁啦,,,我睇完梁祝下世傳奇就有D野講下咁啦,,
咁,,依個野我想睇好耐喇!人地講到咁正...>n<但係一直冇機會租...
今次就O係學校睇左,,勁好...非常之好,,睇下睇下睇下......
我又眼濕濕了>/\<不過如果我冇睇錯的話,在場應該都有人睇到眼濕濕...
特別係...希望我睇錯左啦,,,亞XX渣渣都好似...."UM..唔知啦,,唔知係咪
不過沒關係吧!得閒流下眼淚幾好丫,,十年唔流一次淚果D就好慘呀我覺得,,
咁呢!睇到邊度開始覺得感人呢,,其實..係冇乜既~>V<
只不過係..其實我睇果陣就覺得冇咩野既....
不過我自己逼自己代入去嘛,,因為好似會好睇DD
點知真係得喎XD即刻有少少眼濕濕,,,
我想問最後ENDY係咪死了??
唉....我覺得演萊斯下世果個演員係做得好最架囉
因為好難做姐..要學返HOCC既神髓,,又要同一個男的(ENDY=V=)
要好愛好愛周國賢,,好勁呀>M<

好啦....今日...大約係咁啦.......記得再加,,

今天好好的在家裡安靜地..
聽了一整天收音機..!!!

唉....沒事可以幹嘛,,,,中間我也有看書的,,
在看上年在書展買的雲海..
不過我到現在還未睇完...
又再一次感嘆..又一年了!

呀,,今日就係咁過啦,,,瞓左O係床一日,,
臨食飯時先黎眼瞓想瞓囉,,不過要食飯..
食完飯之後想瞓,不過又想聽空中喱民..
結果,,一直瞓....瞓到10:00起身寫D野
10:30冇野做睇15/16
就係咁喇...明天又要上學搞埋D唔知咩野....

***明天!打電話!!

還記得我第一次聽生命歷奇的時候,是在遙遠的東港..「義不容遲」閉幕禮
是跟HEBEE一起去的,,我還答應在葉宇澄唱歌時打電話給SUKI讓她聽
可是我一來忘記了,二來沒手可以打給她,三來也趕不到
那次..大家都知HEBEE那時是每次都是最興奮那個,,
所以她那次就根本不會唱這首歌都照跟歌詞嗌
(因為在場的「義不容遲」成員派給我們歌紙..)
全場只有她一個在嗌,不過也無損她的興奮心情..
我那時心想..葉宇澄會怎樣想呢?高興?還是想叫她安靜呢...
只見葉宇澄只是望過來幾眼而已..."什麼表情都沒有...
=0=叫著叫著,,HEBEE都開始不太出聲了,,不過還是KEEP住嗌幾句
這首歌...聽著的時候,,就想起那次出FUNC的情景了,,
真係很好笑和難忘,,淨計霸位的足以令我回味一番了
更加上其他的FANS,,完SHOW後的事...
(說著說著,,我FEEL到自己開始想做G男最愛做的事了= =
不要像他那樣用優美的言辭細說往時)
大家也一起唱這首歌吧!很好聽的,,

生命歷奇 (義不容遲大會主題曲) 葉宇澄
作曲 : 方樹樑　填詞 : 梁鈞達 @ 詩詩
監製 : 方樹樑 @ 好人有限 

你與我齊共行　原是最美
但你我生疏退避
圍牆無聲築起　感到冷漠相隔千里

最美世界動人　原是有愛
是你我不分國甲
但願付出真心　終會有日緊扣一起

悠悠長天空帶點灰暗
但不要著緊　懷著信念創出極限
奮勇地去闖

原來人生總有些感嘆
但不要著緊　沿路縱是太多患難
奮勇地去闖

Blessing all the Nation in your heart
Walk along with you and forever
請將憂傷放下就勇敢去前行 oh!

Blessing all the Nation in your heart
Walk along with you and forever
天真的鬥志是為理想拼勁奮鬥

齊來同牽手　義不容遲
傍偟時總會找得靠倚

另外就是我最愛的DON'T CRY MY BABE.
以為沒機會聽,,怎料他的碟收錄了=﹏=
首先要介紹一下依首歌，依首歌好聽之餘，個故事背景更是感人。
是這樣的：此歌由一個在囚人士所創作，葉宇澄唱出。首歌係佢寫俾女朋友叫佢唔好等佢……
其實我自己覺得個詞好深既，〔至少葉生都係咁講〕最推介係個編曲……
不過我覺得一句:你迷糊我兩眼更迷糊  的迷糊...唱出來不太好聽,,好像:米糊
不過都沒太大關係吧！

Don't Cry My Babe (2005年度在囚人士作曲填詞比賽優勝作品) 葉宇澄
曲、詞 : Ken Lai (石壁監獄 )

夜看天色在晚燈裡　寧靜世界沒有恐懼
若你孤單像似冰封　遙路遠更覺難入夢

＊我在乎　我對你太在乎　唏噓中彷彿已失去了好夢
你迷糊我兩眼更迷糊　期望你勇敢踏你路途

在這空間是我心碎　凝望雨線像我淌淚
就算多冷冰就算崎嶇　期望我與你能再聚

我在乎　我對你太在乎　唏噓中彷彿已失去了好夢
你迷糊我兩眼更迷糊　期望你勇敢踏你路途

#Don't ask me why Don't Cry I love you my babe
誰不想跟你共渡每一天  Wow....

Don't ask me why Don't Cry I love you my babe
難自禁又再高溫裡蔓延＊#

Repeat ＊#

今日,,其實我本來個標題係充滿音樂的一天..
不過諗返轉頭,其實我今日心情都唔多好

咁一早返去,,本黎今日係要返去守時訓練既...
咁約左XX渣渣一齊返,,可惜..可惜,,佢坐早左我一班車,仲要係佢上錯車.,
如果唔係佢就見到我可以一諂返啦..
咁我今日又傻下傻下用左4個字就搞掂出門,
真係好耐未試過行動咁快喇..今日..真係唔知點解又傻下傻下出左門口咁
咁本身約左搪5輕鐵站等既,可是...我搭半過D先去到..
咁唔見XX渣渣就上車囉,咁返到去..一粒人都冇
因為未到45分,我40分返到去..."
好在當我行前幾歲,就見到朱同學...
好在..好在姐...咁就兩條人一齊企啦
其實我想講唔使咁早企,,D當值老師黎先企都唔怕
但係...算啦....咁就企啦,,點知企下企下,,企左冇耐
大約47分左右啦....鄧偉良黎點名,,
佢問依度邊個係第一次遲到...2B全體同學舉手,,
那當然啦..一大班乖人遲到?仲要係超唔抵咁遲到..抱憾終生啵
咁呢,,鄧偉良之後問點解遲到,佢地話係睇左通告返搭5,
跟住佢咩都唔講就話咁你地走得喇..
咁我又唔係第一次..第二次了...但係地話以為返搭5就走得
於是我就講出事實,,其實..即係點講呢..
我又唔係話唔知返搭2既,,不過好..難解釋..總之我本身都唔應該俾佢罰...
咁我就話我都係咁啦..之後佢話咁你走啦..咁
之後我懷疑朱咩傑都係咁講..因為我見佢好早都上左黎課室...

咁早會之前既野講完喇...之後就點名啦.....跟住入HALL
普通話歌唱比賽,,,說實話,我想走好耐喇....
我忍夠喇,,成粒鐘都O係度唱慢歌,我本身已經唔鐘意聽國語歌啦
我更加唔鐘意聽慢歌,大佬耶,,是但俾DD咁多節奏黎聽下都好丫..
成粒幾鐘唱黎唱去都係果D......真係......
仲要坐O係度成粒幾鐘,,,我好煩呀覺得,,
我一連住聽好多慢歌就會覺得煩架喇,,我都唔知點解,,
總之我唔可以連住咁聽慢歌,,真係會死人...所以我有諗過
假如我去黎明的演唱會,,說不定我會有陰影,,
幸好...葉宇澄不太唱慢歌的....
咁...個第一係我心目中果個啦,,唱人質那個,佢一開聲我就覺得佢好型
加上首歌係慢歌但係有節奏的嘛...佢又企得型喇啵,把聲又型喇啵..
咁就WIN了,不過其實我冇投佢,因為要支持MING,so投左佢

跟住小息啦....可以上班房,,不知幾舒服呀....
之後又要拎齊野落去排隊,,我頂!係咪真係要曬死人呀大佬...
個頭就黎曬穿囉,,一日曬幾廿勻...都唔係野黎架...
又係咁...慢到死...O係度...有野就講啦...
勁熱喎,又唔係唔知個禮堂冇冷氣啦...
仲要人企到熱晒咁入個得幾把風扇既地方焗粒幾鐘
話就話心靜自然涼姐..咁問題係冇冷氣之餘又要人企到標鬼晒汗咁入去囉
又唔知果D文史問答比賽悶喇啵...

咁入到去HALL,妖,,真係好Q憎條鄧雅瑜囉
乜野人呀佢,,老幾呀...識唔識咩叫基本尊重呀,,一D禮貌都冇
成日將事實顛倒,,佢老味...又成日霸人地個世啵...
食屎大...忍佢好耐,,佢憑咩要我就佢..
依家係我佐人後面先定佢呀..成日要我就佢...
講真果句丫,,另一個人我都好唔滿意囉,,成日咩都唔關佢事咁...
俾條PK得寸進尺....忍夠佢囉......成日是非黑白搞轉晒又當事實,
佢冇病呀嘛!?掙人錢又唔還...又要賴帳,,
成日話自己冇錢,,冇佢D屎!!有錢請人食野有錢俾人使又連果廿蚊都唔還
人地幫佢又講到人好好咁,,轉個頭又變返條唔知咩人
都唔知點解可以忍到佢一個學期囉
仲有呀...唔使指意可以賴到果幾份報紙唔剪呀,,
你爭我架,,咪益左佢囉,近排葉宇橙出碟,,成日後紙見到佢
我唔信佢一份都俾唔到我...記住係佢爭我既
仲有果廿蚊你試下唔還丫....忍你先唔出聲...
扮唔記得唔係冇事,,唔出聲唔係大晒....
記住我講過依句野,,扮唔記得唔係冇事,唔出聲唔係大晒

上到HALL咁就俾條人霸生晒啦....唔想同佢講野喎,叫佢行前又唔肯
前面果D又唔知咩新鮮蘿蔔皮........
之後入去坐低果陣都冇走埋去啦...
乞人憎..之後又唔知點解啦...我好人...
哇,,禮堂熱咩咩咁...好想除鞋呀其實我,,真係好唔舒服囉著住對皮鞋!!
又要睇埋D咩咩問答比賽,,>口<好煩呀!!星期五唔想返呀!!!
好想請假...返去都唔知做乜春...妖.....真係好煩囉
好煩呀!真係好煩呀....返去學校好煩呀,,我覺得好煩呀!!!
又要坐成日喇啵,,,妖,,好多時間咩....
好煩呀!!早D走啦,,等運到咩...有咩成績表快D派左佢走人啦...
好煩呀................好想爆粗,,不過我日記唔可以出現依D野...
我日記要好乾淨D...原因係一有葉宇澄既樣O係度野地方就要乾淨
我都唔知點解,,

咁好煩呀好煩呀,,,放學個情形唔使講啦,,都係熱到乜春咁囉,,
好煩呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
我真係忍唔住好想講個屌字囉!

咁放學...妖,,真係中暑囉,,佢遲D放既話真係全場暈晒俾佢睇!
咁其實我冇咩野既,,我除左熱,,勁標汗都冇咩野,
反而有事既係張家..=V=
我地放學即去天盛買野食,,,PIZZA
我叫佢買糖食,,,就冇事的,,咁佢買左先記起毛自己有利口樂
好平啵,,5蚊....我又食一粒>﹏<

我既午餐係...可樂一支,,,OK便利店PIZZA一個!
廿蚊有找....又一個美味的午餐了,,
咁之後我都係去天耀搭車返屋企喇,,
如果去埋天水圍站我真係冇事都變有事...

返到屋企...=V=我估中了,,,

咁我食野啦,,美味,不過由於我飲左好多可樂(極級口渴)
所以只食左二分之一的PIZZA,,淨返的雪櫃食
可樂都放雪櫃了,,因為開始熱
咁我開電腦啦,,哇~貼左葉宇澄新碟的歌詞到論壇
貼到我死..D歌詞真係...長到乜咁..又要COPY又要修正
又要整理..真係..我用左2個鐘先搞好晒一切...
貼上論壇,,好喇...SEND出去....

=口=?!?!??!他媽的!!!!!
無法顯示網頁?!?!?!?!?!!?!??!?!!

幸好.....我經驗告訴我N咁多次,,
每次打完野SEND出去之前,,例如日記呀....
乜野都好....之前都要COPY一次先SEND,,
咁我今次都有COPY...一路整一路COPY,,,防止突然HANG機,
就好好笑喇.....

咁之後我不放棄地貼貼貼
又係一樣情況,,係咩原因呢?內部整緊野?
定係咩呢?

咁唔理LU,,,上左去EU FORUM睇野...
葉宇澄好樣衰呀>_<
同埋勁聽歌,,今日好有雅興聽葉宇澄,,
於是就勁播佢D歌喇!!
咁我又好神心咁上左港音搵有冇葉宇澄D歌啦..
係有架..仲勁多個POST添,,唔知點解..=﹏=
依D就係傳說中的受歡迎?
連亞DEEP隻碟都得幾個POST,但葉宇澄竟然有8個POST?
冇事吧~幸好我搵到其中一個POST係可以分開逐首DOWN的

我DOWN左生命歷奇,,(聽過一次咋,,不過我記得好好聽的...>﹏<)
仲有未聽過的DON'Y CRY MY BABE(我今日先見到我之前打左BABY)
咁呢,,依首歌真係要好好講下,不過唔係依家,,最尾講,,
仲重新DOWN左祝我永遠失戀同玩具兵TOY STORY MIX
冇LU~咁呢....DON'T CRY MY BABE,,我一聽就愛上左喇
我..我..第一次聽果陣冇咩野,,淨係覺得個音樂超正
之後冇咩野做,就聽多次啦..聽下D歌詞...
我聽完想喊呀>/\<因為真係好好好正呀,,
跟住我自己唱一次..唱到一半已經想喊,,唱到最尾我係欲哭無淚,,
因為我又真係喊唔出,但係首歌真係好正,,勁正呀!
編曲好得..係我最鐘意的>3<

Don't ask me why   Don't cry   I love you my babe.

^依句我好鐘意..大家快D買佢隻碟聽啦...勁正

Eugene唱得好好聽...好正...而且首歌既重點係個背景囉我覺得
好得呀首歌真係,,
係啵,,其實人人都話EUGENE唱歌進步了,,
咁又好似係既..特別係唱LIVE啦,,雖然不嬲好,,
但係佢依家真係唱到好似CD..係真係一樣,,
如果唔係佢最尾會最興咁LALALA,都真係會信佢係播帶的XD
特別係唱祝我永遠失戀,真係..唔係真人發聲既咁
咁呢..不過聽返佢上隻碟的歌同今年D歌比
我係鍾意佢之前把聲的,,因為好似清D
依家好似,,好...唔識形容,,話晒我都係因為佢把聲先留意依個人咋啵
如果唔係佢唱達文西密碼把聲咁好聽,,我真係鬼識佢...
所以,,我要將佢把聲聽得好清楚...
其實自從玩具兵開始我已經覺得佢把聲唔同了
點解呢?可能佢依家真係好聽左啦唱歌,,不過我始終係鍾意佢把聲清D
當年叱吒一時的....(佢何來叱吒過我都想知)
蒙娜麗莎..HA~~~~~
哇~真係聽完冇野講家嘛..但係如果俾佢而家唱,,
我諗佢極有可能唱出一個沙聲的蒙娜麗莎...
佢依家真係成日沙聲,,唔知點解...

夜晚睇..(即係依家)睇緊勁歌,,英皇果然係英皇,個勢都唔同D..
夢幻組合好聽,,我在想,,有文彼得啵..=V=
不過我始終都係覺得冇左STEVEN好唔順眼囉!
STEVEN呀!點解冇你的,,應該飛走泳兒,,加SUN BOY'Z落去
咁就係我心目中的夢幻組合喇...=﹏= ( 滿意滿意 )
>n<!好在有吳浩康...亞deep亞deep我支持你..=v=
吳浩康,,尋日無啦啦想聽佢d歌...哈哈..
[[吳浩康D歌真係好聽的....好愛佢首戰地舞曲啦,,吸血彊屍的愛啦,,
新手啦,,先入為主啦,,感覺蘇豪都唔錯的,,第三者啦,,罪人啦,,浪漫時代啦,,
(數下數下可能仲勁過葉宇澄)]]
今日就聽葉宇澄...可能聽日係....周國賢..
後日係kelly clarkson,,後日係.......都係葉宇澄架啦,,
唔聽葉宇澄冇野聽....

*今日聽返瑪莉與偉業,,好感動..而且勾起我的回憶了...
唉..咁又一年喇...葉宇澄唯一令我最睇唔順眼係佢愈黎愈得戚
佢骨子裡的壞蛋細胞開始走出黎喇...
哼!出道時就扮乖咁,,點知原來乜野都係假既!
恃住自己生得幾可愛=n=
被你的外表呃了的人多的是!
((雖然我上年勁話佢得意可愛乖...其實我吹水架姐,,
我最憎人扮乖..一睇就知佢唔乖啦..壞蛋!XP就憑佢果句..
XX中X什麼什麼就睇得出佢暗底地係唔乖啦))
不過算吧啦....最緊要係唔好再沙聲..
再沙聲的話真係頂你唔順呀...
橙神都冇面俾....快d搵返當年既蒙娜麗莎聲啦...
好懷念上年d歌.....上年d歌係令人一聽就鍾意,,一聽難忘的..
但係自從玩具兵,,其實都麻麻架喇,,
果陣開始佢d歌愈黎愈...要慢慢聽多幾次先覺得正架囉

====================================

由於太多野喇,所以我可能冇打一D重要野,,記得再加.."

總之DON'T CRY MY BABE勁正..

咁..今日..其實都冇咩野做啦..都係咁...
唔係食野就瞓唔係瞓就電腦,,唔係玩電腦就聽收音機,,
唔係聽收音機就睇電視..

SO...THE END.

DON'T CRY MY BABE.....I LOVE,,

咁呢..今日一早返去呢,,真係....我竟然又遲到喇＊﹏＊
其實本來冇遲的....但係我o係校門見到xx渣渣..咁佢買左書啦同form3,
咁佢就叫我幫手拎下,點知搞下搞下都唔知過左鐘..
事實上..真係唔知今日返搭二,,2b勁多人俾張通告呃左...
頂......真係衰呀張通告...咁我地入到去真係遲左到,,
而最勁既係勁多人遲到囉=0=都係2b既多...
咁呢....依d唔講喇..miss左佢啦...總之係不幸啦...

咁我地遲到要去籃球場企,,說實話,雖然樣衰..
但係一定舒服過佐入去班,因為企埋去會勁熱囉,,
又焗,至少罰企果度涼好多又有陰....唔太熱...
而且企成點d老師都唔得閒理,,於是我同隔離d 2B人吹水
(其實我唔識佢地.."得朱同學我係識架姐..而xx渣渣又企到好遠,同唔到佢講野)
咁呢,,早會完左之後d人要入hall,,而2b好多人去左參觀野,,
所以等唔切鄧偉良過黎審問我地就要上車走佬lu
所以果度得返一大排男仔..同埋兩個女仔..
一個係我啦當然,而另一個係...咩咩施施??
=v="||咁早會完左亞鄧偉良仲係3住同miss mak呀...
林瑞華講野,都唔理我地...於是我同施施又勁吹水喇o係度...
吹到咁上下佢終於問我地野喇..咁中間依才7又唔太想描述就miss左佢啦..
雖然有d好搞笑既野..不過算啦..
總之聽日照常7:45返黎守時訓練,之後我地就上返hall
一路行一路同施施傾....好得意喎原來佢真係.."||
雖然大家唔識..不過大家都係form 2...講下野好正常
不過依家諗返果陣講野的情景..真係...=v=

上到hall,,d無煙火唱歌...唱完就去左搵張家...
之後坐..一路坐...其實hall度搞緊無煙火攤位...玩的
不過唔玩之嘛,,我地就坐晒o係度玩d禮物果d貼紙,,勁周圍貼..
好浪費呀其實我覺得..不過又真係幾好玩=v=
馬仔好慘....鄧人好白痴..佢俾人貼左成日背脊都唔知
(其實冇人話俾佢知..)我諗佢都係返到屋企除左件冷衫出黎先發現
咁hall度一直都有播一d片既,,其中有一段片係兩個男仔扮型果d囉..
即係...總之扮晒好型咁啦...其中一個叫eugene,,="=
結果俾鄧同張勁笑..>口<!!!!點解eugene依個英文名近排成日見架!!
好討厭呀!

咁幾經辛苦先到小息,,又唔上得課室,,只好落操場坐...
悶到丫...我地食野...我買左野飲...之後坐坐坐...
坐左好耐先集隊...又要曬囉仆街.....熱q到丫...
(我終於戒左個撚字喇..之前俾人教壞晒添=﹏=)
個頭快爆了爆了爆了,,這樣--> 　>_<"
之後等左超爆耐先可以再上課室....
我地上左一樓D課室,,,冷氣?開左=冇開
不過有個涼涼地又靜靜地既地方就OK喇....
至少唔使好似D FORM 1咁慘要O係下面曬成粒幾鐘...
佢地要玩咩班際競技賽..我為佢地默哀...希望佢地冇人中暑
我地排隊時企一陣都曬爆頭啦...仲要做激烈運動..
我地就好D..O係上面雖然冇野做幾悶,,不過有風扇又唔使曬
我同張家勁食野,,同埋睇馬仔,,林洛敏,鄧人同彭小緻玩飛行棋,,
其實..我已經唔記得點玩喇XD有冇人得閒同我玩一次...
我依家淨係識玩波子棋同我最憎既康樂棋咋!

咁呢,,之後放學又要落去曬住排隊喇..妖...
鄧偉良有野就講啦,,,講快少少唔得既...
等齊人落黎,,仲要等佢講完野.....已經令全場人發脾氣,,
全場人勁抹汗,,勁[妖~]咁架啦...
咁仲要等埋FORM 1個比賽頒獎...
唉..之後又要等埋D人宣佈野.....>口<!!!!
紙巾都用左成包!

之後走喇走喇走喇,個個雞咁腳走...
我同張家去左街市買腸粉餐..10蚊又一個午餐了~
返到屋企即開收音機,,因為熱鬧樂壇有葉宇澄上去新碟發佈呀!
一定又有好多勁野聽喇=v+要知道葉宇澄無時無刻都會做d出人意表既野

我聽啦..果然不出我所料...係有勁野講架..不過我已經忘記了,
因為我仲係記住牛奶仔事件...

之後玩電腦咁啦..都係果d架喇.....夜晚聽收音機.........瞓覺

好啦..其實今日做過D咩呢,,就真係唔多記得喇...
總之都係果D架啦...玩電腦...玩完電腦睇電視,瞓覺咁架啦..
睇我過得幾閒適..真係要講一句:閒快活呀!
(其實我根本就係過緊冇意義既一天..)

好啦!今日,,,我諗..其實最有代表性既時刻係...
下午在HEA的時候..聽亞喱的乜野地獄,發生了一件勁事
什麼勁事這麼勁呢?是這樣的:
我無啦啦聽到問候你的天使的前奏,使我雙眼發光..
其實本來係由於我好耐冇聽過個前奏,
所以我係聽左兩三秒先肯定係問候你的肥仔..
之後聽聽聽啦聽....XDD好HIGH呀!!亞喱竟然無啦啦播一首N年前的新歌
實在太勁了......而且那時候的我,,其實已經快扒到桌上睡了,
但就是這太勁的前奏(有多勁..")我就睡意全消了
(豈有此理..其實我不夠瞓...本來想瞓下的)
到最尾播完歌之後,,亞喱說了一堆很勁的說話:
真係多得你喇葉宇澄!將依張最新既CD送到我枱頭,
上面寫住 - 親愛的亞喱,我現在不是牛奶仔了,我曬黑了..
叫我朱古力奶仔..可以嗎?
好心你啦...黑果少少就叫朱古力奶,,我最多叫你麥精咋!

XDDD哇哈哈,,依件事有幾點係令我印象深刻的..
第一:無啦啦播葉宇澄已經好大件事啦
第二:葉宇澄無啦啦又提依個咁恐怖既名(至少我覺得) - 牛奶仔!!
第三:朱古力奶仔?EUGENE唔係咁可愛呀化
第四:麥精...亞喱果然係亞喱.....
第五:一直o係我心底差唔多有半年既謎 - 牛奶仔的意思,終於解開了
一直問人人地都係話只知喱民叫佢牛奶仔,但係點解就冇人知.."

跟住夜晚喇,,睇美女廚房,,d海蔘好似好得意哇!
好似豬仔包..勁cute勁cute...= =真係好得意呀佢地...
一舊肥騰騰的小東西...俾湯盈盈猝呀猝....如果我係那海蔘,
我實會話:你個死野[gum]夠我未姐..我俾你o係個水[江]度仲搞唔夠咩
(=口=點解我打唔到個水[江]的[江]字既?)
跟住...由於亞爸在睇電視,so..我的歌聲魅影沒了...
其實只係冇左開頭姐,,10:40左右我就開始睇喇..
但係由於我玩緊電腦,所以歌聲魅影都要讓一讓...
我睇到11:40左右就冇睇lu,,因為明天要上學
而且全部人走晒入房得我一個睇好無癮..."
加上我開頭果度都冇睇,搞到後面都冇咩mood睇
仲有....我覺得電影板本同原著板本有好大的出入,,唔多想睇

跟住瞓覺lu..大紉係咁啦..今日都冇咩特別,,係聽收音機果度勁之嘛..

今日O係屋企...唔知做過D咩lu....

- 完 -

*夜晚,,我睇唔到電車男大結局呀!!!>口<!!
因為亞爸睇電視....嗚....再見了電車男.....

之後11:00聽森美移動,,超無奈啵..."||

- - - - - - - - - - - - - - - - - - - - - - - - - - - - - ＊”

我真係好鍾意聽Jill既歌呀!>v<愈聽愈鍾意,,
好岩我聽.......我近期好鍾意funny jealusy呀..(係咪咁串架..")
因為每次聽到個音樂都好開心...個feel..個音樂令人好開心囉...
不過我始於最鍾意既係lonely....(唔係get out喲..呵)

另外:祝我永遠失戀好似冇咩人播..(我係咪唔應該講依個事實出來呢? X] )

嗯!今日返去有3堂唔使上既堂...兩堂劉姐堂,一堂鄧偉良,,
咁兩堂MATHS,一堂普通話...本身係3堂MATHS,
不過前日同甘SIR調左,,出年應該都係甘SIR教返喇..

咁呢,,首先MATHS,,對返卷先發現自己錯埋D...
唉..唔知咩...即係...自己睇返都覺得9唔搭8...
不過就係咁都有44分先勁呀嘛...
我既意思係,,我長問題冇條答得晒所有..
即係分A,B,C題咁樣家嘛..冇冇一條係答得晒架囉...
條條都係答左A或者B咁樣...短答題果度又錯D唔應該錯既野....
哈哈..

好喇,,咁劉姐堂呢,,由於我好乖咁O係度作文啦!
即係中文暑期功課果30篇文...我第一時間當然係寫果個題目啦..
仲有邊個丫..{一首百聽不厭的歌}正常黎講,我應該寫一首英文歌
但係依篇係中文作文啵,,唔寫得...咁唯有勉強寫葉宇澄D歌啦...
好勉強架真係....又要嘔D好好既形容詞黎寫,
又要懶係好有啟發咁.........為左要容易D寫...
所以只好寫 - 問使你的肥仔...
本身都有諗過寫玩具兵,可以寫下..首歌係話人們好喜愛新的事物
常常貪新厭舊..不過諗諗下...咁我最後個感想係咩呢??
感想係...玩具兵的X'MAS MIX比原裝板動聽得多....
=V=還是:其實我不太喜這首歌..哇哈哈XP

事實上...我寫問使你的天使,,咁..我都寫得ok啦...
最後果後係以一句:那麼你也有一個「天使」嗎?作結尾..
之前就係引用返d歌詞,再之前就係寫左葉宇澄舉過既:
地鐵肥人佔兩位既例子..<--=0=我果然係最乖既fan,,我諗唔會有人見到掛.."
再之前(即係第一段)就係講首歌講咩既....咁囉

我都有講過雖然依首唔係我最鍾意既歌架....
依個係事實,,但係唔係百聽不厭呢..?=v=係冇可能既事,,
我只有一首歌係百聽不厭的,,(非葉宇澄歌曲)

咁之後就.....鄧偉良堂...問到丫...逼我地睇埋d唔知咩...
pe果d野...想自己做下野都唔得,本來想作文架嘛..
難得好有心情....點知無啦啦逼人睇野...
妖..咁又浪費左一堂喇...俾返果40分鐘俾我呀!!!!!
當睇緊果d  pe野既時候...突然發現到劉姐的好..
雖然悶,,但至少可以做自己野...
之後又係劉姐堂lu.....唉...本身係想作文的..
但係冇紙呀!!!!>口<簡直就係連個天都唔俾我作...
問所有人連周閏康同學都冇.....T﹏T
咁我又冇野做,唯有問張家借世史抄啦...
點知佢同人玩到..UM,,,佢既形容係:激烈
咁...唔得閒拎張野俾我喎...唔係呀化=..=
所以我就咁樣等緊D紙而白白讓時間流逝了...
張家=..=

之後普通話,,又是惡耗的來臨,,我並唔係指個分,,
我係指...基本上上普通話堂無論對卷定咩都好...
對我來說都係一個極大的惡耗..
要聲明我並唔討厭普通話,亦不討厭普通話堂,,
咁唯一可以討厭既就得一樣架姐.....
希望出年唔係佢教...就好滿足喇!MISS WONG都教得好過佢,,
FEEL到MISS梁冬麗好有HEART(識講英文添)咁教學生
但係我係極度唔受依D咁既教學方式囉...
小學既我連曹勤老師果D教法都唔受啦,,何況是現在的我
我以前好鍾意普通話架,因為我覺得好得意(?)
不過大大下覺得好悶...特別係上左中學之後,,
因為上年教果D太簡單,,(即係對於我黎講)
上到中二,,唔使解釋...真係忌到咩咁囉,,
我先發現原來我最憎既唔係家政,,係普通話...
係極度厭惡果隻囉...

咁講返份卷,,80/100
岩岩好滿意咋我...今次考得唔係咁好...
因為填充果度聽唔明=0=我竟然聽唔明書籍同字帖兩個詞..
張家講返我先醒起係依兩樣咋...
真係..唉...好在都有80分,,如果79分的話,我就真係..收皮啦..
普通話80分都冇就收得喇..

咁呢...放左學..就同張家去左新不江覓食..
不過冇位..放1:00周圍都逼爆人,,
於是去到車仔麵諗住買野拎走去張家屋企食
咁岩見到何CAT同.....亞四?同埋...仲有一個唔記得邊個添..
冇咩印象..=V="||咁佢地等位囉
咁最終俾佢地等到位啦...不過我同張家都決定左買走..
咁..係張家叫先既...跟住我行埋入去...
我又唔知有咩食,,咁就話同張家一樣既啦..
之後買完行出新不江...哇...熱到丫...
於是我心中感歎:地球幾時末日......兩極D冰幾時熔晒...
咁岩依個時候...一架勁噴廢氣的巴士經過,,
我再感歎:香港人點解咁鍾意空氣污染

之後行行行...行去大昌買左百福豆腐花,同張家夾錢
之後行返去張家屋企...就開餐啦..
我果兜粉超勁囉,,,我搵到一大堆米線出黎,,,
好過份,,,我果個明明係河粉來的....="=
咁之後因為電視冇野睇...張家話聽歌仲好啦!
跟住聽歌,食完野我就去左玩電腦...我問張家點解唔整個LIST,
一次過PLAY姐...之後佢話唔識整喲,,我幫佢整...
其實開頭我都唔係好記得點整..之後搵下搵下又整左出黎喇
^口^"之後聽皮最鍾意既歌啦...哇哈哈,,個歌名中文譯返超好笑...
跟住我勁玩彈珠台同接龍囉...張家就睇MVP...
我玩完電腦都有睇....睇到4:00左右..因為張家本身話最遲4:00走
咁我見4:00咪走囉,,,之後我就去左銀座睇下有冇葉橙隻碟
係冇既...我當堂勁嬲啵!唔係因為冇碟(預左架啦)
而係..等車等左9分鐘....先至黎到依度,點知冇喲...
真係他媽的....好Q憎o係天水圍等車,,特別係等兜銀座果邊既車
真係慢到呢...我等到架車黎呀,,如果平時搭循環線的話我返到屋企啦...
浪費我D時間=..=

之後返到屋企...我非常慶幸自己今日買唔到碟
因為上到EU FOURM見到BARBIE說:9號有新碟發佈會...
可能會有POSTER送的...而且果日買的話可以個勢勁D
之後睇返原來好多人都買左..=0="唉..
不過有好事都有唔好既事...睇到尋日巴士巡遊D相..
>_<好想去....好似好好玩喎尋日.....佢地仲有T-SHIRT...
我都想要,,,會俾常出FUNZ的,,咁冇我份啦...
TnT我想要...好想要.......其實我之前都有諗過..
假如有一件印有葉宇澄樣既t-shirt,我會唔會著呢?
咁梗係唔會啦.....我仲會收埋去衣櫃最入面,,
唔好俾我見到...但係發夢都估唔到真係有d咁既事...
真係有葉宇澄樣既t-shirt...我又好想要喲...唉..
好啦!!唔理喇!總之9號必去啦....我仲要搵返suki出黎還野

好啦...就咁喇!

*夜晚睇15/16........好好睇呀,,
帶給我歡樂的半小時...
仲有..亞喱好樣衰呀XDD
LEO又好唔知點咁.....睇完之後感想是:
亞喱..."有點兒扮野

今日返去對卷..真係頂...
今日對英文同中文...

哇哈哈!!我不知幾叻呀!我中文又咁低分喇..
叻唔叻呢...其實我卷一讀本問題呢....
我本身係唔合格架...XDDD!本身49分喎....(頂~)
之後最尾關頭.....俾我唔小心見到MISS WONG差一分冇計
於是我雙眼發住光咁去拎返果分啦...MISS WONG話:恭喜係!
>V<咁就合格喇..50分呀!!睇我幾叻....高過上次測驗5分呀...(唉...)
我係錯果D呢,,,UM....答左野但係又唔中POINT果D呢!
全部都係0.5分咁樣加上去...全部都拎唔中全分
得一條可以拎晒5分咋,,好似係水調歌頭果條..
唉...我係答到D點,但係唔係全中,,,唉,,浪費晒D行數..
早知係鬼是但乜野都寫柵口6去啦...實中的,.(假如唔會倒扣分的話)

跟住呢...卷二作文:63/100,,我作文真係差左好多呀!!
以往作文最高分果批正常黎講實有我份,,
不過自從FORM 2就唔係lu~我今次算係唔錯,,冇咩問題咋,,
跟住卷五實用文...我錯左好多格式(有d連我自己錯左都唔知)
都有40/50......同張家一樣..我就兩篇都係20分,,
最後卷三聆聽,,45/60..但係要除返,除二的話就22.5/30

到英文喇....卷二GE卷....唉............
本來45/100,,咁MR.YUEN就問我有冇野可以加分,,
咁我搵啦...之後俾我發現到..(其實唔係我發現的...)
最尾READER果度可以加分喲,,YO!
於是出去執分啦!加多2分,,本來加左分係要收返張卷既
不過MR.YUEN問我使唔使再搵搵呀....咁我就拎返張卷搵啦
不過果陣都收卷囉...= ="所以最後都係...唔合格,,47/100
唉...中文差左英文都差了....

然後仲有卷一作文,,55/100算好嗎?還是其實很差....
話晒都只算係岩岩合格,,後面作文果度,,佔70分的,
我岩岩好合格拎左35分...=0=勁呀呢!

之後卷三LISTENING,30/50
前面第二PART錯晒!其實估唔到會有30分的

嗯..今日就係咁喇.....中文冇口試分所以計唔到總分,,,
我英文總分就係..167/300,,睇下幾低分...
聽日對普通話同CHECK返MATHS...

唉...其實..咁今日呢,,放左學..好似都係返屋企....(其實唔係好記得lu)
*聽日15/16有喱民喲!>3<必睇的..

- - - - - - - - - - - - - - - - - - - - - - - - - - - - - - - - - - - - - -＊”

Eugene聽日出既碟...有人會買嗎?
(其實得我會買佢隻碟架之嘛..")

新碟資料:

碟名:How Are You
歌手:葉宇澄 Eugene,Yip
推出日期:30/6/2006
(大碟)

收錄歌曲:
玩具兵 , 玩具兵(toy story mix) , 問使你的天使 ,
祝我永遠失戀 , 達文西密碼 , 潘朵拉的盒子 , 瑪莉與偉業 ,
瑪莉蓮妒忌東方女生 , 聖士提反舊生會校園搖滾 , 舒特拉的名單 ,
生命歷奇 , Don't cry my baby

DVD:
問侯你的天使 , 玩具兵 , 祝我永遠失戀

- - - - - - - - - - - - - - - - - - - - - - - - - - - - - - - - - - - - - -＊”
封面白雪雪,同上次黑蚊蚊唔同!今次靚好多..
上次隻EP果6首歌全部放返晒落黎依隻大碟度..
但係唔收錄玩具兵X'MAS MIX...我想要埋X'MAS MIX喲!!
>~<我覺得好好聽喎........嗚哇哇....