首先上電腦...整d圖之後合埋變成動畫,,諗左成堂都唔知自己整咩主題好
左睇又睇d圖畫,整黎整去都砌唔成一個主題..
臨落堂既時候先諗到::地心吸力....咁都俾我諗到,全靠葉宇澄呀又
咁呢,,其實係咁既..咁我o係photo impact元件設計師見到支筆,
唔知點解見到果支好圓既筆會諗起達文西密碼..= ="我真係唔知點解,,
咁諗起達文西密碼,,唔知點解又會諗起人體奧秘,之後又諗起宇宙
跟住就諗到地心吸力喇...超勁野!咁下堂就要做好我個地心吸力喇>v<

好啦..之後係listening...最容易做既lisening係今次..
之後係maths..要測第五課囉,唔記得晒d英文喎(唔係唔識串,係唔記得成句點寫)
就係咁喇.......死左,之後公民教育,本來想安心睇我既書,
但係肥家o係度抄中史既出貓紙,,俾佢搞到我好混亂..
之後都係成堂掛住將本中史書拎黎拎去,冇睇到飄零燕,更加冇上過堂
其實都叫肥家做d&t啦,,不過佢唔做喎..
咁我小息果陣就好有heart咁問人d&t點做
點知問依家上緊家政果d人,全部都話唔記得點做
問上d&t既人,全部都話唔做喎..."問郭,,佢仲衰,叫我唔好交
咁我就去問小鳳..我睇完佢分野就明要做咩,但係唔夠時間寫囉...
咁落到去上d&t,就係咁做我份野啦,,好在尋日好乖咁冇開電腦
仲好俾心機畫我份d&t同埋溫maths,,(其實maths我係睇,唔係溫)
所以今日唔使咁趕咁做...點知俾林敏話我=0=
成堂就係咁做份野,,咩都冇做過,我連果d窿都未整返好..
好在我轉d窿轉得唔樣衰,所以其實唔整滑佢都冇問題
咁下堂就可以拉釘喇,,good!!咁肥家做唔晒份野
都估到我將會..um.."||

咁lunch啦,上到去就好歡天喜地咁搵小琳琳喇!
因為佢家政整左湯圓,i like it!!佢話俾我食..
咁呢,,今日食銀針粉囉...唔錯喎整得,,不過唔知點解d銀針粉鬼咁大條同粗囉
咁小琳琳d湯圓我就食左兩粒,一粒花生一粒紅豆,正啊!!
小琳琳話佢唔食喎...um...咁呢,,一食完飯就即刻幫肥家做d&t份野喇..
依排好多要畫野既功課,佢果d都唔多唔少會有我份做..
咁我就叫佢請野我飲啦,,佢就話借中文俾我抄=0=都好!
唉也!!好討厭呀>"<咁郭拎左兩條巾出黎轉啦..(係舞蹈組果d呀!)
咁佢地個個都話要玩,咁我都話要玩啦,,點知o係我拎到條野既時候!
肥家話:唔好玩喇!做野呀..嗚嗚..好傷心,於是就俾左馬仔啦..
咁我就睇佢住轉喇啵...肥家又話唔好睇,做野喎...= =
點知做做下,佢自己又o係度睇喎,我咪話:唔好睇喇!做野呀
哈哈XD!我唔睇得佢都唔睇得..嘻嘻...之後我好高速咁幫佢畫晒份野
整好之後,就去左廁所,諗住去完落去拎份野俾亞SIR睇,
點知返返課室果陣,咁岩亞SIR就O係度喇,咁肥家就即拎份野佢睇啦
唉..本身諗住佢落去果陣順便買埋野飲嘛,,依家冇得買LU~
之後佢就去左唔知邊啦..我就坐O係課室度抄中史張貓紙..
美婷渣渣又O係度,就不停同佢講:下個禮拜見唔到你喇..你掛唔掛我
佢又會問返我我掛唔掛佢...哈哈XD!講到好曖昧咁,打冷震
不過鬼叫美婷渣渣咁抵錫..之後我就抄左半個小息喇

然後係MUSIC,今堂都幾好笑既,,可能因為心情好既關係啦,,
我咩都笑喎..平時覺得好白痴既野我今日都會笑囉...>V<
之後中史喇...出貓出貓...亞SIR好信任我地囉!佢以為我地真係好俾心機咁溫書囉
咁就真係多謝亞SIR咁睇得起我地同咁信任我地喇...

咁就放學啦..肥家返到屋企又會出返黎買佢地聽日小學D人去BBQ既野
咁我就返歸啦,,皮就同埋去買野...走果陣肥家問我:你走喇??
我有點兒吃驚,覺得條問題有D奇怪..我唔走仲做咩,
跟埋佢地去買野?係就好喇,,順便俾埋我去一齊燒野食我都唔區XD!
咁所以就走左喇...返到屋企睇飄零燕,好睇..
跟住玩電腦,玩左成晝...留左O係ENJOY FORUM好耐,
都係因為留左去果度不停回覆同D人吹水
我開左個TOPIC,兒時最愛卡通片..
好多心都話美少女戰士..D人話最鐘意睇變身果下
拿!絕對唔係諗淫野,更官既學生好乖既..
不過講真果句,,變身真係好好睇..有人話有種魔存吸引人
哈!XD我鐘意,論壇仲有人話想自殺,我UP左一大堆野..傻左@@

之後,,哇...中史囉,,我又唔知O係度做咩喇,發夢囉...
之後MATHS,,好俾心機計果D數,超簡單,,
應該早D學依課嘛!好過果D英文啦..第五課超麻煩
淨係記式都記到P啦!記英又我又冇咩野呀,係記佢D句子煩
同埋我最唔掂文字題囉...要寫返條式出黎,,麻煩!

之後又中文喇,,然後又係西史喇,,真係橫睇掂睇..
最靚仔既叵主都係拿破崙..而最易認既君主,
係繼路易十四果個有趣樣之後,就係拿破崙喇..
真係喎...拿破崙真係幾靚仔,不過佢唔高..
原來佢本身個老婆唔靚架?但係睇張畫,佢側面都幾好架啵
咁之後果個奧地利公主係咪好靚架先?乜拿破崙咁架...

好啦..之後係I.S...幾HAPPY呀!唔使上I.S室,正合我心意!
放學果陣要去做地理份REPORT..去左圖書館,咁岩今日又想去借書
岩晒我,橫掂今日肥家要去買野..就冇一齊放學喇...
其實本來肥家佢地要去守護天使,不過全班夾埋唔去之嘛..=V=
咁不過我放學留低左,都冇野做,,冇野要我做...我係咁O係度睇書
俾我見到飄零燕囉!睇到書名已經好有興趣,一拎本書出黎一望!
OH MY GOD!個女仔超熟面口,之後望一望封面D細字,
話咩送原著動畫珍藏版人物模型全套,我就知佢地仿照緊動畫版囉
唔怪之得個女仔咁熟面口(當然唔係宮崎駿畫果個,不過好明顯係扮緊)
本書既封面同封底設計好吸引..望落去似漫畫多D,最鐘意係果句:
純真的赤子之心,,重燃人間的熱與愛..依家得第一部
應該仲有第二部,仲有冇第三部就唔知LU...咁即係話我要追囉,.唉..
本身就係考慮到依個問題,我驚到佢有第二部既時候我會唔記得第一D內容
所以諗住遲D先借,但係又忍唔住啵,,結果都係借左..
返到屋企睇下佢邊度出,出得咁靚,同埋又有得送人物模型
咁一睇!哇!俾我估中左,係香港出既..我見佢D公仔同設計
最重要係佢D大標題係用好有香港FEEL既娃娃體..=V=
我就估係香港出喇,,咁香港出既梗係有親切感D
我逼不及待就拎黎睇囉,,不過又係抵受唔住電腦誘惑
睇左幾頁又走左去玩電腦..."

聽日!我聽日一定要拎返學校睇!橫掂聽日有公民教育堂
((廢堂黎既..聽唔聽都冇咩野,最緊要係抄左野,唔嘈就得..公民教育冇咩野聽架姐...
加上亞SIR講野咁慢,又乞我地憎...我地望都廢事望佢,,不嬲公教都係用黎傾偈同做功課
佢都唔知架啦,,淨係話人嘈架渣嘛佢..我有至少5個字俾我睇書,,正!))

另外..我仲見到幾本書,例如魔幻城堡,好似好正咁..
下次借,仲有..我上年FORM 1話借,借到依家都未借既魔戒三部曲..
UM...我諗,,我都唔會借架喇,,雖然我好想睇..但係..但係...好厚..
我驚睇唔晒...同埋就算睇,都係睇左哈波先啦..唉也!>"<唔開心耶!
哈波五都未睇呀,,依家第五集電影都拍喇下化...邊個有,可唔可以借俾我
順手借埋第六俾我丫...

西史堂超無聊...地理更不之...
兩堂英文,,跟住兩堂MATHS,,D數...
今日肥家又唔去練波了...

網上有人話EUGENE隻碟4月出囉,仲要又係EP啵
國語碟會同期製作..都唔知依D野真定假...

丫!今天終於下決心養了隻BLOG寵物,MERO..
不錯嘛...雖然是日文,,我不懂看..可是世上還是有有心人的...
到了MERO的論壇(香港總部那個)去看一看就知道怎申請了
申請了,,命名為--李小藍
之所以會叫李小藍,是有解釋的,很簡單..
是因為看見某人在論壇把自己的寵物命名
XXX,,我是抄他的..=V=!!不知道那寵物的姓氏是否跟他本人一樣
總之就是覺得很可愛,就把我的MERO也跟自己姓了!
而為何叫小藍...UM..是因為那些..小乜小乜
其實是很可愛的(只要在前面加上姓氏..)
所以就叫李小X了..而藍這個字..本來是想叫希的
因為有幾個字我都喜愛使用在名字上,,包括::
希,藍,愛,靈,桐..等等等等....
還有一個..是澄..但絕不是因為葉宇澄,而是我本來就很喜愛這字的了!
那麼..為何不把小藍命名為李小澄//李小橙呢?
因為...有點厭,,而且我不想將來後悔
(除非我能把李小藍養到第二代,我就把牠叫做李小澄//橙啦!XD!)
其實第一時間在我腦海中閃過的字是希,可是李小希...不太好
叫李小愛...李小靈,李小桐等等又不太喜歡
結果,就選了我最最最最喜愛的「藍」字了!!
好啊!!李小藍就這樣誕生了!!希望我能把小藍養大...
更希望我不會放棄你,從今開始我要努力打日記...
快快把你養大...結交多點朋友仔..可以養到第二代,第三代........
小藍啊~I LOVE YOU!!

咁呢..講下d成績啦~就...英文唔係話好勁,ok啦...全班15
中文就ok喎....上到中學都未試過 --- 全班第6
maths...算吧啦...當佢唔存在啦,之後科學呢...廿幾,,ok丫..比我想像中好...
地理,,唔係幾好啦,但都有廿幾,普通話keep住水平,第5,,
仲有music好明顥進步左,由唔係幾掂變成ok,之後仲有...
中史,,唔係咁好都有廿幾,世史,都係廿幾...好多廿幾...
art第2囉,,不過好多人都第2,其實都差左呀比上年,我睇返上年成績表,
我一次28一次29分架!今年得27分,之後電腦都考到第10,公民教育第3,,
體育三十幾,,正常丫...份PE卷低分成咁..家政C,比我想像中好呀...
咁都有十五之上..."仲有一科係咩呢??唔記得添..咁唔講喇,,

MATHS,,係有史以來最差既,,雖然不嬲差,不過都唔使差到咁
好在都有人墊屍底,,唔使死都咁慘,但係都有開心野囉!
中文原來有兩分卷考第一架!雖然唔係最重要果份讀本,但係都係咁上下啦!
上年FORM 1,都係英文某份卷拎到第一咋!下學期既!
今次上學期中文就有兩份第一,雖然加埋總分唔係第一
(頭果幾個我一定打唔低,,做到第六都唔錯..雖然做唔到TOP5.."T/\T!)
但係感覺上好似威左咁,,((係好似..))同埋..
今次收成績表係由細到大最O咀既一次,唔知點解,
總之覺得全部都比我想像中好左咁,,有D仲好得有點過分.."

咁呢,,講返今日家長日,,一去到學校,D人就「的」左我同亞媽去5A班房
O係果度坐囉!坐左勁耐都未見到囉!肥家打黎話不如去同皮食M記
我話未見家長,就叫佢返返入黎啦..之後上到黎,,肥家話去返2D班房等喎...
頂!早知唔浪費時間去5A等啦,,結果有D遲黎過我既見左家長先囉!
全因為佢地係直接入班房囉!之後啦,,等左好耐終於見到..
MR.YUEN就話我MATHS,中史,同地理唔係咁好..
問我係咪唔鐘意計數呀...咁,,我話係啦,佢就問我小學邊間
我話LSK,佢話LSK數學都OK架啵,,係你唔鐘意計數咋下嘛??
咁我話係啦(唔使咁直表呀.."即係擺到明話我MATHS CHEAP啦,雖然我認)
之後就話我最好揀文科,因為唔使計數..商科都OK..唔係計數,係讀理論架姐~
我心諗:唔使你講我一定會讀文科,,因為一來計數唔掂,二來理科學D野我冇興趣
三來,亦是最重要既!我背野好..我中史同世史之所以唔好,都係因為我唔溫書姐..
唔係記唔到野,,如果我係記唔到野既,,我保證呀,,係保證唔過三十分
我就係溫左丁丁咁多書先合到格((世史啦當然係))
之後MR.YUEN超直接喎,問我屋企做唔做家務,咁咪話唔做囉
佢就話唔使做家務就溫多D書喎..依個唔係重點,
重點係佢問亞媽我屋企有冇特別野,亞媽就話我做野慢慢黎,
咩都慢吞吞,"MEMEMOLMOL"咁...點知MR.YUEN超超超直接,,
佢話:都似呀...我頂...>.<唔使咁直接呀..."雖然我認...
之後就話我成日都好似唔夠精神咁,,喂...唔關我事的
我不知幾好精神,咁人地天生樣衰冇計喎...
之後亞媽就乘機話我成日對住電腦,又夜瞓,,唔夠休息時間
MR.YUEN咪叫我休息多D囉,,其實近幾日亞媽都開始話我,
衰就衰在撞正家長日姐..唉..MR.YUEN呀..知你係學生心目中既好老師
(要註明係學生心目中...= =學生心目中依句好重要...)
但係你都未免太士接同坦白喇...唉...最傷心係:LSK數學唔差架喎.....
咁MR.YUEN仲話我只要平均分高2.0幾分就可以考前十名喇(級)
即係有60分就得..咁佢就話希望我下次可以考得更好,
話我應該唔只咁既成績既..可以再好D
(拿!依句岩聽..我自己係得架!爭在我肯唔肯溫書姐,,
我溫書就一定考得好似肥家咁好,係一定!但係MATHS唔敢講啦)
咁最尾MR.YUEN就同亞媽講左話OPEN DAY我帶左班小六參觀既事
仲叫我帶返亞媽去禮堂睇野喎..車...睬佢都傻...

見完之後搵返肥家,,就去搵皮喇,同亞媽講左唔返去食飯...
之後呢,,哇~皮個細佬超勁呀!愈睇愈似超能小子..
樣似...做D野都有DD似...哈哈XD!肥家都覺..
個細路勁用個PAT "BELL"我同肥家囉...(仲俾圓姐姐搞到露底..")
當皮見緊家長果陣真係..."=V=!!唉...唔知點講,
等左好耐終於等到皮出黎(見咁鬼耐既?)之後就去左樂湖搵彭
之後去左銀座M記食野,,差唔多食完果陣見到陳彩同森
佢地冇位,我地走果陣我叫陳彩坐我地個位,佢又話唔使喎...
之後我地就去左戲院買飛啦~哇~正呀!睇犀照!
咁買左2:30,仲有成個鐘唔知做乜囉...周圍行,行行下又2:15左右啦
就入去先囉,,咁呢...我地4個人就夾錢O係優之良品度,
買左兩包[由]魚絲既~就呢我地入到去入面,就開黎食啦..

一開始睇左D廣告,,之後開始做果陣,就有氣氛喇~
好好睇囉!D野又核突又真..又心寒...正到咩咁呀!
D影評果然冇講錯 --- 好有新鮮感..真係好得...勁正呀!
同埋最尾果D好慘呀!特別係張茜...死得好慘..
條賤野阿四..死都好似斷頭台果D咁...我諗原理都差唔多..
一野就甩左個頭喇...仲有,,阿四殺死D追債個阿頭果度
超核突,拎條骨勁隊落個喉嚨度..係我就做唔出喇.."
最尾仲一野卜死左條追債亞頭..之後仲走去拎劉家屋契,
整到靈芝超痛...見到張莤條屍都冇感覺...好野!!
真係慘..馮德倫同個女既果D部分好感人呀>/\<睇到眼濕濕...
如果未睇既話,,我就想講..大家一定一定一定要落足眼力睇火燒藥材店果度
超好呀做得...仲有最重要係睇個阿伯俾人"炆"出黎果度
佢係甩左對腳O係LUMP落黎D野下面架!肥家話似 豬腳喎~
我淨係覺得慘得黎好搞野XD!唉..果度死個台員死晒...好可憐!
仲有!馮德倫斬頭果PART都要睇..仲有!蘇絲條屍俾人搵到果度都要睇
好得呀真係..我睇到「哇」左聲出黎,,真係得!好得!XD!
靚女死左都仲係咁[靚女]..成套戲入面我一共哇左3次,
一次係阿伯甩腳,一次係張莤同亞嬌講佢老公娶唔到佢果個鏡頭(勁心寒)
最後一次,亦係最大聲一次..係蘇絲條屍彈出黎果PART,,真係好大聲咁哇左出黎
今次睇犀照真係好正囉~字試過去戲院睇咁正既戲,
老實講連哈波我都冇依種FEEL..講真丫...哈波坐咁近都冇FEEL囉

咁呢,,睇完岩岩4:10,就去左廁所,,之後就走LU
行到身不乾出面,彭話要搵亞媽,,我就走先,,肥家同皮就返去喇
返到屋企勁望住張成績表囉,,好鐘意果兩隻第一呀>3<
如果係總分第一就好喇,,發達喇~不過放心!我不嬲下學期必升..
係必升..不過我唔係專登讀架...係唔知點解自然會升左囉...

*明天唔使上學..

*明天是家長日呢,,加油啊!!=v=(加什麼油?)

一早呢,又要上普通話啦..之後係英文,MR.YUEN派晒D牌俾我地
就帶我地落去操場等D人黎喇,首先係榮茵啦,,等佢地影完相
就開始行喇,我果隊就首先上5樓,果度浪費時間囉..
之後即落物理室,D人唔肯玩
之後直落ART室,呵呵!好在劉金鳳今次快D姐
同埋最LUCKY係入面個姐姐偷偷地俾左兩粒糖我同狗屎喱
最最最最LUCKY,,直情係O咀既事係..
果個俾我既係香橙味..."無奈...
狗屎喱都跟埋我講野 --- 橙神保佑,奇蹟出現.."
之後再去禮堂,都唔夠時間玩,,加上連我都睇唔到跳舞喎..
然後係小息啦..好搞野!MR.YUEN超好野喎!
佢屈馮SIR請野我地飲,我地全部梗係買晒D勁野啦!
全部買晒汽水,唔貴唔買...肥家話見到馮SIR黑左面
雖然我唔GUR佢(都冇咩邊個GUR)不過又真係有D慘
肥家話佢又唔係俾唔起,,(不過都要一百零幾蚊喎..)
之後我地仲要上中文..都好,,可以逃過唔使上ART,,開心..
中文堂勁騰文喎..早知唔作咁大篇野啦...騰兩篇喎仲要..
之後D人勁去廁所,MISS WONG話我地小息又要飲汽水
哈哈,好在我勁囉,唔使去..之後食飯啦..食完飯又開工LU~
要去接可銘D人..之後又係咁啦,,上完5樓去物理室,
之後去家政室,再去禮堂,冇去ART室,,廢事..
好搞野,我地果隊係男仔丫嘛...成班唔出聲既..
(一睇就知啦,成班牛高馬大..都唔知話係好事定壞事..)
咁去家政室果陣叫佢地整湯圓,D人整到超有型
之後就去左禮堂,都好....佢地好似榮茵班女仔..
玩成晝都係玩兩個攤位,話晒人地都有成十幾個攤位..浪唔浪費D呀
叫佢地玩快D睇其他野又唔肯,,咪由佢地玩飽佢
好在可銘班男仔好D..真係識搵D少人又幾好玩既野玩
最尾佢地係去左玩數獨,,我完全唔識..果日上網玩果D
成81個格喎...低B架..最勁都係過到3行,仲有成6行過唔到
自從果次玩完都唔敢掂數獨...
之後就帶佢地落操場,D人又唔食湯圓喎..係咁玩童軍D野
唔理佢地LU...亞婆超勁!佢直情兜口兜面話:
快D啦!!!!!!!!!唔好阻住我地放學呀!!!!!!!!
之後就行開左...我企隔離..「O」左咀,,好在D人冇理佢..哈哈!

之後上返課室拎書包,唔係肥家提我我都唔記得拎銀包
之後我地去左禮堂睇跳舞..睇左開頭果度,
睇到一半(岩岩戲肉)果陣就走左LU,因為睇過
之後即走去元朗拎野啦,,咁首先我地係諗住行完先去拎野既
廢事拎住周圍行啦,咁我地就去左元朗廣場搵野食
本身諗住去吉野家,不過好似冇野食,最後都係去左美心
肥家想食賴粉,但又冇喎,我本身都諗住叫賴粉,
不過佢話冇我就叫左通粉,肥家話唔買LU
咁我拎左D通粉返黎之後,勁O咀,超大碗喎..18蚊
我同肥家SHARE啦,,其實我唔係好好好想出元朗,
因為唔舒服,想返屋企瞓,但係唔出又唔得.."
依句冇講啦...咁呢,,同肥家食完之後..就行左陣..
行,,係咁行,行得好慢...(好彩咋..如果唔係攰死我..)
之後5點幾就去左聖安娜喇,,哇~個盒超大...浪費!唔環保!!
拎全行街係勁樣衰囉!!根本唔需要用咁大個盒,之後肥定話好樣衰
我就幫佢拎一拎啦..個野又重..我地就話重既就交換拎一拎啦
我話最多搭車果陣幫佢攬住,,呵呵..真係好人..其實都真係幾樣衰架..
咁最後都冇計,要拎返返屋企啦佢..走之前行過7-11,
佢請我飲左盒芝麻黑豆漿>﹏<好飲呀!我最鐘意既芝麻黑豆漿呀~
不過我咳,凍野唔飲得,拎返屋企過幾日先飲
好似係7個幾兩盒嘛,,我請佢食通粉,佢請返我飲野,無數啦~
哈哈,,話時話,聖安娜個盒就真係...好唔掂,
又懶係色彩繽紛,個手抽位又難拎,又大個盒...= =a
不過又好似真係幾好味咁..

今日成日都冇咩點上堂..超正喎!
可算係咁耐以黎最舒服最正既DAY3,難得難得...
咁一開始係兩堂MATHS,本身都冇咩野,
咁之後甘SIR問有冇問題..大家話冇
之後佢無啦啦彈句野出黎:冇問題就上5樓
好O咀囉!全班咩事都唔知喎真係...
咁我地都唔知咩事,有人問佢使唔使拎書
點知佢話:是但拎一本上去喎..."甘SIR你係得既!
之後上到5樓,睇超人特工隊喎...睇過,冇咩興趣添
肥家更加睇過啦...佢點會冇睇過呢可..可~
咁我地勁悶囉...雖然係幾好睇,不過就真係悶
睇睇下都冇同肥家一齊坐,我扒左去另一邊枱度睇
肥家就瞓著左,,咁之後第一個小息啦,未睇完
甘SIR話下堂中文都係佢喎...所以我地落完去小息
又上返去5堂喇...又睇啦!之後睇晒岩岩好打鐘喎!
勁準D時間,咁就落左去上中文堂啦,,都冇咩特別野
之後英文,更加唔使上,MR.YUEN勁講OPEN DAY既野
講足兩堂,臨尾仲帶我地落去行一次添..
之後LUNCH,然後係科學,科學都唔差喎!!
首先係落去地下睇水火箭,同埋水火箭車.."||
勁好玩!不過親身落場好似好玩D,,
搞到我又諗起之前小學玩果陣添!雖然果次冇拎獎,
但係話晒我果件咁既樣既水火箭都揀左出黎去到最尾個比賽丫!
咁呢,,勁好笑喎..D人上緊PE堂,鄧SIR都O係度,
但係鄧SIR果邊有排都打唔到去既老遠,我地放水火箭果陣佢驚喎.."
無奈...之後上返IS室先叫上下堂咁,不過我地上到去最尾都係睇片
又俾時間我地HEA喇..勁多人扒晒O係度囉..成班死屍咁

*明天OPEN DAY,,成日都唔使上堂!>V<

咁呢,,今日返到學校,都冇咩野既..
咁過左一日啦...lunch果陣勁白痴XD!
愛死小琳琳,,

咁今日送左D野俾肥家,本身諗住佢會覺得厭
點知佢仲好開心咁..=0=意想不到!
佢仲話少添.."勁O咀...不過唯一我冇俾既就係朱古力,
原來佢仲想食,,好似食極都唔厭咁囉..
嘻...早知俾埋朱甩佢啦...但係我俾佢D野既份量都唔少丫
仲有D草餅,佢好似想食荔枝多D,早之唔話俾佢知啦.."
不過我俾得佢既就一定係正架啦!我揀冇錯架喇!XD!

之後放學果陣,本身肥家話想去睇....
但係去唔到囉
之後我返到屋企同佢傾電話,先知原來真係諗住...
我聽完都「O」左咀...真係估唔到囉!
仲諗住佢真係吹下架咋.."

我今日都收到13個人左右既朱古力,其實我都唔係好記得到底係咪得13個
應該係唔只架嘛......= ="
我尋日放學無啦啦就收到一粒囉,,不過唔詳細講
因為太離奇,唔知點講...真係太恐怖,今日同肥家講佢都係咁話呀...

咁今日返學搭完[[車立]],o係大堂見到cc2,佢即俾左粒朱甩我就急急腳走了
o係輕鐵站,見到小令d同佢個fd,兩個都俾左我
連佢個fd都有俾,真開心..我就俾返兩粒雪吻佢地啦
返到學校...我叫馬仔陪我去廁所
首先係見到珍,佢話俾糖俾我地
咁我同馬仔照左陣鏡,就走返課室啦..走之前珍叫我地去2b搵佢
點知我地行到2c課室門口先記得...我就即刻拉埋馬仔行返轉頭
咁岩珍行左出門口,我拎左包彩虹糖,之後返課室,
諗住去locker拎野,搵緊鎖匙果陣,鐘詩俾牛奶糖我
去廁所果陣我見到肥家同小琳琳去"逗"朱力食
我返到課室佢都o係度,佢話睇下佢櫃筒..「o」咀喎
之後小琳琳都俾左粒朱甩我..
之後maths堂果陣,肥家話甘sor好心急.."||
哈哈..勁好笑,可能同mr.yuen有關!佢見mr.yuen咁扮野
就諗住...哈哈!!!XDDDDD!!!我地都覺得佢好心急..."
好失望,對吧?!*今日學生會都有俾朱甩,我拎左綠茶,最後一粒落左去我手上
好野!三隻雪吻一個節人節食過晒
士多啤梨果隻係我自己既...原味係CC2俾既
肥家都係拎綠茶,我食左先啦,好味好多,佢話留返放學先食
D朱甩都唔捨得食..........佢放學果陣都唔係幾捨得食,
但係我O係學校都食左一半喇.."但係美婷渣渣果粒我真係唔捨得食囉!

之後小息分別有雅文仔同美婷渣渣俾左我...
LUNCH林敏俾左我,不過我得返D雪吻,佢又話死都唔食草莓味
我就話聽日補返俾佢..咁我唯有俾小琳琳啦
小琳琳又話佢要多粒...我梗係唔俾啦...>V<!衰野~
之後呢...我仲好似係收到D人既...諗下先...仲有架啵..
不過真係唔記得...數下先..="=a
珍,雅文仔,美婷渣渣,鍾詩,小琳琳,小令D,小令D既FD,CC2
仲有...仲有...仲有邊個呀???
果粒萬樂珠同金色包裝既朱甩係邊兩個人既呢?
即係依度十個人啦..跟住放學返屋企又見到陳屎同麥麥J
陳屎係第一個由老遠走過黎俾朱甩我既人..
而麥麥J,就係我屈返黎既...=V=鬼叫佢六年班果陣爭我D野
之後行過大公園果陣,見到PHI同佢兩個FD,
我俾左粒雪吻佢,佢俾返我,之後佢兩個FD我都係唔識既
但都有俾野我,一個俾朱甩,一個俾糖
咁即係話...十五個人啦...
*其實唔只依D人架..有D冇講,>V<佢地不便開名
其實我係收到19粒糖+朱甩

好啦,,講返今日做過既野啦...
今日O學校都冇咩特別野既,,只係好攰囉
LUNCH果陣,就同小琳琳佢地傾計啦..
傾傾下講朱甩,我就話::
哈哈!你地睇下我果個朱古力!!(手執美婷渣渣的朱甩)
小琳琳睇見就一手搶去睇...之後佢好搞野!
指住壁報板方向話:哇~你睇果邊~!喂!你睇下先啦!!哇!果度呀果度呀!
當然!~我唔會俾佢呃到!!點知林侯佢地又加入戰團!
同小琳琳聯手呃我舊朱古力!
佢地3個一齊指住壁報,之後肥家都學下佢地
不過佢指既係NOTICE BOARD囉...
之後小琳琳又係果句:你死架!個個都指後面你梗係都指果面啦,
如果唔係咪知係假囉!
之後肥家話:咁我唔就手嘛...
=.=無奈..之後我都係拎得返舊朱甩,,好正啊!我會留返最後先食!
咁地理堂去左睇片,,好睇呀!不過D背景聲好沉重,
搞到我有D心寒,加上我又攰,最終就扒左O係度睇喇
之後MUSIC,,然後放學啦
就陪肥家去元朗,又去左聖安娜,我終於買左D包喇
又幾好味喎...果個咩芝士咩咩吞拿魚咩咩最好味!
咁呢,,完成左個工作之後就行左陣返屋企LU

um..頭兩堂P.E,羽毛球,,或者打排球,波唔岩我,就上左去禮堂打羽毛球
不過我好耐好耐冇打羽毛球,,失晒準,到臨落堂果陣先似返D樣
但係我依然係開唔到波,睇黎我又要搵人同我去打下羽毛球喇...
我開波唔係開唔到...不過,係人地睇唔到既情況之下..
MISS WONG望住就連打都打唔到個波,唔係賴MISS WONG,事實係咁嘛
咁本身同肥家,小琳琳佢地打果陣,心理壓力又大喇喎
又唔知佢地打得幾好架啦...小琳琳都話佢係十項全能...咩波隊都參加唔少.."
咁冇野玩啦,,當有勁人o係度,好自己唔想自己郁手,,
好似排波咁,,我見小琳琳咁落力...咪打打下淨睇佢地打囉
點知係咁俾小琳琳一路打波一路話:你死架?!?
打羽毛球又係...唉..咁鬼叫你咁落力麼,,咁我見係落力,
我又唔郁,你見我唔郁,就更落力..之後打打下,,我自己走左去側邊喇,,
好似唔知點咁,又唔係打...咁所以得小琳琳一個對肥家同郭兩個
打打下肥家話過去幫小琳琳,琳問有用咩
肥家就話有啦...um...好奇怪既一條問題..
之後小琳琳同肥家勁打勁打,郭飛身救波...(講到個畫面好優美咁..")
雅文仔就走過去問郭玩殘未..."

之後呢,,肥家果d冇打啦...我就同美婷渣渣,屏同雅文仔打喇
點知..點知...我開左一次波咋,,之後果幾次都開唔到....
但係冇人理我果陣(即係d人左望右望果陣)我又開到喎
搞到係咁俾美婷渣渣話我等埋佢先開波...
咁但係佢睇住我我又開唔到喇,,勁樣,就係因為咁,令我心機冇晒..
之後我連波都懶得打,是但拎起支球拍就扮接唔到.....
(當然有D係真係接唔到啦)但係咁樣運動量都唔係勁細果d
我打完之後落堂,隻腳勁酸,肥家就話隻手痛..
我話我依家未,可能聽朝先識痛..希望唔會啦

之後中史堂,,好白痴...亞sir仲係咁風趣呀.."風趣...""||= =
然後maths,,冇咩野..d數超難
之後中文,都冇野,西史..馬sir...仲係咁白痴
之後係兩堂IS....唉...都幾好玩丫!玩果個兩塊有碌既板
不過小學果個好似好玩D,因為係兩個一齊互推,一齊放手,
一齊彈開架,,今次就一邊推...唔好玩既..

放學MATHS補測,,即係唔好話我話啦...
份咁既卷連我都覺得低B..都唔知做黎有咩意義
一張紙兩頁,,份卷一派就聽到招話:咁簡單既!
我望一望,,哇..低B呀簡直
我唔敢話我實岩晒啦...但係一定過75啦下化...
之後最好笑係,我地全部人都O係搭11左右做完份野
全部人扒晒係度,勁悶又熱...
個教學助理又係咁叫我地等下,,我都想走呀!!
死白痴份野唔使咁多時間啦,,浪費時間
全世界齊齊白白咁等果15分鐘流逝...超...
等到我地勁唔耐煩,,我咪O係度發脾氣囉自己一個
D人又嘈喎(梗係....全部係....果班啦!我地班D人好靜架!)
煩到死...等左3個字先走得,,份卷CHECK唔CHECK都實合格,
CHECK黎都廢...之後收左卷即走囉

哼!我下次一定唔使去補測!我講既!!(考試唔敢保證)
如果我真係要補測...我決定唔睇一個月葉宇澄既報導
(唔係容易架..")同埋唔聽葉宇澄D歌一星期!
(依個EASY啦....>V<除非佢果排有新歌)

本來她叫我2:30出門,到達就是3:00,應該剛好完場
可是我又遲到了...我遲了半個鐘出門,,
3:00才出,不知為何總有預感她不會這麼快完場..
所以便慢慢來....怎料到達後,她們才剛完場
那時3:30左右吧...在朗屏體育館門口,
本身都只是看見兩個熟口面的物體面向我走來
我看不清楚,因為沒有戴眼鏡..我走近了兩步左右,
突然其中一個說:哇...你有冇遲d呀,,完場先黎...
那時我看得清他了,原來是蕭家東...
我說:我就係等完場先黎
他說:唉..等完場先黎喎...
我說:我等人咋喎...
不知道他有否聽到這句..

之後我入去,,不知道她們在哪,是否在更衣室,如果是,
我又應否下去呢?就在這時候,一班天官排波隊的物體突然衝出來
那時場面何其壯觀...嚇到我了...
首先看見我的是郭,之後是小琳琳,她說:咿?唔好意思呀,趕時間
就跑開了,之後是肥家,她看見了我,但又沒時間跟我說話,又衝走了
我跟著她們走下去更衣室,
肥家又做最慢那個了!她們說miss mag請食m記
她們就好了!等她們走,我又跟了她們到m記
肥家和蟹,小琳琳和崔,我坐同一枱,吃兩個麥樂雞餐
蟹不喝東西,肥家叫我喝,
我坐著聽她們說話,吃東西,肥家見我不吃便叫我吃..
感覺好似有點怪怪,,miss mag坐的地方可以看到我
我又不是排波隊人,吃東西好像有點不知怎的,
可是反正就不是每個排波隊的人也吃一個餐,
就當是吃淨的給我吃吧!

之後蟹和肥家談森米[[禾多]]動的內容,我又可以搭嘴,
勁好笑!昨晚知道germen生了個女,他們就向獅子山方向大叫:
晴晴~叔叔抱抱,大脾唔好粗~
之後leo他們說:哇,,d燈著晒!!快d走呀走呀..
哈哈XD!好白痴...

之後就和肥家出了元朗,到聖安娜
哇,,東西很美,好像很美味...
本想買幾個包包,可是又好像不太好
看了看,,肥家說遲幾天再來
之後就四處逛....接著就回家了

肥家真的來啊!好!做得好!我就可以不用浪費車錢及時間去她的家或去行街了!
每次也是去她的家,真有點不順!!="=
今次她們終於可以來了!

早上我就起來準備了...(準備什麼??= ="||)
之後肥家打來說她正在喝茶,皮就練BAND,遲點放
當皮放學時就來銀座找她,再一起去身不乾租碟
然後再來的家裡去..

等了又等...她們終於搞定了!她們租了B420和怪物
好啊!怪物我想看啊!!
我說想買午餐,皮就說她也想,
上來的家前到M記買,順道也幫我...
之後她們又去了裕記買東西了!
打上來問我想吃什麼,我說就買包明輝蝦片就好了!
之後她們上來了,就先看怪物,,我和皮一邊吃M記
一邊看戲,,皮稱那個..什麼..叫做寶座,
肥家走過時坐了下來,皮勁大反應說:嗯!?!?你做咩坐左我個寶座呀!!>0<!
肥家說:車!你都冇皇冠..
皮說:你有咩
肥家:我冇喎!
… … … … … … … … … … … …(沉默)

肥家說那男孩(飾舒淇兒子--子路)像原島大地,
我覺得這個比原島好啊!
之後看B420,唉...好慘啊MIKI!>3<

之後我們就去了頌富走走..幫馬買冷衫
再陪肥家和皮走到身不乾還碟
接著等肥家買完雞蛋仔就回家了
要自己一個走路回去..真是...什麼的..

說說今天看的碟吧!第一隻,怪物...
唉....真是個悲劇...方中信--慘!舒淇--慘!
林嘉欣--慘!舒淇個仔--慘!
全世界人都慘!!>0<!!!!嗚嗚嗚........

之後是B420,MIKI又死了!開始時有點點的好笑
之後開始深奧,之後是慘...
MIKI又是懷孕了,,之後又是死了!
為什麼MIKI什麼戲也是死的?
電視劇是,電影也是...
爭分奪秒--死!二半三更之餃子--死!B420--死!
死吧!!MIKI啊~每次也是死得很慘很不值的!
不要告訴我她跟方力申拍的戲,MIKI是做鬼啊?
如果是,實在是太過分了!不過看她的打扮,應該也是的.."
MIKI有什麼戲是沒有死的?有..不過是之前的...
包括九個女仔一隻鬼,百分百感覺等等
MIKI...唉...我不想這樣啊!MIKI你是最好的,你知道嗎?

*明天看肥家排波比賽最後一場!

明天皮和肥家來我家看碟碟...
好啊!她們多次說要來我家都因某些原因令她們不能來
今次終於行了!>v<希望肥家不要反口就好了!

明天應該看紅鞋咒..(不一定看,只是提議)
而b420就一定看,,因為我和肥家都想看!
而且有MIKI做啊!XD!好正啊!之前我們已經想看的了!

今天的事都忘了..就這樣完了!