仲有一日,你既堂家姐,珍姐就會落黎...

仲有!就係仲有兩日,冇錯係兩日!
你就會見到你心愛既偶像,葉宇澄..Eugene!
請發表一下你既感受::

Hello,大家好,我係Lee呀!um....我覺得好興奮囉而家,
非常之振奮呀!覺得...好緊張同埋好期待囉
我指既係見到eugene呀..可以出function見到佢呀
不過我又好傷心囉,因為要知道我住天水圍咁偏僻呢...
出到咁遠,交通費當然都幾昂貴,不過為左eugene都幾值得架!
但係我希望d歌手唔好再次次去到咁遠啦,
因為都要照一下我地依d住o係深圳對面既天水圍人
同埋雖然可以連續3日見到eugene,不過......我諗我八達通...
um...我諗我要拎定100蚊散銀去準備買車飛搭車啦,
我會放棄用八達通,因為9月要返學用架..
同埋費事亞媽問啦..um..點解要拎100蚊咁多呢?
因為去一個地方就要大約30蚊,咁去3日就差唔多100,
而12號就要去埋會展,咁我諗我遲d先夾返的士錢俾俾錢個人啦

好!唔該晒自己架下,咁今日既報導就完喇,多謝自己收睇!聽日見啦!
um..我指既係珍姐..

yo~就快見到eugene喇!yo!聽聞會彈琴呀!好野!
第一次睇eugene彈琴!一定爆正呀!唔知會點呢!
不過呢...12號o係尖咀帝國聽完佢彈琴,
就要o係半個鐘頭之內過海去會展個美食博覽
實要搭的啦!唉..不過一定好鬼激架!哈哈!XD!
同一日,eugene仲好似會上萬世巨星個節目呀!
如果係就好喇!我鐘意呀!>3<雖然我依家好少聽少爺占同donald,
不過有eugene,實聽呀!但係我驚趕唔到返屋企聽呀!
因為美食展4:00幾完,萬世巨星就5:00-6:00就搵佢上去,
即係差唔多半粒鐘之內要返到屋企,係超高難度架!
搭的士都未必趕到啦...點好呢?唯有拎埋個收音機出去啦!
(耳塞果個啦當然係)不過呢,西鐵好似有段路收唔到架喎!
唔知係..好似荃灣西至錦上路//元朗果度唔係幾收到,
咁咪聽唔到開頭果d囉?!O口O!唔好呀>"<
咁之後第二日13號又要去中港城,14號就去朗豪坊,
連續3日都有function,我想去晒呀,不過我諗都幾難
朗豪坊果日應該有好多歌手去架!>v<可以見到咁多歌手
其他歌手既fans實好激啦!不過都唔關我事,最重要係有eugene嘛!
咁...I love u boyz做mc喎...我諗應該幾好笑既..
實好好睇啦!不過eugene 4點幾先黎,
咁晏...唔知趕唔趕到6:30之前返屋企啦!

11號珍姐又黎喇喎..唔知使唔使陪佢,
如果要,就出唔到function喇!>口<

*之前話up d盛莊天下既相上黎,我依家up喇!勁好笑呀果集!
大家可以上依度::

http://teenpower.rthk.org.hk/program/3u/

聽返咁多集既節目重溫
唔使錢架!!^﹏^好好笑架!!全部都有eugene做嘉賓
就算唔鐘意eugene都可以聽架,因為係一個網上電台節目
係香港二台架!收音機冇得聽,不過有片睇架!可以去返what's up度睇返d片
係半視像節目黎架!過左今個暑假,都有得聽,
不過唔再係summer special喇,即係冇eugene同埋半視像既片睇lu!

                          - 賣廣告 -

盛莊天下
縫星期五晚上11:00-12:00
香港二台　網上電台
主持:Eric,天頤,Fion
Summer special嘉賓:葉字澄
連續八個星期五,都有eugene陪住你!哈哈!>﹏<
對於一眾eugene fans黎講,係好正架!
其中有一集仲有王浩信,鐘意佢既都可以聽下丫...
15/7 , 22/7 , 29/7 , 5/8 , 12/8 ,19/8 , 26/8 , 2/9
依八個星期五,就會有得聽!大家記住聽喇!^^遲D就聽唔返第一集架喇!

王浩信果集好搞笑呀!!!!!eugene又輸左喇!!好慘!
次次都係佢輸,都唔知係咪做馬架!>"<
最好笑係天頤話eugene件衫:咿?係蒙娜麗莎畫既達文西呀!
之後eugene同王浩信咪係咁講:依個咪係蒙娜麗莎畫既達文西密碼?
XD!勁好笑呀!最最最好笑係天頤都唔知自己錯咩...呵呵!
最尾輸左既EUGENE同王浩信就要捽冰,鬥捽冰,
係EUGENE輸左架..唉...EUGENE...唉...都唔知講咩好
王浩信話自己最熱既地方應該係格肋底,點知佢真係放落去整溶佢喎...
而EUGENE就堅持要用手捽,但係最尾都係唔夠王浩信多水...
唉...唔知天頤定FION仲話...好似係天頤,仲話EUGENE係吸水豬豬
至於點解就睇片喇!XD!好介紹黎架!

王浩信果集d相:

*大家留意,EUGENE件衫上面既就係蒙娜麗莎畫既達文西密碼喇!!!XD

*大家留意,EUGENE個LOOK係好得意架!一大舊野咁,係咪好CUTE呢?

*大家留意,依度就係捽冰喇!睇下EUGENE個樣...咁落力都係唔夠王浩信黎..唉..

*最重要係大家要留意盛莊天下既主題曲,係EUGENE作同唱架!好好聽的!
唔係因為鐘意佢先咁講,咁真係好聽嘛...好有SUMMER FEEL架!

　　　　　　｜

　　　　　　｜

　　　　　　｜

　　　　　　｜

　　　　　　｜
　　　　　   \/
拍戲呀!XD.."同埋練舞呀!哈哈!
佢跳舞?好想知跳咩舞!一定爆型啦!好期待的呢!>V<
同埋佢拍戲喎...!係拍戲喎!咁大件事,係拍戲喎!超勁呀!
出道幾個月就有戲拍,YEAH!勁勁呀!>﹏<不過佢要7:00開始拍
太早喇,咁佢咪要好早起身?一定好辛苦喇!唔知佢拍咩片呢?
如果拍鬼片實笑死我呀!因為佢拍鬼架!哈哈!不過都冇咩可能喇!
我諗佢拍愛情既話,實超正呀!一定好浪漫的!
如果拍笑片,就更加值得睇,雖然我好憎睇笑片,特別係無喱頭果D
不過佢咁得意,如果真係拍笑片,實勁搞笑既!我仲會落足眼力睇呢!
MILLIAN話想佢拍武打片喎..."因為好型,我就覺得唔係好岩佢喇
因為佢係得意既人黎丫嘛!XD!咁.....講返佢跳舞丫..佢會跳咩舞?
無啦啦點解要跳舞?咁..一係就學跳舞,係培訓黎既,不過....
有可能係有新歌派台..!不過都冇咩可能喇!雖然我好想,
不過岩岩先出左碟,邊有咁快....你估TWINS咩.."
我諗返,成隻碟既歌,得舒特拉的名單可以跳舞咋喎..
達文西同潘朵拉..係之前既歌,冇可能拎返出黎跳掛?
我諗都係培訓果類啦....不過佢又要拍戲...辛苦晒=V=
俾心機喇!呵呵,,,YES仲話佢會去朱古力獎門人首映,咿...好衰呀!
我又想去呀!不過夜晚唔去得!!!!我要EUEGNE呀!>口<!!
如果我識既人會去,叫佢地影多D相俾我先...!

好喇!之前唔記得講,我睇返盛莊天下喇....好搞笑
EUGENE超得意超CUTE呢!>V<好鬼死得意呀!!!
次次都笑爆我地個咀,不過未來最新今個禮拜果集,遲D先聽,
聽講話最近果集好好笑喎,,,咁我要搵日得閒果陣聽先得喇!
我睇到TEEN POWER D相,見到EUGENE俾王浩信整到個LOOK勁好笑
哈哈!佢著左件有蒙娜麗莎樣既衫,王浩信一定係知EUGENE唱達文西密碼,
所以先搵件咁既衫俾佢啦!!真識做呀!我見EUGENE行出黎果張相勁好笑,
一大舊野咁...我都驚果度唔夠位俾佢行,佢前面果個應該係FION,
不過都係EUGENE搶鏡D...我遲D POST D相出黎丫,勁得意呀有一張..
我第一眼望就笑死左我...XD!

星期一黃亞袓生日,都未買禮物俾佢....到時先算喇~
原本仲有好多野講,不過我已經唔記得喇...
(*因為我依篇日記,大家可以睇返刊登日記,係八月八號...
係之後POST架,所以就唔記得LU~=V=)

丫...今晚頒獎禮喇!要開收音機呀!
我見其他冇去會展既eugene fans都上晒網話好緊張喎
當中其實都包括我既...唉..eugene有獎拎啦!
我一食完飯就開收音機囉!果陣7:45
我一開,新城已經有人講緊頒獎禮既野,不過未開始架下...
之後一到8:00,d歌手就入黎喇啵,之後等到8:10就正式開始喇!
yo!一開始就搵晒d新人出黎唱歌啦!當然包括eugene呢!
超勁爆正呀!不過有d唔夠氣,不過潘朵拉的盒子咁難唱
唔緊要呢!好勁呀!8:00果陣我勁緊張囉!好興奮唔知eugene會拎咩獎架
點知一開始就唱歌喇!勁正!之後一路頒獎頒獎頒獎...
但係都唔見eugene再出現,好unhappy呢..*
之後去到11:00我就去左沖涼喇~我已經超勁爆快咁沖,
兩個字連埋刷牙,之後即返房聽埋收音機,
但係我一聽,係劉德化...o係度唱原來我有愛~
唉...之後就做完喇!果陣11:10
唉...我既eugene!點會冇獎拎架!?都冇俾新人獎!>"<
我其實聽聽下都覺得佢唔會有新人獎果d架喇...
唉...希望到左出年,eugene會拎到唱作人獎//d國語歌可以入到圍....
即係咩新城國語力歌曲囉!聽講佢好似....好似話準備緊錄d國語歌呀?
話進軍內地市場呀?聽盛莊天下佢好似係咁講,唔知有冇聽錯呢?
如果係就好喇!可以o係出年既新城國語力頒獎禮拎獎!年尾又可以拎國語歌獎!
咁就man爆喇!好野!eugene萬歲!>3<

*millian應該去左頒獎禮呀!佢就好啦!咁high!>"<羨慕羨慕,
原來佢未見過barbie耶~仲以為佢見過添...

其實今日都冇咩講.....空中喱民好搞笑囉只可以話
我依家鐘意聽空中喱民多過架勢堂,因為真係好笑,
雖然空中喱民係講白痴野,不過真係好鐘意聽囉
今日同聽日既在晴朗的一天出發
會有亞喱,代左谷德超,唔知谷德超去左邊,
哈...朝早一起身又聽到佢講野,夜晚又有
不過下星期一谷返番黎,而亞喱夜晚就去咩amp度做節目嘛...
因為要選dj...我都唔知點喇唉...總之就咁啦,冇咩講

丫...近排整左好多迪士尼icon放上論壇,反應唔錯喎...
我仲發現自己開始有d鐘意belle喇!好鬼靚女呀佢!
又聰明!好似果d咩白雪公主咁,樣衰又白痴...
好煩呀佢,成日唱歌,又唔係靚,又笨,
人地俾蘋果叫佢食又食,邊有人咁豬架...唉...
disney公主之中我最憎係佢,正確d黎講,應該話得佢係乞我憎架姐
仲要勁乞我憎果隻添...都係belle好!又靚又叻又善良,
至於cinderella啦,雖然o係我心目中唔夠belle靚,但佢好有貴氣囉,
同埋d公主之中佢最似西方心架之嘛...金髮藍眼,
所以令我有少少覺得佢個樣恐怖添
不過佢可能因為似西方人,所以令我覺得佢好有貴氣啦~
同埋佢條裙好高貴囉!不過都係belle好XD!
我遲d放部分icon//圖上黎丫...雖然整得唔靚,
不過d公主(除左果個咁既白雪)真係好正!好靚!
本身對disney既野冇咩興趣,不過近日突然心血來潮,
想整d icon放上論壇,就諗到整disney既icon喇!
其實一早就有咁既念頭啦!(整野放上論壇)不過近日最得閒,
所以依家先整囉...又撞岩disney hit嘛近排...

唉..東張西望又冇eugene,報紙都冇
過份喇!我愈黎愈覺得果日eugene係跟jolin衫尾走架!jolin都冇做訪問,
eugene更加冇,咁做唔到訪問問冇野播出街
所以就唔播喇!一定係咁呀!一定呀!>"<咁難得有機會o係電視見到佢,
竟然唔播?!咿.....>口<我唔制呀....嗚嗚..

*我買左monday喇!!好野!cut左出黎lu!yeah!yeah!
當然都係讚eugene架啦!上新浪網睇碟評,都係讚佢架!
佢唯一俾人話既就只得國語發音問題姐...呵!幾好呀!勁啦~
俾心機啦eugene!一班fans支持緊你也!
除左fans,仲有唔少唔係你既fans既人都睇好你年尾會拎獎架!
唔好令我地失望啦!嘻嘻...*

肥家幾時先返黎呀?好掛佢呀都...米仔又走埋,搞到冇街出添
日日玩電腦,玩到發臭喇...

咿...*好衰呀!!!!!!東張西望唔見eugene!!報紙又冇講....只係jolin既報導當中,
有一張細相....仲要唔係講個funz架喎..激死我!我本身都諗住cut埋張相出黎,
不過諗諗下都冇咁做,因為一來唔記得左,二來覺得唔關eugene事,所以冇cut
希望聽日東張西望有eugene啦!

我8:00見家姐出左門口返工就即起身,之後o係廁所搞左好耐都唔捨得出黎,因為唔知做咩好,咁早又冇電視睇,又冇理由玩電腦,聽eugene既碟又好似唔係幾岩時候,因為咁早..我亞爸又瞓緊覺,於是我就睇李牧童既書啦...咁到左九點幾,亞爸起身,我就仲睇緊書,佢問我做咩咁早起身,(因為我之前係11:00先起身既)係咪出街,我話係呀,佢問我係咪約左人食飯 ,咁我咪答係囉....佢問我有冇錢,我唔知點答,因為我梗係有錢啦! 不過又想佢俾錢我(我認我貪心..)我冇應佢,佢就俾左100蚊我,佢叫我找返俾佢 ,我今次好乖係想找俾佢架...我諗住返黎果陣找返60//70蚊俾佢, 之後我就洗頭,吹頭果陣hebee打電話黎,佢問我出門口未,不過我遲左都未出得門口,我就話就快出,跟住好快咁收線,梳頭,即出門口 ,不過仲係遲左出門口,其實我本來可以早d出門口架...不過吹頭吹耐左,好彩我尋日話10:15出門口係預早左時間姐,其實遲少少10:30都ok,咁我就10:35先出得門口,我都驚唔知自己預時間有冇預錯,咁我就即衝去塔輕鐵,跟住塔西鐵,勁心急囉,因為去到西鐵站都10:55,我約左hebee11:00到家嘛,咁我上左西鐵,一路好心急,我去到錦上路就打電話俾hebee喇,果陣11:00多d,我電到俾佢之後問佢到左未,點知講講下無啦啦cut左線,可能係入.....係咪遂道呢?咁我就算啦....

過左幾分鐘之後去到荃灣西站喇...我落車即打電話俾hebee,我地搵左一陣先搵到對方...出左站之後佢話我都幾靚女,我都唔知講咩好=v=" 正常黎講,我絕對唔會話:"當然啦!",咁平時我會唔應佢,或者話,係咩,又或者係:"唔係呀嗎.."咁我就答左佢:"係咩"(係好平常既語氣)咁之後係一陣沉默,冇咩話題,我話要去7-11,咁岩經過丫嘛,我果陣勁口渴,又聽講話今期yes有eugene既碟評,我就想買,我去到之後搵唔到yes,就買左支水,之後去到荃灣廣場,食m記...食晏啦即係,果陣11:40呀好似係...我食食食,佢問我去過果度未,我話去過一次呀好似,哇..我地去荃灣廣場果陣勁勁勁大雨呀!大到咩咁...痴架..!整到我地d褲濕晒,,,鞋又係,連襪都係咁...勁濕,直情係feel對鞋裡面有d水浪下浪下咁呀...勁舒服又難頂...總感覺好得意,不過好奇怪囉...我地諗住去買襪既,不過就去左廁所整乾對襪先,咁整乾之後我地諗住去吉之島睇下有冇襪,不過未行到入去就改變左主意喇,因為好似好貴咁,咁之後我地冇理到就去左食野lu,我地搵左一陣先搵到,因為原來去m記仲要上多兩層,我地上黎上去都係上得一層..."之後坐定定我地就講左好多野,佢之前叫我拎隻碟(eugene隻碟)俾佢睇,咁我食野果陣即拎俾佢睇,佢就話影到佢好靚仔,話抵買,因為佢未買,又冇錢,今日又拎唔夠錢出黎,所以冇買到...

咁之後我地食完野岩岩12:30,即走,因為1:00要去到葵芳地鐵站,我地落到地下都塔8喇,咁我地勁急咁走,係咁行行行,果d亞嬸又o係新之城出面條天橋中間企,派單張,果度又多人行,阻住晒.."咁我地好快咁行左去荃灣地鐵站,果陣都12:50,唉...幾驚趕唔到,好在我地去到地鐵站買完飛,落電梯就見到有車,我地衝啦即刻,上到車,好快就到喇,塔幾個站,o岩o岩好1:00之前到,12:59,我地去到,見到好多人o係健康工房出面,因為d人話係果度等,都唔知邊個先係,好在其中一個人話俾我地知係搵邊個(佢都係eugene fans)原來果度絕大部分都係eugene fans,好搞笑...左面幾個人,右面幾個人,果度有d人,第二度又有d人咁,分到散晒,個個自己有自己講,我同hebee去到都唔知點好,跟住我地去左搵人啦,佢地問我地係邊個,我地答左佢地之後,佢地搵唔到我個名,因為我係之前一日先話去,因為我之前冇add barbie icq,個人問我叫咩名,我講左,佢諗左好耐之後話記得喇,原來之前一日係佢add我唔係barbie add我,佢話因為barbie好唔得閒,所以由佢黎add我,佢話張list冇我個名係因為張list係舊list,遲d加返上去,之後我地上到去新都會就上樓上..

過馬路果陣好搞笑,因為d人行得勁慢,咁gary佢地又帶頭,相隔好遠,我地hebee行得好快,因為見到有架車衝緊埋黎,d人仲慢慢行,gary回頭一望,見我地行得咁慢,叫我地行快d,個場面好搞笑,因為佢可以話係行到過對面馬路,見我地咁慢又行返轉頭,o係馬路中間叫我地行快d,但佢身後有一架車行緊埋黎,而慢既人就繼續慢慢行,好搞笑,當我同hebee行到過對面馬路既時候,後面d人先o岩o岩行到中間,我地hebee勁笑囉,因為果個gary真係好搞野....哈哈...(其實同佢唔係好熟,不過佢叫我地咁叫佢,咪叫佢gary囉)

之後上到去,等左好耐,兩個鐘,悶到爆,本黎話o係地鐵站買yes,但太趕,所以冇買,仲諗住一路等一路睇,點知冇得睇,我拎左個收音機去,不過果度太嘈聽唔到...我等等下見到其他人有幾本雜誌::monday,yes(附加一本tyb)仲有一本唔記得咩,monday都有碟評呀原來...我想問佢地借,不過又唔識佢地,佢地又睇緊,費事啦...barbie見我地咁悶就叫我地去行下,我地行左幾歲又走返轉頭,hebee話冇咩野好行,所以唔行lu,因為佢可以話係成日黎,所以熟依度,跟住barbie問我地唔係去左行咩?我地話唔行喇...跟住又好悶咁等,等左兩個鐘,兩點幾果陣見到一個女仔,,就係suki喇!係hebee識佢先既,之後我地3個傾左一陣就一齊係咁傾計喇~佢係自己一個黎既,佢好似住灣仔,唔記得係咪,佢話佢學校有參加school tour呀...幾正呀!如果天官都搞就好喇~如果有埋eugene就最好不過啦!

咁我地3個眼見距離開shoe時間仲有半個鐘,愈黎愈興奮,好高興呀..最失控係hebee...."佢真係..."哇...2:50喇~快開show喇!首先見到王苑之,之後係barry,barry d fans好鬼"熱情"嚇親我,我諗緊eugene幾時黎果陣佢地無啦啦大叫barry,我即刻轉頭望,見到barry個頭,之後等左勁勁勁耐(唔知有幾耐,應該唔係太耐,但對於我黎講好耐喇!)先等到eugene...佢黎到果陣,3:00多d,都叫準時丫..雖然冇早到,不過唔係遲好多,幾分鐘,大家見到eugene即叫啦梗係!!!我地叫叫叫~好開心呀!不過好奇怪,我見到佢果陣又冇咩感覺,冇話好興奮,係開心既..不過感覺唔強烈,hebee直情傻左啦!好搞笑,勁叫喎o係度,佢太興奮,其實...係唔係佢太興奮呢?可能只係因為我唔興奮所以覺得佢傻啦...點解會咁架呢?唔通我其實唔鐘意eugene?冇可能呀!!!!>口<唔係咁架!!!!!!!!!!!!好在.....到eugene出場既時候我突然好開心,可能因為eugene黎既時候見唔到佢個樣啦!

eugene係第一個出場架!勁正呀!佢一出場,suki就拎個相機出黎,不過拎唔切,eugene出場講野果陣冇影到,到佢唱歌果陣先影,佢仲見我企前面,叫我幫佢錄添,我好樂意架~^﹏^~eugene開野果陣首先用國語,我都唔知佢講咩,唔係聽唔明,直情係聽唔到,因為大家太高興,係咁叫住eugene個名,根本聽唔到任何人講野..搞笑...之後佢首先唱潘朵拉的盒子,我地冇叫到,好野!聽到eugene唱歌歌!>v<好聽,我一路好投入地錄,一路聽eugene唱歌,哈哈!好在suki果部係數碼相機咋!所以錄野都唔知,因為果度係唔俾錄野,數碼相機錄左野d"實q"都唔知,可能當係影相咋,有個人擺明咁拎個錄影機出黎,俾"實q"叫佢收埋,個人本身唔知咩事,個"實q"叫佢收埋佢先唔服氣咁收埋,我地3個暗叫好彩..如果唔係就錄唔到eugene唱歌喇!因為我地企o係個人隔離,但"實q"唔知我地錄野,我地就照錄喇!亞包叫我地o係::拒絕了她的愛,她她她她不能打開,第二句拒絕了她的愛,她她她她她有多壞依4句一齊叫,好勁呀!叫得好大聲呀我地,不過我冇叫,因為我掛住錄野!不過聽到hebee叫得好大聲,連佢隔離d eugene fans都嚇親..=v="

之後eugene再唱瑪莉與偉業,好正呀!!>v<good!!!愛死eugene呀!唱得好好聽呢!我又錄喇喎...今次我就有跟住叫喇!本黎大家都唔知佢會唱兩首歌,好在亞包佢地話俾我地知要o係邊度叫姐!就係::是妳嗎?未算假,是我嗎?依3句,今次我雖然叫得唔大聲,不過總算有叫,叫做對eugene既一個支持,eugene唔知係咪見我地拎住部機影佢,所以佢專登望過我地度,視線停留幾秒呢?我feel到係望住我果邊果幾個人,有機會係我.............部機..^^,就算佢係望我都望唔到啦!我拎個牌遮得咁埋,得條隙仔...哇~勁正呀唱到!我地叫得太大聲,所以有冇人拍掌俾eugene都唔知喇!希望有喇!^^

之後我地即收牌,之後到王苑之唱歌,其實佢好慘呀!一來冇咩fans到場,得幾個,二來佢唱唱下歌jolin黎左,個個都掛全望jolin同叫佢,搞到王苑之好似...冇人理咁,我諗佢應該有d難受啦,雖然佢仲好落力咁唱歌,同埋好好聽,不過我估咁既情況,係我都唔高興啦...好在佢唔係o係eugene唱歌果陣到姐,如果唔係我諗我從此會憎左jolin!唔係講笑,有可能架......之後barry唱歌,兩首國語,之後mc請晒d歌手出黎問野,suki叫hebee影相,因為我錄左兩首歌,勁攰呀隻手,之後hebee好變態咁狂影,係連環相呀!勁man呀!我見hebee咁高興咁影,我咪話:喂!影連環相丫!佢就係咁,係咁影影影..suki都俾佢嚇親..jolin冇唱歌,到最尾d歌手影相,我地就即走,諗全落去停車場等eugene,我地等左好耐[[車立]]啦!

終於落到去車場,我地衝出車立d實q問我地做咩,gary果d就話係去停車場出口,實q話果度俾車行唔係俾人行,叫我地去塔貨車立上返去走,我地就好乖咁話好啦,(當然係呃佢地啦!)我地扮晒野咁跑出去,點知見到d實q望住我地,我地又跑返轉頭, 點知跑跑下又見到有人望住,我地又跑返轉頭,好搞笑...跑到我有d肚痛,因為我地係唔可以o係果度出現架...所以好驚啦我地,個場面好搞笑,跑跑下以為冇事,點知又話俾人見到,又跑.....哈哈...之後就咁避實q,一路等囉,等左半個鐘,唔見佢,之後見到gary佢地搵barbie,因為我地fans係分開行事架...一d跟gary,一d跟barbie,佢地一路聯絡,是但一方見到eugene就call對方過去,其實我係見到jolin出黎果陣eugene都o係後面,有人見到,有人見唔到,佢地話只見jolin,唔見eugene,有d唔肯定係咪,我就見到eugene見唔到jolin,因為我企o係樓梯見唔到前面d野,所以只見到後面既eugene囉..我地果度得7個人,有3個行開左,得5個人,有3個見到,一個唔肯定,一個見唔到,我就肯定果個係eugene,因為度有幾多個人會整個咁行既頭丫!得eugene咋嘛,唔通係實q咩..."咁之後愈等愈覺得果個係囉,但barbie  4:45又話見到eugene架車+保姆,但係我見到eugene走既時間係4:30之前,咁相隔咁耐...好奇怪喎...但係都係等唔到eugene,我到依家仲覺得我見果個係eugene既頭囉!雖然太遠+背光,只見佢個頭係黑色,不過我覺得佢一定係e．u．g．e．n．e!

之後到左5:00,我唔返屋企唔得喇!返屋企大約一個鐘,7:00之前要返到去,最好6:00前,最好不過,咁suki同hebee都話返,咁其他人(gary果堆,我除左gary都唔識其他人)都叫我地返先,話都係等唔到架喇,咁我地3個就走lu,有點兒失望,不過唔緊要,下次就會見到喇~5號又有funz,不過係頒獎禮,冇可能見到佢,咁最快都係11號,希望到時見到佢啦!>﹏<!suki自己去左塔車,我同hebee就去左塔地鐵,之後佢自己去埋塔巴士,我要自己搵返路去西鐵站,點知兜左好大個圈先去到,仲要一路問人先去到,好在冇兒到太遠姐,又要落大雨,條褲同鞋,襪再次濕晒,比去既時候仲嚴重.."行到勁攰囉!點知上到西鐵,冇位...我想死,對腳勁,酸軟,企到去天水圍站,到塔輕鐵喇,又係企...一個位都冇...更加想死..好在唔係好姐,3個站就到,如果唔係我諗真係會死,攰死呀!之後我去到頌富買yes,好野!有eugene睇!>﹏<good!係讚eugene架!之後食克飯搵icq,見到hebee,傾左陣計,suki又冇on...好想快d見到d相呀!哈哈!今日真係好開心!停車場果度好搞笑+exciting!正爆呀!不過停車場果度好焗,白等左一次,不過都見到eugene黑色既頭...都叫見到佢啦!

我頭先講既瘋狂事,係::1.同未見過既人出街 2.偷偷地出咁遠街 3.咁夠膽跟住一個唔知咩人周圍行,雖然我係唔驚,不過正常黎講我咁做係唔o岩架...車..大把人都係咁,加上之後既日子我都會咁做,不過今次識左人,可以同佢地去,就唔叫同唔識既人出街啦!不過我仍然會呃住亞爸亞媽架!

***p.s.大家聽日記住留意報紙,可能有eugene,
同埋星期一東張西望應該有eugene,
希望影唔到我喇!>v<

勁開心呀今日!嘻嘻!

依幾日(20-29號)我真係咩都唔記得喇...唉...
到底做過d咩呢?唔記得...
只係記得日日玩電腦囉..算啦都係...
今日係咁算喇..唔打喇...>口<我都唔想呀!
我好想打返架..但過左咁耐,真係唔記得呀...
好唔開心呀...懶左咁多日先補打,唔記得晒d野..
快d記得啦..>"<

補充::好野!聽日就有得見eugene喇!最衰冇相機啦!
我想影相呀!!>口<又問唔到人借俾我同hebee,,佢又冇...
不過算啦!到時一定有人有既,叫佢send返d相俾我地咪得囉!
好緊張呀!聽日又可以見到eugene,又可以見到其他fans,
又可以親眼見到hebee...見過相不過冇見過真人,
唔知佢個人好唔好呢,好在佢識路咋..
如果唔係我今次唔使拍意去到睇eugene喇!thx佢呀!>3<

依幾日(20-29號)我真係咩都唔記得喇...唉...
到底做過d咩呢?唔記得...
只係記得日日玩電腦囉..算啦都係...
今日係咁算喇..唔打喇...>口<我都唔想呀!
我好想打返架..但過左咁耐,真係唔記得呀...
好唔開心呀...懶左咁多日先補打,唔記得晒d野..
快d記得啦..>"<

補充::o係icq識左hebee之後傾左好多野,我地約埋左30號
一齊去睇eugene,支持eugene!!yeah!好開心呀!第一次見eugene~

依幾日(20-29號)我真係咩都唔記得喇...唉...
到底做過d咩呢?唔記得...
只係記得日日玩電腦囉..算啦都係...
今日係咁算喇..唔打喇...>口<我都唔想呀!
我好想打返架..但過左咁耐,真係唔記得呀...
好唔開心呀...懶左咁多日先補打,唔記得晒d野..
快d記得啦..>"<