臭b 係咁催我打返迪迪尼篇日記
其實我唔係唔想打!
不過我想貼出黎0既相足足有70張咁多
令我覺得有d沉重xD
所以先拖左咁耐!
0岩0岩佢又催完我
所以我決定的起心肝打
但係我又唔捨得佢沉左落去
所以決定0係29號補記XDDDD
各位記住留個言支持下等佢安樂d XDDD
***************************
20070724
琴晚同6a2 同學仔食完飯之後
我就同臭b返左泰亨訓
訓覺訓到好似打交咁
次次佢都好似想迫我埋牆迫死我咁!
第2朝我地8點半就起左身lu
因為我要返屋企換件衫
佢就留左0係樓下度換衫冇陪我上去
我就用極速咁拎返d生日禮物上去
同埋換套輕便d 0既衫去迪迪尼喇!
0係樓下間茶餐廳食早餐
真係又抵又好味!
杯COT 好醒神!
為左搭迪士尼線
我地有巴士直去迪士尼都唔搭
臭b話去東涌0個陣會快到有離心力
等我出哂手汗勁期待又緊張咁
點知完全唔覺....你真係..
迪士尼線真係好正
欣澳個個幕門真係可愛到不得了!
1入到架地鐵個個都好似變左小朋友咁好興奮
佢d位係梳化黎架!
我好興奮咁拎住魚眼機影相
臭B就拎住魚眼機影我XD!
 
可惜好快就到迪士尼
影得0個少少!
迪士尼站真係好青見!!
10萬個青見!!
好似外國D火車站咁!
唔止個站特別
連間7仔都特別過人架!
見佢咁慘..我地都有幫襯買返支水架
好後悔冇買紙巾囉但係!
排隊買飛0個陣熱到震!
我把電風扇仔又死左喎!
死0既過程燸左我1鑊!
350蚊1張飛真係好貴呀!!!!
不過咪又係要買
好在張飛好青見..鋸返D!
行入去個陣真係覺得自己去左1個樂園咁
好有與世隔絕,去左第2個地方0既感覺
呢D都係海洋公園比唔到0既..
雖然我係海洋公園死硬派粉絲!
THANK GOD! 天氣好好!
不過真係曬到死左0係度!
 
行到水池0個陣有個大白痴想呃我米奇係比水池射到飛起左!
諗埋哂D低B野就想呃人
過到人過唔過到自己呀你
不過個水池真係好青見呀!
入到去就拎地圖同時間表啦
好快就見到巴斯光年同史迪佬0既海報!
真係好想拎佢返屋企呀!
 
入到去臭B同呀刁就教我要去客服中心度拎生日襟章
我揀左DONALD DOCK -3333333333- 好可愛!
之後就去玩魔盜王個個CHECKPOINT
好青見呀! 入到去個女海盜就同我講生日快樂喇!
仲話今日全部野入佢數就得XDDD
真係扮海盜扮得好神似!
同佢影左張相..佢好索!
 
扮死囚.. 我地個頭隻色好似>"<
但係我比貴左1倍
仲要旱到嘔死左!
個頭又好似鐵線咁喇! 冇得救喇今次!
入左去D SHOP度搗亂
HEHE ,好多海盜玩具
撞到米奇.. 跟住就排大隊同佢影相喇!
米奇都扮海盜呀! 好可愛呀!
 
之後我地就搭木筏去左泰山間樹屋喇!
唔知點解硬係覺得泰山個成長過程好感人XDD
同埋凝住棵假樹度有蜘蛛XDD
搭船0既過程好過癮
但係真係覺得碼頭個條友唔想撈
好多STAFF同我講生日快樂呀!
佢講句生日快樂我就覺得自己比人優待左咁喇XDDDD!!!
 
 
落到去見到隻大笨象仔會噴水好得意!
之後去左玩我憂慮左好耐0既SPACE MOUNTAIN!
我未玩之前直頭係驚到想喊!
爭D喊出黎0個隻!
其實0係泰國玩過..
不過硬係覺得迪迪尼個個會恐怖好多
臭B又係咁嚇我話會有暗斜
搞到我坐左落去愈黎愈緊張
點知得個快字!真係幾快下!
有少少暗斜..
但由於我由頭到尾都好驚有大V位
所以全程有你冇你都嗌左先XDDD
張相.. 結果就係...
之後第2次玩冇咁驚喇
夠膽睜大眼睇
但係都係係度狂嗌
結果張相勁7 XDDD
比佢笑左我勁耐!!!
玩左巴斯光年射槍個個GAME
入面個廣播好正!
巴斯光年仲正!!
型到裂呀!
 
最後我以廿幾萬分贏左得幾萬0既臭B XDDD!
前前後後玩左3次!
如果唔係要排隊
我諗我地真係會狂玩!
拎左FAST PASS 再戰
同巴斯光年影左相!
巴斯光年抽前面個2個女仔水
又攬又錫咁!
扣哂分手呀=口= 咸濕到死
 
我地又同D小朋友去左玩水
D小朋友好搞笑!
係度水戰
臭B本身唔願濕身架
但係之後都同我地玩到癲左
有個妹妹好得意
特登等個水槍D JACKPOT
淋到成身濕哂..
我地係咁整鬼佢跟住狂笑! HAHAHA!
玩夠水就去左睇巡遊
呢個夏水巡遊真係唔講得笑
佢欣賞佢個乾爽區XDDDD
個名好抵死之餘又真係照顧到D遊客!
D STAFF 全部都拎住水槍著住雨褸
然之後係咁拎水槍射你XDDD
我影佢0個陣佢仲走黎同我擺POSE!
 
好期待! 等左好耐先開始!
全部人物都扮得好神似
有份表演既人全部都有跟住迪士尼D歌唱
勁投入!! 同埋佢地笑得好燦爛!!
好佩服佢地0既專業
佢地比我感覺好似真係好開心咁!!
希望佢地真係好似我睇到咁開心!!
 
 
 
 
 
 
依唷個樣好無奈..hahaha!
個巡遊好精彩!
個個爭住玩水!
玩到勁hyper!
睇左米奇幻想曲!
好精彩! 不過有d位比佢嚇親!
比海洋公園0既超動感影院更精彩!
好 3d !! 好多傻仔走去用手捉魚仔同埋蛋糕XDD
笑到我地2個發癲!
睡公主城堡好青見呀!
不過廢既!
但係行0個陣覺得好浪漫! 
米奇金獎音樂劇有10粒星好睇!
全部人都好投入好好戲
咪咀咪得好好笑容又好好
全部野都好完美
最強勁係泰山超大隻超有型!
同動畫入面個個好似樣!
仲要再大隻d添呀!!!
 
玩埋最浪漫最鍾意0既機動遊戲 - 旋轉木馬
影左好多相! 用得最多菲林同埋最多memory 都係0係呢度!
 
 
又去左SHOP度搗亂!!
 
 
臨放煙花之前把握時間去左迪士尼花園同公仔影相
每隻都要排隊:(
同左minnie marie 鋼牙與大鼻影相!
鋼牙與大鼻影影下打交XDD好好笑!
佢地全部都錫左我1啖.. 好可愛
 
夜晚千呼萬喚等左成個鐘頭先睇到煙花
個個都坐哂係度等煙花睇
大家都好合作好齊心又唔嘈
有煙花就即刻哇哇聲!
有您坐0係隔離睇煙花0個1刻真係真係覺得好幸福
原來我地係第1次睇煙花..
記得之前我地想去睇煙花
但係去到0岩0岩放完
今次終於圓滿地睇到煙花
好幸福呀!!!真係好幸福呀!!!
睇完煙花就好趕咁去左SHOP度買野
今次終於唔係混吉喇!!
 
仲有1對MICKEY MINNIE KEY CHAIN ^__________^
2隻痴埋就係1個心! 我同臭B 1人1個.. 
如果比多D時間我, 我1定買到多D野架!!!
離開左夢幻0既迪士尼
又去返現代化0既香港
好唔捨得.. 大家都好支力!
不過我知老公都好開心
我地好耐無試過玩得咁盡興喇
希望以後大把機會啦!
唔知8月有冇時間去海洋公園呢?
如果得就好LU..!
呢個生日因為有您而變得完滿
最緊要係呢個您終於會再為我著想為我打算
唔再好似以前咁唔著緊
多謝您 我生日好快樂
|
