今日返學, 明知自己跛左
所以特登早左少少起身
早左少少出門口
偏偏今日2架lift都full左
簡直係晴天霹靂

行樓梯0既過程要了我的命
不過因為唔想遲到, 咩都肯..
但係去到火車站已經搭2
唔遲都唔得啦唉................
真係行到勁慢勁慢勁慢...

咁辛苦日日都好準時咁返學
開左學成個月都冇遲過到
今日居然因為度腳咁樣屈機而遲左到..
0個下絕望真係令我好想喊

本來平時遲到就1定會去買早餐
或者浮返幾個字先返學校搏唔洗記
但係今日絕望到咩都唔想做
死死地氣返左學校.....唉...


.........
.......
....

遲到都打左咁大篇

返左學之後施俊彥幫我洗傷口
真係痛到喊... 真係喊左=____=...
明明跌0個日都冇咁痛, 點解之後痛左咁多架

上堂.. ue 堂roger 改完篇文比返我
居然有7/9 .. 真係勁感動
mia 真係拯救了我!
我愛死mia喇!!!

之後中化堂.. 劉sir又改完篇評論題比返我
因為計時做.. 時間控制得唔好, 拿西得滯
結果勁低分得個位數字/_______\
下次1定要專心d .. 唔可以再0徒時間!

lunch 同燒豬林敏婷食
食飽又0係度睇林敏婷隻呆兔同埋肥仔
好想養狗呀!!!!!!!
我想要隻比比呀!!!!

放學留0係學校溫書wif 振新婉如沛羲潘潘
讀書氣氛好好喔~*_________*
要繼續努力!!!!

6點本身要去荃灣補習
點知沛羲陪我等小巴等到6點1,2都未有車
去到都冇左半堂
結果又係自選補堂.. 0徒哂d錢
好唔開心呀! 不過其實車錢都0係返度
都除笨有精既.. 問題係時間唧!

結果同沛羲0係大圍閒逛.. 逛到差唔多食飯就返屋企lu
返屋企都係講下電話做下雜事啦
晏d做 essay / 作文先!

Don't carry the world upon your shoulders.

琴晚同IVAN搭火車個陣傾計
都仲係講升學及就業0既野

其實有時好多肉麻說話講唔出口
不過我真係好想見到我地1齊升大學架!
嶺南又好樹仁又好去台灣都好
我好想繼續同你地做同學呀!
年半0既相處時間實在太少喇!
唔夠幾十年之後回味!

沛羲呀鷹我真係覺得你地得架!!!!!!
我唔知講咩先鼓勵到你肯更加比心機
老土D講在心中啦!!!!!!!

我唔想成日見到1講呢D野
你同呀鷹就唔出聲
其實大家差唔多斤兩
你唔得0既話, 我都唔會得
所以, 乜都唔好諗.. 盡力啦!!!
仲有半年咋 ....
幾難捱都仲有大家1齊捱架!!

如果1齊升到樹仁
我地仲可以1齊租屋住
好似6樓後座咁添呀!! hahahahaha!!
cheerupallmyfriends!!!!!!!
idoloveuall







趙杰你應承我0既實在太多!
你應該聽你呀媽話唔好亂咁應承女人
唔係好容易會比人敲詐..HAHAHAHA!!

好慶幸識到你呢個人
雖然隔得好遠 , 不過你0既關心我收到哂! YEAH!

今日本來見到您
點知唔知點解又留左0係屋企
呢排對大家都冇咩信心咁
真係好若即若離
要用到呢d 詞語黎形容真係好古怪
其實大家真係忙成咁? /_______\

食完飯同沛羲去左自修室
我買左勁多野去食
連椰樹牌椰子汁都有
又真係過份左少少既!

做左條中化評論題
唔係幾知自己寫緊咩
40分鐘裡面有大半0係度hea寫
完全冇考試既感覺,shit

做完之後就溫micro econ
原來自己唔識0既真係有好多
大學離我又遠左.....
要將勤補拙呀我!
鬼叫你懶咩!

6點自修室閂門返左屋企
返到屋企訓左陣
起身攤0係梳化睇左晚電視
睇左一擲千金呀笨與呀占森之愛情交響情人夢
好好睇呀! 野田妹個樣真係好可愛!
個海關同佢未婚妻真係好sweetsweet
好羨慕好羨慕好羨慕!
陳嘉容真係青見到我唔信!
結果又係0係度燃燒生命啦..
ivan竟然做左3條essay
沛羲又做左半條essay
而我....................holyshit

bs勁落後
要急起直追!

統測要考好d!!
考好d考好d考好d!!!


*************




我竟錯手將手機最近拍下的照片全刪除了

今日真係驚險重重
過完1關又1關

呢1日.. 我地約好左去郊遊
由大圍出發踩單車去大美督
4位團員沛羲ivan我同呀鷹11點9就0係大圍火車站
跟住去租車然後踩

沿途風光明媚
初頭大家都踩得好興奮
點知無耐呀鷹就猛嗌支力
又要停低飲水又上唔到斜XDD
之後0係火炭"肥陳"隻船度食野
呀鷹仲食到暈船浪XDD
我話.. 我咁跳躍
真係倒轉都唔會暈船浪XDDDDD

好耐之後踩到大學
我地爬左出去唔知邊度D石度影相
其實都幾危險架
不過風景又好青見!
影左勁多KAI KAI 相
D POSE 真係入堪入目
不過好好笑又好熱血
我地係4個熱血青年..

大學個科學園真係青見到飛起
但係入面幾乎1個人都冇
起咁青見都冇用啦
政府真係好識0徒錢
洗埋哂0係D無謂地方...
個噴泉青見到你唔信!

之後去到大美督
再踩入水壩
見到1個意外地點嚇到窒左
1架家庭單車衝左落山
撞左埋條欄杆度
成個車頂冇左
2個人跳左車
1個撞左埋去欄杆
條頸卡住左
好在我見唔到呢個情景
唔係實嚇到傻.....

去到水壩之後
IVAN同沛羲決定返轉頭買風箏放!
第1次放風箏!
真係好玩到飛起!
下次1定要再玩
隻風箏飛到爭D收唔返
同隔離個隻係咁較量!

點知玩玩下樂極生悲
沛羲突然好似D球員入波咁跑黎跑去
然後仲除衫添
原來有隻皇蜂咬佢...
佢仲0係度扮冇事
其實睇到都覺得佢好痛
佢話好痺.. 經過商議之後
我地決定徹退去搵救傷隊
點知晏得滯救傷隊已經收左工
跟住我地就極速踩出大埔搵醫生LU

點知踩踩下出去..
我居然0係踩得勁慢0既情況之下無啦啦炒車!
仲要連條牛仔褲都穿埋
同撞鬼冇咩分別XDDD
因為架單車真係慢到飛起
比勁多人見到!
真係燸到裂開
跌左落地我淨係識笑
痛反而冇咩..
跟住就自己搵水洗傷口..

點知用水洗都唔夠
另外3位熱血青年癲架!
見有支消毒噴霧就勁興奮咁款
投票揀人幫我執刀!
好似玩nds game咁!
最後沛羲落唔到手
ivan 好狠咁噴左勁多噴霧落我隻腳
我連睇都唔敢睇
淨係好淒厲咁慘叫左1聲
痛0既程度係就黎喊出黎!!!!!
聽返佢地講個陣我傷口起哂白泡
真係好嚇鬼!!!
消毒噴霧對我黎講真係超必!!!!!
我以後會小心D
唔會再比機會呢支野噴我!!!!!!!!!



然後夾硬踩單車返大埔
沿途我地都好驚再有隊員受傷
好在冇XDD
身為大圍之友0既IVAN真係勁好彩..
我地1路勁擔心0既呀鷹都冇事XDD

大圍之友真係好唔好彩呀!!!
每次0既活動都會有阻滯
我地今次專登為安全起見帶左4塊膠布同1支消毒噴霧
估唔到全部都用得著
下次都係乜都唔好帶
唔吉利呀!!!!!!!!!

返到大埔墟就去商場搵人求救
佢地好求其咁幫我洗左傷口
個傷口污糟到嘔

等埋ECON陳佢地就去左大排檔食飯
D送完全係唔夠食XDD
1黎到就比人清哂


食完飯去左篤波
真係好好玩!
第3次篤波既我有進步
耐唔耐玩下真係幾開心:ppppp
不過同我part 0個個真係好折墮!!!!!!!!




今次1役之後..原來活躍真係罪!

************************

*0係水壩見到好多人圍觀1個男人釣魚
原來佢釣到條鯊魚咁大0既魚
其實除左0係海洋公園
我真係無見過咁大條魚
好彩條魚最後走甩左
唔係D人都唔知會點對佢

其實釣魚真係1個好殘忍0既行為
D魚比你勾到
就好似比人督穿左個咀或者隻手咁
痛到點真係唔敢想像

我諗, 避得過我都唔會釣魚
雖然釣魚呢個活動的確好吸引


************************


經過1日休息... 聽日又要溫ECON喇!
我要同ECON死過!