今日返學做過d咩完全唔重要
重要0既係我同ivan去左遠征
放學因為要hea到夠鐘去太子補習
於是同黃振新ivan施俊彥沛羲劉佢地行黎行去
行行下miss 打比我
跟住就話去旺角行下!
呢句1出, 施俊彥同ivan都話去喎*0*
餓到死左
幾個人入左a1 都可以嘩嘩聲
真係痴左線咁
於是去到旺角就即刻去食個tea先喇
miss襯我地tea自己去左行街
點知我地tea完唔記得打返比佢
真係對佢唔住 , 好在佢約左人架唧
之前0係新世紀行左去朗豪坊
去石頭記幫ivan睇生日禮物
聖誕個城堡仲係度呀!
條電梯依舊恐怖...
 
點知睇唔0岩
行行下我又唔係幾想補習
跟住就陪佢去左廟街繼續睇
施俊彥就去左上堂
2條友行哂成條廟街..
見到隻好大好大好大0既蜘蛛
真係好核突
如果比我見到隻識郁0既應該會發癲!
行完成條廟街已經去左佐敦
仲未願停
過馬路0個陣望到elements 個logo
心大心細最後2話不說衝左過去
望就好近喇
行到半死都未到
睇怕行左幾公里
搵到好耐先入到去
elements 附近d住宅都係貴到飛起
我地2個著校服..完全係9唔搭8
入到去.. 好似2個傻仔咁
連d 鋪頭都廢事入
淨係行過下zara h&m 等等細鋪
勁大鄉里, 笑到死!
 
 
 
行返出去氣都抖得大啖d
結果都仲係要燸
話說經過維港巨幕
於是諗住走過去睇下
點知我地之不過係踩到門口附近
個保安就企起身想行過黎
(幻想:「你2條友, 冇車學咩人入黎呀?」)
燸到怒走啦我地即刻..
fine, 我發誓第日要著拖鞋落黎呢2個鬼地方!
之後見到海旁.. 又好想行過去
都係咁啦 .. 睇就近啦 行去原來要兜大圈
行到就黎死先到
搭左2轉渡海小輪
食左個好好味0既呀波羅乳酪雪糕
好懷念呀!以前成日都食!
 
 
搭渡海小輪0個陣永遠都係最忘憂
雖然過程好短
但係望住周圍燈飾咁青見
又有海風吹住
乜煩野都可以拋諸腦後..
 
 
 
 
 
返到尖咀又行海旁
唔知點解2個傻仔唔0係尖東上車
硬係要行到去紅磡
食左包好奢侈又唔多好食0既尤魚絲
最後0係紅磡上火車..
2個都支力到就黎死咁
督1下已經會跌落地...
真係好透支呀!!!
行去火車站0既途中都忍唔住要坐下!!
 
咩事呀?
全日0既過程就係崩潰比風吹同埋跑
上船又要跑
回程都仲要跑
其實, 得閒咁樣行下都幾開心
*****************
0係商務見到本書成本都講比比
好鍾意 .. 如果呢個禮拜有溫書就買比自己啦
**************************
以前為左唔比人睇死而努力0既決心去左邊?
|
