20071103


終於把第一卷魚眼底片給曬出來了.
三十六張的底片只剩下十三張
死因是光度不足
然而剩下來的效果卻很好
沖洗費再貴都變值得了!



在陽光充沛的情況下 .. 不需要任何技術也能拍到好照片


使用了多重曝光的效果
本來還有更多的, 卻因在晚上拍而泡湯了.



旋轉木馬的照片因為不夠光被害慘=_____=


迪士尼站變詭異*0*
..


 

少不了小妹最愛的巴斯光年:p







從小就看著爸爸四處亂拍拍
也就不禁被他感染了


很喜歡這個被扭曲的世界♥

考完試0既第2日
個心都仲係心郁郁想去溫書
但又覺得自己應該好好休息下

訓訓訓訓訓訓訓到好晏
琴晚4點訓到今日晏晝4點半
足足12個鐘
係平時0既3倍呀!
每日訓8個鐘對我黎講真係好難好難..

訓醒覺就0係度閒hea
玩電腦睇衝鋒21 scan野等等

陳燕雯約我去溫書
終於抵唔住引誘........去左溫書!
8點幾出左牡丹樓坐到11點幾
雖然唔係好耐
但係都做左7條econ 0既part b
識得0既野鞏固左好多, 開心!

之後陪陳燕雯去左大圍打機..
其實而家都真係好少入機鋪
睇套戲唱個k都覺得好浪費時間..天呀!

********************

你自己有緊要事做, 又唔較震機
我打黎你電話響你就鬧我打比你?
我明知你有野做打比你係我唔0岩
但係唔較震機的而且確係你問題
0係我講對唔住0既同時
希望你自己都反省下

你講得0岩啦, 我真係唔識做個好女朋友


********************


聽日去西貢放風箏同埋釣墨魚 , 好期待!
襯未凍得哂去郊遊, yeah!!!!!

考完試0既第1日
冇hea 冇訓到好晏
因為約左班傻0既唱k

施俊彥打左幾十次電話叫我起身
終於9點幾起左身
返左學校睇住佢地做卷兼等佢地放學

終於著左件乾濕褸
同econ陳夾哂叫佢唔好著:p
結果佢著左件呀黃唱這歌0既褸返黎XDDD

佢地放埋學就1齊搭的士去富豪唱k
入到去又係例喪跳喪玩啦
咩paraparasakura魅力移動唱這歌最激帝國等等
總之諗到0既快歌都點哂XDD

個個都勁hyper 連婉如都玩到勁癲xDD
唱到3點就返返沙田
同呀鷹婉如行左好耐街

行到咁上下婉如就走左
走剩我同鷹鷹
食左個tea
之後陪佢返太和拎衫
跟住就返左屋企lu

夜晚陳燕雯上左黎我度玩
其實都冇咩玩
都係拎d衫出黎試黎試去同埋傾下計
而家好似好少見咁
大家都太忙喇
都唔知幾耐冇出去玩
對上1次分分鐘係舊年生日呀..

又係好似傻左咁0係走廊連環快拍啦
舊年生日都試過1次咁樣
不過今次著冬天衫上次仲係夏天XDD
個樣又殘左好多咁囉...
同埋唔知點解我個頭變左紫色XDD
我決定AL之後染個頭做紫色YOYOYO!

真真正正正常0既只有呢2張....哈哈哈哈! 你真係好白痴!

12點就同ivan沛羲劉食糖水
順便送埋陳燕雯返屋企
食糖水真係笑到嘔
我地又豪食啦.. 嗌左十幾碟野
最後又係食到個個都飽飽滯滯
都唔知為乜咁囉命黎辛
至衰都係你2條友啦,眼闊肚窄

騎呢在我笑笑下居然0係張凳向後跌差d跌左落地
同踩單車龜速炒車1樣咁惹笑..
勁傷感=口= 點解成日都咁輪盡

食飽去左玩千秋
d聲真係恐怖到殺死人
好心落d WD40啦!!!!!!!!!!!!!!
仲有估唔到2個大男孩居然唔識玩千秋!!

*************************

我恨死呢d男人
我可以好肯定話你聽第日我有錢
我會拎d錢買凶殺左呢d人

點解要咁做? 點解要咁傷害我0既朋友?
人生都冇可會心痛到喊..

本身今日應該要好好溫書架
但係由於琴日溫到爆熟
兼夾約左悠悠十夜打邊爐
今日就去左佢地新屋喇..

訓到5點幾先起身
跟住就梳洗出深水寶
去到已經7點
買送洗菜整呢樣整個樣
0係屋企打邊爐
仲要有張靚梳化坐
感覺真係好

睇電視笑到死
不過覺得曾志偉好無品*0*

之後落東海堂買左個蛋糕比熙少
因為佢第2日生日

幾個人食完又唔洗碗..懶到死
次次都係我洗..
我0係屋企都冇咁勤力呀!
羅予慧好心你唔好咁懶
下下坐0係度等人餵
學下做家務啦!!!!!!!


12點幾就落太子飛小巴返屋企LU
次次搭都覺得好得人驚
次次搭完都要發誓以後唔搭真係好辛苦=_=

呢1日去左牡丹樓通頂溫世史
成員有施俊彥IVAN同沛羲劉
由晏晝2點溫到第2朝6點0既感覺真係想嘔
不過足足將成個一戰記左入腦
仲有少少亞史添
仲要記埋D年份
D年份而家真係熟到透..

過程相當殘酷兼消磨
我1眼訓佢地就玩搣手打手
施俊彥仲要捉我出去吹風又跑城門河
真係痛苦至極
眼訓眼訓眼訓眼訓眼訓到扒0係牡丹樓D台
眼訓到6點幾去左公園等天光0個陣
0係公園攬住IVAN個袋訓著左

但最後都係同施俊彥去左茶記食個好好味0既早餐!

呢D自殺式聚會真係唔考試都唔好做