睇陳燕雯xanga
發現左呢張連自己影過都唔記得0既相
又幾過癮喎

搞到愈黎愈想電返曲個頭

今日返學又唔聽書係咁訓
我真係好憎落雨
每次落雨我返學都要花好大氣力
周圍濕哂成地都係水
行路又要細力d又要快
又要收返把遮跟住跑跑跑跑跑返學
平時已經趕到爆炸!
落雨天遲到0既機會率更加係達90%!
求下個天唔好再落雨
我真係受唔住喇!
快d好似前幾日咁陽光普照
好期待去沙灘狂歡呀!

紅雨關係早左放學
返到屋企訓左好耐!
搞到而家2點幾先岩岩開始眼訓

我唔想上堂訓覺呀!

*病左0既魚魚令我呢2日好困擾
放學都即刻衝出金魚街買藥救佢
可惜.. 太遲發現佢病.. 無得救了
睇住佢死0既感覺真係好差
養左2年幾就算係魚都有感情..
好後悔0個幾日不斷出街夜返屋企
返左屋企已經無時間無力量去留意d魚了..

死唔緊要..可唔可以唔好要佢病得咁可憐
睇住佢咁真係好心痛好無力

感覺到魚魚0既生命力好強好硬淨不斷撐
令我更加覺得內疚..

唔該哂陳祖教我咁多野..

*最近瘋狂迷上bb
自從上個禮拜買左隻之後
日日不斷上網睇睇睇睇睇
發現香港只有少量0既款..
好有衝動0係台灣網度訂
不過貴勁多.. 頂佢個肺!

今日同老公31個月
即係2年07個月喇!
呢幾個月都過得好快..

1方面又好想時間過快d, 快d3年
1方面又好驚時間過得快, 好快中7, 好快AL
真係矛盾喇..

今日全日都唔想上堂!
英文堂勁唔認真
sorry dan同埋miss

好心急好想快d 放學見到老公
hohohohoho!
3點3即刻標落樓..
之後就同呀騫,豬華去左買戲飛
睇4點鐘10分愛!

撞到呀姮呀*0*! 好少可撞到呀!

1人拎住1大桶爆谷入去睇..好好笑!
食到嘔呀真係!

10分愛有d令人失望..
可能因為會拎佢黎同獨家試愛比較啦
加上stephy 0既服裝出哂事
1邊睇真係好想走
鍾嘉欣做得好好!
方力申好嘔心..
2粒半星啦套戲!

睇完戲就同老公去左馬安山
去0既時候鬧交..
鬧左好耐 .. 好耐無試過咁鬧交
雖然好唔鍾意
不過真係講到自己想法比老公聽
希望你真係可以做好d..

鬧完感情果然係好d
豬豬我愛你-333333333- hohohohohoho!

希望呢個23號之後
日日都開開心心

星期日
今日訓醒好晏
食完野就去左老公度

買左野比佢食
之後我自己就掛住訓
點解要過左去先訓呢
其實都係因為想見多你幾面之嘛hehe

老公係咁陪我睇比比D短片
真係好好睇好得意好好笑
如果第日有份養就好!
結果我地夜晚出去食飯0既時候
不斷扮比比講I LOVE U..哈哈哈!
真係好得意好得意好得意!
不過都唔夠林敏婷扮得似0既XDDDD

食完飯就自己去左行街.. *0*
買左件TEE .. 幾鍾意!
好想買鞋呀! 快D睇中啦XD!

聽日約左老公出街同睇戲

星期6..
好唔容易先星期6!

隱約記得老公今朝叫過我起身
我諗我地2個都係頂唔住訓返= =
1訓就訓到點幾..

起左身就梳洗陪媽咪去飲茶
今日成績好好XD食左好多野
同細佬1齊排隊搶野蝦餃燒賣好好笑!
食到好飽呀呀呀呀呀!!

食完去左泰亨搵老公
去到已經4點
但係老公仲訓緊=_= 好似豬

佢玩電腦我睇張5常
進度都算不錯啦..
又寫下schedule咁
時間都過得好快
食完飯本來想去行下..
最後都係冇

10點幾老公就陪我返屋企lu
聽日又見到..真係好!

老公今日成日都係咁講話要成世同我1齊
好傻仔..好似係度催眠我咁
好啦你以後日日講等我潛移默化
然後我地就過1世啦