今日 , A妹又打電話比我 , 問我可唔可以帶佢去 XX街 XX大廈 , 當然可以啦 , 咁我放工就過去 , 去到 , 佢又話唔洗 , 唔緊要啦 , 咪陪佢坐下囉 , 佢唔嫌我煩 , 嫌我悶就好 , 其實佢未瞓醒 , 我咪叫佢再瞓下囉(佢有著住衫咖 !!!!) 。依家回想 , 都有少少蠢咗 , 點解唔攬住佢一齊瞓下 , 反而只係睇住佢瞓呢 ??? 即係咁 , 我怕會整醒佢 , 所以唔瞓埋佢隔籬 , 我其實係關心佢既本能反應囉 , 不過點解又後悔 ? 因為 , 如果同佢一齊瞓 , 佢會知道 , 其實我都仲係 LIKE 佢 , 就算佢講咗話大家係朋友關係 , 咁對佢嚟講 , 其實都係另一種表明心意既暗示 。


講真 , 佢由停工果日開始 , 我地就無攪過 , 原因可以好複雜 , 都可以好簡單 , 不過我唔會問 , 因為怕自討沒趣 !!! 問心果句 , 我真係唔太在乎同佢有冇攪 , 我從來都冇當佢係服務員 , 所以其實一路都好尊重佢 , 有時佢會主動叫我做 , 我明佢係想報答返我 ...... 不過又咁 , 我自己覺得 , 佢係因為「有約在身」, 道理上唔應該再同我有 SEX ?? 定係因為佢都唔係開工 , 就無理由再同人有 SEX , 始終我未係佢正式男朋友 ........ 定係 , 佢無開工用具 , 都唔攪得啦 , 咁呢 ???


雖然我真係覺得 , 自己個會員資格好似比佢降咗 GRADE 咁 , 諗深一層 , 我又真係唔應該再同佢有 SEX , 佢以前開工就話嗻 , 唔等於現在都應份一樣咁隨便既 , 記得之前一個小插歌 : 有次 A妹 有兩個姐妹(都係性工作者 , 不過我之前唔識佢地)嚟睇佢 , 咁我地4個人就一齊吹下水 , 其間我去「尿尿」, 無關門 , 我諗住 , 佢地又睇唔到既 , 而且個門又有雜物阻咗少少 , 咁咪掩埋少少算 , 再講我以為如果關實個門 , 佢朋友會話 : 「怕醜呀 ??? 驚比我地睇蝕呀 ???」咁 ..... 後尾 A妹同我講返 , 問我做咩唔關門 , 佢話 : 「雖然我地做依一行 , 咩都見過晒 , 但你都應該關門 , 禮貌嚟 !!!! 」........... 佢講得岩 =.= 再演繹佢既意思 , 即係 : 佢地唔開工既時候 , 我應該當佢地同正常女仔一樣 , 如果因為佢地開工時點點點 , 就以為可以對佢地點點點 , 其實係唔尊重 。 我以前無注意依樣嘢 , 佢提醒咗我多一個對別人應有既態度 。