講講下，如果我真係好耐都冇打日記
唔知係自己lazy定係點，總知係唔係好想打
而家點都要講下最近既野俾大家聽
最近，我係有時會返學校溫
因為學校除左齊past paper之外，仲有solution guide
所以有時會返學校
但係我想問下幾時轉夏季校服，因為我就黎熱死......
而溫書情況係:唔係咁順利
原因有三:冇心情溫，冇恆心同埋有好多野都唔記得
雖然話溫晒geog，但係而家問返我d keyword既話都應該得既
需要revision幫助我有番個記憶
文學就溫晒課文，但係而家好似咩都冇晒，課文講咩我記得，但係答題會唔中point
期望marker唔好係miss lo，一定死............
而文學史就係未溫，亦唔諗住咁早，應該會係會考前先溫
因為咁早溫一定會唔記得，大佬，成30頁先出得果一頁
計機會成本跟本唔抵，做人當然唔會咁笨
數學(操paper)同中文(果d綜合練習同閱讀理解)就盡量日日做
因為用既時間唔係咁多，同埋最好係休息做，用腦唔係太多
英文就唔諗住理咁多，應該會做past paper(因為冇咩好做)
econ同pa係一齊溫，即係而家我溫緊既兩科
pa我本身已經有底，問題唔太大，只要做返d數就應該冇咩大問題
econ就上左周sir既班，佢用精讀筆記黎教我地
精讀筆記雖然好，但係我同意魷魚咁講
要用呢份筆記之前要對econ幾熟，最少都要go through課文一次
如果唔係，睇黎都晒gas
但係佢真係去得都幾快，四個鐘就完左一半以上(25/46)
其他中文同中史係未溫過
|
