今日當我打俾我組長果陣，我聽到佢好似有少少自責果陣，我個心即係唔係咁舒服
其實我知道佢察覺左好耐，但係我知道我成日都會因為好多野而唔講出黎
因為我唔想咁多人去擔心我..........可能好多人都覺得我好怪，但係我就係一個咁既人
我發覺自己好多野都唔想成日都講出黎，即係自己其實有好多想法、問題都唔想講
即使係人地問，我都會意識上去迴避問題
但係今次我覺得真係唔可以再係咁樣做落去
我開始覺得同神既關係就好似一隻egg煮左成十二個鐘咁樣
差唔多已經不似蛋形
同神既溝通道路就好似一條n年既冇人既路，已經一步都行唔到過去
基本上已經覺得再係咁樣落去事奉既話....根本不合神既心意
覺得祈禱同埋讀經就好似習慣咁樣，根本冇力............
所以我自己其實都想講話停事奉好耐，但係苦冇機會
今次終於可以停度，講真一句，看似悲，實為喜
當我真係覺得自己能夠盡心盡力去敬拜神果陣，咁先係合神心意
雖然我頭先禱告當中問神，問神我應該停幾耐，我點解要相信你係神
我開始想尋求呢d答案，因為我真係覺得我為左呢d問題去迷惘
所以，停一停，等我覺得禱告，讀經，唔再係習慣
當我已事奉真係可以去到盡力果陣，我先會再事奉 |
