Prefect 我一直以嚟都好享受呢個post
有好多既特權 好多值得學習既嘢
呢三年嚟 我都好開心可以喺Prefect Team學到好多嘢 識到好多朋友

諗翻起中三嗰年貪得意咁走去interview
又咁好彩俾我做到 其實我真係好榮幸做到呢個post
喺過去呢兩年 我有幸跟住葉宏豐同盧基呢兩個asst head
佢地教咗我好多 亦都俾好大既自由度我 真係好多謝你地

不過 我都知道自己做得唔好 往往都係hea住嚟做
所以我都好想改吓 但係我已經冇機會
今日蕭蕭話班新asst head叫我專心做csg既主席
唔好再做prefect既時候 我都信架
但係越諗越唔明 如果真係因為呢個原因 就應該有好多人都冇得做拉
最後我都查證到 都係因為某個姓梁既asst head要炒我

其實 我寧願你地直接咁同我講要炒我
而唔係搵個咁既藉口叫我離職 真係唔係咁好受
既然宜家我只係得翻csg主席呢個post 我一定要做好

喺度奉勸嗰個姓梁既asst head一句
你最好凡事都小心啲 唔係有咩事 你真係玩唔起架

再見喇 Prefect Team