今次難得我同老婆考完試之後都有個假期,所有plan好要去個短線遊.本應我地仲約咗喺美國翻嚟既Olive,點知佢甩我地底,最尾就變咗我地既二人世界.
我地搵咗好多旅行社既澳門自由行套票,最尾就揀咗中旅社既皇牌旅行套票.$1263包兩張噴射飛航既來回船票,一晚既利澳酒店雙人房,包早餐,仲有一啲優惠券,不過我地都冇用到-,- 就係咁,我地整裝待發,11:00am就上船出發.
 
我地先去議事亭前地噴水圓環旁既"黃枝記粥麵店"食Lunch.老店果然係老店,啲麵真係好好食.我地就叫咗兩款麵同兩款小食.
  
招牌蝦子撈麵-啲麵好爽口,蝦子味好重,不過太乾身.
鮮蝦雲吞麵-啲麵都係一樣好爽口,雲吞都好彈牙,湯就好清.
酥炸雲吞-都真係炸得幾好食,不過啲皮好似好發泡膠feel.
酥炸魚球-好一般,而且個蜆蚧汁好鹹.
跟住我地走去新馬路果欄街既"洪馨椰子雪糕",故明詩意,我地梗係去食椰子雪糕拉.啲椰子雪糕好 fresh,好好食,食到老婆唔停口.下次要試埋隻椰汁.
  
行上大三巴,冇咩認真睇過個牌坊.
 
 
反而走咗去隔離既地方行下. 我呢啲玩具熱血,點都要去行下,所以走咗去兩層樓既"玩具王國"行,不過都冇收獲.
跟住我地去咗行澳門博物館.名義上我地就係去參觀,實際上我地就係去涼冷氣,哈哈!!
 
喺咁涼既博物館裏面行咗差唔多成個鐘,我地就坐的士返酒店check-in喇.我地本應想轉間大床房,不過咁啱爆哂,冇得轉,要瞓翻兩張床.呢間利澳酒店既房都幾好,雖然話係四星級,但係有五星級既感覺,Good!!間房真係好大,望出去既view都唔錯.最重要就係個浴室真係超正,分開企缸同浴缸,啱哂我地可以一齊沖,慳翻啲時間.老婆都好中意間房,仲喺張床度碌嚟碌去,超可愛!!
  
 
喺間房度hea到6:00我地就出翻去大三巴街度搵野食,但係我地搵咗好耐都諗唔到食咩,最尾就決定掃街,搵小食算喇!!
我地首先去"帝鈞碳烤胡椒餅"度食胡椒餅同無骨大雞排.即叫即炸果然係好食啲,不過就勁熱.胡椒餅就脆口,餡料多.大雞排就好多肉,層皮又鬆化,只係我覺 得油咗啲啫.而老婆就兩款都好中意食,因為夠辣!
 
跟住我地就走咗去個橫街窄巷度食鍋貼,超抵囉,$1.5一隻鍋貼,又幾好食.
 
食埋啲野,我地就返酒店抖,準備第二日既旅程=]
193 Days♥
| 
