峰=]x青蛙 §我可以§ - QOOZA 網上日誌

2011 年 8 月 4 日星期四

藍精靈

期待咗成大半年既3D藍精靈,今日終於都上映喇!我同老婆都係因為iPhone既藍精靈app而再次迷上翻藍精靈.所以套戲一上我地就即刻去睇.

今次呢套戲係講一班住喺魔法森林既藍精靈誤打誤撞去咗紐約既冒險故事.故事係講藍精靈村莊既所有藍精靈為咗慶祝「藍月亮慶典」而忙碌咁準備,但係俾壞蛋巫師加達走嚟破壞.為咗逃走,其中既論盡仔就走咗去一個山洞,仲俾漩渦吸咗入去.精靈爸爸,美芝,智多星,阿勇同嚕嗦王為咗救論盡仔就一齊走入去.佢地透過漩渦就去到紐約呢個大城市.喺歷險過程,呢六個藍精靈認識咗兩個人類Patrick同Grace,佢地之間喺短時間內建立彼此既信任,仲一齊合作令藍精靈可以翻到村莊.

今次真係有啲喜出望外,因為初頭睇poster見到啲立體藍精靈有啲怪怪地,但係睇落又好cute,劇情仲好好笑,值得推介=]

225 Days♥

發表時間：2011-08-04 09:23 PM [ 訪客留言(1) ] [ 編輯日誌 ] [ 分享至FACEBOOK ]

2011 年 7 月 15 日星期五

哈利波特-死神的聖物2

分類: ♥電影

今日同老婆去咗睇《哈利波特-死神的聖物2》,仲記得我地兩個睇Part 1既時候都未拍拖,宜家睇Part 2就已經拖住手入去睇喇♥ 故事延續翻Part 1既劇情,

哈利一行人終於要同佛地魔決一死戰.喺一路搵分靈體,一路保護魔法世界,哈利要面對最後既挑戰.魔法世界既正邪對決一觸即發,令觀眾有意想不到既情節.

今次我地睇3D,但係唔覺有太多既3D效果.而且今次戲既故事實在改得太多,有啲偏離原著,冇咁好睇.不過特效方面就好正,魔法激戰簡直令我地覺得刺激. 一套經典故事就已經遠咗,呢八集我每集都有睇,亦都好滿足!希望未來有其他類似既電影可以令我着迷拉=]

205 Days♥

發表時間：2011-07-17 01:20 PM [ 訪客留言(0) ] [ 編輯日誌 ] [ 分享至FACEBOOK ]

2011 年 7 月 10 日星期日

觀塘區聯校歌唱比賽2011-ECHOES 決賽

分類: ♥生活

我宜家既心情真係好興奮!!!
我根本估唔到我同卓熙竟然可以攞到觀塘區聯校歌唱比賽2011-ECHOES既亞軍,完全係我地既意料之外.

由5月去參加初賽,到知道我地入圍決賽,到今日正式上台比賽,我地都好似發緊夢咁.
有機會參加呢種大型比賽真係好開心,我地根本冇期望可以攞獎,我地只係認識多啲同累積下經驗.

今次攞到個亞軍,可以話係一個extra,亦係我地為藍田聖言做既最後一樣野喇!
總而言之,今次真係好多謝嚟睇我地既朋友,我地會繼續喺音樂路上努力架喇,下次既目標就係冠軍!!

200 Days♥

發表時間：2011-07-11 01:59 AM [ 訪客留言(1) ] [ 編輯日誌 ] [ 分享至FACEBOOK ]

2011 年 7 月 3 日星期日

澳門兩日遊 Day1

分類: ♥旅遊

今次難得我同老婆考完試之後都有個假期,所有plan好要去個短線遊.本應我地仲約咗喺美國翻嚟既Olive,點知佢甩我地底,最尾就變咗我地既二人世界.

我地搵咗好多旅行社既澳門自由行套票,最尾就揀咗中旅社既皇牌旅行套票.$1263包兩張噴射飛航既來回船票,一晚既利澳酒店雙人房,包早餐,仲有一啲優惠券,不過我地都冇用到-,- 就係咁,我地整裝待發,11:00am就上船出發.

我地先去議事亭前地噴水圓環旁既"黃枝記粥麵店"食Lunch.老店果然係老店,啲麵真係好好食.我地就叫咗兩款麵同兩款小食.

招牌蝦子撈麵-啲麵好爽口,蝦子味好重,不過太乾身.

鮮蝦雲吞麵-啲麵都係一樣好爽口,雲吞都好彈牙,湯就好清.

酥炸雲吞-都真係炸得幾好食,不過啲皮好似好發泡膠feel.

酥炸魚球-好一般,而且個蜆蚧汁好鹹.

跟住我地走去新馬路果欄街既"洪馨椰子雪糕",故明詩意,我地梗係去食椰子雪糕拉.啲椰子雪糕好 fresh,好好食,食到老婆唔停口.下次要試埋隻椰汁.

行上大三巴,冇咩認真睇過個牌坊.

反而走咗去隔離既地方行下. 我呢啲玩具熱血,點都要去行下,所以走咗去兩層樓既"玩具王國"行,不過都冇收獲.

跟住我地去咗行澳門博物館.名義上我地就係去參觀,實際上我地就係去涼冷氣,哈哈!!

喺咁涼既博物館裏面行咗差唔多成個鐘,我地就坐的士返酒店check-in喇.我地本應想轉間大床房,不過咁啱爆哂,冇得轉,要瞓翻兩張床.呢間利澳酒店既房都幾好,雖然話係四星級,但係有五星級既感覺,Good!!間房真係好大,望出去既view都唔錯.最重要就係個浴室真係超正,分開企缸同浴缸,啱哂我地可以一齊沖,慳翻啲時間.老婆都好中意間房,仲喺張床度碌嚟碌去,超可愛!!