hea左兩日都未有心機有野
原因係覺得現實太過無奈,太過殘酷
無聊咁睇番小學寫個既blog
又睇下小學同學個陣寫過既blog
個2年既一點一滴又係我腦海飛過
我兩日內第二次覺得
時間真係過得好快
3年啦
大家四散
講得好聽d就分道揚鑣
事實上就係各走各路
得少數既都重有聯絡
忽然好感觸
原來2年黎既一切都只係"發生過"咁解
不知不覺間已經fully融入左中學
f1個陣既陌生感已經無哂
講番正題
睇番d blog
成個人都投入左係過去
好似坐住時光機
慢慢咁睇番以前既片段
當然有d已經冇咩印象
但係我慶幸既係原來我曾經都有過呢d生活
無憂無慮
每日要擔心既係有冇得玩電腦呀早放定遲放呀呢d白痴既野
最搞笑既都係d小學雞式既愛情
日日都係到估邊個鍾意邊個
成日要幫人守秘密-,-
雖然真係好低能
但係認真掛住
另一大發現係
原來小學雞既林伯堅係賤精來的
原因不說~
忽然好憎以前既自己

呢d都係記憶既一部分
不過真係好少去搵番出黎
隨住時光飛逝
或者呢d記憶會埋係心靈既深處
你唔搵既話就就此消失
年級既增加
愈來愈多愈難既功課
愈來愈多野做
係學校既壓力+埋自己要苦惱
真係會壓死自己
無理念既人更慘
就好似係大海中迷失方向既船仔
而我就坐左上去
回憶番以前就好似搵番d令心靈更充實既野
可能作用唔大
但係至少build up番條time sense
證明活過既痕跡

忽然覺得
現在是由過去組成的
沒有過去
豈有現在?

上午10點番到學校做dt
做到下午3點半先做完
姐係用左當日黎做sigh
呢個假期差唔多日日都冇左半日
基本上到夜晚先有時間番下書
sosad=[

今日睇過下maths
對我黎講真係好難
鬼咩
上堂又唔聽書落堂又唔溫書
功課都係交得幾份
重想好?
不過
呢個時候大概重可以用
"還有時間"
呢個term黎安慰下自己既
maths呢家野係靠平時累積番黎
而家既我咪又係臨急抱佛腳
溫到幾多識左幾多自己心知肚明
不過其實maths都收左皮啦
之前一個cat無x哂分
佔考試分成7.5%
諗到呢到我知道自己氣數已盡:s

不過
至少我而家重未放棄
唔係好似上次test咁頹哂
而家最低限度係唔好放棄
=[
也許奇蹟會出現的
但,
算,
還是靠自己吧!

認識祖國認識香港=]
第四名!!!!
由筆試11月7號到而家
差不多1個月啦
而係呢1個月入面,
我地都有regular training
其實都算不上係training
次次係吹水笑聲同埋美食中度過
我諗我地應該係練得最relaxed個隊
從來唔覺得辛苦
太好了=]=]=]=]=]=]

真係勁感謝施施同啟成
次次都不辭勞苦咁陪我地訓練
次次都買埋0食上黎
great!!!!!!

都係要好多謝羅白隊長
成隊人出題出得最多
練得最正經個個
老實無你泥個大師兄我地連筆試都過唔到
thx!我好唔捨得你呀=[

比賽終於完左
可以無咁忙
我要努力
可以既話
2011年再見=]=]

是是但但打番篇野~

聽日cross country la...
該說什麼好呢?
我對拎獎牌無咩信心~
但係...
都係比個目標自己:
係呢6000米入面,
要keep 住跑,
一步都唔可以停
never give up!!!

跟住呢...
都同所有聽日跑既人講聲加油啦=]=]

THINGS WILL ALL GO WELL IF U KEEP PATIENT, AND BE FAR AWAY FROM TEMTATIONS!!
lam pak add oil!!
"non- ORDINARY STUDENT"

如果再唔打篇野既話我呢個QOOZA又再廢了-,-

講番今個禮拜啦,
呢個禮拜都幾多野下,
功課無心機做就不嬲嫁啦-.-
終於開始左我既欠功課生涯
SHIT!

話說今個禮拜都係整BOARD
整左勁多野!
由個BOARD無野到而家咁令,
自己都覺得好欣慰=]=]
不過代價就係做野做到虧左-.-
晚夜做人既ICON做到好鬼夜
不過我都算好嫁啦~
黎茵同樺樺都重夜過我SOSAD
呢個佢地真係出左好多力
感謝你們=]=]
同埋,
我覺得個BOARD真係勁令呀!
左邊勁有立體感,
中間勁令+勁真+勁夢幻!!!
個PRESENTATION都做得好好呀!!
我諗都有機會可以攞獎=D
YAYA!!!
所以呢,
就算做得幾辛苦都好~
我覺得都係值得既^_^""

有好野就當然有唔好既野啦-.-
話說我今個禮拜禮遲到三次=.=
加埋之前既1次,
而家已經有4次啦~
換句說話黎講,
姐係我遲多一次就會比人扣三分操行分,
+記小過~
記左小過既話我既prefect夢就碎了=.=
唉....
sad!!!!!

重有我欠左好多功課=.=
好快張list就會有個大名=.=
點算點算!

唉!!!!

琴晚比老豆老母鬧左餐
話我唔讀書又唔做功課,
日日遲到+夜番
又夜訓,
都唔知我發咩顛咁講喎=.=
唉,
我又想嫁咩
鬼知我能力低咩,
連僅僅既三個POST都做唔掂,
我都好想好似其他人咁,
做到野之餘重可以讀到書... ...
雖然我唔鍾意呢番說話,
但係又唔可以唔承認佢地講得好岩...

而家欠左成堆功課,
有排做,
SAD!                                                                                                               我現在還記得起小學有個老師講過"不平凡的學生"... ... 是真的嗎?

話說打BLOG呢個習慣自從小學之後就冇再打過~
一來冇心情~
二來冇時間~
三來冇人睇~
雖然呢三年之間,繼繼續續咁都有打過下,但係冇恆心=.=
所以而家就再試多次啦><

升上左F3一個月,
我覺得自己既觀點唔同哂ORZ
好似話自己介意左一D話題
e.g.
1) 身高
2) post既數量
呢d係咪所謂既青少年必經既思想變革呢-,-?
鬼知!

但係我唯一知道既係,
我而家真係想嘗試好多好多野,
搵緊岩自己既興趣(其實f3先黎搵係咪遲左d-.-?)
我到而家先發現,
其實我真係好想搵一樣自己叻既項目... ...
但係冇-.-
其實我真係好想搵自己既夢想,
但係我既夢想都係兩三歲個陣諗既-.-
當時既答案緊係科學家呀律師呀醫生呢d常規答案,
同我而家既興趣呀能力呀都冇樣match sosad... ...
周星星講過,
冇夢想同條鹹魚有咩分別?
或者我而家真係同條鹹魚冇咩分別=.=
我好想做到好似黃靖倫唱咁樣
"拒當快曬乾的鹹魚...呀..............."
哈哈而家既我就嘗試脫離鹹魚啦!!!!!

又話說番升左中三一個月,
好多野都變哂
唉!
因為係精英班既關係所以上堂真係超quiet,
有時係靜到你驚...
寂寞乘時侵佔你的心靈-.-
重有,
就係夜訓左,
夜訓唔係因為我勤力,
而係做功課做到勁夜...
而做功課做得夜唔係因為功課多,
而係因為我無心機做,hea 做=.=
原來講到最尾又係因為個"hea"字累事= =
要改呢個根深柢固既惡習真係要一段長時間-,-
重有重有,
就係我肥左勁多quiz,
而肥quiz既原因都係因為冇溫-.-
咁點解冇溫呢-,-?
咪係因為hea做功課而夜訓而又冇時間溫lor-,-
講到尾又係呢個"hea"字-.-
忍唔住講聲
小!!!!
我想改呀@@

踏入十月,
到底我係咪要繼續九月既續集呢?
咁就真係要睇我造化啦!

講番今日,
話說今日整完壁報之後無所事事，突然心血來潮想食下凍野，就一條友走左去糖樓食野。
入到去點左個椰香雪影，等左十五分鐘先有得食= =
終於等到啦，我用左十分鐘都唔夠就食哂成個-,-
但係坐係隔離檯嘅兩位姐姐仔(黎得早過我)就重到一路食一路傾計......
原來去糖樓唔係為食野嫁!!!!!!!
......sosad
[copy from fb ]

還有一堆功課未做,
後日重有個CAT-.-
點算!!!!
算了,
加油啦=]
!end~

 

眨眼間就到左7月中~
每年既呢個時候都係最得閒-,-
通常都唔會做功課呀睇書呀個D~
但係上左中學之後呢個情況都開始慢慢改變,,開始多野做lu~

今日係最後一日番學~
我番左半個鐘到就走啦,因為要打波~

2009-2010年度既2B就此結束,
感覺真係有d唔捨得~
話說我由開始
姐係知道要入呢班個陣,真係唔開心
因為我覺得呢班真係有太多閒雜兼無聊到極既人物係度~
到最後,感覺上真係相反
我真係好唔捨得2B
入面d人真係好鬼正,特別係黃天才-,-
雖然佢成日9唔搭8,破壞上堂學習氣氛,
但係我都係好鬼鍾意佢xd
太搞笑啦!!!!!

派左成績表,今年成績可謂大進步
級名次進左廿幾名,某d科重取得好好既成績
可喜可賀

操行a-,應該升到精英班~
表面上係一件好事,
但係亦都有可能係一件壞事-.-
我諗精英班同普通班既分別大概都係學習氣氛既強弱程度
無學習氣氛絕對係一件壞事,但係太強又未必係一件好事
SO,我認為係普通班比起係精英班既發揮程度更好~
所以呢,入到精英班都未必係一件好事ga~

講番成績先~
今年既成績應該係我既極限啦,無得再進(對不起我的能力太差-,-)
我有咁大進步都係多得今年d老師既幫助,下年都未必得啦唉=,=
所以呢,即使下年成績退步,我都唔可以過份自責~~(咁當然係有盡力啦)
-------------------------------------------------------------------------------------------------
話說今日去左打青少杯小組賽第一場
要去上環,來回車費都用了30多個大元-,-

去到個陣有兩隊打緊,
老實講兩隊既實力絕對係我地之上~
4隊入面得2隊可以出線,真係幾危險下

到我地打啦,overall 表現打得唔錯
micheal choi第一局連開7球得分,good!
成隊人接波唔錯,無咩點接失波
對面個隊就岩岩相反,接波唔係太掂
所以相對黎講我地既攻擊次數都比佢地多
最後直落2局贏左~

雖則如此,之後既考驗更艱鉅,
我在上面都講過,
另外個兩隊既實力係我地之上,
姐係話佢地絕對有能力打贏我地今日打個隊
亦姐係話,如果下一場我地對佢地係敗北既話,即使局數係2:1都好
我地出線既機會都好渺茫
therefore,下場開失打先接失既次數要好好好好好好好好好好好好好好好好好少!
----------------------------------------------------------------------------------------------------------------
打完波之後番學校TRAIN基本法個比賽,
我發覺我好似對d題目無咁sensitive,
搶得好慢-,-
全因我對d題目唔熟悉
我要加油!!!!
我真係好想入到決賽!!!!
彌補番我小學個陣既遺憾,,
即使唔得,
起碼都要問心無愧先!!!!
努力呀林佰健!
為秘密而努力~
送走陰影~

17號比賽,
確實係時日無多
但係,
重有4日
是"還有"4日而不是"只有"4日
4日也可以有轉機的=]=]
---------------------------------------------------------------------------

 

講番呢幾日發生過D咩啦...
其實無咩特別野=.="
無野做真係有少少悶嫁~
呀諗起啦=.=
今日番學校TRAIN基本法個比賽,HAHA,我今日既狀態唔錯唔錯~
希望KEEP到啦....

話說呢幾日都係到睇日劇,,,
老實講好睇過港劇-.-
我睇個D都係D比較舊既劇
有:
求婚大作戰
MR. BRAIN
CHANGE
龍櫻
岩岩睇完龍櫻~
一套係2005年播既超舊日劇=.=
但係內容真係好充實~
講一間超廢既高中入面既最廢學生點嫡起心肝讀書,入東大
過程超辛苦,有好多唔好既FACTORS影響左佢地,
但係佢地都無放棄過
從中重突顯友情既可貴
雖然佢地最後都唔係個個入到大學,
但係我覺得個結局都好好,好感人,最少佢地都全部盡哂力~

對吧!努力左唔一定得,但係唔努力就一定唔得.
世間上無跨唔過既牆,只有唔敢跨牆既人
(其實等於世上無難事,只怕有心人)
努力吧!~