好耐冇番黎la~
冇得上fb...惟有係到發洩下自己...

今日對於我黎講係一個傷心痛悲ge日子...
因為我失去左一位曾經開心過,傻笑過,癲過ge同學......

Isa...唔知你睇唔睇到呢篇blog..
希望你睇到la~:')
唔知你番完一個月學之後..對於我地呢班癲婆/癲佬ge感覺係點..
可能你會覺得我地好kai好白癡好無聊好傻,etc.........
不過其實同樣地對住你呢個懶訓妹..
我都覺得你好kai好傻好白癡X'D

但係..只係識你一個月,更加只係識左你2-3個星期...
你咁快就話要離開我地!!
你好不負責任呀!!!!!開左學一排就拋棄曬我地所有人!!
明明我以為我自己好幸福..可以有一班可以玩得咁癲咁埋ge groupmate..
但係點解你要拆散佢!!?點解你要俾一個破碎ge遺憾感我地!!?
點解你要將我一開始ge幸福瓦解!!?
點解傻Isa你要咁做!!?

其實個日森一開始上堂同我講你走...我真係唔信..
我以為佢係老作...
出到課室,到你係電梯口同我講...我都唔信...
我只係以為你講下..想我地更加留意你..關心你..
個下我終於明..咩叫接受唔到事實..
因為你真係真係太突然..
我唔知你係幾時有呢個考慮
我又唔知點解你一開始唔同我講..
又係你應承我..你會咩都同我講..
但係你最後都冇...

我今日整日都諗住我地幾個一齊ge笑聲..
一齊吹水,一齊行街ge畫面到呢一刻都不停咁滲緊出黎...
同埋一首舊歌...係我耳邊不停盤旋...
今日之後,我地會少左個戰友..
星期一之後,我地會係課堂會少左一把笑聲,
少左一個訓教妹...
少左一個傻笑ge笑蛋..
多左一份思念,一份傷感,同一份失落感....

其實你已經令我今日sad左成日...
係呢一刻我已經將我今日整日忍住ge眼淚喊緊出黎..
我都唔知點解..同我識左3,4年ge同學走我都冇喊...
但係令我落下別離淚ge竟然係一個同我識左1個月ge女仔..

我已經唔知講咩好la~
我只可以講...我同佢地個個都好唔捨得你..
但...又奈何...你去意已決..
當我地作出意識反應ge時候..已經俾你突如其來ge倉猝打沉..
我只可以講..u win~

我唔理呀!!你搞到我地個個都咁sad!!
要有懲罰呀!!至於係咩..諗到先講X""P
同埋呀!!要keep contact呀!!
你試下唔搵/唔理我地呀!!?
我地每人每日都轟炸你一次!!!-V-