唉~又大一歲喇,咁就18歲,真係好快大!感覺人生好似過左大半咁,都係時候諗定退休!!我響到想同自己講句:{生日and情人節快樂!!}我要好多謝我自己呀!!!

今日返學,都係遲到!不過呀sir好似扮睇唔到咁,咁都算係呀sir俾我既生日禮物掛?之後都好多謝班同學同我講生日快樂,多謝哂!!今日上左一堂之後,跟住全部都係做美食節D野.下午既時候我真係想喊出黎,呀sir響到勁串我,但係我明佢講乜,但係佢硬係要知我想點?不過我都唔怪佢,因為好多同學都唔知我想點,什至我D朋友都係!

可能冇人會認真認識我係個點既人,個個都覺得我好似成日扮認真,扮正經,覺得我好兇咁!!我只係想做返我自己姐,如果我要日日玩,咁我洗乜讀書呀?我返工唔好?大把工等住我做啦!但我唔想咁樣過日子!!雖然我讀書真係差,又懶,不過我問心無愧,我唔會俾籍口自己!!如果係關於其他人既事,我答應左一定做得到,唔會連累人!

好似美食節咁,有人問我:{你做過D咩呀?}呢一刻我真係好想發皮氣,不過我都忍住,我好想講我做過D咩!不過我冇咁做,因為我做過D乜,想知既人就會知,唔想知既人就算講俾佢知,佢都只會講一句,{咁樣好叻呀?}我更唔需要好似有D人咁(有人應該知道我講邊幾個)上堂做D野俾人睇,放學又冇點做過野,就算做過野都仲要唱通街話俾人知我做過D乜,勁假!!咁我都唔想理佢地,之不過佢地實在太過份喇!唔做仲要鬧一D有做野既人,我真係好想出聲鬧佢,不過我唔想做成咁,因為我可能又變成衰人!我都唔知點解今次會理ED野,如果係中學已前,我睬佢都有味!!