今日一起身,食完野就打機,係咁不停打,不本話出去搵嫲嫲同我呀媽去飲茶,但係成家冇人講返出黎,之後都冇左件事,成日唔係打機就食野,好無聊!

4點幾,sundy打俾我叫我聽日返工,不過我miss左call,飛左去留言,之後佢又再打黎,佢叫我聽日唔洗返,叫我返星期2,3,4!正!可以放多日假!(唔洗返一晚我已經當放大假)不過星期3可能會落大雨,唉~唔好整個黑雨黎呀!please~~

到左夜晚,我又見到佢online喇,不過佢好似愈來愈少on喇,如果連icq呢個聯絡方法都冇埋,都唔知點?不過佢好快offline,我即刻去睇佢個xanga(其實晚晚都有睇!)佢而家寫D野好似特別寫俾我睇咁!每次睇都有想死既感覺,不過又好想睇!!今晚佢寫個日記好似有寫我(可能係我過敏!),佢話我爆左一D野俾其他人知,但係我幾時有?我除左上個月晚抄完呢單野之後,都冇再講啦!唉~是但啦!你嬲就嬲飽佢啦!我已經唔能夠再由我控制!

不過如果真係已後冇機會再一齊,我點都要同你面對面講:可唔可以做返朋友?唔係既話,只會好似有D野咁,未正式結束.同埋我好難再鍾意第二個!