今日返學,因為今個月買左全月通既關係,所以搭火車轉地鐵,可以save唔少!正!!去搭地鐵又撞到angie,吹下水咁啦!返學上堂,又係聽下書,聽呀sir吹下水咁啦!都冇乜特別,不過因為有個miss冇返,搞到唔洗上下午D堂,勁正!放左學等馬高整埋學校美食節D野,跟住加埋vincent一齊去景福宮食野,D野好好食,好過尋日同呀琴去食味千,仲要咁貴!唉~諗起都唔抵!

食完飯,就更係想即刻返home訓啦!但係返到去,睇到個router著燈,即係可以上網啦!正~正~咁就搞到冇訓去打機!yeah!

5點幾,又係時候返工啦!今次仲叫左馬高去抄,掂呀!無啦啦又諗返起今日呀sir講左一D野,話高恩and震雨兩位兄台係抄散皇子,跟住我大聲講左句,咁我未抄散超人!諗返起都好好笑!我一個星期,抄既鐘數仲多個佢地兩個加埋!佢地叫抄散皇子,真搞笑!認叻皇子就真!哈~哈~

返到去,即刻衝左落去布草房攞3,我件3勁細,勁唔舒服!跟住就上去食飯,唉~見到D已前好想見到既野,而家就唉~仲要一齊搭同一架x,仲要幫佢禁埋x,唉~一去到B1,好多人都讚馬高掂!睇黎我都冇得no啦!o~shit!!

放左工,去到尖東火車站,又見到D唔想見到既野,哥陣時想買奶飲,一見到就即刻收返個銀包走都走唔切!之後仲差D想喊!正仆街(我話緊我自己,成個白痴仔咁)=-="都唔知個天係咪玩緊我?o~no!@!

講真,到左個時候,我真係好想再等,不過佢唔俾我再等,如果我等係會白廢既話,我都覺得冇所謂,之不過我同佢講會等佢既話,佢就會越做一D我同佢都唔鍾意做既事,佢同呀維拍拖?我覺得唔會囉!如果用我自己感覺黎睇,我直覺覺得唔會囉!如果用理智D去睇,佢地差成8-9年!唔好玩啦!如果我再迫佢既話,我都唔知佢會唔會同呀維結埋婚,生埋仔,搞到似係我一手做成咁!好似係我迫到佢咁做,我真係唔知點做?好多人叫我放手,係佢既錯,但係呢D野邊個話有分既呢?我真係唔知我可以點做,忘記她?講就易!