今日一早起身..遲左d...即刻換3出門口....
但打唔通俾佢地..之後搵winky...sor...阻住左你...
再打俾alvin..得左就走....
去到m記唔見人...坐左係到等.....
見到alvin啦..買野食....食食下見到子為...佢要等其他人坐私家車...真好..
等左勁耐都見唔到福成..打俾佢又打唔到...想死....
佢差唔多8點30到先來...遲左成粒鐘..無奈...
來左即刻搭962p...特快車..好才.....
落車落早左...要行去..超慘....
行行下發現後面有班女睇住我地笑...o左....
之後佢地4個俾我地叫左做mk女...哇哈..好衰....
我地行到馬路到停左搵人幫手啦....班mk女快過我地..
搵完就再行...又快過班mk女...又笑了...有點無奈...
行行行...轉左彎,咩都睇唔到....哇哈....
無啦啦福成又話..睇下後面..又係班mk女呢....狂笑中.....
行錯路...又行...行行行...終於去到地鐵站搵穆..一起搭車....
哇哇...超多人等車....3,4班車都可能唔到我地....
無啦啦又見到班mk女係到等車....唔係掛...又係去海洋公園..仲要快我地咁多...想死...
等車果時就俾人吹緊..真慘.....到左打俾佢地...
點知佢地係山下...我地山上...要等佢地上來....
都唔知佢地係咪去左玩既..等左n咁耐呀..呵呵..說笑 ja...
in得..愛斯基果到多人到死...所以唔玩住...
行行行...佢地諗住玩有水果個啦..多人到咩咁....再行....
勁多條電梯,又長...等超耐呢....首先係去左睇水無...
d水無真係好鬼cute的.....又細粒..又彈下彈下咁...
超鐘意佢地呢.....勁多唔同品種既水無...超cute!!
不過唔知點解間野好多鏡..搞到我有一次直撞左去塊鏡到...
慘爆..出番門口..超多人呀...好才頭先無人 ja...呵呵..
諗住睇下果d水無公仔幾錢啦..點知我搞到隻公仔跌左落地下..係個攤位後面...
之後扮曬野咁就走左...因為我都撿唔到...呵呵,超奸....
第一個就玩飛天千秋啦...alvin就開始想唔玩了....
最後都逼左佢去玩..玩果時超好笑..狂聽到福成講野...哈哈...
玩完呢個去左玩咩沖天搖擺船..個名係咪好勁呢??其實即係海盜船..呵呵...
我地坐好像係尾3果行...超high呢..差唔多直左....xd....
玩完就慢慢死左去果個番天飛鷹到...見到其實都驚會嘔的...
係咁轉...又未休好 wo...但都死左去玩....
福成,穆同子瑜姐就係到睇....到我地果時...我同alvin同一架啦....
其實係好逼的..都唔知係唔係俾2個人既...呵...
轉呀轉呀..係咁聽到alvin大叫..我就一時開眼睇下..一時關下眼咁啦...
去到最高果到睇住番天飛鷹個影...好唔知咩咁...
係最高落番來果時就聽到alvin大叫..阿媽..我唔玩啦..我番屋企讀書...xd....超爆好笑....
聽完之後就一直笑落去 la...呵呵...
之後係到諗緊玩咩.諗住去食野先..但食完野無得玩...
所以最後決左去玩過山車先.....winky死都話唔玩...佢之前叫人剋服 ma...
我咪又學佢同佢講叫佢要剋服囉...佢最後都俾人勸好左..都係去玩既..
alvin死都話唔玩...我要一個人坐..唔係掛...唔好咁對我...
最後福成坐左係我旁..咁都好d...
係咁同福成傾計..好好笑呢...但係個頭俾個野撞到幾痛...好快完左..
又玩多次...狂叫alvin都唔肯玩..所以最後都係我地去玩....
今次打散左..自己一個坐....旁邊無人..呵呵....今次無感覺了!!
玩完就去左搵桌食野啦...之後穆就狂叫人陪佢去玩跳樓機..
我都唔知玩唔玩好..有d想玩..但又淆淆地 bo....個肚仲係空既..有聲發出來.xd..
最後都係同穆去左玩跳樓機..又要等...唉..今次無了無了......
到我地啦..我連果個安全帶都唔識扣...真失敗....
上得啦..無咩野既..上到最頂..突然聽到穆話好驚..超好笑...
但我都未笑就開始左落..xd...feel到好明顯我係離左張野...超驚..但又好high...
好快玩完..番番去搵佢地...之後搵野食...
超多人..野食又貴...最後都係食左佢地果d蛋糕算了...
食完就玩果d攤位...winky係咁話我頭先答應左佢拋一隻公仔俾佢.....
以我記得係第一次經過果時我又真係答應左佢的....
搵搵搵...睇下有咩攤位易玩d..一開始都係睇下人玩...
突然間穆玩大力果個野...2次都好像70幾..唔知有無記錯...
玩完到avin玩..alvin有130幾.咁鬼勁既...第二次都百幾呀...
但係佢好像好易打咁...xd....
玩完我就去左玩拋波..要拋個波撞到塊板再趺番去個盒到....
我玩$20...超難囉..超輕力都唔得..福成話佢混水...哈哈...我都覺..
之後班女仔玩拋波波...今次係跌落個圓形洞到..感覺上係易d既..
但係佢地玩完都唔得既..可惡....
之後我地又玩多$60啦....我,穆,alvin一人$20的...
見到穆中左個公仔呢...超lucky呢...我同alvin都無....
只係得果d紀念品(因為俾得多錢玩所以有果種....)...無要到..俾埋班女仔....
玩完諗諗下好像俾佢混左水..因為$50就可以玩多一局的...
但我地$60都無既...之後好無奈地咁聽到winky講....
"唔係呀..頭先有個好細同好少波果個咪係囉..只係我拋左...."
o左....之後我又見到要拋d圈圈去玻璃瓶到....
我又唔服之前輸左 wo.又答應左winky俾隻公仔佢...so最後決定去拋..又俾多$20了...
一開始仲以為呢個係好易的啦..點知拋來拋去都唔中....失望呢..
之後開始亂拋了...仲有d直接飛出街...哈哈....心知玩完....
但係無啦啦有個唔知點就係個玻璃瓶到wo....中左...xd....
超開心...之後就叫winky自己睇中隻公仔就叫佢拿...
winky睇中左隻唔知咩..佢就叫果隻野做青BB...最後好像話係吉祥物...
隻野真係勁大..拿住隻野真係幾煩下..但呢種戰利品煩d都值得既...
之後就分開玩啦..佢地去玩沖水果個...我地就去左子為所謂既跳樓機..其實係觀光塔....
去到最頂睇....風景超令呀.....
睇完諗住行番落去...突然聽到有條友係咁講merry christmas..睇下....
先知係一個白3既女仔..唔係太令.但ok的....我諗住走去同佢影相的啦!!
點知後邊無啦啦多左個聖誕樹人走落來..佢又同個白3女仔一起 wo...仲叫要影相既等..
我最憎就係等..仲要唔想同個聖誕樹影...因為我覺得佢好噁心...所以唔影就走了...
經過海獅果到...之前有經過的...但好粗略咁睇....
今次去埋個館地下果到睇...海獅都好cute呀..xd....好鐘意....
但係winky佢地吹我落去幫佢手拿番隻青BB先...所以無咩點太留意...
行番落去...搵唔到佢地...打俾佢...先知佢地差唔多到..拿唔番隻青BB出來....
咁佢地就放低左去玩...我地就係到等佢....經過果時我地偷拍佢地..但係唔成功...
佢地4個都有雨衣..超搞笑...人地都無既...
玩完係出口等啦..點知佢地個個都濕鬼晒..一開始仲叫我地玩....真係無咁笨....
之後去等玩愛斯基啦...勁多人...等等等...等左n年先in得....
in到真係好有feel既...有d外國小朋友係紅色3咁係到釣魚...好搞笑呀!!
我記得有一個頭先我係出面見過佢的...佢仲無啦啦拍到我隻手...佢隻手超暖呀..xd...好鬼得意..
係果到拍照多...我就第一個撿起d冰拋落子為到先...之後就第三次大戰啦....
其實我都唔知係冰..一係雪...哈..差唔多啦....
最搞笑就係子為諗住拋落我到...但佢無啦啦跌低左..好好笑...
因為個地下好易跌的..有d唔知冰..一係雪 ma...xd...
玩完出去...時間尚早...佢地又諗住去玩...我就唔想玩了...太累啦...
隻腳都行到痛....最後佢地都無玩...去等纜車番山下...
超多人...超無奈...等等下又見到個聖誕樹啦...佢今次同彊餅人一起...無奈...
winky第一時間衝左出去同佢地影相...唔係掛..個聖誕樹咁都同佢影??..呵..無野好講!
佢地走左即刻快左好多呀..等既時間少左好多...呵呵...講笑...
等左n年終於上到纜車....超好笑囉..alvin又係驚高既...呵呵....
有次無啦啦聽到前面有人大叫....前面係班女仔...
即係子為大叫啦....哈哈
見到有車玩的..好想玩....
不過我地去左動感影院先....ok好玩啦....
最慘就係成日嘖水..又無得走...慘慘....xd..
玩完alvin又玩多次果個大力啦...因為山下,同山上都有....
但係今次2次都係無過百....好像山上果個易d...慘...
去左睇車果到幾錢..點知要成$40...太貴啦..無玩到.....
見到個n年前既樹..呵呵...影左相咁...
之後去左兒童王國...唔係掛...講真 ga??
佢地真係去玩旋轉木馬....alvin仲第一個跟埋去....哇哈...笑死我...
我本身諗住扮曬野佢地唔記得左..我就係到睇的...
點知winky又記得 wo...捉埋我地去玩...唉....千年道行一朝喪...
玩玩玩..最後又影埋相...無奈...
玩完係個花到影左相...最天真係winky...佢真係放個頭係個花到...有點低b...呵呵
影完係到in左個鄰像迷宮既..子瑜姐狂俾我地玩....
佢仲話知我地係到...但佢一樣驚...超好笑....
玩完行多左陣..無野玩了...決定出去食飯...
等左幾班車到到我地...番左去金鐘食大家活...係大快活門口行番去大家樂...
今次係大家樂到睇左陣啦..無咁多位...又走番去大快活..
因為大家樂同大快活2間係旁邊的.....幾o下....
食食食...男仔食埋同一樣野..女仔又係..哈...好像特登咁...
食完係到玩d汽水樽...太無聊啦因為...玩玩下....
班女仔突然走 wo...超o....我就走去拿番隻青BB走...
穆一個人去搭車...我地咁多人連車站係邊都唔知...真失敗...
知道車站係邊..又係到問搭唔搭..因為我地可以搭地鐵去荃灣先轉...
搞左一輪....先決定直接去搵巴士站...搵之前我地去左搵toilet...
見到個toilet..個阿伯話唔去得..打緊蠟..搵過第二個啦....
見到了..我地開門..開唔到..點知係有限開放時間..超想打爆佢..
我地就去左2樓搵toilet...班女仔就係到玩..不停咁講我地既同bra們...超o...
搵到..我地in左...又有個阿伯..不過佢今次係清潔既...
班女仔又好像想去咁 wo...問男果到有無人...哈..因為女果到鎖左...
之後個清潔阿伯開左門俾佢地in傷殘果到...佢地唔知點搞..好像無人去咁的...
最後推左winky去...我就無啦啦關左燈...哇哈哈..winky係到叫...超好笑...
開番燈俾佢...佢出來之後講佢頭先搵唔到條皮帶...哈哈..好玩...
之後搭車番去 la...好多人都睡覺....我無睡..呵呵...
福成就低頭唔知做咩...
alvin就好像睡左咁....
子為就睡左係到..婷姐姐就捱左落去...哈哈...好搞笑...但無影到相..失敗
winky就攪住隻公仔好像好辛苦咁..叫佢睡佢又唔睡..仲要扮精神咁..xd...
之後我,子瑜同埋winky就係咁傾計...無啦啦winky話落車....佢就即刻拿曬所有野仆出去..
佢搞到好像走佬咁..xd...我到左就落車...搭番輕鐵番屋企...
番到屋企就好快睡左...xd..累爆...
p.s.今日好開心...而且有相的..只係我未放上來...有時間就去睇下啦!!
終於打完今日既日記...超長長長長...長到想死...希望大家唔會覺得煩掛....呵呵... | 
