今朝攰到嘔，想唔番學。但係由開學至今，已經有7次既請病假紀錄，再請我驚會俾人少...

搭lift，又再次於17樓碰到吳梓榮，真係有緣啦 =] 經過十座至到李兆基一段冇瓦遮頭既道路，番到去成身濕哂...

可能天氣熱，今朝既assembly特別長...

第一堂中文，教左杜甫既詩，不過唔記得左個名!

phy，派番上星期四既卷，wakaka，18/35，剛剛pass左，佢話average既分係19.5，唔係差好遠姐=] 寶寶竟然攞到31.5@@? 真係令人費解，繼網球小王子之後，佢又做埋physics小王子。 之後講書，教wave。今日黎sir少左好多冷笑話，個樣極嚴肅，同平時唔同，d人傾一兩句傾就係度鬧:「留心d聽得唔得呀!?」 唔知係咪我地班個test唔好，定係有其他野激到佢咁呢??

recess，繼續一貫本色，唔到10:20都唔落去，唔打完鐘都唔買野食，之後有人俾譚sir鬧，呵呵!

cit，教新野 stack，唔可以ramdom access，只可以first in last out，叫我地用 array 去模仿 stack。 其實之前都唔係好明個concept，但係佢地點一點就明哂(醒目)，用左一堂時間整，之後果堂用黎吹水上網，真係高興 =]

eng，對番paper 1啲 ans，之後就叫我地自己睇書做野，無無聊聊又到12點， lunch time!

今日除左有"例牌"之外，仲多左寶寶，一齊去大碗飯食。 根據過去經驗，車仔麵一定會快過飯，跟住"例牌"果4個就叫哂麵，得寶寶一個order飯。 正當個個都恥笑寶寶之際，佢個飯即刻黎左，而我地d麵，得左10分鐘都未有，今次真係適得其反!! 大約12:55食完，去新都會搭taxi，好正呀!!

maths，今左份 hkcee 既 pass paper我地做，a maths既卷。  我幹! 同我地本書既 level 2冇得比，易到嘔! 雖然都唔係識哂，但係真係比想像中易好多，10題大約2-3題唔識做。一路做，做到 short break就game over左 lu!

gag堂，乜鬼大匯演，講條友係天堂遇到5個係自己生命中出現過既人，有重要同唔重要。 跟住有合唱團，管弦樂團表演，有人唱歌跳舞，有人係度做話劇，出黎個效果都算唔錯。 卒之15:20就完左，上番課室。

同呀彬係班房吹水。 跟住睇c grade手球 friendly。 本來同佢地一齊落kf m記吹水，but太晏啦，聽日先啦!! sor呀 =]