呢幾日發生好多野，都覺得要珍惜。

尋日lunch同kai謙and kai豪上東邨食，成日kai謙都神不守舍，可能因為某d事吧。我地上到東邨既馬路，咁我見kai謙望住左邊，以為佢發覺左邊有車，就下意識望向左邊，點知一望果去，kai謙突然向後撞，我就望向佢果邊，一另轉頭果下，架車就係我70cm既距離前橫過，kai豪副鏡仲要跌左落地。我即刻問咩事，kai豪話 kai謙完全冇停既意思，佢下意識用手撥佢，搞到佢停低左。 果陣kai謙係我前面，而係我既角度，架車離我70cm遠，因此，kai豪同架車可能得30-40cm遠，如果佢行前一步既話，後果不敢設想，而我，可能會同kai謙既後果一樣。

尋晚去左m記傾計，我地3個傾番，都覺得好震驚，因為果一刻，kai謙離死亡真係好近，我地都想像唔到後果係點，淨係覺得，人真係好易死，雖然呢個道理係人都知，但係就唔係係人都感覺過...

而我，上星期五開始已經有耳鳴，我諗住都冇事，唔理佢。點知尋日都有，今朝仲更加犀利，暈得好厲害... 記得有耳鳴的原因有三: 1.耳朵不乾淨，2.耳水不平衡，3.腦癌。 今日去睇醫生，佢幫我睇過耳仔，原因1已經被rejected，得番2同3，佢(醫生)話，如果情況持續一星期，就要寫紙去睇專科，佢仲開左d藥俾我。 講真，希望d藥有用啦，冇用既，就要去睇專科啦! (其實本人覺得腦癌既機會都ok微=]，不過如果有耳水不平衡又唔及早治療既話，有機會 會聾)

算啦，唔諗咁多，聽日有a.math同bio test呀!