太陽，在窗子外高掛

 我的心，卻在深淵墜下

 　然而，我要勇敢放下

 但始終，仍然難敵牽掛

 　不幸，家中糾紛不斷

 仍慶幸，好友乃是知心

 　人生，無論怎樣低落

 在我心，還會努力堅持...

尋晚3點幾先訓，因為有d唔舒服。今朝9點幾又俾我老豆嘈醒，無奈。想溫書，但係完全冇心情，想溫都溫唔到入腦，於是打陣機，then先再去溫。約左kai謙1點係葵芳等，一齊去買school shirt。

去到葵芳mtr station等左陣，見到謙，於是一齊去dali fence食lunch，食左$40。之後落三聯睇書，見到有harry potter既英文書，於是我左本adult version既prisoner of azkaban，kai謙就買左adult version既the Chamber of Secrets，睇黎始後對英文書既interested又增加不少。

之後去左剪髮，等左半個鐘先輪到我，剪左三個字，不過都剪得幾好。之後就去仙跡岩買野飲，then kai謙話佢呀爸呀媽黎join佢，跟住我就番屋企lonely and alone……

番到屋企，發覺冇左張sofa，頓時成間屋既空間感大左好多，great。

聽日要英文joint test，唔講太多。

一路以來我驚會發生既野終於發生左，諗住用psp玩老番會冇事，點知就係尋日10時左右，我既psp就”成功”地死左機，開唔到。

今日放學同哨牙落荃豐睇下整唔整到，間間鋪頭俾我既答覆都係:「你買過第二部唔駛咁嬲，整番都浪費時間…」唉…跟住就諗住賣左佢，都好，有一間話收$800:psp + 1g b memory stick。算啦，收左果$700(果$100聽日落去攞埋)，跟住走左去買過部ps2，連1隻game+1張save卡:$830，都算係咁。而家部ps2擺左係廳。

p.s 今日上a.maths好開心，連堂既兩堂訓哂，由上堂到落堂，正!!~~

照舊７點起身，見呀媽仲訓緊覺，老豆話佢好攰唔番工喎，原來係咁∼

換左冬季，唔覺得會暖幾多，早左一個字出門，一出門就一陣寒風吹埋黎，果然，終於體會到街頭露宿者既慘況。番到去見到呀銘哨牙，之後就一齊過去。

聽左一個幾無聊既早會，條友講野都幾悶，聽左３年，仲要講，難為我地係下面食風，搞錯。

第一堂eng, miss O臨時話Wednesday joint test，無奈，佢即刻放棄之前教緊既野，無啦啦教番tense，好有臨急抱佛腳既feel喎老細。

兩堂ct，正，譚sir新增幾部比較”強”既電腦，正興奮之際，佢話淨係俾form3既project learning用……俾我地用下駛死哂，話哂修ct喎…

中文堂，狗邦同黃進禧(唔知有冇寫錯)再次俾矮仔簡串，原來佢地玩copy功課，抵死，777777。

兩堂chem，入lab，繼續我地4條友係度吹水，卒之俾佢鬧，不過佢鬧緊我地果陣我都係傾緊計，完全唔理佢呀，正~

Lunch，去左仙桃食，d野好食左喎~

兩堂a.maths，又調哂位，同呀彬係度搞gag，好鬼搞笑呀>w<

Last兩堂落hall discuss英文既great expectation，之後睇titanic，原本3個鐘既戲cur到得番3個字，都勉強交代到d情節，係有料喎。

放學，同kai謙落kf打波，見到熟人，一齊打。又整到隻指公，無奈。

打完同kai謙兩丁友去左紅樹林食下午茶，$22連加一，抵。

食完去左”另”蛋，”另”唔到想要果隻，失望。

算啦，好攰，聽日continue。

在我的世界，什麼都沒有了...

尋日溫溫下a.maths，同謙傾緊點做，好難，本來已經好煩。老母唔知係咪同老豆鬧完交條氣未順，無啦啦搵我出氣，啲a.maths已經搞到我沮喪，仲要無啦啦係咪小我……勁想離開呢個屋企……

尋日溫a.maths溫到12點半，已經好攰，就上床訓啦。今朝起身驚訝的發覺屋企一個人都冇，仲好，聽歌可以開到好大聲 (唔理neighbours)。

番到學校，即刻拎本a.maths溫。死，發覺冇溫過chapter 3，即刻把握少少時間，狂問人點做。好彩之前做chapter3都算認真，睇一睇番都識做。

上到去，個test隨即開始，得1個鐘時間，要做8題，一開始做都幾順利，都識做，點知做到第7題，就死啦，完全唔識做。改做第8題，點知得 8a i識做，咁就白白冇哂14分……算啦，起碼呢幾日既努力都冇白費。

跟住phy堂，都係好平凡咁過啦。

Chemistry，繼續唔理佢，溫下bio，同呀彬吹下水咁啦。

兩堂eng，同自己既group members discuss下星期一既task，我地4e四丁友，一開始就係咁吹水，傾左少少野又開始現過。最終都好似冇乜做過野。

Lunch，今日同呀kai謙佢地食，去左葵廣3樓果間野食。哈哈，永遠唔會忘記「3粒魚旦，3塊魚片，4條河粉」!!跟住就夾錢打的番上去。

兩堂bio，要test，點知俾想像中易好多，我諗點都攞到75%既分。

兩堂中文，講左陣議論文，之後派joint test卷。Jor，61分，雖然俾expect既低，但係都算係range入面，第4等。估唔到kai豪咁勁，71分，俾佢吹漲啦~~

放學，去左做student counsellor，做到4點8，教左個form1一題數就走左，落左去打波。打完之後同佢地去左飲野，飲完就番屋企lu。

好攰，唔寫住，聽日continue……

尋晚溫a.maths溫到12點半，then打機打到一點到啦，諗住今日番學又會堂堂訓，點知出奇地精神，之前都試過早訓，11點到啦，點知第二日仲攰，可

能我天生唔駛訓咁多…

中文堂，矮仔簡繼續發表"佢既"謬論，佢唔知痴左邊條線啦，今日冇串我喎，不過傻仔ben同狗邦就俾佢串。其實佢自己都成日講廢話啦，點解佢梗係要串人講廢話呢? 好心佢睇下佢自己post係中文論壇果篇「廢話連篇」*啦。 (*冇記錯既話)

兩堂p.e，落左去葵芳，同呀彬同kai豪一team，屈佢地機啦(唔係我，係佢地勁)! 上番黎，原來已經recess，去左買野飲先，then先去換衫，搞到遲左2個字先番到上去，sorry呀mr leung。

漸漸發覺mr leung愈黎愈唔likey我地4e四丁友(係fd就知邊幾個)，佢眼啤啤我地，不過算啦，我地的確係...

兩堂physics，本身諗住落medical room訓，點知呀「萊弟」話今日係黎sir生日，同佢唱生日歌，算啦，黎sir咁好人，冇理由唔幫佢"係咁二"celebrate下啦。  落到phy lab.，講完早晨就開始唱(唔太齊)，我地一開始唱黎sir就係咁笑，唱完佢就扮喊扮感動，果然係4e冷gag王，做既野都係咁出人意表，不過"我"咁有心，唔開心都唔得啦wakakakaa

食飯，豆漿大王full哂，本來想去旦王，跟住行行下經過"屎筒"，入面有兩張大空枱，咁見個個好耐都冇食"屎筒"，咁咪入去囉。點知"屎筒"既野唔單只冇改善，仲衰過以前，唔怪之得係間間食肆都full哂既時候，佢竟然有兩張冇人坐既大枱。正所謂「空穴來風，未必無因」……

番到去，又兩堂a.maths，繼續唔聽佢講書，自己做自己野。

跟住mrs yip堂，發覺佢愈來愈似一個大細路。

Last lesson，miss O堂，派留兩篇composition，低分，冇計，份份都最後5分鐘先做，不過好過冇得交，唔係又俾佢罰企，極度唔想咁囉~

算啦，唔寫啦，聽日continue

其實早幾日都已經唔係好開心，尋晚同kai豪同kai謙兩個傾完電話之後仲down。

而家我既處境就好似本身我已經被困係一間黑房，有小小曙光黎到啦，諗住會出到去，點知又好無情咁熄哂d燈...

唔知係咪個天玩我啦，點解見到身邊既人美好的同時，傷心總係圍繞著我...

不過都好，個天總算唔置我於死地，俾我遇到一d好好既fd，多謝你地...

不過算啦，點都好，一個二個既test黎緊，我要好好讀書啦!