我好想多謝哥哥，係佢教我點去做人，點樣笑，點樣喊，點樣去享受自已既人生，對於我自已黎講改變我既性格係源於一首歌

，當然就係我最鐘意既《我》，裡面既一句：孤獨的沙漠裡，一樣的盛放得赤裸裸。

我個人黎講可以算係全世界最悶既人，平時如果無人同我傾計，我自已一個就靜到咩都唔講，平時可以陪到我既就只有哥哥既歌，戲，仲有聽收音機同上網，我最靜個時就過一日唔講一句野，可能係天生性格加上抑鬱証，令我變成咁。

有人話我Nice，我就唔多覺，我幫人係因為我悶，我教人做功課都係因為我悶，世界上無咩野係可以令我主動引起興趣，當然除左哥哥以外啦。

大家睇完上面Ｄ野，應該都有疑問，如果無野引起到我既興趣，當初又點解無接觸到哥哥既野。

原因又係個個我個人悶到連我個補習老師都問我點解，佢話不如試下尹個偶像迷下，我話唔知邊個偶像適合我，佢叫我試下聽下哥哥Ｄ野。

我就走去買左夜半歌聲黎睇，去到聽到哥哥唱一輩子失去了你，我就喊左啦，係我第一次睇電影喊，然後我就鐘意左哥哥！