')))Ｆaｉ日言己 - QOOZA BLOG 網上日誌

leungkafai : 個人主頁 - 相簿 - 訂閱 [ QOOZA - 論壇 - 登入 ]

leungkafai

暱稱： °×[輝
性別：男
國家：香港

MORE...

最近沒有訪客

日誌統計

文章總數： 230

留言總數： 33

今日人氣： 10

累積人氣： 5462

站內搜尋

RSS 訂閱

2005 年 11 月 27 日星期日

有開心&o吾開心...

今日一早就醒左..

醒左之後..想訓都訓唔番...

所以落左街陪呀媽飲茶...飲完就返屋企換杉...

換完就搵loklok同楊賢增一齊去比賽個到..

本身得三個..之後邦邦.方少揚同梁興都一齊..

等佢地個時聽到d野...搞到有d唔開心..(唔講咩啦...)

好彩ed野都影響唔到比賽既表現ja..

今日係朱敬文對林裘謀...

成場係咁俾人撞...撞到心口''紅''哂...

e場都打得唔錯..不過打到冇哂氣...

上半場就ok..不過下半場就好辛苦咁..

12比9完場...上半場羸四球架..

本身入到3球...不過個球證寫我入多一球..

今場我入左九公...勁開心..甲組既第一球九公..

打完波去走個時..見到一個好似某某人既人...

不過都冇咩可能係個個人...

我同loklok&邦邦去左睇啦啦隊..個到好多人...

所以去左一陣就走lu...

之後邦邦返屋企..不過多左兩個人...

四個人坐的士返好運...去到好運就各有各走lu..

我陪loklok就去買野...(唔講得係咩喎...)另外兩個就唔知去邊..

我同loklok買完野..之後就買d野食..

食完就搵番佢地兩個..

之後就坐火車返大圍...佢地就行番屋企..

我就坐車...因為太''支力''..

返到屋企就沖涼..之後就計附加數..

計到一舊雲...之後就背默書..

今晚真係忙忙忙忙...

刊登時間︰2005-11-27 06:17 PM [ 訪客留言(0) ] [ 編輯日誌 ] [ 分享至FACEBOOK ]

2005 年 11 月 26 日星期六

做乖仔...

今日一早就要起身返學校補課..

今日個個好過上年...超好人..

補左三個鐘...補到十二點幾...

之後去m記搵堅堅..去到搵完佢地就返屋企..

之後成日都係屋企...做乖仔..

係屋企溫左一陣...

聽日又打學界lu..

刊登時間︰2005-11-26 03:41 PM [ 訪客留言(0) ] [ 編輯日誌 ] [ 分享至FACEBOOK ]

2005 年 11 月 25 日星期五

北上....

今日一早就起身..起身換完33..

之後就落去搵loklok一齊返學..

返到學校探下體溫..之後就坐車北上lu..

我既第一次上大陸...

坐車個時...個導遊由沙田講到沙頭角都講唔停...

想聽mp3又唔得...搞到全程係到呆坐...

坐到上去...要係架車到又上又落..

查完身份證又查回鄉證...查完e樣個樣之後...

終於開始北上..

過完關...又坐要成個鐘..又要聽個導遊講成個鐘..

先去到發電廠..點知都係冇咩野做..

去到聽下d人講野..(完全聽唔明..講國語...)

聽完講野..影下相...

就去高d既地方睇真既發電廠...

之後就坐住架車遊下遊下...

跟住就去左食飯...

未到食飯個地方個時...導遊講左d好正既野...

八''送''一湯..白飯任''莊''..

豉油任''點''..唔夠就''no''湯

去到成班好似傻左咁...係咁食...食左勁多野..(不過我都食左四碗飯..)

食完周圍行下...之後就坐車番去lu..

返去個時個導遊都係冇停過口..

講到返香港都係冇停...

返到學校吤漄?.返到學校之後就練波..

練完就同楊賢增一齊去接坋a姐個女..(超超超超超超超超超超得意..)

之後就自己返屋企lu..

刊登時間︰2005-11-25 08:25 PM [ 訪客留言(0) ] [ 編輯日誌 ] [ 分享至FACEBOOK ]

2005 年 11 月 24 日星期四

準備北上..

今日返學校冇咩特別..

係開''lok卡''個時...同郭振霆玩...

頭三堂中文...做個d模擬測驗..

做得都唔錯..之後英文堂..

又係好似平時咁..成班係到吹水..

之後兩堂數學..(做功課///)

lunch又要去搵mｉsｓ李..背完野出左去食野...

lunch之後兩堂物理..

測驗..識識地既...(不過係對住本書做..)

之後空堂...做番物理d功課..

放課就好準時咁走得..

不過都係操場玩完先走..

之後就去左救世軍..(e+救世軍好悶..)

冇左阿吉!!!ed大魔星係到...

係救世軍企左一陣..就返屋企lu..

刊登時間︰2005-11-24 07:35 PM [ 訪客留言(0) ] [ 編輯日誌 ] [ 分享至FACEBOOK ]

2005 年 11 月 23 日星期三

o甘又過一日...

今日遲左小小返學...不過冇遲到..

頭兩堂附加數...又教新野..

上左冇幾耐...先發覺自己發燒..

希望星期五冇事啦...如果唔係就大禍喇..

之後兩堂英文..又係揾小七作文..

之後就數學堂...終於定唔到..訓左教..

訓左一陣俾人嘈醒左...

坐左一陣就放lunch..lunch又去背野..

背完就即刻去食野...用左5分鐘黎食野..

之後就返學校lu...

之後就上中文堂..用新書...(唔知要帶..)

搞到要同jａcｋy一齊睇...

都預左既野..就係俾mｉsｓ李罵...

最後既係班主任堂..周炳拎左黎講書...

之後放學補附加數..(係咁dddddddd)....頭都爆..

之後放左就去電子工場...要整過張牛油x...

整到勁夜...之後就返屋企lu..

讀電腦好定讀機電好呢???

刊登時間︰2005-11-23 06:27 PM [ 訪客留言(0) ] [ 編輯日誌 ] [ 分享至FACEBOOK ]

« | 3 | 4 | 5 | 6 | 7 | 8 | 9 | 10 | 11 | 12 | ... | 46 | »