聽日就係「第44屆香港學校舞蹈節」。有小小緊張 ......

今日係星期一 , 我應該番田徑隊。不過 , Miss Liu 為左比賽作最後準備 , 所以叫我地一定要番今日放學嘅練習 ~

結果 , 我地特訓到 > 6:00p.m !

Kayo & Olivia 問我去唔去「Blue Tin」(藍田) ,

話去睇下D戒指 、手(握) & 耳環 , 睇啱就買黎聽日戴 。我見難得有 friends 可以陪我「衝出」將軍澳去行街 , 梗係去啦 !

但係呢個消息實在太突然 , 我都未問亞媽比唔比 ...... 一出學校 , 我就借 Oli 部手機打比亞媽 ,

佢又照常話 ：「問你老豆 la !」咁我就打比亞爸 , 我話 ：「聽日要比賽 , 可唔可同D同學去藍田買飾物呀 ?」佢居然比喎 ! 不過 , 佢叫我早D番 。

之後 , Oli 同 Kayo 話個書包好重 , 好想擺低個書包 。

諗諗下 , 本新個書包好輕嫁咋 ~ But , Miss Liu 叫我地帶番條牛仔褲 & 牛仔背心番屋企 , 臨急臨忙之下 , 邊有袋喎 ! So , 塞左落書包 。

雖然唔係好重 , 但係個書包就超漲 ; 揹住個書包就好似揹住個龜殼咁 , 好辛苦呀 !

So , 我又打比亞爸問可唔可以放低書包比佢 , 佢又比喎 ! 之後 , 我就去慧安園比個書包亞爸 。

最後 , 我買左兩隻一樣嘅手(握) ── 一隻自已嘅 ; 另一隻係比我小學最 friend 嘅 Maggie 。