今日九點鐘起左身，食完早餐就搭車番學 ~

約左 Antonia 喺十字路口等，去嘅途中見倒人賣旗，但諗起要罰 $8 比圖書館，即刻走都走唔切

（ 雖然我的良心都過意唔去，不過呢排個荷包「扁 tag tag」…… ）

去到圖書館即刻還書，攞定個銀包出黎罰錢，點知原來禮拜六、日唔計！唔駛罰錢 lu ！

跟住同一眾辯論隊發現左好多尋日萬聖節冇食到嘅野，

好似大大包熱浪、粟一燒咁 ~

我地個個都圍住包熱浪，一開左就係咁搶，連Ｄ碎都唔放過，最後以 1 分 45 秒食曬 --- 創舉呀 !

跟住我地好辛苦先哎倒 Miss Hau 比我地食埋包粟一條！

然後玩唱歌，

Miss Hau 就 show 「唱功」 --- 大唱英文 + 普通話歌 ；

關基泉     就 show 「懷舊」 --- 背唱許冠傑 / 許冠英Ｄ歌 ；

Kitty Yeung 就 show 「搞笑」 --- 大唱半斤八兩等歌 ......

跟住我地就做返辯論隊Ｄ野 lu ~

今日真係好開心，就好似開 party 一樣 --- 有野食，又有野玩！

Ni 日都幾難忘架！